bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 2
Luke 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Na kweethĩwa matukũ asu mwĩao waumie kwa Kaisali Aukusito, nĩ kana andũ onthe maandĩkwe.
2
Na kũandĩka kũu kwaĩ kwa mbee yĩla Kwilinio waĩ ngavana wa Silia.
3
Na onthe mathi kũandĩkwa, kĩla mũndũ ndũanĩ yoo.
4
Na Yosevu nake ambata kuma Nasaleti, ndũa ĩmwe ya Kalilii, athi Yutia, avika ndũanĩ ya Ndaviti, ĩla yĩtawa Mbethelemu, nũndũ we aĩ wa nyũmba ya mũvĩa wa Ndaviti;
5
ni kana aandĩkwe vamwe na Meli, ũla wevaĩtye, nake aĩ mũito.
6
Na kweethĩwa, yĩla maĩ kw’o, matukũ make mavika ma ũsyaa.
7
Na asyaa kana kavĩsĩ ka mbee; na akavw’ĩka ngũa sya ũkenge, na akakomya mũvalatĩnĩ, nũndũ nyũmbanĩ ya aeni vaiaĩ ũthei woo.
8
Na nthĩ ĩsu kwaĩ aĩthi mekalaa weũnĩ, maisyaĩĩsya indo syoo ũtukũ.
9
Nao maumĩlĩlwa nĩ mũlaĩka wa Mwĩaĩi, na ũtheu mũtisu wa Mwĩaĩi wamamulĩka; nao makĩa mũno.
10
Na mũlaĩka amea, Ekai ũkĩa; nũndũ sisyai, nyie nĩnamũetee ũvoo mũseo wa ũtanu mũnene ũla ũkethĩwa wa andũ onthe:
11
nũndũ ũmũnthĩ, ndũanĩ ya Ndaviti, nĩmũsyaĩwe Mũtangĩĩi, nake nĩ Klĩsto ũla Mwĩaĩi.
12
Na wonan’yo kwenyu nĩ atĩĩ: Mũkoona kana kavw’ĩkĩtwe ngũa sya ũkenge, kamamĩtw’e mũvalatĩnĩ.
13
Na o kavinda kau, kwethĩwa vamwe na ũla mũlaĩka aingĩ ma nguthu ya ĩtunĩ, makĩmũkumya Ngai, makyasya,
14
Ngai nataĩwe ku ĩũĩũ mũno, Na mũuo wĩthĩwe kũũ nthĩ andũnĩ ala wendeeaw’a nĩmo.
15
Na kweethĩwa, yĩla alaĩka mamatiie makĩthi ĩtuni, aĩthi maneenan’ya ene kwa ene, Tũendei yu Mbethelemu, tũsisye ũndũ ũũ ũla weekĩka, ũla Mwĩaĩi watũmanyĩthya.
16
Na mathi mĩtũkĩ, na meethĩa Meli na Yosevu, na kala kaũkenge kamamĩtw’e mũvalatĩnĩ.
17
Na makona, matavan’ya ndeto ila mataviw’e ũndũ wa kala kana.
18
Na onthe ala meewie maseng’a kwondũ wa maũndũ ala mataviw’e nĩ aĩthi.
19
Ĩndĩ Meli ekalya ndeto isu syonthe ngoonĩ yake, akĩsũanĩa.
20
Na aĩthi masyoka, maimũtaĩa na maimũkumya Ngai ũndũ wa maũndũ onthe ala meewie na moonie, o tondũ mataviw’e.
21
Na matukũ nyanya mavika ma kũkaĩka, syĩtwa yako keetwa Yesũ, o tondũ keetiwe nĩ mũlaĩka katanamba kũitavwa.
22
Na matukũ meanĩa ma kwĩthesya kwoo kwĩanana na mĩao ya Mose, mambata nako Yelusaleme, kakanenganwe kwa Mwĩaĩi
23
(o tondũ kũandĩkĩtwe mĩaonĩ ya Mwĩaĩi, Kala kaũme kakasyawa mbee kaketawa katheu ka Mwĩaĩi),
24
na nĩ kana maumye nthembo o tondũ kwaĩtw’e mĩaonĩ ya Mwĩaĩi, Ndumbũ ilĩ, kana maswii elĩ ma mavũĩ.
25
Na ĩndĩ Yelusaleme kwaĩ mũndũ wetawa Simeoni; nake aĩ mũlũngalu na aĩ mũkĩi wa Ngai, akyeteela ũkiakisyo wa Isilaeli: na Veva Mũtheu aĩ ĩũlũ wake.
