bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 4
Luke 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Na Yesũ, ausũĩtwe nĩ Veva Mũtheu, asyoka auma Yolotani, na atongoew’a nĩ Veva weũnĩ.
2
Akĩtatwa nĩ ndevili ĩvinda ya matukũ mĩongo ĩna. Na matukũ asu ndaĩsaa kĩndũ: na mathela, eew’a nzaa.
3
Na ndevili amwĩa atĩĩ, Ethĩwa nue Mwana wa Ngai, ĩaĩe ĩvia yĩĩ yĩtw’ĩke kĩmũtũ.
4
Na Yesũ amũsũngĩa, Nĩkũandĩkĩtwe, Mũndũ ndekalaa thayũ kwondũ na kĩmũtũ kyoka.
5
Na amũtongoesya kĩĩmanĩ ĩũlũ, na amwon’ya mosumbĩ onthe ma nthĩ kwa kaven’ya.
6
Na ndevili amwĩa atĩĩ, Nĩngũũnenga ũkũmũ ũũ w’onthe, na ndaĩa syamo: nũndũ nĩnanengiwe; nakwa nĩngũmũnenga o ũla ngwenda.
7
Ĩndĩ we ethĩwa nũũnthaitha, ũũ w’onthe ũkeethĩwa waku.
8
Yesũ amũsũngĩa, amwĩa, Nĩkũandĩkĩtwe, Mũthaithae Mwĩaĩi Ngai waku, na mũthũkũmae we, e weka.
9
Na amũtwaa Yelusaleme, amwĩkalya mũthyanĩ wa ĩkalũ, na amwĩa, Ethĩwa nue Mwana wa Ngai, ĩyĩkye nthĩ:
10
nũndũ nĩkũandĩkĩtwe, Akeeaĩa alaĩka make ũndũ waku, makũsũvĩe:
11
na ĩngĩ, Makakũkĩlya mokonĩ moo, Ndũkese kũtũlwa kũũ kwaku nĩ ĩvia.
12
Na Yesũ amũsũngia, amwĩa, Nĩkũneenetwe, Ndũkamũtate Mwĩaĩi Ngai waku.
13
Na ndevili amina matatwa onthe, athi amũtia ĩvinda.
14
Na Yesũ asyoka Kalilii vinyanĩ wa Veva: na nguma yake yausũa ndee syonthe sya nthĩ ĩsu.
15
Nake amanyĩsya masinakokenĩ moo, aikathwa nĩ andũ onthe.
16
Nake athi Nasaleti, vala waeewe: na alika ĩsinakokenĩ mũthenya wa savato, tondũ wekaa, na aũngama asome.
17
Anengwa ĩvuku ya mwathani Isaia. Na avuũa ĩvuku, oona vala vaandĩkĩtwe atĩĩ,
18
Veva wa Ngai e ĩũlũ wakwa, Nũndũ nĩwambĩtĩkĩsye mauta nĩtavye ngya ũvoo mũseo: Nũndũmĩte kũtavan’ya ũthasyo kwa ala atave, Na kũsalukw’a ililinda, Na kũthasya ala mavivinyĩtwe,
19
Na kũtavan’ya mwaka wa Mwĩaĩi ũla wĩtĩkĩlawa.
20
Na akũnza yĩla ĩvuku, anenga ũla mũthũkũmi, na ekala nthĩ: na onthe ala maĩ vo ĩsinakokenĩ mamũketeea.
21
Na ambĩlĩlya kũmea atĩĩ, Ũmũnthĩ ũandĩko ũũ nĩweanĩw’a matũnĩ menyu.
22
Na onthe mamũkũsĩaa, na maseng’a nũndũ wa ndeto sya mumo ila syaumie kanyw’anĩ wake: nao masya, Ũũ ti mwana wa Yosevu?
23
Nake amea atĩĩ, Vate ngananĩo mũkandavya nthimo ĩno, Mũiiti, ĩvosye mwene: ũndũ o na wĩva ũla tũneewie wĩkĩte Kavelinaumi, ĩka vaa nthĩ ĩ yaku.
