bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 8
Luke 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Na kweethĩwa ĩvinda ĩnini yathela, athi angangĩla ndũanĩ na mĩsyĩ, akĩtavan’ya na kũnyaĩĩkya ũvoo mũseo wa ũsumbĩ wa Ngai, na ala ĩkũmi na elĩ maĩ vamwe nake,
2
na aka amwe ala mavoiw’e maveva mathũkũ na mowau: ũmwe nĩ Meli ũla wetwa Makatalene, ũla waumiw’e ndaimoni mũonza,
3
na Yoena, mũka wa Kusi, mũsyaĩĩsya wa syĩndũ sya Elote, na Susana, na angĩ aingĩ ala mamũtetheasya na isamũ syoo.
4
Na yĩla ĩkomano ĩnene yoombanie, na andũ ma kĩla ndũa mooka vala ũĩ, aneena na ngelekan’yo:
5
Mũvuĩi nĩwaendie kũvuĩa mbeũ syake: na akĩvuĩa, imwe syavalũka ũtee wa nzĩa; na syakinyangwa, ikĩĩwa nĩ nyũnyi sya yayaya.
6
Ingĩ syavalũka ĩvianĩ; na syamea na syooma, nũndũ vatyaĩ kĩmeu.
7
Na ingĩ syavalũka mĩw’anĩ; na mĩw’a yameanĩsya vamwe nasyo, na yainyita.
8
Na ingĩ syavalũka mũthanganĩ mũseo, na syamea, na syasyaa imwe ĩana. Amina kũneena ũu, aneena na wasya mũnene, Ũla wĩ matũ ma kwĩw’a, nĩew’e.
9
Na amanyĩw’a make mamũkũlya, Ngelekan’yo ĩno nĩ myaũ?
10
Nake asya, Inyw’ĩ mũnengetwe kũmanya nzama sya ũsumbĩ wa Ngai: ĩndĩ ala angĩ mamanyĩaw’a na ngelekan’yo; nĩ kana makyona matikone, na makĩw’a maikamanye.
11
Na ngelekan’yo nĩyo ĩno: Mbeũ nĩ ndeto ya Ngai.
12
Ala me ũtee wa nzĩa nĩmo ala mew’aa; na ĩndĩ ndevili akyũka, akyumya ndeto ngoonĩ syoo, maikese kwĩtĩkĩla matangĩĩwe.
13
Ala me ĩvianĩ nĩmo ala mew’aa, makĩkwata ndeto na ũtanu; ĩndĩ mati na mĩi, na nĩmo mekwĩtĩkĩla kavinda kanini, ĩndĩ ĩvinda ya kũtatwa nĩmeũtia.
14
Na ila syavalũkile mĩw’anĩ, nĩmo ala mew’aa, na maithi mainyitwa nĩ mawĩmakĩo na ũthwii na motanu ma thayũ ũũ, nao matisyaa ũsyao ũkavika.
15
Ĩndĩ ila syĩ mũthanganĩ mũseo, nĩ ala mew’aa ndeto na ngoo nzeo na ya w’o, mailũmya, na maisyaa ũsyao, me na wũmĩĩsyo.
16
Vai mũndũ ũkwatasya taa na akokunĩkĩlya kĩndũ, kana kwia ungu wa ũkomo; ĩndĩ nũnũkwia vala vatũlu, nĩ kana ala meũvota mone kyeni.
17
Nũndũ vai ũndũ ũvithe, ũla ũtakavuanw’a, kana kĩmbithĩ, kĩtakamanyĩka na kumbũka ũtheinĩ.
18
Ĩsũvĩei ĩndĩ ũndũ mũkwĩw’a; nũndũ ũla wĩ na kĩndũ, ũsu akanengwa; na ũla ũtaĩ, akavenwa kĩla ũkwasya e nakyo.
