bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 52
Jeremiah 52
Gussi (EBIBILIA ENCHENU) 2020
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Zedekia nigo arenge nemiaka emerongo ebere nomo, ekero aetwe oboruoti, akagamba emiaka ikomi nomo agwo Yerusalemu. Ng’ina nigo arenge korokwa Hamutali, mosubati o Yeremia, omonto korwa Libuna.
2
Zedekia oyio agakora ayare amabe ase obosio bw’Omonene, koreng’ana buna aria onsi Yehoyakimu akorete.
3
Ekeene, endamwamu y’Omonene ase Yerusalemu na ase Abayuda nigo yagerete akabarusia ase obosio bwaye. Ase engaki eyio Zedekia akaanga koigwera omoruoti o Babeli.
4
Ase omwaka o kianda, rituko ria ikomi ri’omotienyi o ikomi bw’okogamba kwa Nebukadinesaro, omoruoti o Babeli, amo nabarwani baye bonsi b’esegi bagacha korwania Yerusalemu. Barabwo bakayonaaria na bakaagacha orwaki rw’ogwekengera rokayoetanana.
5
Igo omochie oria okaba onaaririe goika omwaka o ikomi nomo bw’okogamba gwa Zedekia omoruoti.
6
Ase rituko ria kianda ri’omotienyi o kane, enchera ekaba enene mono ase omochie oria ime, goika endagera akabora kegima ey’abanto bakoria.
7
Erio chindwaki chi’omochie chikabochorwa, na abanto bonsi b’esegi bagatama botuko, bagaetera ase egeita kiarenge gati‐gati ye chindwaki ibere, ang’e nomogondo bw’omoruoti, nonya Abakalidayo banaaretie omochie ase chinsemo chionsi. Bagatama gochia ase Ekerubo Ekiomo.
8
Abarwani esegi b’Abakalidayo bakabwatia Zedekia omoruoti, bakamoikeera agwo ase ense omweya ya Yeriko, ekero abarwani baye bonsi b’esegi konya bamotigire na goserebekana.
9
Erio bakabwata omoruoti oria, bakamoira ase omoruoti o Babeli agwo ase omochie o Ribula, ase ense ya Hamati, na ere akamonachera ekina.
10
Agwo Ribula omoruoti oria agaita abana abamura ba Zedekia ase amaiso aye, agaita nabanene bonsi b’oboruoti bw’Abayuda.
11
Naende agakonora amaiso a Zedekia, akamosiba nebinyuri, akamoira Babeli, akamobeka ase echela, akamotiga aroro goika rituko ri’ogokwa kwaye.
12
Ase rituko ria ikomi ri’omotienyi o gatano, ase omwaka o ikomi na kianda bw’okogamba kwa Nebukadinesaro, omoruoti o Babeli, Nebusaradani, oyorenge omoteneneri bw’abarendi na omosomba bw’omoruoti o Babeli, agacha Yerusalemu.
13
Ere agasamba enyomba y’Omonene, na enyomba y’Omoruoti, ne chinyomba chionsi chia Yerusalemu; agasamba kera enyomba enene.
14
Abarwani esegi bonsi b’Abakalidayo, na baria barenge amo nomoteneneri oria bw’abarendi, bagatagora chindwaki chionsi chiaetanaine Yerusalemu.
15
Erio Nebusaradani, omoteneneri oria bw’abarendi, agoosa akaira ase obosomba abanto bande baria barenge abataka mono, amo nabanto bande konya batigaire ase omochie; boigo akaira abanto baria konya batameire omoruoti o Babeli bamokorere, akaira nabaroisia b’ebinto abatigarete.
16
Korende Nebusaradani oria omoteneneri bw’abarendi agatiga abanto bande barenge abataka mono b’ense eria babeere aroro. Abwo bakaba bakoroiseria emegondo y’emesabibu na gokora emeremo y’okorema.
17
Abakalidayo bakabuna chisiiro chie chitaai chiria chiarenge ime ase enyomba y’Omonene, na ebibekerero bi’ebituba, na egetuba keria ekenene mono kiaroisirie korwa ase etaai ebiarenge ase enyomba y’Omonene. Kobabibunire bikaba ebing’ese, bakaira etaai eria yonsi Babeli.
18
Boigo bakaira chindogio, na ebichiko, na ebinachi, ne chisani, na ebitaabo bi’ogosambera ubani, na ebikorero bionsi bie chitaai biarenge gokorerwa emeremo ase Hekalu.
