bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 23
Jeremiah 23
Gussi (EBIBILIA ENCHENU) 2020
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 24 →
1
Obobe nobw’abarisia abwo bagosaria na goserebania ching’ondi chie riicho riane. Nabo Omonene atebire.
2
Aya naro Omonene, Nyasae bw’Abaisraeli, agoteba igoro y’abarisia, abwo babekire korenda abanto baane: “Inwe mwaserebanirie riicho riane, mwariseririe gochia aare, gose timwariechanderete. Naama! Nimbae inwe egesusuro ase engencho y’ogokora kwaino okobe.
3
Ase ayio inche omonyene ninsangererie abatigari be riicho riane, mbarusie korwa chinse chionsi agwo ase nabasiarerete gochia; nimbairanie gocha ase obweri bwabo, na barabwo nabaibore na komentekana.
4
Nimbabekere abarisia, abwo barabarende, na abanto baane tibakoba nobwoba nonya ng’ake, gose tibakoondoka, gose onde takonyara gosira. Nabo Omonene atebire.”
5
Omonene nigo agoteba iga: “Amatuko ngocha are ekero ndasebokie oyomo ore Omoseboka omoronge o Daudi. Oyio nabe omoruoti, oragambe nobong’aini na konacha ebina bi’ekeene na ebi’oboronge ase ense.
6
Ase amatuko aye Abayuda nabatoorigwe na Abaisraeli bamenye ase obotoereru, na oyio narokwe: Omonene Nere Oboronge Bwaito.”
7
Ase ayio Omonene otebire ng’a amatuko ngocha are, ekero abanto batakwane: “Ekeene, buna Omonene are moyo, oyio orusetie Abaisraeli korwa ase ense ya Misiri.”
8
Ribaga ri’ayio nigo barakwane: “Ekeene, buna Omonene are moyo, oyio orusetie na koraa ororeria rw’Abaisraeli korwa ase ense ya sugusu, na korwa ase chinse chionsi agwo ase abaseretie gochia.” Erio mbamenye ase ense yabo abanyene.
9
Amang’ana igoro y’ababani: Enkoro yane yairianyekire ime yane, amauga aane onsi atengechire; nabeire buna omonto otindire ase okonywa, na buna oyo edivai yabuire, ase engencho y’Omonene na ase amang’ana aye amachenu.
10
Ense eye nigo eichire nabatomani, nigo ekweumia ase engencho y’okoragererigwa, na amarisia ’erooro omire. Orogendo rw’abanto nigo rore orobe, ne chinguru chiabo nigo chire ase ogokora aya atari amaronge.
11
“Ababani na abakuani tibamoirogeti Nyasae. Nonya nase enyomba yane obobe bwabo bwarorekanire.” Nabo Omonene atebire.
12
“Ase ayio chinchera chiabo nachibe asebare buna chinchera chinterere ase omosunte, agwo ase baraserigwe gochia, bagweo. Nindete obobe igoro asebare ase omwaka oria ndabae egesusuro.” Nabo inche Omonene natebire.
13
“Naroche oboriri ase ababani ba Samaria, nigo barenge kobana ase erieta ri’enyasae Baali, na gotantania abanto baane Abaisraeli.
14
Korende narorire ababani ba Yerusalemu bakorire obobe goetania. Nigo bagokora obotomani na gosiarera oborimo. Nigo bakobeka abakori amabe chinguru, erinde onde taonchoka na gotiga ebibe biaye. Bonsi babeire asende buna abanto ba Sodomu, na abanto bamenyete Yerusalemu babeire buna aba Gomora.”
15
Aya naro Omonene bw’Emeganda agoteba igoro y’ababani abwo: “Naama! Nimbae ekemeri ekeroro barie, nimbae namache are nobosongo banywe. Korwa ase ababani ba Yerusalemu, ogotamoiroka Nyasae gwesiareire ase ense yonsi.”
16
Aya naro Omonene bw’Emeganda agoteba: “Timobaisa koigwera amang’ana ’ababani abwo bakonakobabanera na kobaichoria nogosemeria kw’obong’ainereria. Barabwo nigo bagokwana amaroro aye chindoto chie chinkoro chiabo, gose tari ayakorwa ase omonwa one inche Omonene.
17
Abwo nigo bagendererete gotebia abanto baria bachayete ring’ana riane: Omonene otebire ng’a namonyore omorembe. Naende batebia baria bakobwatia obomwenu bwe chinkoro chiabo: Amabe tagocha asemore.”
