bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 22
Luke 22
Kamba (Mbivilia) 1956
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Na mboka ya kĩmũtũ kĩte ĩlawa yathengeea, ĩla yĩtawa Vasaka.
2
Na athembi anene na aandĩki mamantha nzĩa ya kũmũaa; nũndũ nĩmakĩaa andũ.
3
Na Satani alika nthĩnĩ wa Yutasi ũla wetawa Isikalioti, nake aĩ ũmwe wa ala ĩkũmi na elĩ.
4
Nake athi, na aneenan’ya na athembi anene na makavuteni ma asikalĩ, ũndũ ũtonya kũmũnengane kwoo.
5
Nao matana, na meew’ana nake mamũnenge mbesa.
6
Nake eetĩkĩla, na amantha mwanya wa kũmũnengane kwoo ĩkomano yĩte vo.
7
Na mũthenya wa kĩmũtũ kĩte ĩlawa wavika, yĩla katena ka vasaka kaaĩlaa kũawa.
8
Na atũma Vetelo na Yoana, akyasya, Endai mũkatũseũvĩsye vasaka, nĩ kana tũye.
9
Na mamwĩa, Wĩenda tũkaseũvĩsye va?
10
Nake amea, Sisyai, mwavota ndũanĩ, mũkakomana na mũndũ ũkuĩte kĩkuu kya manzĩ; mũvikĩlei nyũmbanĩ o vala wĩlika.
11
Na mũkamwie mwene nyũmba, Mũmanyĩsya aũkũlya, Nyũmba ya aeni ĩĩva vala ngũĩa vasaka na amanyĩw’a makwa?
12
Nake akamwon’ya nyũmba nene ya iũlũ yĩ na mĩio; seũvĩsyai vo.
13
Na mathi na moona o ũndũ ũmatavisye: na maseũvya vasaka.
14
Na saa wavika, ekala nthĩ vamwe na atũmwa.
15
Na amea, Nĩnendaa mũno kũĩsanĩa nenyu vasaka ũũ ndanamba kũnyamaw’a:
16
nũndũ nĩngũmũtavya, Ndikaya w’o ĩngĩ, kũvika yĩla ũkeanĩw’a ũsumbĩnĩ wa Ngai.
17
Nake oosa kĩkombe, na amina kũtũnga mũvea, asya, Osai kĩĩ, mũolane inyw’onthe:
18
nũndũ nĩngũmwĩa, Kuma yu ndikanyw’a ĩngĩ ya ũsyao wa mũsavivũ, mũvaka ũsumbĩ wa Ngai wooka.
19
Nake oosa kĩmũtũ, na amina kũtũnga mũvea, atilanga, na amanenga, akyasya, Kĩĩ nĩkyo mwĩĩ wakwa ũla wanenganiwe nũndũ wenyu: ĩkaai ũu ũndũ wa kũndilikana.
20
Na mamina kũya, oosa kĩkombe eeka o ũu, akyasya, Kĩkombe kĩĩ nĩ ũtianĩo mweũ nthĩnĩ wa nthakame yakwa, ĩla ĩĩtĩkwa kwondũ wenyu.
21
Ĩndĩ sisyai, kw’oko kwa ũla ũnũkũmbũnyanĩa kwĩ vamwe nakwa vaa mesanĩ.
22
Nũndũ nĩ w’o Mwana wa mũndũ ethi, o tondũ kweeaiwe: ĩndĩ woo ni wa mũndũ ũla wĩmũvũnyanĩa!
23
Nao mambĩlĩlya kũkũlan’ya ene kwa ene, nĩ wĩva katĩ woo ũla wĩĩka ũndũ ũsu.
24
Na veethĩwa ngananĩo katĩ woo, nũũ ũla ũtalawa kwĩthĩwa nĩ mũnene.
25
Nake amea, Andũ‐ma‐mbaĩ‐ingĩ nĩmasumbĩkawa nĩ asumbĩ moo; na ala me ũkũmũ ĩũlũ woo metawa Eki‐ma‐nesa.
