bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 12
Luke 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Na ĩndĩ ĩvinda yĩu, andũ ngili nyingĩ moombana, mũvaka makinyangana, nĩvo ĩndĩ wambĩlĩlye kũmea amanyĩw’a make, Ĩsũvĩei ĩlawa ya Avalisi, nayo nĩ wangangan’yo.
2
Ĩndĩ vai ũndũ ũvw’ĩke, ũtakavuũwa; kana ũndũ ũvithe, ũtakamanyĩka.
3
Kwondũ wa ũu o ũla mwaneenee kĩvindunĩ ũkeew’ĩka kyeninĩ; na ũla mwaneenee na kĩwe tũsũmbanĩ twa nthĩnĩ ũkatavanĩw’a nyũmbanĩ ĩũlũ.
4
Nakwa nĩngũmũtavya anyanyawa makwa, Manyai ũmakĩa ala moaa mwĩĩ, na ĩtina maitonya ũndũ ũngĩ.
5
Ĩndĩ nĩngũmũtavya ũla mwaĩle kũmũkĩa: Mũkĩei ũla ĩtina wa kũaa wĩ na vinya wa kwĩkĩa Ngienanĩ; ĩĩ, nĩngũmũtavya, Mũkĩei ũsu.
6
Tũsũni tũtano tũithoow’a masendi elĩ? Na Ngai ndolwa nĩ kamwe katw’o.
7
O na nzw’ĩĩ syonthe sya mĩtwe yenyu nĩ ndale. Manyai ũkĩa ĩndĩ: inyw’ĩ mwĩ vata kwĩ tũsũni twingĩ.
8
Nakwa nĩngũmwĩa, Kĩla mũndũ ũla wĩmbumbũlaa mbee wa andũ, Mwana wa mũndũ akamumbũlaa mbee wa alaĩka ma Ngai:
9
ĩndĩ ũla wĩngaĩaa mbee wa andũ akakaĩawa mbee wa alaĩka ma Ngai.
10
Na ũla wĩmũneenea Mwana wa mũndũ ndeto, akaekewa: ĩndĩ ũla wĩmũuma Veva Mũtheu ndakaekewa.
11
Na yĩla makamũtwaa mbee wa ala ma masinakoke, na asumbĩki, na ala me na ũkũmũ wa kũsilĩla, mũikavũavũane ũndũ mwĩmasũngĩa kana ũndũ mwĩneena:
12
nũndũ Veva Mũtheu akamũmanyĩsya saa o ũsu ũndũ ũla mwaĩlwe nĩ kũneena.
13
Na ũmwe wa ĩkomano amwĩa, Mũmanyĩsya, mũtavye mwana‐a‐ia andaĩe ũtiĩwa.
14
Ĩndĩ amwĩa, Mũndũ we, nũũ ũla ũndw’ĩte mũsili kana mũaan’ya ĩũlũ wenyu?
15
Nake amea, Ĩmanyĩlĩlei na ĩsũvĩei wendi w’onthe: nũndũ thayũ wa mũndũ ndumaa syĩndũnĩ syake, o na syĩ nyingĩ ata.
16
Na amatavya ngelekan’yo, akyasya, Mũũnda wa mũndũ mũthwii ũmwe wasyaĩte mũno:
17
na avindya ngoonĩ yake, akyasya, Nĩĩka ata, nũndũ ndi na vandũ va kũtuĩsya isyo syakwa?
18
Na asya, Ngeeka ũũ: ngathasya makũmbĩ makwa, nake angĩ manene; na vau ngatuĩsya isyo syakwa na isamũ syakwa syonthe.
19
Na ĩndĩ ngatavya ngoo yakwa, Ngoo, isamũ wĩ nasyo sya myaka mingĩ; thũmũa, ũkĩĩsaa na ũkĩnyusaa, wĩw’e mũyo.
20
Ĩndĩ Ngai amwĩa, Wĩ ndia we, ũtukũ ũũ thayũ waku nũkwoswa; isamũ isu wĩyũmbanĩsye, ikatw’ĩka syaũ?
21
Nĩw’o ũilyĩ mũndũ ũla wĩyũmbanĩasya isamũ, na ti mũthwii kwa Ngai.
