bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 10
Luke 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Ĩtina wa maũndũ asu Mwĩaĩi anyuva angĩ mĩongo mũonza, na amatũma elĩ na elĩ, mathi mbee wake kĩla ndũa na vandũ, vala wakilĩlye kũthi.
2
Na amea atĩĩ, Nĩw’o ngetha nĩ mbingĩ, ĩndĩ akethi nĩ avũthũ: kwondũ wa ũu voyai Mwĩaĩi wa ngetha, atũme akethi ngethanĩ yake.
3
Endai; na lĩlĩi, nĩngũmũtũma ta tũtena twa malondu katĩ wa nzũi.
4
Manyai ũkua ngusu ya mbesa, kana mũvuko, kana iatũ; na manyai ũkethya mũndũ nzĩanĩ.
5
Na o nyũmba ĩĩa mwĩlikaa, ambaai kwasya, Mũuo wĩthĩwe nyũmbanĩ ĩno.
6
Na ethĩwa vo ve mwana wa mũuo, mũuo wenyu ũkekala nake: ĩndĩ ethĩwa nde vo, ũkamũsyokea.
7
Na ĩkalai nyũmbanĩ ĩsu, mũkĩya na mũkĩnyw’a o kĩla memũnengae: nũndũ mũtethya wa wĩa nĩwaĩlwe nĩ ĩtuvi yake. Manyai kumaalanga mũkĩvotanga nyũmba ĩno na ĩno.
8
Na ndũa o na yĩva ĩla mwĩvotaa, na mamũthokya, ĩsaai syĩndũ ila syĩetawe mbee wenyu:
9
vosyai awau ala me vo, mũkĩmatavya, Nĩmũthengeewe nĩ ũsumbĩ wa Ngai.
10
Ĩndĩ ndũa o na yĩva ĩla mwĩvotaa, na malea kũmũthokya, endai nzĩanĩ syayo, mũkyasya,
11
O na kĩtoo kya ndũa yenyu, kĩla kĩkwatĩte nyaĩĩ sitũ, nĩtũũmũvangũlĩla: ĩndĩ manyai ũũ, ũsumbĩ wa Ngai nũmũthengee.
12
Na ĩndĩ nĩngũmũtavya, Sotomo ĩkethĩwa yĩ kavaa mũthenya ũsu, kwĩ ndũa ĩsu.
13
Woo nĩ waku, Kolasini! Woo nĩ waku, Vethisaita! Nũndũ kethĩwa mavinya ala mekĩtwe kwenyu, meekiwe Tile na Sitoni, andũ ma kw’o methĩwa maalyũlile ngoo tene, makĩkala nthĩ mekĩĩte makunia na kwĩyũmba mũu.
14
Ĩndĩ Tile na Sitoni kũkethĩwa kwĩ kavaa ũsilĩlonĩ, kũte inyw’ĩ.
15
Naku Kavelinaumi, ũkookĩlw’a kũvika ĩutnĩ? Ũkatheew’a kũvika vala maveva ma akw’ũ mekalaa.
16
Ũla ũmwĩw’aa inyw’ĩ, nũmbĩw’aa nyie; na ũla ũmũleaa inyw’ĩ, nũndeaa nyie; na ũla ũndeaa nyie, nũmũleaa ũla wandũmie.
17
Na ala mĩongo mũonza masyoka me atanu, makyasya, Mwĩaĩi, o na ndaimoni niũtwĩnyivĩsya syĩtwanĩ yaku.
18
Nake amea, Nĩnoonaa Satani avalũka kuma ĩtunĩ ta ũtisi.
19
Nĩmwenei, nĩnamũnenga ũkũmũ wa ũkinya ĩũlũ wa nzoka na ing’auũ, na ĩũlũ wa vinya w’onthe wa mũmaitha: na mũtikona ũndũ ũthũku nongi.
20
Ĩndĩ manyai ũtana nũndũ ndaimoni niũmwĩnyivĩsya; ĩndĩ tanai nũndũ masyĩtwa menyu nĩmaandĩkĩtwe ĩtunĩ.
21
Na saa ũsu Yesũ atana nthĩnĩ wa Veva Mũtheu, na asya, Nĩngũũkatha, Asa, Mwĩaĩi wa ĩtu na nthĩ, nũndũ maũndũ asu nĩwamavithie andũ oĩ na ala me na ũmanyi, na wavuanĩsye twana tũnini: ĩĩ, Asa; nĩkwĩthĩwa nĩw’o wendeesye kwaku.