18
Ning’o ase egati y’ababani abwo otenenire ase ekegambero ki’Omonene koigwa na komanya ring’ana riaye? Gose ning’o otegereire ring’ana riaye na oriigure?
19
Rora, omwaga omotindi okorwa ase Omonene, oichire nendamwamu yaye enga buna ekerambauti osokire; nigo egocha igoro ase emetwe y’abanyabibe.
20
Omonene takoonchoka atige endamwamu yaye, goika aikeranie okogania kw’ebirengererio biaye ase okonacha ekina. Nigo morache komanya buya amang’ana ayio ase amatuko agocha.
21
“Inche tinatomete ababani abwo, korende nigo baminyogete boka abanyene; tinakwanete nabarabwo, korende nigo bagendererete kobana.
22
Korende onye ababani abwo mbaigwerete ogosemia kwane, nanga mbararetie amang’ana aane ase abanto baane, na nigo barenge gocha koonchora abanto batige ebibe biabo na ogokora kwabo okobe.
23
“Inee! Inche nigo inde Nyasae ore ang’e rioka? Tindi Nyasae ore aare boigo?
24
Naende inche Omonene nigo ngoteba: Inee! Omonto nanyare kwebisa aase are bobisi inche ntamorore? Tari inche oria inde aande onsi, igoro na ense?
25
Naigure amang’ana ’ababani abwo bagokwana, abwo bakobana oborimo ase erieta riane, bagoteba. Inche narotete, ee, narotete!
26
Inee! Ngoika ririri oborimo boragenderere koba ime ase chinkoro chi’ababani abwo bakobana obong’ainereria bwe chinkoro chiabo?
27
Ababani abwo barengereirie ng’a abanto baane nigo barebe erieta riane ase engencho ye chindoto chiabo babe bagotebania buna chisokoro chiabo chiebete erieta riane, chikaonchokera Baali.
28
Omobani oria obwate chindoto, tiga achikwane, korende oyobwate ring’ana riane, tiga arikwane ase obwegenwa. Inee! Omoiriro, ninki oisaine ekero okoreng’anigwa nengano? Nabo inche Omonene natebire.
29
Inee! Ring’ana riane tiriri buna omorero, naende buna enyundo egwatia ebitare? Nabo Omonene atebire.
30
Naende omonene otebire: Inche nigo inde mamincha y’ababani abwo bakoiba na koura abande amang’ana aane.
31
Boigo inche nigo inde mamincha y’ababani abwo bagokwana amang’ana abo abanyene na goteba ng’a Omonene otebire bo.
32
Naende nigo inde mamincha y’ababani abwo bakobana chindoto chi’oborimo, naende bachitebia abanto baane na igo babasiria. Ase ayio tibari gokonya abanto aba nonya ng’ake. Inche Omonene nakwanire.”
33
Omonene nigo agoteba iga: “Ekero oyomo bw’abanto aba, gose omobani, gose omokuani, arakoborie: Egurube y’Omonene nereri? Obairanerie, obatebie: Ninwe egurube yaye, ere nabaserie morueo.
34
Omobani, gose omokuani, gose omonto onde bwensi bw’abanto aba karakwane Egurube y’Omonene, inche nimoe egesusuro, ere amo neamate yaye.
35
Inwe nigo mogwenerete koborania, kera omonto nomogisangio oye, na kera oyomo noyomwabo: Mang’ana ki Omonene airaneria? Gose: Narari akwanire?
36
Korende timobaisa gwatora nonya ng’ake ring’ana eri: Egurube y’Omonene, ekiagera ring’ana ri’omonto nario rire egurube asare ere omonyene. Inwe mwasaririe na koonchorana amang’ana a Nyasae ore moyo, oyore Omonene bw’Emeganda. Nyasae oito.
37
Amang’ana aya naro oraborie ababani abwo: Ninki Omonene akoiraneirie? Gose: Narari akwanire?
38
Omonene nigo agoteba ng’a inwe moise kogenderera gokwana: Egurube y’Omonene, na kwanga koigwera, korende mogokwana amang’ana ayio Omonene abakanirie ng’a timobaisa gokwana bo,
39
rirorio inche nimbaserie morue ase obosio bwane, inwe amo nomochie oyio nabaete inwe ne chisokoro chiaino.
40
Inche nindete igoro asemore ogochaywa, na obosooku, ebio bigenderere koba asemore kare na kare.”
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52