19
Na ĩndĩ inyia na ana‐a‐inyia make mooka vala ũĩ, na maaĩwa nĩ mwanya ũmũthengeea ũndũ wa ĩkomano.
20
Nake atavw’a, Mwenyu na ana‐a‐mwenyu maũngeme nza, nao nĩmekwenda ũkwona.
21
Ĩndĩ asũngĩa na amea, Mwaitũ na ana‐a‐ia makwa nĩ ala mew’aa na kwĩkaa ndeto ya Ngai.
22
Na kweethĩwa mũthenya ũmwe wa matukũ asu, alika ngalawanĩ, we na amanyĩw’a make; na amea, Tũingei mũingo ũya wa ĩia; na makũsya.
23
Na makĩthi na ngalawa akoma: na kĩuutani kĩnene kyatheea ĩianĩ; na manzĩ mavota ngalawanĩ, nao meethĩwa na mũisyo.
24
Na mathi vala ũĩ, mamũamũkya, maimwĩa, Mwĩaĩi, Mwĩaĩi, nĩtũũkw’a. Nake aamũka, na akan’ya kĩseve na itulumo; nasyo syausya, na kwaya ũuu.
25
Nake amakũlya, Mũĩkĩĩo wenyu ũĩva? Nao makĩa na maseng’a, makĩneenan’ya, Ũũ nũũ ĩndĩ, nũndũ nũnũkwĩaĩa o na iseve na manzĩ, na ikamwĩw’a?
26
Na mavika nthĩ ya Akelasene, ĩla yelekanĩle na Kalilii.
27
Na yĩla waumie akinya nthĩ, akomana na mũndũ ũmwe aumĩte ndũanĩ ĩsu, ũla waĩ na ndaimoni; na ĩvinda ĩasa ndeevw’ĩkaa ngũa, kana kwĩkalaa nyũmbanĩ, ĩndĩ ekalaa mbũanĩ.
28
Nake amwona Yesũ, akaya, na avalũka nthĩ mbee wake, na aneena na wasya mũnene, akyasya, Nĩ ũndũ naku wa kĩ we, Yesũ, Mwana wa Ngai Ũla Wĩ Ĩũlũ wa Onthe? Nĩngũkwĩsũva ndũkanyamasye.
29
Nũndũ nĩwawĩaĩe veva mũvuku wume mũndũnĩ ũsu. Nĩkwĩthĩwa mavinda maingĩ nĩwakwatawa nĩw’o: nake avingĩawa, na kwovwa na mĩnyololo na mbĩngũ; na aitusanga syonthe, alũngĩlĩlaw’a weũnĩ nĩ ndaimoni.
30
Na Yesũ amũkũlya, Syĩtwa yaku nue ata? Nake amũsũngĩa, Ninyie Nguthu, nĩkwĩthĩwa nĩwalikĩtwe nĩ ndaimoni nyingĩ.
31
Na ila ndaimoni syamwĩsũva mũno ndakasyĩe ithi ĩimanĩ yĩte kĩtulu.
32
Na vo vaĩ ĩĩthya ya ngũlũe nyingĩ ikĩya kĩĩmanĩ: na ndaimoni syamwĩsũva inengwe ũthei wa kwilika syo. Nake ainenga ũthei.
33
Na ndaimoni syauma mũndũnĩ, na syavota ngũlũenĩ: na ĩĩthya yatheea kĩvaũũkonĩ yĩsembete, yalika ĩianĩ, na yakw’ĩa vo.
34
Na ala maĩthasya ngũlũe moona ũndũ ũsu ũla weekĩka, makĩa, na matavan’ya ndũanĩ o na ndee.
35
Na andũ maumaala mathi ũsisya ũndũ ũla wĩkĩkie; na mathi vala ve Yesũ, na mamwona mũndũ ũla ũnaumiw’e ndaimoni, ailyĩ nthĩ maũũnĩ ma Yesũ, evw’ĩkĩte ngũa, e na kĩlĩko: na meew’a w’ĩa mũno.
