bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 16
Luke 16
Kamba (Mbivilia) 1956
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
1
Na amea amanyĩw’a make, Kwaĩ mũndũ mũthwii waĩ na mũsyaĩĩsya wa syĩndũ syake; na ũsu avinganĩw’a kwake kana nĩwaĩtye syĩndũ syake.
2
Nake amwĩta, amwĩa, Ũvoo ũla ngwĩw’a wĩkaa nĩ mwaũ? Umya ũtalo wa ũsyaĩĩsyo waku; nũndũ ndũtonya kwĩthĩwa mũsyaĩĩsya ĩngĩ.
3
Na ũla mũsyaĩĩsya aneena nthĩnĩ wake, Nĩĩka ata nũndũ vwana wakwa nũnũũmbumya ũsyaĩĩsyonĩ wakwa? Ndi na vinya wa kũĩma; na nĩngũsonoka kũvoya andũ syĩndũ.
4
Nĩnĩsĩ ũndũ ngwĩka, kana yĩla nĩumw’a ũsyaĩĩsyonĩ, menthokya nyũmbanĩ syoo.
5
Na amwĩta kĩla mũndũ waĩ na thiĩ na vwana wake, na amwĩa ũla wa mbee, Thiĩ ũla wĩ naw’o na vwana wakwa wĩana ata?
6
Nake asya, Ithimi ĩana sya mauta. Amwĩa, Osa valũa wa thiĩ waku, wĩkale nthĩ mĩtũkĩ ũandĩke mĩongo ĩtano.
7
Na amwĩa ũngĩ, Thiĩ waku wĩana ata? Nake asya, Ithimi ĩana sya nganũ. Amwĩa, Osa valũa wa thiĩ waku, ũandĩke mĩongo nyanya
8
Na vwana wake akatha mũsyaĩĩsya ũla ũte mũlũngalu nũndũ nĩwĩkĩte na ũĩ: nũndũ ana ma nthĩ ĩno nĩ oĩ ũsyaonĩ woo kũte ana ma kyeni.
9
Nakwa nĩngũmwĩa, Ĩmanthĩei anyanya na ũthwii ũla ũte wa ũlũngalu; nĩ kana yĩla wĩthela, mamwose inyw’ĩ mawĩkalonĩ ma tene na tene.
10
Ũla wĩ na kĩthito ũndũnĩ ũnini mũno, e kĩthito maũndũnĩ manene: na ũla ũte mũlũngalu ũndũnĩ ũnini, nake ti mũlũngalu maũndũnĩ manene.
11
Kwondũ wa ũu ethĩwa mũtyaaĩthĩwa na kĩthito na ũthwii ũla ũte wa ũlũngalu, nũũ ũla ũkamũĩkĩĩa na ũthwii ũla wa w’o?
12
Na ethĩwa mũtyaĩ na kĩthito na syĩndũ sya mũndũ ũngĩ, nũũ ũla ũkamũnenga syĩndũ syenyu ene?
13
Vai mũthũkũmi ũtonya kũthũkũma mavwana elĩ; nũndũ akamena ũmwe, na akĩmwenda ũla ũngĩ; kana akalũman’ya na ũmwe, na akĩmũvũthya ũla ũngĩ. Mũtitonya kũmũthũkũma Ngai na ũthwii.
14
Na Avalisi, ala mendaa mbesa, meew’a maũndũ asu onthe; na mamũvũthya.
15
Nake amea, Inyw’ĩ mwĩ ala mwĩtusaa ene alũngalu kwa andũ; ĩndĩ Ngai nĩwĩsĩ ngoo syenyu: nũndũ ũndũ ũla ũnenevaw’a nĩ andũ nũmenetwe mũno nĩ Ngai.
16
Ĩla mĩao na athani maĩ kw’o kũvika Yoana: na kuma ĩvinda yĩu ũvoo mũseo wa ũsumbĩ wa Ngai nũtavanaw’a, na kĩla mũndũ nũvotaa na vinya.
17
Ĩndĩ nĩ ũvũthũ ĩtu na nthĩ kũvĩta, kwĩ kaũkenyũsyo kamwe ka ĩla mĩao kũvalũka mana.
18
O ũla ũekaa mũka wake, na aitwaa ũngĩ, nũnũũlaalaa: na o ũla wĩmũtwaa ũsu ũeketwe nĩ mũũme nũnũũlaalaa.
19
Kwaĩ mũndũ mũthwii ũmwe wekĩaa ngũa ĩilyĩ ta ndune na ya katane nzeo, nake ekalaa akĩtana atekwaĩwa nĩ kĩndũ mĩthenya yonthe:
20
na kwaĩ mũndũ mũvoyi wa syĩndũ wetawa Lasalo, waĩawa mbingĩlonĩ yake, wausũĩtwe nĩ itau,
21
nake endaa kũathĩw’a tũlungu tũla twavalũkangaa ũla mũthwii akĩya; o na ngitĩ nĩsyookaa kũmũnyenya itau syake.
22
Na kweethĩwa, ũla mũvoyi akw’a, na atwawa nĩ alaĩka mamwia kĩthũinĩ kya Avalaamu: na ũla mũndũ mũthwii nake akw’a, na enzĩwa nthĩ.
23
Na e vala maveva ma akw’ũ mekalaa ookĩlya metho make, e kĩnyamaĩonĩ, na oona Avalaamu e kũasa, na Lasalo kĩthũinĩ kyake.
24
Nake ookĩlya wasya, akyasya, Asa Avalaamu, mbĩw’ĩa tei, noitũma Lasalo, atole manzĩ na mũthya wa kyaa kyake na kũnthithya ũĩmĩ wakwa; nũndũ nĩngũthĩnĩa vaa mwakinĩ ũũ.
25
Ĩndĩ Avalaamu asya, Mwana wakwa, lilikana nĩwanengiwe moseo maku yĩla waĩ thayũ, na ta ũu Lasalo maũndũ mathũku: na yu nũnũũkiakiĩw’a vaa, naku nũkũnyamaw’a.
26
Na vamwe na ũu w’onthe, katĩ wenyu naitũ nĩvekĩĩtwe ĩtw’ĩku ĩnene, nĩ kana ala mendaa kuma vaa mainganĩsye vau matikatonye, na ala me kũu maikainge kũka vala tũĩ.
27
Nake asya, Ĩndĩ, asa, nĩngũũvoya ũmũtũme nyũmba kwa asa wakwa;
28
nũndũ nĩna ana‐a‐ia makwa atano; nĩ kana amanenge ũkũsĩ, matikoke vaa vandũ va kĩnyamaĩo.
29
Ĩndĩ Avalaamu asya, Me na Mose na athani; mamethukĩĩsye mo.
30
Nake asya, Aiee, asa Avalaamu: ĩndĩ ũmwe auma akw’ũnĩ athi vala maĩ, makaalyũla ngoo.
31
Nake amwia, Malea kwĩthukĩĩsya Mose na athani, o na mũndũ auma akw’ũnĩ, matiketĩkĩla.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24