bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 21
Luke 21
Kamba (Mbivilia) 1956
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
Nake ookĩlya metho, na oona ala athwii makĩlekya nthembo syoo vala valekelaw’a.
2
Na oona mũndũ mũka ndiwa, ũla, waĩ ngya akĩkĩa tũwela twĩlĩ.
3
Na asya, Nĩ w’o nĩngũmwĩa, Ndiwa ĩno ngya nĩyekĩa nyingĩ kwĩ onthe:
4
nũndũ aa onthe meekĩa nthembo syoo nũndũ wa kwingĩvĩwa kwoo; ĩndĩ ũũ kuma ũkyanĩ wake eekĩa wĩkwatyo w’onthe wa thayũ ũla eĩ naw’o.
5
Na amwe makĩneena ũvoo wa ĩkalũ, ũndũ yanakavĩtw’e na mavia maseo na maelo ma andũ, nake asya,
6
Ũndũ wa syĩndũ ii ila mũkwona, mĩthenya nĩyũkĩte, yĩla vaa vatakatiwa ĩvia ĩũlũ wa yĩngĩ, yĩla yĩtakaombowa.
7
Na mamũkũlya, makyasya, Mũmanyĩsya, maũndũ asu makethĩwa ĩndĩĩ? Na wonan’yo nĩ wĩva yĩla maũndũ asu makathengeea kwĩanĩw’a?
8
Na asya, Ĩsũvĩei mũtikaaw’e! Nũndũ aingĩ makooka na syĩtwa yakwa, makyasya, Ninyie we; na, Ĩvinda nĩ ĩthengeeu: manyai kũmaatĩĩa.
9
Na yĩla mũkew’a ũvoo wa makaũ na ithokoo, manyai kũtw’ĩka nda: nũndũ maũndũ asu mati ndĩi ya ũlea kwĩkĩka mbee; ĩndĩ mũminũkĩlyo ndũnavika.
10
Na ĩndĩ amea, Mbaĩ ĩkookĩlĩla mbaĩ, na ũsumbĩ ũkookĩlĩla ũsumbĩ;
11
na kũkeethĩwa itetemo nene sya nthĩ, na mayũa na mĩimũ kũũ na kũũ; na kũkeethĩwa motĩsyo na mawonan’yo manene makyuma ĩtunĩ.
12
Ĩndĩ mbee wa maũndũ asu onthe, makamũkwata, na kũmũthĩn’ya na kũmũnengane mũtwawe masinakokenĩ na makolokolonĩ, na makĩmũtwaa mbee wa asumbĩ na makavana kwondũ wa syĩtwa yakwa.
13
Na maũndũ aa makeethĩwa ũkũsĩ wenyu.
14
Kwondũ wa ũu ĩtw’ĩĩei ngoonĩ syenyu mũikasũanĩe mbee ũla mũkasũngĩa:
15
nũndũ nyie ngamũnenga kanyw’a na ũĩ, ũla nthũ syenyu syonthe itakatonya kũlea kana kũkananĩa.
16
Ĩndĩ mũkanenganwe nĩ asyai menyu, na ana‐a‐inyia menyu, na mbaĩ yenyu, na anyanyae menyu; na amwe menyu nĩmakamũaĩthya.
17
Na nĩmũkamenwa nĩ andũ onthe kwondũ wa syĩtwa yakwa.
18
Ĩndĩ ũswĩĩ ũmwe wa mĩtwe yenyu ndũkaa.
19
Kwondũ wa wũmĩĩsyo wenyu mũkavonokya mathayũ menyu.
20
Ĩndĩ yĩla mwĩona Yelusaleme yeelingĩlwa nĩ ita, manyai kana wanangĩko wayo wĩ vakuvĩ.
21
Ĩvinda yĩu ala me Yutia makie mathi iĩmanĩ; na ala me nthĩnĩ wayo maume vo; na ala me ndee matikavote vo.
22
Nũndũ matukũ asu nĩ ma ũĩvanĩsyo, nĩ kana maũndũ onthe ala maandĩkĩtwe meanĩw’e.
23
Woo nĩ wa ala aito na wa ala mekwongya mĩthenya ĩsu! Nũndũ kũkethĩwa ũnyamao mũnene nthĩ, na ũthilĩku ĩũlũ wa andũ aa.
24
Nao makavalũkw’a kwa kũtemangwa na ũvyũ, na makatwawa me atave mbaĩnĩ syonthe: na Yelusaleme ũkakinyangw’a nĩ Andũ‐ma‐mbaĩ‐ingĩ, mũvaka mavinda ma Andũ‐ma‐mbaĩ‐ingĩ meanĩw’e.
25
Na kũkethĩwa mawonan’yo syũanĩ na mweinĩ na ndatanĩ; na kũũ nthĩ kũkethĩwa ũnyamao wa mbaĩ, ikĩsũanĩwa nũndũ wa kĩlitũko kya ũkanga na itulumo syaw’o;
26
andũ nĩmakatw’ĩka nda nĩ w’ĩa, na ũndũ wa kweteela maũndũ ala mokĩte ĩũlũ wa nthĩ: nũndũ mavinya ma ĩtu nĩmakathingithangw’a.
27
Ĩvinda yĩu nĩmakamwona Mwana wa mũndũ okĩte ĩthweonĩ na vinya na ũtheu mũnene mũtisu.
28
Ĩndĩ yĩla maũndũ asu makambĩlĩlya kwĩkĩka, sisyai ĩũlũ, na ũkĩlyai mĩtwe yenyu; nũndũ wovosyo wenyu nĩ mũthengeeu.
29
Na amatavya ngelekan’yo: Sisyai mũkũyũ, na mĩtĩ yonthe:
30
yĩla yambĩlĩlya kũthongoosya wenze, nĩmũkwona na kũmanya inyw’ĩ ene kana mũniino nũthengeee.
31
No ta ũu nenyu, mũkyona maũndũ asu makĩkĩka, manyai kana ũsumbĩ wa Ngai wĩ vakuvĩ.
32
Nĩ w’o nĩngũmwĩa, Ũsyao ũũ ndũkavĩta, maũndũ asu onthe mateanĩw’e.
33
Ĩtu na nthĩ nikavĩta: ĩndĩ ndeto syakwa itikavĩta.
34
Ĩndĩ ĩsũvĩei, ngoo syenyu itikese kũemewa nĩ kũya mũno, na ũthengi, na mawĩmakĩo ma thayũ ũũ, na mũthenya ũsu kũmũvikĩa na kĩthũlũmũko ta kĩtei:
35
nũndũ o ta ũu, nĩw’o ũkamokĩa andũ onthe ala me ĩũlũ wa nthĩ yonthe.
36
Ĩndĩ ĩkalai mũsyaĩĩsye matukũ onthe, mũkĩvoya, nĩ kana mũnengwe kũvonoka maũndũ asu onthe ala makoka, na kũũngama mbee wa Mwana wa mũndũ.
37
Na kĩla mũthenya amanyĩasya ĩkalũnĩ; na kĩla ũtukũ nĩwaumaa, akaenda kwĩkala kĩĩmanĩ kĩla kĩtawa Oliveti.
38
Na andũ onthe mamũokeaa ĩkalũnĩ kĩoko tene, mamwĩthukĩĩsye.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24