bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Deuteronomy 6
Deuteronomy 6
Ilokano (Ti Biblia (1973))
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 7 →
1
Ita daytoy ti bilin, dagiti al-alagaden, ken linlinteg, nga imbilin ni Jehova a Diosyo nga isuroc cadacayo, tapno isuda ti aramidenyo iti daga nga incayo tagicuaen;
2
Tapno agamangaca ken Jehova a Diosmo, a salimetmetam amin nga al-alagadenna ken bilbilinna, nga imbilinco kenca, sica, ken ti anacmo a lalaki, ken ti anac ti anacmo, bayat dagiti al-aldaw a panagbiagmo; ken tapno dagiti al-aldawmo manayonda.
3
Denggem ngarud, O Israel, ket tungpalem nga aramiden; tapno agbalinca a naimbag ken umaduca iti casta unay, cas ni Jehova a Dios dagiti ammam incarina kenca, iti maysa a daga nga agayus ti gatas ken diro.
4
Denggem, O Israel: ni Jehova a Diostayo isu ti maymaysa a Jehova;
5
Ket sica ayatemto ni Jehova a Diosmo iti isu-amin a pusom, ken iti isu-amin a cabaelam.
6
Ket dagitoy a sasao nga ibilinco kenca iti daytoy nga aldaw, agyandanto ita pusom;
7
Ket isuromto a siaagawa dagitoy cadagiti annacmo, ket dagitoy ti sasaoem cadacuada no situtugawca iti balaymo, ken no magmagnaca iti dalan, ken no agiddaca, ken no bumangonca.
8
Ket ibedbedmonto ida ita imam a maysa a tandaan, ket isudanto ti pannacabedbed ti baet dagita matam.
9
Ket isuratmonto ida cadagiti babaotec ti ruangan ti balaymo, ken cadagiti rikepmo.
10
Ket maaramidto, a no ni Jehova a Diosmo yegnacanto iti daga nga insapatana cadagiti ammam, a da Abraham, Isaac ken Jacob, nga itedna kenca, dagiti dackel ken naimbag nga il-ili a dica pinatacder,
11
Ken dagiti balbalay a napno cadagiti nasayaat a banbanag, a dica indulin, ken bobbobon a kinutcutan, saan a sica ti nagcutcut, cauv-uvasan ken caol-olivaan, a saan a sica ti nagmula, ket mangancanto, ket mapneccanto;
12
Agaluadca ngarud di la ket ta malipatam ni Jehova, a nangaon kenca iti daga nga Egipto, nanipud iti balay ti nacaadipnan.
13
Agamangaca ken Jehova a Diosmo; ket agservicanto kencuana, ket agsapatacanto iti naganna.
14
Dica agsapul iti sabali a dios, cadagiti didios dagiti il-ili a aglawlaw cadacayo;
15
Ta ni Jehova a Diosmo nga adda iti tengngam isu ti manangimun a Dios; di la ket ta ti pungtot ni Jehova a Diosmo sumged a maibusor kenca, ket isu dadaelennaca nga iccaten iti rabaw ti daga.
16
Dicay suuten ni Jehova a Diosyo, cas pinangsuutyo kencuana idiay Massa.
17
Salimetmetanyonto nga agawaan dagiti bilbilin ni Jehova a Diosyo, ken dagiti pamanecnecna, ken dagiti alagadenna nga imbilinna kenca.
18
Ket sica aramidemto ti nalinteg ken nasayaat iti imatang ni Jehova; tapno naimbagto laeng kenca, ken tapno macastrecca, ken macapagtagicuaca iti naimbag a daga nga ni Jehova insapatana cadagiti ammam,
19
A pagtalawenan amin a cabusormo iti sangoanam, cas sinao ni Jehova.
20
No ti anacmo a lalaki saludsudenna kenca iti aldaw a masacbayan, a cunana, Ania ti caipapanan dagiti panpanecnec, ken al-alagaden, ken linlinteg, a ni Jehova a Diostayo imbilinna kenca?
21
Saoemto ngarud iti anacmo, Dacami idi dagiti ad-adipen ni Faraon sadi Egipto: ket ni Jehova inaonnacami sadi Egipto iti maysa a mannacabalin nga ima:
22
Ket ni Jehova imparangarangna dagiti pagtandaanan, ken pagsidsiddaawan, dackel ken nacadidigra iti Egipto, ken Faraon, ken isu-amin ti balayna, iti sango dagiti matami;
23
Ket isu inaonnacami idiay, tapno ipastrecnacami ken itedna cadatayo ti daga nga insapatana cadagiti ammatayo.
24
Ket ni Jehova imbilinna cadatayo nga aramidentayo amin dagitoy nga al-alagadenna, tapno agamangtayo ken Jehova a Diostayo, a pagimbagantayo iti agnanayon, tapno taginayonennatayo a biagen, cas itoy nga aldaw.
25
Ket isunto ti kinalinteg cadatayo, no tungpalentayo nga aramiden amin daytoy a bilin iti saclang ni Jehova a Diostayo, cas imbilinna cadatayo.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34