bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 7
Luke 7
Kamba (Mbivilia) 1956
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Na Yesũ amina kũneena ndeto syake syonthe ĩkĩw’ika nĩ andũ, alika Kavelinaumi.
2
Na mũnene ũmwe wa asikali ĩana aĩ na ngombo ndwau, yakilĩlye kũkw’a, nake nĩwamyendete mũno.
3
Na eew’a ũvoo wa Yesũ, atũma atumĩa ma Ayuti vala ũĩ makamwĩsũve oke kũmĩvoesya ngombo yake.
4
Nao, mavika vala ve Yesũ, mamwĩsũva mũno, makyasya, Ũsu nĩwaĩlwe nĩ kwĩkwa ũu;
5
nũndũ nĩwendete mbaitũ, na ĩsinakoke yitũ nĩwatwakĩe.
6
Na Yesũ athi nao. Na avika vakuvĩ na nyũmba, ũla mũndũ atũma anyanyae vala ũĩ, mamwĩe, Mwĩaĩi, manya kwĩnyamasya; nũndũ ndyĩanĩwe nue ũlika ungu wa kĩala kyakwa:
7
na ta ũu nĩnasya ndyĩanĩwe nĩ kũka kwaku: ĩndĩ neena ndeto tũ, na mũthũkũmi wakwa nũnũũvoa.
8
Nĩkwĩthĩwa nyie nĩ mũndũ ũla wĩaĩawa, na nĩ na asikalĩ makwa ĩtheo wakwa: na nĩngũmwĩa ũmwe, Thi, na akĩthi; na ũngĩ, Ũka, na akyũka; na ngombo yakwa, Ĩka ũna, nayo ĩkĩka.
9
Na Yesũ eew’a maũndũ asu, aseng’a ũndũ wake, na eethyũũa na amea andũ ala mamũvikĩlĩte, Nĩmwĩa atĩĩ, ndyaaona mũĩkĩĩo mũnene ta ũũ, aiee, o na nthĩnĩ wa Isilaeli.
10
Na ala matũmiwe, masyoka nyũmba, meethĩa ĩla ngombo ĩnavoa.
11
Na kweethĩwa ĩvinda ĩnini yathela, athi ndũanĩ ĩla yĩtawa Naini; na amanyĩw’a make, na andũ angĩ aingĩ, maendan’ya nake.
12
Na athengeea mbingĩlonĩ ya ndũa, sisya, nĩkwaumaalĩtw’e mũndũ mũkw’ũ, aĩ mwana e weka, na inyia aĩ ndiwa: na andũ aingĩ ma ndũa maĩ vamwe nake.
13
Na Mwĩaĩi amwona, amwĩw’ĩa ĩnee, na amwĩa, Eka kũĩa.
14
Na athengeea akiita mũsekeseke: na ala makuĩte maũngama. Nake asya, Mwanake, nĩngũũtavya, Ũkĩla.
15
Na ũla waĩ mũkw’ũ ekala nthĩ, na ambĩlĩlya ũneena. Na Yesũ amũnenga inyia wake.
16
Na onthe makwatwa nĩ w’ĩa: na mamũkatha Ngai, makyasya, Kũũ kwitũ nĩkumbũkie mwathani mũnene: na, Ngai nũmokĩe andũ make.
17
Na ũvoo ũsu wake wanyaĩĩka nthĩ yonthe ya Yutia, na nthĩ ila syamĩthyũlũlũkĩte.
18
Na amanyĩw’a ma Yoana mamũtavya maũndũ asu onthe.
19
Na Yoana ameta elĩ ma amanyĩw’a make na amatũma kwa Mwĩaĩi, makamũkũlye, Nue ũla wĩũka, kana tũmweteele ũngĩ?
20
Na yĩla aũme asu mavikie vala ũĩ, mamwĩa, Yoana Mũvatisi nĩwatũtũma vala ũĩ, nake asya, Nue ũla wĩũka, kana tũmweteele ũngĩ?
21
Na saa ũsu avosya andũ aingĩ mowau na mothĩn’yo na maveva mathũku; na ililinda nyingĩ syasalukw’a metho.
22
Na ĩndĩ asũngĩa amea, Endai, mũkamũtavye Yoana maũndũ asu ala mwonete na ala mwĩw’ĩte; ililinda nikwona, ala mathuaa nĩmeũthi, ala mawaĩte mangũ nĩmeũthew’a, ala au matũ nĩmekwĩw’a, ala akw’ũ nĩmeũthayũũkw’a, na ala ngya nĩmeũtavw’a ũvoo mũseo.
23
Nĩ mũathime o ũla ũtakona ũndũ wa ũlulutĩkw’a nthĩnĩ wakwa.
24
Na ala matũmiwe nĩ Yoana mamina ũthi, ambĩlĩlya kũneena na makomano ũndũ wa Yoana, akyasya, Mũnaendaa kũsisya kyaũ weũnĩ? Nĩ mũangi ũla ũthingithangw’a nĩ kĩseve?
25
Ĩndĩ mũnaendaa kwona kyaũ? Nĩ mũndũ wĩkĩe ngũa nduũku? Nĩmwenei, ala mekĩaa ngũa nzeo mbee, na me na lĩu mũseo, mekalaa kwa asumbĩ.
