bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 9
Luke 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
1
Nake ameta ala ĩkũmi na elĩ, amanenga vinya na ũkũmũ ĩũlũ wa ndaimoni syonthe, na wa kũvosya mowau.
2
Na amatũma kũtavan’ya ũvoo wa ũsumbĩ wa Ngai, na kũvosya awau.
3
Nake amea, Manyai ũkua kĩndũ kya nzĩanĩ, ndata, kana mũvuko, kana kĩmũtũ, kana mbesa; na mũndũ ndakethĩwe na itonyeo ilĩ.
4
Na nyũmba o na yĩva ĩla mwĩvota, mwĩĩkala vo, mwĩuma o vo mũkĩthi.
5
Na ala mateũmũthokya, mũkyuma ndũanĩ ĩsu, tuangai kĩtoo maũũnĩ menyu nĩ kana wĩthĩwe ũkũsĩ kwoo.
6
Nao mathi, na manganga mĩsyĩ, makĩtavan’ya ũla ũvoo mũseo, na makĩvosya awau kũndũ kw’onthe.
7
Na mũsumbĩ Elote eew’a maũndũ asu onthe ala meekiwe: nake asũanĩwa mũno, nĩkwĩthĩwa amwe nĩmaneenie kana Yoana nũthayũũkĩte kuma akw’ũnĩ;
8
na angĩ, kana Eliya nĩwumĩlĩte; na angĩ, kana ũmwe wa athani ma tene nũthayũũkĩte.
9
Ĩndĩ Elote asya, Yoana nĩnamũtilile mũtwe: ĩndĩ ũsu nũũ, ũla ngwĩw’a maũndũ asu ũndũ wake? Nake nĩwendaa kũmwona.
10
Na atũmwa yĩla masyokie mamũtavya maũndũ onthe ala meekie. Nake athi nao nzama, vakuvĩ na ndũa ĩla yĩtawa Vethisaita.
11
Na andũ ma makomano mamanya, ũu, mamũvikĩla kw’o: nake amosa na mũyo, na amatavya ũvoo wa ũsumbĩ wa Ngai, na amavosya ala maĩ na vata wa kũvow’a.
12
Na syũa yambĩlĩlya ũthũa; na ala ĩkũmi na elĩ mooka, na mamwĩa, Ũmbũũkya ĩkomano, nĩ kana yĩnyaĩĩkĩe mĩsyĩ na nthĩ ila syĩ ndee, mamanthe vandũ va ũkoma na lĩu; nũndũ vaa tũĩ, nĩ weũnĩ.
13
Ĩndĩ amea, Manengei lĩu e inyw’ĩ. Na masya, Twĩ na imũtũ itano na makũyũ elĩ ki; ate o tũithi kũthooa lĩu wa andũ aa onthe.
14
Nũndũ maĩ andũ aũme ta ngili itano. Nake amea amanyĩw’a make, Mekalyei nthĩ nguthu na nguthu, kĩla nguthu yĩ na andũ ta mĩongo ĩtano.
15
Nao meeka ũu, na mamekalya onthe nthĩ.
16
Nake oosa ila imũtũ itano na makũyũ elĩ, na ang’elela ĩtunĩ, aiathima na aitilanga; na anenga amanyĩw’a matwaĩe ĩkomano.
17
Na maya, na onthe mavũna: na kwooswa ikavũ ĩkũmi na ilĩ sya ilungu isu ndile ila syamatialĩle.
18
Na kweethĩwa, akĩvoya e weka, amanyĩw’a maĩ vamwe nake: na amakũlya, akyasya, Makomano measya nyie nĩ ũũ?
19
Mamũsũngĩa, makyasya, Amwe measya, Yoana ũla Mũvatisi; ĩndĩ angĩ measya, Eliya; na angĩ kana wĩ ũmwe wa athani ma tene ũthayũũkĩte.
20
Nake amea, Ĩndĩ inyw’ĩ mwĩasya nyie nĩ ũũ? Vetelo asũngĩa, asya, We nue Klĩsto wa Ngai.
