bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 3
Jeremiah 3
Gussi (EBIBILIA ENCHENU) 2020
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
1
Omonene nigo agoteba iga: “Omonto karatigane nomokungu oye, na omokungu oria airwe nomonto omoao, inee, omosacha oria omotang’ani nairanere omokungu oria naende? Ense eria tekoba entwambu ase enchera eyio? Inwe mwakorire obotomani nabanchi abange. Na bono moganetie koirana asende?
2
Rigereria gochia ebitunwa igoro, morore! Ng’aase ki atigarete motakorereti obonyaka bwaino? Mwabeire mogoikaransa ase chinchera mbarabare motengerete buna Omoarabu ase erooro, moganyete abanchi baino. Mwakorire ense yabeire entwambu ase engencho y’obonyaka bwaino na obokayayu bwaino.
3
Ase engencho eyio embura rigengo yatangirwe tegotwa, naboigo nembura y’okwamia endagera. Korende nonya naboigo, amasio aino nigo anga buna ay’abakungu abatayayi, timorochi obosooku.
4
“Na bono iga mwachakire kondangeria mogoteba: Aye tata, aye naye gwatwanchete korwa obwana bwaito.
5
Inee! Omonene nigo aratobee goika kare na kare, na endamwamu yaye nigo eragenderere kobao goika omoerio? Ee, inwe nabo mogoteba, naende nigo mogendererete gokora amabe onsi buna moranyare.”
6
Ekero omoruoti Yosia arenge kogamba, Omonene agakwana nainche, agantebia, “Kwarorire amang’ana aya Abaisraeli batari abegenwa bakorire? Nigo batiirire gochia ase kera ekegoro egetambe, na bakagenda inse ya kera omote omobese, bagakorera obonyaka aroro.
7
Inche nigo narengereretie ng’a ekero bakoorire gokora amang’ana ayio onsi, nigo barang’iranere, korende tibang’iranereti; na Abayuda, abwo batarenge abegenwa, abare buna abasubati bamwabo Abaisraeli, mbaroche amang’ana ayio.
8
Inche nigo naseretie Abaisraeli, abwo bairanete nyuma, nkabaa rirube ri’ogotigana, ekiagera tibarenge abegenwa asende. Nonya naboigo Abayuda, abwo bare buna abasubati bamwabo, tibaroche obosooku, korende barabwo boigo bakagenda gokora obonyaka.
9
Tibabarete obonyaka gose ngento; ase ayio bagakora ense eye ekaba entwambu ase ogotaba abegenwa asende, bakaba bagosasima amagena na emete.
10
Amo nayio onsi Abayuda, abwo bare buna abasubati bamwabo Abaisraeli, batarenge abegenwa, tibang’iranerete ne chinkoro chiabo chionsi, korende ase okong’ainereria gwoka.” Nabo Omonene atebire.
11
Erio Omonene agantebia: “Abaisraeli batarenge abegenwa babeire abaronge kobua Abayuda baria bare abang’ainereria.
12
Genda orarie amang’ana aya gochia sugusu, obatebie ng’a inche Omonene nigo ngoteba iga: Inwe Abaisraeli motari abegenwa, ing’iranere; tinkogenderera koba nendamwamu asemore ekiagera ninde namabera. Ninche Omonene nakwanire.
13
Inwe ancha rioka ng’a nabamochi more, naende ng’a mwasaririe asende inche Omonene, Nyasae oino; mwabeire mokogenda gochia aaria na aaria inse y’emete yonsi emebese mogosasima chinyasae ching’ao, timwaigwerete eriogi riane.” Omonene otebire ayio.
14
Naende Omonene otebire iga: “Inwe abana baane motari abegenwa, ing’iranere, ekiagera ninche Omonene oino. Nindusie oyomo oino korwa ase kera omochie, na babere korwa ase kera eamate, mbarente ase egetunwa gia Sayoni.
15
Nimbae inwe abarisia abaya, abarangokie ase enkoro yane, abarabaragerie bare nobong’ani na okomanya.
16
Omonene nigo agoteba ng’a ase amatuko ayio, ekero morabuche na komentekana ase ense eyio, abanto tibagokwana nonya ng’ake igoro y’Esanduku y’Okobwatana kw’Omonene. Eyio tekoinyorwa naende, gose korengererigwa; gose eyende tekoroisigwa.
17
Ase engaki eyio Yerusalemu norokwe Oboikaranso bw’Omonene. Ebisaku bionsi nabisangererekane agwo Yerusalemu, ase obosio bw’Omonene, na tibikogania gotunyana naende oboenenu bwe chinkoro chi’obobe.
18
Ase amatuko ayio, Abayuda na Abaisraeli nababe amo nabarabwo, bachiche korwa ase ense ya sugusu goika ase ense eria naete chisokoro chiaino ekaba omwando obo.”
19
“Inche Omonene nigo narengereretie buna nare konyara kobabeka inwe ase egati y’abana baane, erinde mbae ense ere engiya mono, ense y’omwando ere engiya kobua ey’ebisaku binde bionsi. Nigo narengereretie ng’a inwe namondoke Tata, na timware koonchoka montige.
20
Korende koreng’ana buna omokungu otari omwegenwa agotiga omosacha oye, naboigo nainwe timori abegenwa asende, mogantiga. Inche Omonene nakwanire.”
21
Eriogi riaigurwe igoro ase ebitunwa bire bosa, eriogi ri’Abaisraeli ri’okorera na ogosorora, ekiagera barubanirie chinchera chiabo, banyebire inche Omonene, Nyasae obo.
22
Inwe abanto motari abegenwa, ing’iranere, nainche ningwenie ogotegena kwaino. Inwe nigo mogoteba: “Intwe twakoiraneire, ekiagera naye Omonene, Nyasae oito.
23
Amaene nigo ere bosa koba nogosemeria ase ebigoro na ase chigosori chimbe chire aroro. Omonene, Nyasae oito, nere ore ogotooreka kw’Abaisraeli.
24
Korwa amatuko a kare ay’obwana bwaito, enyasae eria y’obosooku yasiririe emeremo eye chisokoro chiaito chiakorete; yasiririe chitugo chiabo, na abana babo, abamura na abaiseke.
25
Tiga torare inse tobe nobosooku, na echayo ebe asetore, ekiagera twasaririe ase Omonene, Nyasae oito, korwa obwana bwaito goika rero iga, intwe amo ne chisokoro chiaito. Titwamoigwerete Omonene, Nyasae oito.”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52