26
Ĩndĩ mũnaendaa kũsisya kyaũ? Nĩ mwathani? Ĩĩ, nĩngũmũtavya, nĩ ũla ũvĩtũkĩte mũno mwathani.
27
Ũsu nĩwe ũla waandĩkĩwe atĩĩ, Sisya, nĩngũtũma mũtũmwa wakwa mbee wa ũthyũ waku, Ũla ũkaseũvya nzĩa yaku mbee waku.
28
Nĩngũmũtavya atĩĩ, Katĩ wa ala masyaawa nĩ aka vai ũmwe ũvĩtũkĩte Yoana: o na kau ũla mũnini ũsumbĩnĩ wa Ngai nĩ mũnene kwĩ we.
29
Na andũ onthe, o na aumya ma koti, meew’a, mamũtala Ngai mũlũngalu, nũndũ mavatisĩtwe na ũvatisi wa Yoana.
30
Ĩndĩ Avalisi na amamyisya ma mĩao malea motw’io ma Ngai, kwa kũtavatiswa nĩwe.
31
Na Mwĩaĩi asya, Nĩelekan’ya na kyaũ andũ ma ũsyao ũũ, nao mavw’anene na kyaũ?
32
Mavw’anene na syana ila syĩkalaa kĩng’ang’anĩ, ila syĩtanaa; ikyasya, Twamũvuvĩa mũtũlilũ, nenyu mũinasũnga; twamũmetea, nenyu mũinaĩa.
33
Nũndũ Yoana Mũvatisi nĩwũkĩte ateũya kĩmũtũ na ateũnyw’a mbinyu; na inyw’ĩ mwĩasya, E na ndaimoni.
34
Mwana wa mũndũ nĩwũkĩte akĩya na akĩnyw’a; na inyw’ĩ mwĩasya, Sisyai, mũyi, na mũnywi, mũnyanyae wa aumya ma koti na andũ athe!
35
Ũĩ nũtalĩlawa ũlũngalu nĩ syana syaw’o syonthe.
36
Na ũmwe wa Avalisi enda aye lĩu nake. Na alika nyũmba ya Mũvalisi, na ekala nthĩ aye.
37
Na sisya, mũndũ mũka wa ndũa ĩsu, ũla waĩ mwathe, yĩla wamanyie kana nũnũũya lĩu nyũmanĩ ya Mũvalisi, aete sũva wa mauta,
38
na aũngama ĩtina vakuvĩ na maũũ make, akĩĩa, na ambĩlĩlya kũmwĩtĩkĩsya methoi maũũ make, na kũmanyasya na nzw’ĩĩ sya mũtwe wake, na kũmamumunyanga maũũ make, akĩmavaka ala mauta.
39
Na Mũvalisi ũla wamwĩtĩte oona ũu, avindya ngoonĩ yake, akyasya, Kethĩwa mũndũ ũũ nĩ mwathani, eethĩwa amanyie mũndũ mũka ũũ nũũ, na nĩ mũndũ mũka ũilyĩ ata ũla ũnũũmũkiita, atĩ nĩ mwathe.
40
Na Yesu amũsũngĩa amwĩa, Simoni, nĩ na kaũndũ ngwenda ũkũtavya. Nake asya, Mũmanyĩsya, neena.
41
Yesũ amwĩa Mũndũ ũmwe, mũkovethya, aĩ na andũ elĩ maĩ na thiĩ nake: ũmwe thiĩ wake waĩ silingi maana atano, na ũla ũngĩ mĩongo ĩtano.
42
Nao meethĩwa mate na kĩndũ kya ũmũĩva, amaekea thiĩ woo me elĩ. Nĩ wĩva ĩndĩ wa asu elĩ ũla wĩmwenda mbee?
43
Simoni amũsũngĩa, asya, Nĩngwasya nĩ ũla waekewe nyingĩ. Nake amwĩa, Watw’a nesa we.
44
Nake eethyũũĩa ũ mũndũ mũka, aimwĩa Simoni, Nĩwene mũndũ mũka ũũ? Nĩvotie nyũmba yaku, na ndũnanenga manzĩ ma ũthambya maũũ makwa: ĩndĩ ũyũ nĩwamathambya na methoi make, na nĩwamanyasya na nzw’ĩĩ syake.
45
Ndũnamumunya: ĩndĩ ũyũ yĩla nĩvotie, ndanaeka kũmamumunyanga maũũ makwa.
46
Ndũnambaka mũtwe wakwa mauta: ĩndĩ ũyũ nĩwambaka maũũ makwa mauta.
47
Kwondũ wa ũu nĩngũkũtavya, Naĩ syake, o na syĩ nyingĩ, nĩsyaekwa; nũndũ e wendo mwingĩ: ĩndĩ ũla ũekewe ũndũ ũnini, ũsu e wendo mũnini.
48
Nake amwĩa ũla mũndũ mũka, Naĩ syaku nĩsyaekwa.
49
Na ala mailyĩ nthĩ nake makĩya lĩu mambĩlĩlya kũvindya ngoonĩ syoo, Ũũ nũũ ũnũkũekea naĩ?
50
Nake amwĩa mũndũ mũka, Mũĩkĩĩo waku nĩwakũtangĩĩa; thi na mũuo.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24