bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 50
Jeremiah 50
Gussi (EBIBILIA ENCHENU) 2020
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Aya naro Omonene akwanete goetera ase Yeremia omobani igoro y’omochie o Babeli na ense engima y’Abakalidayo:
2
“Kwana ase egati y’ebisaku, mobirarerie! Imokereria igoro ebendera na morarie! Timobaisa kobisa amang’ana aya, korende motebe: Babeli obwatirwe, enyasae Beli yasookigwe, na Merodaki yatirwe. Emegwekano egosasimwa ereo yasookigwe, ne chinyasae chi’aroro chiatirwe.
3
“Egesaku kiarure sugusu gocha korwania Babeli. Nagesarie ense eyio ebe buna erooro, na monto onde takomenya aroro; abanto nabatame ne ching’iti boigo.”
4
Omonene nigo agoteba iga: “Ase amatuko ayio, na ase engaki eyio, Abaisraeli amo n’Abayuda nabache amo babe bakorera na kondigia inche, Nyasae obo.
5
Barabwo mbaborie bamanye enchera ekogenda Sayoni, babe bakoonchora amasio abo gochia aroro, batebania: Inchuo tobwatane n’Omonene, tokore okobwatana kw’ogotianania nere, okwo koragenderere botambe gotanyare kwebwa.
6
“Abanto baane babeire buna ching’ondi chinsiru. Abarisia babo babasiririe, ekiagera babeire bakona‐kobaong’anyia ase ebitunwa. Nigo bakona‐koong’anya buna ching’ondi, bakobaetanania korwa ase ebitunwa goika ase ebigoro; ase igo abanto baane bebire obweri bwabo.
7
Abanto bande bonsi babanyorete nigo babakorete bobe. Ababisa babo babeire bagoteba: Intwe titori nokomocha ase ogokora iga, ekiagera barabwo bakorire ebibe ase Omonene obo, oyore obomenyo bwabo bw’ekeene, Omonene oyio orenge ogosemeria gwe chisokoro chiabo.
8
“Tama korwa Babeli, morue ase ense y’Abakalidayo, mobe buna chigoree chigotang’ana bosio bwe riicho.
9
Naama! Inche ngoseegeta nde omoganda bw’ebisaku ebinene, korwa ase ense ya sugusu, na barabwo bebeke ang’e korwania Babeli bayobue korwa ensemo eria ya sugusu. Chinsara chiabo nigo chinga buna omorwani omong’aini ore neganga otari koirana bosa.
10
Ense y’Abakalidayo nesakorwe, nabwo bonsi bakoyesakora nabaisaneke nebisakorwa ebio.” Nabo Omonene atebire.
11
“Inwe aba mwasakorete omwando one, nonya mwagogete na gochenga, naende more nokogania buna ritororo riarisirie obonyansi, na mogokwana buna chibarasi chituoni,
12
nyoko nabe nobosooku obonene, ee, omochie oyo okoiborete noichanigwe. Rora, ase egati ye chinse chi’ense oyio obe omoke mono kobua, nobe erooro enyomo ere bosa.
13
Ase engencho y’endamwamu y’Omonene Babeli nosirigwe kegima, gose tokomenywa rinde. Kera omonto orabe ogoeta Babeli nakumie na goichana mono ase engencho y’amaakwa aye.
14
“Inwe mwensi momanyete gokumba amata, ebeke ang’e morwanie Babeli ase chinsemo chiaye chionsi. Yorute chinsara, timotiga nonya neyemo, ekiagera okorire ebibe ase Omonene.
15
Imoka, aka eriogi ri’esegi ase chinsemo chiaye chionsi. Babeli bwerure omonyene; chiburi chiaye chiagure, chindwaki chiatagoirwe na koiyerigwa inse. Ekio negesiomba Omonene akorusia. Ase ayio, rusia egesiomba ase omochie oyio. Buna koreng’ana Babeli okorete moyokore boigo.