26
Ĩndĩ inyw’ĩ mũtikethĩwe mũily ũu: ĩndĩ ũla mũnene katĩ wenyu, nĩethĩwe ta ũla mũnini; na ũla wĩ mbee, nĩethĩwe ta ũla ũthũkũmaa.
27
Nũndũ mũnene nĩ wĩva, ũla wĩkalaa nthĩ akĩya, kana nĩ ũla ũthũkũmaa? Ti ũla ũilyĩ nthĩ akĩya? Ĩndĩ nyie katĩ wenyu nĩilyĩ ta ũla ũthũkũmaa.
28
Ĩndĩ inyw’ĩ mwĩ ala mwĩkalanĩtye nakwa matatwanĩ makwa;
29
nakwa nĩngũmwiĩa ũsumbĩ, o tondũ Asa wakwa wambiĩe,
30
nĩ kana mũkaĩsaa na kũnyusaa mesanĩ yakwa ũsumbĩnĩ wakwa; na nĩmũkekalĩla ivĩla sya ũsumbĩ mũkĩsilĩla mbaĩ ĩkũmi na ilĩ sya Isilaeli.
31
Simoni, Simoni, sisya, Satani nũkũlĩtye anengwe inyw’ĩ, nĩ kana amũthũngũthangye tondũ nganũ ithũngũthangaw’a:
32
ĩndĩ nĩnakũvoyea, kana mũĩkĩĩo waku ndũkathele; naku wasyoka, lũlũmĩlya ana‐a‐au.
33
Na amwĩa, Mwĩaĩi, nĩnĩyũmbanĩtye kũendan’ya naku kolokolonĩ na kĩkw’ũnĩ.
34
Na asya, Nĩngũkwĩa, Vetelo, ũtũkũ ũũ nzamba ndĩkasya, ũtakaĩĩte katatũ atĩ ndũmbĩsĩ.
35
Na amakũlya, Yĩla namũtũmie mũte na ngusu ya mbesa, kana mũvuko, kana iatũ, nĩmwaaĩwe nĩ kĩndũ? Na masya, Aiee, tũtyaaĩwa.
36
Nake amea, Ĩndi yu, ũla wĩ na ngusu ya mbesa, nakue, na mũvuko o ta ũu; na ũla ũte na ũvyũ, athoosye ngũa yake ya ĩũlũ, athooe.
37
Nũndũ nĩngũmwĩa, ũũ ũla ũandĩkĩtwe ndwĩ ndĩi ya ũlea kwĩanĩw’a nthĩnĩ wakwa atĩĩ, Nake atalilwe vamwe na avĩtan’ya: nĩkwĩthĩwa maũndũ ala maandĩkĩtwe kwondũ wakwa makeanĩw’a.
38
Na masya, Mwĩaĩi, sisya, vaa ve mbyũ ilĩ. Na amea, Nũu.
39
Na aumaala, na athi kĩĩmanĩ kya Mĩthata, o tondũ wekaa; na avikĩlwa nĩ amanyĩw’a.
40
Na avika vo, amea, Voyai mũtikalike matatwani.
41
Nake ataanĩsya nao o ta vandũ va kwĩkya ĩvia; na atulya ndu avoya,
42
akyasya, Asa, ethĩwa nũkwenda, mbathũkĩsya kĩkombe kĩĩ: ĩndĩ ti ũndũ ngwenda nyie, ĩndĩ nĩwĩkĩke ũla ũkwenda we.
43
Na aumĩlĩlwa nĩ mũlaĩka kuma ĩtunĩ, amwĩkĩa vinya.
44
Nake kwa kwĩthĩwa aĩ na thĩna mũnene, ongelela kũvoya na kĩthing’ĩĩsyo; na yuutĩa yake yatw’ĩka ta mavoloto manene ma nthakame, maivolotanga nthĩ.
45
Na yĩla wokĩlile kuma kũvoyanĩ kwake, athi vala ve amanyĩw’a make, amethĩa makomete nĩ too wa kĩmako,
46
na amea, Nĩkĩ mũkomie? Ũkĩlai mũvoye, mũikalike ũtatwanĩ.
