bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 18
Luke 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
1
Amatavya ngelekan’yo mamanye nĩmaĩlwe nĩ kũvoya mĩthenya yonthe, mateũleela;
2
akyasya, Kwaĩ mũsili ndũanĩ ĩmwe, ũla ũtakĩaa Ngai, o na ndoonaa mũndũ ta mũndũ:
3
Na ndũanĩ ĩsu kwaĩ mũndũ mũka ũmwe ndiwa; nĩwaendangaa kaingĩ vala ũĩ aimwĩa, Ndĩvanĩsya kwa nthũ yakwa.
4
Nake alea ĩvinda: na ĩtina wa ũu asya ngoonĩ yake atĩĩ, O na ethĩwa ndimũkia Ngai, o na ndyonaa mũndũ ta mũndũ;
5
ĩndĩ nũndũ mũndũ mũka ũũ ndiwa nũnũũnyamasya, nĩngũmũĩvanĩsya, ndakanosye akĩndokeanga mĩthenya yonthe.
6
Na Mwĩaĩi asya, Ĩw’ai ũndũ ũla mũsili ũte mũlũngalu ũnũkwasya.
7
Na Ngai ndakamaĩvanĩsya anyuve make, ala mamũĩĩa mũthenya na ũtukũ, o na amomĩĩsya?
8
Nĩngũmũtavya, akamaĩvanĩsya mĩtũkĩ. Ĩndĩ yĩla Mwana wa mũndũ ũkoka nũkethĩa mũĩkĩĩo nthĩ?
9
Amatavya ngelekan’yo ĩno nao ala metusaa ene alũngalu, makĩvũthya angĩ:
10
Andũ elĩ nĩmambatie ĩkalũnĩ kũvoya; ũmwe nĩ Mũvalisi, na ũngĩ nĩ mumya wa koti.
11
Ũla Mũvalisi aũngama avoya ngooni yake, Ngai, nĩngũũtũngĩa mũvea, nũndũ nditilyĩ ta andũ ala angĩ, avutani, ala mate alũngalu, ilaalai, kana o na ta mumya wa koti ũũ.
12
Kyumwa kĩmwe nĩndĩĩaa ũya kelĩ; na nĩnumasya kĩlungu kya ĩkũmi kya kĩla kĩndũ nĩ nakyo.
13
Ĩndĩ mumya wa koti aũngamĩte kũasa, na ndaaũngalalya metho make kũsisya ĩtunĩ, ĩndĩ eekũnanga kĩthũi, akyasya, Ngai, mbĩw’ĩa tei, nĩ mwathe nyie.
14
Nĩngũmũtavya, Mũndũ ũsu atheeie kwake atalĩlwe ũlũngalu kũte ũla ũngĩ: nĩkwĩthĩwa ũla wĩnenevasya mwene nũkanyivw’a; ĩndĩ ũla wĩnyivasya mwene nũkanenevw’a.
15
Na mamũetee twana twoo tũnini, atũkiite: na amanyĩw’a moona ũu, mamakan’ya.
16
Ĩndĩ Yesũ atwĩta tũke, kwake, akyasya, Tũekei twana tũnini tũke kwakwa, mũtikatũvate: nũndũ ũsumbĩ wa Ngai nĩ wa ala mailyĩ tatw’o.
17
Nĩ w’o nĩngũmwĩa, Ũla ũtosaa ũsumbĩ wa Ngai ta kana kanini ndakavota vo nongi.
18
Na mũnene ũmwe amũkũlya, akyasya, Mũmanyĩsya mũseo, nĩĩka ata kana nĩtiĩwe thayũ ũtathela?
19
Na Yesũ amwia, Nĩkĩ ũũmbĩta mũseo? Vai mũseo ate o ũmwe, nake nĩ Ngai.