24
Nake asya, Nĩ w’o nĩngũmwĩa, Vati mwathani ũla wĩtĩkĩlawa nthĩ ĩ yake.
25
Ĩndĩ nĩngũmũtavya w’o, Nthĩ ya Aisilaeli kwaĩ aka aingĩ ndiwa matukũ ma Eliya, yĩla ĩtu yavingĩtwe myaka ĩtatũ na myei thanthatũ, yĩla kwaĩ yũa ĩnene nthĩ ĩsu yonthe;
26
na Eliya ndaatũmwa kwa ũmwe wamo, ĩndĩ atũmiwe kwa ndiwa ĩmwe ya ndũa ya Nzalevathi, ya nthĩ ya Sitoni.
27
Na nthĩ ya Aisilaeli kwaĩ andũ aingĩ ala maĩ na mangũ ĩvinda ya mwathani Elisa; na vai ũmwe wamo waathew’a ate o Naamani, ũla Mũsilia.
28
Na onthe ala maĩ ĩsinakokenĩ, meew’a maũndũ asu mausũwa nĩ ũthilĩku;
29
na mookĩla, mamumya ndũanĩ, na mamũtwaa kũvika ĩũlũ wa kĩĩma kĩla kyakĩtwe ndũa yoo, nĩ kana makamwĩkĩlye vo akulumene.
30
Ĩndĩ avĩtĩla katĩ wamo, athi.
31
Na atheea athi Kavelinaumi, ndũa ĩmwe ya Kalilii. Nake amamanyĩsya mũthenya wa savato:
32
nao maseng’a ũndũ wa ũmanyĩsyo wake; nĩkwĩthĩwa ndeto syake syaĩ na ũkũmũ.
33
Na vau ĩsinakokenĩ vaĩ mũndũ ũla wakwetwe nĩ veva wa ndaimoni mbuku; nake aneena na wasya mũnene, akyasya,
34
Iĩ! Twĩ ũndũ naku wa kyaũ, Yesũ Mũnasaleti? Nĩwooka kũtwananga? Nĩngwĩsĩ we, wĩ Ũla Mũtheu wa Ngai.
35
Na Yesũ amĩkan’ya, akyasya, Tumya kanyw’a, noimuma. Na ĩla ndaimoni yamũvalũkya katĩ woo, yamuma, ĩtamwĩkĩte ũndũ.
36
Na onthe maseng’a, na maneenan’ya ene kwa ene, makyasya, Ndeto ĩno ĩtilyĩ ata? Nũndũ nũkwĩaĩa maveva mavuku na ũkũmũ na vinya, nao makyuma.
37
Na ũvoo wake wanyaĩĩka ndee syonthe, kĩla vandũ.
38
Nake aumaala ĩsinakokenĩ, avota nyũmbanĩ ya Simoni. Na inyia wa mũka wa Simoni aĩ na ndetema nyingĩ; na mamũvoya ũndũ wake.
39
Nake aũngama vakuvĩ nake, na akan’ya ndetema; nayo yamũtia: na o ĩvinda yĩu ookĩla amathũkũma.
40
Na syũa yĩkĩthũa, ala mawaĩtye andũ mowau ma mĩthemba mingĩ mamũetee; nake amailĩĩla kĩla mũndũ moko, na amavosya.
41
Na andũ aingĩ maumiw’e ndaimoni, iikaya, ikyasya, We wĩ Mwana wa Ngai. Nake aikan’ya, na aivata kũneena, nĩkwĩthĩwa nasyo nĩsyeesĩ nĩwe Klĩsto.
42
Na kwakya, auma vo athi vandũ vate andũ: na makomano mamũmantha, na mooka vala ũĩ, na menda kũmũsiĩĩa ndakamatie.
43
Ĩndĩ amea atĩĩ, Mũvaka nĩtavan’ye ũvoo mũseo wa ũsumbĩ wa Ngai ndũanĩ ila ingĩ nasyo: nũndũ natũmiwe nũndũ wa ũu.
44
Nake atavanasya masinakokenĩ ma Kalilii.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24