22
Amea amanyĩw’a make, Kwondũ wa ũu nĩmwĩa, Mũikemakĩe ũndũ wa mathayũ menyu, kĩla mwĩya, kana ũndũ wa mĩĩ yenyu, kĩla mwĩĩvw’ĩka.
23
Nũndũ thayũ ũvĩtũkĩte lĩu, na mwĩĩ ũvĩtũkĩte ngũa.
24
Sũanĩai ũvoo wa ngũngũũ, nĩkwĩthĩwa itivandaa, na itikethaa; na iti na vandũ va kũmbanĩsya kana ĩkũmbĩ; na Ngai nĩwiĩthasya: inyw’ĩ mũi vata mũno kwĩ nyũnyi?
25
Na kwenyu aĩva ũla ũtonya kwĩyongeleela ũasa wake mũkono ũmwe kwondũ wa kwĩmakĩa?
26
Ĩndĩ ethĩwa mũtitonya kwĩka ũndũ ũla ũnini, mwĩĩmakĩa nĩkĩ ũndũ wa maũndũ ala angĩ?
27
Sũanĩai ũvoo wa malaa ma lili, ũndũ mameaa: maitethasya wĩa, na maiokothaa; ĩndĩ nĩngũmũtavya, O na Solomoni ndaĩanĩ yake yonthe ndaaĩvw’ĩka ta yĩmwe yamo.
28
Ĩndĩ ethĩwa Ngai nũvw’ĩkaa nyeki ya kĩthekanĩ ta ũu, ĩla ĩnĩkwĩkala ũmũnthĩ, na ũnĩ ĩkekw’a ikonĩ; ndakamũvw’ĩka inyw’ĩ mbee mũno, inyw’ĩ ma mũĩkĩĩo mũnini?
29
Nenyu manyai ũmantha kĩla mwĩya, na kĩla mwĩnyw’a, o na mũikethĩwe na nzika.
30
Nũndũ syĩndũ isu syonthe nimanthawa nĩ mbaĩ sya nthĩ: ĩndĩ Ĩthe wenyu nĩwĩsĩ mwĩ na vata wa syĩndũ isu.
31
Ĩndĩ inyw’ĩ manthai ũsumbĩ wa Ngai, na syĩndũ isu nĩmũkongeleelwa.
32
Manyai ũkĩa, inyw’ĩ ĩĩthya ĩnini; nũndũ Ĩthe wenyu nĩwendeew’e nĩ kũmũnenga ũsumbĩ.
33
Tai ila mwĩ nasyo mũnengane motethyo; tumai ngusu itakũaa, ũthwii wĩ ĩtunĩ ũtanyivaa, vala kĩng’ei kĩtathengeaa, o na lungulu ũtananga.
34
Nũndũ vala ve ũthwii wenyu, nĩvo vethĩawa ngoo syenyu nasyo.
35
Mwĩthĩwe mwĩvotoete inyunyunĩ, na mataa menyu makanĩte;
36
nenyu mwĩthĩwe ta andũ ala meteele vwana woo, yĩla wĩsyoka kuma mũtwaanonĩ; nĩ kana akyũka na kũvingũsya, mamũvingũĩe mĩtũkĩ.
37
Nĩ ngathime ngombo ila ikethĩwa isyaĩĩsye vwana wasyo akyũka: nĩ w’o nĩngũmũtavya, akeevotoa na kũsyĩkalya nthĩ iye, na akooka kwithũkũma.
38
Na ethĩwa akooka ũsyaĩĩsyonĩ wa kelĩ, kana wa katatũ, na asyĩthĩa ta ũu, nĩ ngathime ngombo isu.
39
Ĩndĩ manyai ũũ, kethĩwa mwene wa nyũmba nĩwesĩ saa ũla kĩng’ei kĩkoka, ethĩwa asyaĩĩsye, o na ndaĩ aeka nyũmba yake ĩtũlwe.
40
Nenyu ĩkalai mwĩyũmbanĩtye: nĩkwĩthĩwa Mwana wa mũndũ akooka saa ũla mũtataĩĩe.