47
Na aineena, sisya, ĩkomano yaumĩla, na ũla wetawa Yutasi, ũmwe wa ala ĩkũmi na eli, amatongoesye; na amũthengeea Yesũ nĩ kana amũmumunye.
48
Ĩndĩ Yesũ amwĩa, Yutasi, nũũmũvũnyanĩa Mwana wa mũndũ na kũmũmumunya?
49
Na yĩla ala maĩ nake moonie ũndũ ũla ũkwĩkwa masya, Mwĩaĩi, nĩtũmateme na ũvyũ?
50
Na ũmwe woo amĩtema ngombo ya mũthembi mũnene, amĩtila kũtũ kwa ngalĩ ya kw’oko kwa aũme.
51
Ĩndĩ Yesũ asũngĩa na asya, Ekai, nũu. Na akiita kũtũ kwayo, na amĩvosya.
52
Na Yesũ amea athembi anene, na ala anene ma ĩkalũ, na atumĩa, ala mookĩte mamũkwate, Nĩmwaumĩla, tondũ mũvutani wumĩlĩlawa, mwĩ na mbyũ na mathimbũ?
53
Mũiaambũkĩlĩlya moko yĩla naĩ nenyu kĩla mũthenya ĩkalũnĩ: ĩndĩ ũũ nĩw’o saa wenyu, na ũkũmũ wa kĩvindu.
54
Namo mamũkwata, na mamũtongoesya, mamũtwaa nyũmbanĩ ya mũthembi mũnene. Ĩndĩ Vetelo amũatĩĩa e kũasa.
55
Na mavuva mwaki nza, na mekala nthĩ vamwe, na Vetelo ekala katĩ woo.
56
Na mwĩĩtu mũthũkũmi amwona ailyĩ kyeninĩ amũketeea, na asya, Mũndũ ũũ eĩ vamwe nake.
57
Ĩndĩ akaĩa, akyasya, Mũndũ mũka, ndimwĩsĩ.
58
Na ĩtina vandũ vanini mũndũ ũngĩ amwona, na asya, Naku wĩ ũmwe wa asu. Ĩndĩ Vetelo asya, Mũndũ we, ndi ũmwe.
59
Na ĩtina ta vandũ va saa ũmwe mũndũ ũngĩ athetheesya kũneena, akyasya, Nĩ w’o ki mũndũ ũũ eĩ vamwe nake; nũndũ we nĩ Mũkalilii.
60
Ĩndĩ Vetelo asya, Mũndũ we, ndimanya ũndũ ũkwasya. Na kavinda kau, yĩla waneenaa ũu, nzamba yasya.
61
Na Mwĩaĩi eethyũũa, na amũsisya Vetelo. Na Vetelo alilikana ndeto sya Mwiaĩi, ila wamwĩie, Ũmũnthĩ nzamba ĩtanamba kwasya ũkangaĩa katatũ.
62
Nake aumaala, na aĩa kĩĩo kĩ woo.
63
Na andũ ala mamũkwete Yesũ mamũthekeea na kĩvũthya, na mamũkũna.
64
Na mamũvw’ĩka metho, na mamũkũlya, makyasya, Athana: nũũ ũla wakũkũna?
65
Na mamũneenea maũndũ angĩ maingĩ, makĩmũumanga.
66
Na kwakya, nzama ya atumĩa ma andũ yoombana, o athembi anene na aandĩki; na mamũtwaa nzamanĩ yoo, makyasya,
67
Ethĩwa nue Klĩsto, tũtavye. Ĩndĩ amea. O na ethĩwa nĩngũmũtavya, mũtyĩtĩkĩla:
68
o na ethĩwa nĩngũmũkũlya, mũinzũngĩa.
69
Ĩndĩ kuma yu Mwana wa mũndũ akeethĩwa ailyĩ kw’okonĩ kwa aũme kwa vinya wa Ngai.
70
Na onthe masya, Ĩndĩ we nue Mwana wa Ngai? Nake amea, Inyw’ĩ nĩmũkwasya ninyie we.
71
Na masya, Twĩ na vata ũngĩ mwaũ wa ũkũsĩ? Nũndũ ithyĩ ene nĩtweew’a kuma kanyw’anĩ wake.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24