16
Siria kegima korwa Babeli omobusuri na oyokoimokia omoyio bwe rigesa, ekero engaki eyio yaikire. Ase engencho y’obwoba bw’omochandi, kera omomenyi nairane ase abanto baye, kera oyomo natame gochia ase ense yaye omonyene.
17
“Abaisraeli nigo banga buna ching’ondi chigoserigwa ne chindo na goserebanigwa gochia aaria na aaria. Ritang’ani omoruoti bw’Abaasuri akababua na kobasiria, na bono omoerio Nebukadinesaro, omoruoti o Babeli, otakunire amauga abo.
18
Ase ayio, aya naro Omonene bw’Emeganda, Nyasae bw’Abaisraeli, agoteba: Naama! Nindetere omoruoti o Babeli, amo nense yaye, egesusuro, buna nakorete ase omoruoti bw’Abaisraeli.
19
Ning’iranie Abaisraeli gocha ase obomenyo bwabo naende. Nabarabwo nabarie chindagera chiabo agwo ase egetunwa gia Karimeli, na ase orogongo rwa Basani, na okogania kwabo nagoisanekigwe agwo ase ebigoro bi’Efraimu, na ase Gileadi.
20
Omonene nigo agoteba iga: Ase amatuko ayio, na ase engaki eyio, ogosaria nakorigigwe ase Abaisraeli, ko tigokonyorekana, na ebibe ase Abayuda, ko tibikonyorekana, ekiagera inche Omonene ninyabere abanto abwo ndatigarie koba abatigari.”
21
Omonene otebire, “Genda morwanie ense ya Merataimu na abanto ba Pekodi. Mobabwatie korwa nyuma, mobaite na kobasiria kegima, mokore onsi aya nabachikire.
22
Eriogi ri’esegi riachire ase ense amo nogosirigwa okonene.
23
Naki enturago eria yaagete ense engima yaakirwe na gwateka! Naki Babeli osirigwe, na abanto baichanigwe ase okoyorora igo!
24
Aye Babeli, nagotegire noboreba, kwabwatirwe, nonya tikwamanyete ayio; kwanyorirwe na kobwatwa, ekiagera nkwamorwanetie Omonene.
25
Omonene oigoire ase agachete ebirwanero biaye, na ase endamwamu yaye obisokirie, ekiagera Omonene, Nyasae bw’Emeganda, nabwate emeremo agokora ase ense y’Abakalidayo.
26
Inchuo morwanie ense eyio korwa ase chinsemo chionsi, moigore ebiage biaye; mobeke ebinto bire imeo amo, bibe buna chitui chi’endagera. Mosirie ense eyio kegima; timobaisa gotigaria nonya negento ekemo.
27
Moite abarwani babo b’esegi banga buna chieri, mobaite bonsi pi. Obobe nobwabo, ekiagera rituko ri’ogosirigwa kwabo riachire, eyio nengaki yabo y’okonyora egesusuro.
28
“Igwa eriogi ri’abanto bagotama korwa ase ense ya Babeli, bakoraria ase Sayoni igoro y’Omonene, Nyasae oito, buna akoruseria Hekalu yaye egesiomba.
29
“Rangeria abanto bamanyete korwanera amata bachiche korwania Babeli. Moyoboere ase chinsemo chionsi, timotiga nonya nomonto oyomo atame atooreke. Yoakane koreng’ana nogokora kwaye. Buna koreng’ana oro okorete tiga okorerwe boigo, ekiagera omochie oyio oenenire ase Omonene, oyore Omochenu bw’Abaisraeli.
30
Ase rituko erio abamura b’omochie oyio, nabaitwe, bakwere agwo ase chinchera, na abarwani baye bonsi b’esegi nabasirigwe kegima. Nabo inche Omonene natebire.
31
“Naende inche Omonene, Nyasae bw’Emeganda, natebire: Aye Babeli ore omoenenu, igwa, inche nabeire mamincha yao; rituko riao riaikire, engaki eye ngokoa egesusuro.