36
Na ala moonie ũndũ ũsu mamatavya ũndũ ũnavoiw’e ũla waĩ na ndaimoni.
37
Na andũ onthe ma nthĩ ya Akelasene ngalĩ syonthe mamwĩsũva aume kwoo; nũndũ makwatiwe nĩ w’ĩa mwingĩ; nake alika ngalawanĩ, na asyoka.
38
Ĩndĩ ũla mũndũ ũnaumiw’e ndaimoni amwĩsũva ekalan’ye nake: ĩndĩ amũeka athi, aimwĩa,
39
Syoka nyũmba kwaku, ũkatavan’ye maũndũ ũndũ manenevete ala Ngai ũkwĩkie. Na athi, atavan’ya ndũanĩ yonthe maũndũ ũndũ manenevete ala Yesũ ũnamwĩkie.
40
Na Yesũ asyoka, ĩkomano yamũthaũa na ũtanu; nũndũ onthe nĩmamweteele.
41
Na sisya, kwooka mũndũ wetawa Yailu, ũla waĩ mũnene wa ĩsinakoke: nake avalũka maũũnĩ ma Yesũ, na amwĩsũva athi kwake;
42
nũndũ aĩ na mwĩĩtu wake o ũmwe, wa myaka ĩkũmi na ĩlĩ, nake aĩ vakuvĩ na kũkw’a. Na aendete avivinyw’a nĩ ĩkomano ya andũ.
43
Na mũndũ mũka ũla waumawa nĩ nthakame myaka ĩkũmi na ĩlĩ, na nĩwanangĩe ũthwii wake w’onthe kwa aiiti, na ndaaona ũmwe wa ũmũvosya,
44
athi ĩtina wake, akiita ũtiivo wa ngũa yake; na o ĩmwe nthakame yatuma.
45
Na Yesũ akũlya, Nũũ ũla wangiita? Na onthe makaĩa, na Vetelo na ala maĩ nake mamwĩa, Mwĩaĩi, andũ nĩmeũkũtindĩka na kũkũvivinya.
46
Ĩndĩ Yesũ asya, No nakiitwa; nũndũ nĩngwĩw’a vinya wauma kwakwa.
47
Na mũndũ mũka oona kana ndevithĩte, ooka aitetema, na avalũka mbee wake, na atavan’ya onthe makĩw’a ũndũ ũla ũtumie amũkiita, na ũndũ wavoa kavinda kau.
48
Nake amwĩa, Mwĩĩtu, mũĩkĩĩo waku nĩwakũvosya; enda na mũuo.
49
Atanamba ũmina ũneena, mũndũ ooka auma nyũmba ya mũnene wa ĩsinakoke, akyasya, Mwĩĩtu waku nĩwakw’a; manya kũnyamasya Mũmanyĩsya.
50
Ĩndĩ Yesũ eew’a ũu, amũsũngĩa, Ndũkakĩe: ĩkĩĩa, tũ, nake nũnũũvow’a.
51
Avika nyũmba, ndaaĩtĩkĩla mũndũ alike nake, ate o Vetelo, na Yoana, na Yakovo, na ĩthe na inyia wa kelĩtu.
52
Na onthe meethĩwa makĩĩa na kũkũnanga ithũi: ĩndĩ nake amea, Ekai kũĩa; nũndũ ti kakw’ũ, ĩndĩ nĩkakomete.
53
Nao mamũthekeea mũno, nũndũ nĩmeesĩ nĩ kakw’ũ.
54
Nake, akwata kw’oko kwako, aketa, akyasya, Kelĩtu, ũkila.
55
Na veva wako wasyoka, na kookĩla oyu: na eeaa kanengwe kya ũya.
56
Na asyai mako maseng’a mũno: ĩndĩ amea matikatavye mũndũ ũla weekĩka.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24