bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 17
Luke 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Nake amea amanyĩw’a make, Kũitĩa kũka molulutĩkyo; ĩndĩ woo nĩ wa ũla ũtumaa molulutĩkyo moka!
2
Nĩ ũseo kwake kwoveewa ngingo ĩvia ya ũthia, akekw’a ũkanganĩ, kwĩ kũlulutĩkya kamwe ka tũũ tũnini.
3
Ĩsũvĩei ene: ethĩwa mwana‐a‐au eeka naĩ, mũkan’ye; na ethĩwa nũnũkũalyũla ngoo, mũekee.
4
Na akũvĩtanĩsya mavinda mũonza mũthenya ũmwe, na ooka moka mũonza, akyasya, Nĩnĩalyũlile ngoo; mũekee.
5
Atũmwa mamwĩa Mwĩaĩi, Twingĩvĩsye mũĩkĩĩo witũ.
6
Na Mwĩaĩi asya, Kethĩwa mwĩ na mũĩkĩĩo wĩana kaveke kamwe ka kalatali, no kũwĩa mũtĩ ũũ wa mũvolosati, Kũwa ũkavandwe ũkanganĩ; na no kũmwĩw’a.
7
Ĩndĩ kwenyu aĩva ũla wĩ na ngombo ĩla ĩnĩkwĩnza, kana kũĩthya malondu, na yĩla yoka kuma mũũndanĩ akĩmĩtavya, Ũka mĩtũkĩ, wĩkale nthĩ ũye?
8
Kaĩ ndakamĩtavya, Nzeũvĩsya lĩu nĩye, na ĩndĩ ũyĩvotoa, ũnthũkũme mũvaka nambe kũya na kũnyw’a; na ĩtina naku ũkĩya na kũnyw’a?
9
Nake nũmĩtũngĩaa ngombo mũvea nũndũ nĩyĩkie maũndũ ala yĩaĩwe?
10
Nenyu no ta ũu, mweeka maũndũ onthe ala mwĩaĩwe, aasyai, Twĩ ngombo ite ũtandĩthyo; nĩtwĩkĩte maũndũ ala twaĩlĩtwe nĩ kwĩka.
11
Na kweethĩwa yĩla maĩ nzĩanĩ makĩthi Yelusaleme, avĩtĩla katĩ wa Samalia na Kalilii.
12
Na aivota mũsyĩ ũmwe, akomana na aũme ĩkũmi ala mawaĩte mangũ, na maũngama me kũasa:
13
na mookĩlya mawasya moo, makyasya, Yesũ, Mwĩaĩi, twĩw’ĩe tei.
14
Na amona, amea, Endai mũkeyonan’ye kwa athembi. Na kweethĩwa, maendete, mathew’a.
15
Na ũmwe wamo, oona kana nĩwavow’a, asyoka, aimũkatha Ngai na wasya mũnene;
16
na avalũka na ũthyũ maũũnĩ ma Yesũ, akĩmũtũngĩa mũvea: nake aĩ Mũsamalia.
17
Na Yesũ asũngĩa, asya, Ala mathew’a ti ĩkũmi? Ala kenda maĩva?
18
Kũtinoneka angĩ meũsyoka kũtaĩa Ngai, ate o mũeni ũũ?
19
Na amwĩa, Ũkĩla ũthi: mũĩkĩĩo waku nĩwakũvosya.
20
Na akũlw’a nĩ Avalisi yĩla ũsumbĩ wa Ngai wĩũka, amasũngĩa na amea, Ũsumbĩ wa Ngai ndũkaa ũndũ wa kũsyaĩĩw’a:
21
o na matikasya, Sisyai, kũũ! Kana, Kũya! Nũndũ ũsumbĩ wa Ngai wĩ katĩ wenyu.
22
Nake amea amanyĩw’a, Mĩthenya nĩkoka yĩla mũkenda kwona ũmwe wa mĩthenya ya Mwana wa mũndũ, na mũtikawona.
23
Na makamwĩa, Sisyai, kũya! Sisyai, kũũ! Manyai kuma vala mũĩ, kana kũmavikĩla:
24
nũndũ o tondũ ũtisi ũtisaa ngalĩ ĩmwe ya ĩtu, na ũikena ngalĩ ĩla ĩngĩ ya ĩtu; Mwana wa mũndũ akethĩwa ailyĩ ũu mũthenyanĩ wake.
25
Ĩndĩ mbee wa maũndũ asu ndatĩa kũthĩnw’a na mathĩna maingĩ na kũlewa nĩ ũsyao ũũ.
26
Na o tondũ kweethĩiwe matukũ ma Noa, now’o kũkethĩwa kũilyĩ matukũ ma Mwana wa mũndũ.
27
Nĩmaĩsaa, nĩmanyusaa, nĩmatwaanaa, nĩmatwaawa, kũvika mũthenya ũla Noa wavotie ngalawanĩ, na kĩla kĩw’ũ kingĩ kyooka, na kyamananga onthe.
28
Now’o kweethĩiwe matukũ ma Loto: nĩmaĩsaa, nĩmanyusaa, nĩmathooaa, nĩmathooasya, nĩmavandaa, nĩmaakaa;
29
ĩndĩ mũthenya ũla Loto waumie Sotomo kwauie mwaki na mũvĩlĩtĩ kuma ĩtunĩ, wamananga onthe:
30
ũu now’o kũkethĩwa mũthenya ũla Mwana wa mũndũ ũkavuanw’a.
31
Mũthenya ũsu ũla ũkethĩwa nyũmbanĩ ĩũlũ, na syĩndũ syake syĩ nyũmbanĩ nthĩnĩ, ndakaatheee kũsyosa: no ta ũu ũla wĩ mũũndanĩ ndakaasyoke.
32
Lilikanai mũka wa Loto.
33
O ũla ũkenda ũvĩtya thayũ wake akawasya: ĩndĩ o ũla ũkasya thayũ wake akoovĩtya.
34
Nĩngũmwĩa, Ũtukũ ũsu kũkethĩwa aũme elĩ ũkomonĩ ũmwe; ũmwe nũkoswa, na ũla ũngĩ nũkatiwa.
35
Kũkethĩwa aka elĩ maithianĩa; ũmwe nũkoswa, na ũla ũngĩ nũkatiwa.
36
Andũ elĩ makethĩwa mũũndanĩ; ũmwe nũkoswa, na ũla ũngĩ nũkatiwa.
37
Na masũngĩa, mamũkũlya, Nĩ va Mwĩaĩi? Nake amea, O vala vethĩawa kimba, nĩvo ndei syũmbanĩaa.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24