41
Na Vetelo akũlya, Mwĩaĩi, ngelekan’yo ĩno watũtavya ithyĩ, kana nĩ ya andũ onthe?
42
Mwĩaĩi asya, Mũsyaĩĩsya wa syĩndũ wĩ kĩthito na mũĩ nũũ, ũla ũkaiwa nĩ vwana wake ĩũlũ wa andũ make onthe, amanenge lĩu woo ĩvinda yaw’o?
43
Nĩ ngathime ngombo ĩla ĩkethĩwa ĩkĩka ta ũu, yĩla vwana wayo wĩũka.
44
Nĩ w’o nĩngũmwĩa, akamĩtw’a mũnene ĩũlũ wa isamũ syake syonthe.
45
Ĩndĩ ethĩwa ngombo ĩsu ĩkasya ngoonĩ yayo, Vwana wakwa nĩwĩkalĩte atekũka; na ĩkyambĩlĩlya kwakũnanga athũkũmi, aũme na aka, ĩkĩya, ĩkĩnyw’a, na ĩkĩtoona;
46
vwana wa ngombo ĩsu akooka mũthenya ũla ĩtataĩĩe, na saa ũla ĩtesĩ, nake akamĩkũna mũno, na akamĩnenga kĩanda kyayo vamwe na ala mate kĩthito.
47
Na ngombo ĩla yesĩ ũndũ vwana wayo ũnũkwenda, ĩndĩ ndĩaaĩyũmban’ya na ndĩaĩĩka kwenda kwake, ĩsu ĩkakũnwa makũna maingĩ;
48
ĩndĩ ĩla ĩtesĩ, na yekie maũndũ ala meanĩwe nĩ ũkũnwa, ĩsu ĩkakũnwa makũna manini. Na ũla ũnũũnengwa nyingĩ, nũketw’a nyingĩ: na ũla makamũnenga syĩndũ nyingĩ, ũsu makamwĩtya nyingĩ mbee.
49
Nĩnookie kwĩkya mwaki nthĩ; na ethĩwa nĩwakaniw’e nĩenda ata mbee?
50
Nĩ na ũvatiso wa kũvatiswa naw’o; na nĩngũthingaatwa mũno kũvikĩa ũndũ ũsu wĩanĩw’e!
51
Inywĩ’ mwĩasya nĩnookie kũete mũuo nthĩ? Nĩngũmũtavya, Ti w’o; ĩndĩ nĩ ũtilĩkangano:
52
nũndũ kuma yu vakeethĩwa andũ atano nyũmba ĩmwe makatanĩsya, andũ atatũ na elĩ, na elĩ na atatũ.
53
Makeethĩwa makĩtaanganĩsya, ĩthe na mwana, na mwana na ĩthe; inyia na mwĩĩtu wake, na mwĩĩtu na inyia wake; inyia wa mũũme na mũka wa mwana, na mũka wa mwana na inyia wa mũũme.
54
Nake amea andũ ma ĩkomano, Yĩla mũkwona ĩthweo yĩkyũkĩla ũthũĩlonĩ wa syũa, mĩtũkĩ nĩmũkwasya, Mĩono ya mbua nĩyũkĩte; na kũkĩkĩka ũu.
55
Na yĩla mũkwona kĩseve kĩkyuma ngalĩ ya ĩtheo nĩmũkwasya, Kũkavyũva mũno; na kũkĩkĩka ũu.
56
Inyw’ĩ angangan’ya, nĩmwĩsĩ kũvathũkan’ya maũndũ ma nthĩ na ma ĩtu; kũilyĩ ata ĩndĩ mũtesĩ kũvathũkan’ya ĩvinda yĩĩ?
57
Na nĩkĩ inyw’ĩ ene mũtisilaa katĩ?
58
Na yĩla ũendete na mũvinganĩsya waku kwa mũsili, mwĩ nzĩanĩ tata mũno wĩw’ane nake; nĩ kana ndakese ũkũtwaa kwa mũsili, na mũsili ũsu aikũnengane kwa ĩkanga, na ĩkanga yĩikwĩkĩa kolokolonĩ.
59
Nĩngũkwĩa, Ndũkauma vo nongi mũvaka waĩva kũvika kawela ka mũminũkĩlyo.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24