32
Oyio ore omoenenu nagochwe na kogwa, gose monto onde takomogororokia. Nintongie omorero ase emechie y’ense eyio noro nosambe chinsemo chiaye chionsi.
33
“Aya naro Omonene bw’Emeganda agoteba: Abaisraeli amo n’Abayuda nigo bachandire. Abanto abwo babairete ase obosomba nigo bababwatete bokong’u, bangire kobaa ribaga bagende sobo.
34
Korende omobooria obo nigo are ne chinguru. Omonene bw’Emeganda nario erieta riaye. Ekeene, ere nabarwanerere, erinde arente obotoereru na omotimoko ase ense, korende narente omorero ase abanto bamenyete Babeli.
35
“Omonene nigo agoteba iga: Omoro obe igoro ase Abakalidayo, na igoro ase abanto bamenyete Babeli, na igoro ase abanene b’oboruoti obwo, na igoro ase abanto abang’aini b’ense eyio!
36
Omoro obe igoro ase abaringoria, erinde babe abariri! Omoro obe igoro ase abarwani baye bare chituoni, erinde basirigwe!
37
Omoro obe igoro ase chibarasi ne chigari chia Babeli! Omoro obe igoro ase abarwani esegi b’ense eng’ao, abare ase egati yabo, erinde obakore babe buna abakungu! Omoro obe igoro ase chinibo chiabo erinde chisakorwe!
38
Egurugura nebe igoro ase chindooche chiaye, erinde chikame amache! Ense eyio nigo eichire nemegwekano y’ogosasimwa, na abanto mbabe buna chibarimo ase ogosasima emegwekano eyio!
39
“Ase ayio ching’iti chi’orosana, amo ne chinyang’au, ne chisagero nachimenye ase ense eyio. Abanto tibagocha komenyao nonya ng’ake, korwa ekiaare goika ekiaare kogenderera botambe.
40
Buna yabete ekero keria Nyasae asiretie emechie ya Sodomu na Gomora, amo nemechie yarenge ang’e neyio, naboigo monto onde takomenya Babeli, gose mwanyabanto onde takomenya aroro. Nabo Omonene atebire.
41
“Naama! Abanto ngocha bare korwa sugusu, egesaku ekenene mono amo nabaruoti abange baseegetirwe korwa chinsinyo chi’ense.
42
Abanto abwo nigo babwate amata na amatimo, nigo bare abatindi, abatari namabera. Amariogi abo nigo akoeera buna okoeera kw’enyancha. Nigo bariinete chibarasi, berobeirie buna omonto bwebekire ang’e ase esegi, erinde babarwanie inwe, abanto ba Babeli.”
43
“Omoruoti o Babeli oigure amang’ana igoro yabo, amaboko aye aborirwe chinguru, omoichano omosoire, na obororo buna obw’omokungu okobina aibore.”
44
“Rora, buna koreng’ana endo egosoka korwa ase rinani rinoru ria Yorodan, erinde yagenda goita ching’ondi chire ime ase obweri obokong’u, naboigo na inche ndachiere abanto ba Babeli mobosokano, mbaserie batame korwa aroro. Onde bwensi ndachore nimobeke abe omorisia igoro asebare. Ning’o oranyare koreng’anigwa nainche? Ning’o orambekere rituko indue omobaro? Morisia ki oranyare kweegera ase obosio bwane?
45
Ase ayio, tegerera moigwe omoroberio inche Omonene nakorire igoro y’abanto ba Babeli, na okogania kwane mbwate igoro y’ense y’Abakalidayo. Ekeene, nonya nabana babo mbakururwe buna chimanwa chie ching’ondi chigokururwa chiairwa. Ee, ekeene, ense yabo nebaichanere.
46
Ekero Babeli orabwatwe, ense netengechigwe, na eriogi riaye narigugwe ase egati y’ebisaku.”
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52