21
Ĩndĩ amatavya, ameaĩa matikatavye mũndũ ũndũ ũsu;
22
akyasya, Mwana wa mũndũ ndatĩa kũthĩnw’a na mathĩna maingĩ, na kũlewa nĩ atumĩa na athembi anene na aandĩki, na kũawa, na kũthayũũkw’a mũthenya wa katatũ.
23
Na ĩndĩ amea onthe, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake kĩla mũthenya, na akĩmbikĩla.
24
Nĩkwĩthĩwa o ũla ũnũkwenda kũvĩtya thayũ wake akawasya; na o ũla ũkwasya thayũ wake kwondũ wakwa, ũsu akoovĩtya.
25
Nũndũ mũndũ aunwa nĩ kyaũ, o na akosa nthĩ nima, akĩyananga, kana akĩyasya mwene?
26
Nũndũ o ũla ũkambĩw’ĩa nthoni nyie na ndeto syakwa, nũkew’ĩwa nthoni nĩ Mwana wa mũndũ, yĩla ũkoka ũtheunĩ wake mũtisu, na wa Ĩthe, na wa alaĩka atheu.
27
Ĩndĩ nĩngũmũtavya w’o, Katĩ wa aa maũngeme vaa, ve amwe matakasama kĩkw’ũ nongi, matanamba kwona ũsumbĩ wa Ngai.
28
Na kweethĩwa ĩtina wa ndeto isu o ta vandũ va mĩthenya nyanya, oosa Vetelo na Yoana na Yakovo, ambata kĩĩmanĩ kũvoya.
29
Na akĩvoya, mũvw’ano wa ũthyũ wake waalyũka, na ngũa syake syeeũva kw’ũ, na syakaka.
30
Na sisya, andũ elĩ meethĩwa makĩneenan’ya nake, nao nĩ Mose na Eliya;
31
ala mamaumĩlĩle na ũtheu mũtisu, makĩneenan’ya ũvoo wa kĩkw’ũ kyake kĩla ũkilĩlye kwĩanĩĩsya ku Yelusaleme.
32
Ĩndĩ Vetelo na ala maĩ nake makwatwa nĩ too mũnene: na mavindũka, moona ũtheu wake mũtisu, na ala aũme elĩ maũngeme nake.
33
Na kweethĩwa yĩla mataanĩsye nake, Vetelo amwĩa Yesũ, Mwĩaĩi, nĩ ũseo kwitũ kwĩthĩwa vaa: twake malwanda atatũ; yĩmwe yaku, na yĩngĩ ya Mose, na yĩngĩ ya Eliya: nake ndaamanya ũndũ ũnũkwasya.
34
Na akĩneena ũu, kwooka ĩthweo, yamekĩa muunyĩ: na meew’a w’ĩa nũndũ wa ũlika ĩthweonĩ.
35
Na wasya wauma ĩthweonĩ, ũkyasya, Ũũ nĩwe Mwana wakwa, mũnyuve wakwa: mwĩw’ei.
36
Na wasya waneena ũu, Yesũ ooneka e weka. Nao mavindya, na matukũ asu maiaatavya mũndũ maũndũ ala manoonie.
37
Na kweethĩwa ũnĩ ũsu, mauma kĩĩmanĩ matheea, ĩkomano ĩnene yamũthaũa.
38
Na ĩndĩ, mũndũ ũmwe wa ĩkomano aneena na wasya mũnene, akyasya, Mũmanyĩsya, nĩngũkwĩsũva ũkasisye mwana wakwa; nũndũ nowe wakwa e ũmwe:
39
nake nũkwatawa nĩ veva, na mĩtũkĩ nũnũũkaya; na nũnũũthingithangw’a ĩvũyũ yĩkauma, na ũimuma na vinya ũkĩmũvinyĩthya mũno.
40
Nakwa namesũva amanyĩw’a maku mawumye; na maemwa nĩw’o.