20
Nũmĩsĩ ĩla mĩao, Ndũkalaalae, Ndũkoae, Ndũkoye, Ndũkaneene ũkũsĩ wa ũvũngũ, Taĩa au na mwenyu.
21
Nake asya, Maũndũ asu onthe nĩnamakwatie kuma nĩ mũnini.
22
Yesũ eew’a ũu, amwĩa, Ve ũndũ ũmwe ũtielye: Thoosya syĩndũ syonthe ila wĩ nasyo, ũnenge ngya, na ũkethĩwa na ũthwii ĩtunĩ: na ĩndĩ ũkyũka ũngatĩĩe.
23
Na eew’a ndeto isu, eew’a woo mũno; nũndũ aĩ mũthwii mũno.
24
Na Yesũ amũketeea na asya, Ko nĩ vinya ala athwii kũvota ũsumbĩnĩ wa Ngai!
25
Nũndũ nĩ ũvũthũ ngamĩle kũvotela kalimanĩ ka singano, kũte mũndũ mũthwii kũvota ũsumbĩnĩ wa Ngai.
26
Na ala meewie masya, Nũũ ĩndĩ ũtonya kũtangĩĩwa?
27
Nake asya, Maũndũ ala matatonyeka kwa andũ nĩmatonyeka kwa Ngai.
28
Nĩvo Vetelo waisye, Sisya, ithyĩ nĩtũtiĩte syĩndũ sitũ twakũatĩĩa.
29
Nake amea, Nĩ w’o nĩngũmwĩa, Vai mũndũ ũla waatia nyũmba, kana mũka, kana ana‐a‐inyia, kana asyai make, kana syana, kwondũ wa ũsumbĩ wa Ngai,
30
ũtakosa vandũ va kĩmwe nyingĩ ĩvindanĩ yĩĩ twĩ nayo, na ĩvinda yĩla yũkĩte thayũ ũtathela.
31
Na amomban’ya vala ũĩ ala ĩkũmi na elĩ, na amea, Sisyai, nĩtũkwambata Yelusaleme, na maũndũ onthe ala maandĩkiwe nĩ athani makeanĩwa kwa Mwana wa mũndũ.
32
Nĩkwĩthĩwa akanenganwe mokonĩ ma Andũ‐ma‐mbaĩ‐ingĩ, akathekeewa na kĩvũthya, na kũthĩnw’a mũno, na kũtw’ĩlangwa mata:
33
na makamũvũa na kũmũaa: na mũthenya wa katatũ akathayũũka.
34
Na maiaamanya, o na vanini, maũndũ asu; na ndeto isu nĩsyavithĩtwe kwoo, na maiaamanya ũla waneeniwe.
35
Na kweethĩwa, aithengeea Yeliko, kwaĩ kĩlilinda kyekalĩte ũtee wa nzĩa kĩivoya syĩndũ:
36
nakyo kyeew’a ĩkomano yĩvĩtĩte, kyakũlya nĩ ũndũ mwaũ.
37
Nao makĩtavya nĩ Yesũ wa Nasaleti ũvĩtĩte.
38
Nakyo kyookĩlya wasya, kĩkyasya, Yesũ Mwana wa Ndaviti, mbĩw’ĩa tei.
39
Na ala matongoetye makĩkan’ya, kĩkilye: ĩndĩ kyookĩlya wasya mũno mbee, Mwana wa Ndaviti, mbĩw’ĩa tei.
40
Na Yesũ aũngama, ameaĩa kĩetwe vala ũĩ: na kyathengeea, akĩkũlya,
41
Wĩenda ngwĩke ata? Na kyasya, Mwĩaĩi, nĩenda kwona nthĩ.
42
Na Yesũ akĩtavya, Ona nthĩ: mũĩkĩĩo waku nĩwakũvosya.
43
Na kavinda o kau kyanengwa kwona, na kyamũvikĩla, kĩimũkatha Ngai: na andũ onthe, moona ũu, mamũtaĩa Ngai.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24