22
Nĩnĩnengetwe maũndũ onthe nĩ Asa wakwa: na vai mũndũ wĩsĩ Mwana nũũ, ate o Asa; kana Asa nũũ, ate o Mwana, na mũndũ o na wĩva ũla Mwana ũkwenda ũmũvuanĩsya.
23
Na eethyũũĩa amanyĩw’a, na amea me nzama, Nĩ maathime metho ala mekwona maũndũ ala mũkwona:
24
nũndũ nĩngũmũtavya, athani na asumbĩ aingĩ mendie kwona maũndũ ala mũkwona, na maiaamona; na kwĩw’a maũndũ ala mũkwĩw’a, na maiaamew’a.
25
Na ĩndĩ, mũmanyĩsya ũmwe wa mĩao ookĩla amũtate, akyasya, Mũmanyĩsya, nĩĩka ata kana nĩtiĩwe thayũ ũtathela?
26
Nake amwĩa, Mĩaonĩ kũandĩkĩtwe ata? Ũsomaa ata?
27
Asũngĩa, amwĩa, Mwende Mwĩaĩi Ngai waku na ngoo yaku yonthe, na thayũ waku w’onthe, na vinya waku w’onthe, na kĩlĩko kyaku kyonthe; na mwende mũtũi waku o tondũ wĩyendete mwene.
28
Nake amwĩa, Wasũngĩa w’o; ĩka ũu, na ũkeethĩwa na thayũ.
29
Ĩndĩ we, akyenda kwĩnenga mwene ũlũngalu, amũkũlya Yesũ, Na mũtũi wakwa nũũ?
30
Yesũ amũsũngĩa na amwĩa, Mũndũ ũmwe nĩwaumie Yelusaleme atheee Yeliko; nake akwatwa nĩ avutani, ala mamũvutie ngũa na mamũkũnanga, na mathi, mamũtia akilĩlye kũkw’a.
31
Na kweethĩwa mũthembi ũmwe atheea na nzĩa ĩsu: na amwona, aathũkĩla ũtee wake.
32
Na Mũlivai ũmwe ta ũu, avika vala vandũ, na amwona, nake aathũkĩla ũtee.
33
Ĩndĩ Mũsamalia ũmwe, akĩthi kyalo, avika vala waĩ: na yĩla wamwonie, amwĩw’ĩa ĩnee,
34
na athi vala ũĩ, amwova kũla wakũnangĩtwe, aikwĩtĩkĩsya mauta na mbinyu; na amũtũlya nyamũnĩ yake ĩla yamũkuĩte amũtwaa nyũmbanĩ ya aeni, akamũwaĩsye vo.
35
Na ũnĩ ũsu aumya silingi ilĩ, amũnenga mwene wa nyũmba ĩsu, na amwĩa, Mũwasye nesa; na wavĩtũkya ii, ngakũtũngĩa ngĩsyoka.
36
Wĩasya nĩ wĩva wa asu atatũ, ũla wonanisye aĩ mũtũi wa ũla wakwatiwe nĩ avutani?
37
Nake asya, Nĩ ũla wamwĩw’ĩe tei. Na Yesũ amwĩa, Naku thi, wĩke ta ũu.
38
Na yu makĩthi na nzĩa, avota mũsyĩ ũmwe: na mũndũ mũka ũmwe ũla wetawa Matha amũthokya nyũmbanĩ yake.
39
Nake aĩ na mwĩĩtu‐a‐inyia wetawa Meli, nake ekala nthĩ maũũnĩ ma Yesũ, akĩthukĩĩsya ndeto syake.
40
Ĩndĩ Matha athĩniw’e nĩ wĩa; na athi vala ũĩ, na amwĩa, Mwĩaĩi, ndũkwona ũndũ mwĩĩtu‐a‐ia ũndekanĩsye na wĩa nĩtethye nĩ nyioka? Mwĩe andetheesye.
41
Ĩndĩ Mwĩaĩi amũsũngĩa, amwĩa, Matha, Matha, nũkwĩnyamasya na kwĩthĩn’ya na maũndũ maingĩ:
42
ĩndĩ no ũndũ ũmwe wĩ vata: nũndũ Meli nũnyuvie kĩlungu kĩseo, kĩla ũtakavenwa.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24