41
Yesũ asũngĩa na asya, Ũsyao ũũ ũte na mũĩkĩĩo na mũemu, ngeethĩwa nenyu na nĩmũmĩĩsya ĩvinda yĩana ata? Mũete mwana waku vaa.
42
Na kĩmwana kyũkĩte, kyavalũkw’a nĩ ĩla ndaimoni, kyathingithangw’a nĩyo. Ĩndĩ Yesũ akan’ya veva ũsu mũvuku, na akĩvosya kĩla kĩmwana, akĩnenga ĩthe.
43
Na onthe maseng’a ũndũ wa ũnene wa Ngai. Na yĩla onthe maseng’ete nũndũ wa maũndũ onthe ala meekiwe nĩ Yesũ, amea amanyĩw’a make atĩĩ,
44
Ndeto ii ilike matũni menyu: nũndũ Mwana wa mũndũ nũkanenganwe mokonĩ ma andũ.
45
Ĩndĩ maiaamanya ndeto isu, nũndũ syavithĩtwe kwoo, matikaimanye; nao makĩa kũmũkũlya ũndũ wasyo.
46
Na ngananĩo yookĩla katĩ woo, ũndũ wa ũla wĩthĩwa mũnene.
47
Ĩndĩ Yesũ amanya mosũanĩo ma ngoo syoo, oosa kana kanini, akaũngamya ĩvavanĩ yake,
48
na amea, O ũla ũkosa kana kaa kanini syĩtwanĩ yakwa embosa nyie: na o ũla ũkambosa nyie eosa ũla wandũmie: nũndũ ũla mũnini katĩ wenyu, ũsu nĩwe mũnene.
49
Na Yoana asũngĩa na asya, Mwĩaĩi, nĩtũnoonie mũndũ akyumya ndaimoni na syĩtwa yaku; na twamũvata, nũndũ ndaatĩanĩe naitũ.
50
Ĩndĩ Yesũ amwĩa, Mũikamũvate: nũndũ ũla ũte na ũndũ nenyu e ngalĩ ĩ yenyu.
51
Na kweethĩwa, mĩthenya yathengeea ambatw’e, alũlũmĩlya ũthyũ wake elekelye kũthi Yelusaleme,
52
na atũma andũ mathi mbee wake: nao mathi, na mavota mũsyĩ ũmwe wa Asamalia, mamũseũvĩsye vandũ.
53
Nao matyaamũthokya, nũndũ ũthyũ wake weelekele ta ũnũũthi Yelusaleme.
54
Na amanyĩw’a make, Yakovo na Yoana, moona ũu, masya, Mwĩaĩi, nũkwenda tũwĩe mwaki wume ĩtunĩ, ũmavĩvye?
55
Ĩndĩ eethyũũa, amakan’ya.
56
Na mathi mũsyĩ ũngĩ.
57
Na makĩthi nzĩanĩ, mũndũ ũmwe amwĩa, Ngakũvikĩla o kũla wĩthi.
58
Na Yesũ amwĩa, Mbĩwa syĩ na maima, na nyũnyi sya yayaya syĩ na ndala; ĩndĩ Mwana wa mũndũ nde na vandũ va ũkomya mũtwe wake.
59
Na amwĩa ũngĩ, Mbikĩla. Ĩndĩ nake asya, Mwĩaĩi, nenga ũthei nambe ũthi kũmũthika asa wakwa.
60
Ĩndĩ amwĩa, Eka akw’ũ mathike akw’ũ moo; ĩndĩ we enda ũkatavan’ye ũsumbĩ wa Ngai.
61
Na ũngĩ asya, Ngakũvikĩla, Mwĩaĩi; ĩndĩ nenga ũthei nambe ũthi kwatiĩa ũvoo ala ma nyũmba yakwa.
62
Ĩndĩ Yesũ amwĩa, Mũndũ akwata mĩtĩ ya ĩembe ya ng’ombe, aisisya na ĩtina, ndeanĩwe nĩ ũsumbĩ wa Ngai.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24