26
Nake nĩwonetw’e nĩ Veva Mũtheu, kana ndakona kĩkw’ũ, atanona ũla Klĩsto wa Mwĩaĩi.
27
Nake ooka ĩkalũnĩ atongoew’e nĩ Veva: na ĩthe na inyia mavota na kala kana Yesũ, nĩ kana meke nako tondũ wĩaĩtwe mĩaonĩ,
28
nake ĩndĩ akosa kana mokonĩ make, na amũkatha Ngai, akyasya,
29
Yu ĩndĩ, Mwĩaĩi, ngombo yaku nĩthi na mũuo, Tondũ waneenie;
30
Nĩkwĩthĩwa metho makwa nĩmoona ũtangĩĩo waku,
31
Ũla ũseũvĩtye mbee wa andũ onthe;
32
Kyeni kya kũmavuanĩsya Andũ‐ma‐mbaĩ‐ingĩ, Na ũtaĩo wa andũ maku Isilaeli.
33
Na ĩthe na inyia wako maseng’a ũndũ wa maũndũ ala maneeniwe ũndũ wako;
34
na Simeoni amaathima, na amwĩa Meli inyia wako, Nĩwene, kana kaa kaiĩtwe kethĩwe ũvalũko na wũkĩlo wa aingĩ ma Isilaeli; na wonan’yo ũla ũkakananĩw’a mũno;
35
ĩĩ, na ũvyũ ũkatonya ngoo yaku; nĩ kana mosũanĩo ma ngoo nyingĩ mavuanw’e.
36
Na vo vaĩ mwathani mũndũ mũka, ũla wetawa Ana, mwĩĩtu wa Vanueli, wa mbaĩ ya Aseli (nake aĩ mũkũu mũno, na nĩwekalĩte myaka mũonza na mũũme wake ĩtina wa wĩĩtu wake,
37
nake aĩ ndiwa myaka mĩongo nyanya na ĩna), o na ndaumaa ĩkalũnĩ, akĩthaitha na kũtĩĩa kũya na kwĩsũvana ũtukũ na mũthenya.
38
Nake ooka kavinda kau amũtũngĩa Ngai mũvea, na amatavya onthe ala meteele wovosyo wa Yelusaleme ũvoo wako.
39
Na mamina kwĩanĩsya maũndũ onthe ala meeaĩtwe mĩaonĩ ya Mwĩaĩi, masyoka Kalilii, na mathi ndũanĩ yoo Nasaleti.
40
Na kana kaneneva, na keethĩwa na vinya, na kausũwa nĩ ũĩ: na mumo wa Ngai waĩ ĩũlũ wako.
41
Na kĩla mwaka ĩthe na inyia wako maendaa Yelusaleme ĩvinda ya mboka ya vasaka.
42
Na kavikya myaka ĩkũmi na ĩlĩ, mambata o tondũ kweekawa ĩvinda ya mboka ĩsu;
43
na matukũ meanĩa, masyoka, na kĩvĩsĩ Yesũ kyatiwa Yelusaleme; ĩndĩ ĩthe na inyia wakyo maiaamanya ũu;
44
ĩndĩ matalĩthasya kĩ o vamwe namo nguthunĩ, na mathi mũendo wa syũa ĩima; na mambĩlĩlya ũkĩmantha andũnĩ ma mbaĩ yoo na andũnĩ ala meesene namo;
45
na malea ũkyona, masyoka Yelusaleme, maikĩmantha.
46
Na kweethĩwa, matukũ atatũ mathela makyona ĩkalũnĩ, kĩilyĩ katĩ wa amanyĩsya ma mĩao, kĩimethukĩĩsya, na kĩimakũlya mokũlyo:
47
na onthe ala makĩwie maseng’a ũndũ wa ũmnayi wakyo na mosũngĩo makyo.
48
Nao makyona, maseng’a; na inyia wakyo akĩkũlya, Mwana wakwa, ũtwĩkie ũu nĩkĩ? Nĩwene, au waku nakwa tũkũmanthie na kyeva.
49
Nakyo kyamea, Mwĩmanthĩaa kĩ? Mũiĩsĩ kana nĩnaĩlwe kwithĩwa wĩanĩ wa Asa wakwa?
50
Nao maiaamanya kĩtina kya ndeto ila kyamatavya.
51
Nakyo kyatheea nao, kũvika Nasaleti: na kyamenyivĩsya; na inyia wakyo aia maũndũ asu onthe ngoonĩ yake.
52
Na Yesũ aendeea akyũĩva na akĩana, e mwaĩlu kwa Ngai na kwa andũ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24