19
Bakaira ne chibakuria chinke, ne chindogio chi’okorenta omorero, ne chisani, ne chinyongo, na ebibekerero bie chitaya, na ebitaabo bi’ogosambera ubani, na ebikombe bi’okoruerwa kw’ebinyugwa. Omoteneneri oria bw’abarendi akaira ebinto bionsi bie chitahabu chichenire, na ebie chifeta chichenire.
20
Oborito bwe chitaai chiaroisetie chisiiro chiria ibere, na egetuba keria ekenene mono, na emegwekano ye chieri ikomi na ebere yeroisirie korwa ase chitaai eyio yaimokereretie egetuba keria igoro, amo nebibekerero bionsi biria Sulemani omoruoti aroisetie ase enyomba y’Omonene, nigo bwaetanetie ekerengo.
21
Kera eyemo ye chisiiro chiria nigo yarenge nobotambe bw’amaboko ikomi na atano na atato, na engori y’obotambe bw’amaboko ikomi na abere ekayeetanana. Nigo yaroisetigwe buna omobirangwa na obonetu bw’etaai yaroisetie omobirangwa oria nigo bwarenge obogare bw’ebiara bine.
22
Na igoro ase kera esiiro, egesure nkiarengeo kiaroiseirie etaai, na obotambe bwaye nigo bwarenge obw’amaboko atano. Egechanga na emegwekano y’amatunda amakomomanga biaroisirie korwa ase chitaai, nigo biaetanaine egesure keria.
23
Ase chinsemo chiaye narengeo amakomomanga emerongo kianda, na atano na rimo. Amakomomanga onsi arenge igoro ase egesure ekemo ase chinsemo chiaye chionsi nigo arenge rigana erimo.
24
Omoteneneri oria bw’abarendi akaira Seraya, omokuani omonene, na Safania, omokuani o kabere, na abarendi b’egesieri batato.
25
Naende akaira korwa ase omochie oria omonto oyomo orenge omochiki bw’abarwani esegi, na abanto batano na babere b’ekegambero ki’omoruoti, abanyoretwe ase omochie ime, na omoriki bw’omochiki oria bw’abarwani esegi, oria orenge gokora omobaro bw’abanto b’ense eria, amo nabanto emerongo etano nomo b’ense eria, abanyorekanete ase omochie ime.
26
Nebusaradani, omoteneneri bw’abarendi, akababwata, akabaira ase omoruoti o Babeli agwo Ribula.
27
Omoruoti o Babeli akabaita bagakwera agwo Ribula, ase ense ya Hamati. Ase igo Abayuda bakarusigwa ase ense yabo, bakairwa ase obosomba.
28
Oyo noro omobaro bw’abanto Nebukadinesaro airete ase obosomba: ase omwaka o gatano na kabere akaira Abayahudi chilifu isato, na emerongo ebere, na batato (3,023).
29
Ase omwaka o ikomi na gatano na gatato. Nebukadinesaro akaira korwa Yerusalemu abanto amagana atano na atato, na emerongo etato na babere (832).
30
Ase omwaka bw’emerongo ebere, na gatato, bw’okogamba kwa Nebukadinesaro Nebusaradani, omoteneneri bw’abarendi, akaira Abayahudi amagana atano na abere, na emerongo ene na batano (745); bonsi Abanto abairetwe nigo barenge chilifu inye, na amagana atano na rimo (4,600).
31
Ase omwaka oria Ewili‐Merodaki akaba omoruoti o Babeli akarorera Yehoyakini amabera na ogosika, akamorusia echela. Ayio nigo akoregete ase rituko ri’emerongo ebere na gatano na kabere, omotienyi o ikomi na kabere, ase omwaka bw’emerongo etato, na gatano na kabere, nyuma Yehoyakini goosirwe.
32
Ewili‐Merodaki agakwana amang’ana ’obwororo nere, naende akamoa amasikani amanene kobua ayio aete abaruoti bande barenge amo nere agwo Babeli.
33
Ase igo Yehoyakini akaonchoreria chianga chiaye chi’obosibwa, na kera rituko ase obogima bwaye bwonsi akaba okoragera nomoruoti.
34
Omoruoti akamoa endagera yaye botambe na kera egento arenge kogania ase kera rituko ase obogima bwaye bwonsi goika ekero ki’ogokwa kwaye.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52