bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Luke 15
Luke 15
Kamba (Mbivilia) 1956
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
1
Na aumya ma koti onthe na ala athe mamũthengeea kũmwĩthukĩĩsya.
2
Na Avalisi na aandĩki manyungunyĩsya, makyasya, Mũndũ ũũ nũnũkwosa ala athe na kũĩsanĩa nao.
3
Na amatavya ngelekan’yo ĩno, akyasya,
4
Nĩ mũndũ wĩva kwenyu, ũla wĩ na malondu ĩana, na akyasya yĩmwe, ũtatia ala mĩongo kenda na kenda weũnĩ, akamanthe yĩla yaie, mũvaka ayona?
5
Na ayona, akĩyilĩĩla ituonĩ syake, akĩw’a mũyo.
6
Na avika kwake, aimeta anyanyae na atũi make, akĩmea, Tanai vamwe nakwa, nũndu nĩnoona ĩlondu yakwa yĩla yĩĩ yau.
7
Nĩngũmũtavya, ta ũu vakeethĩwa ũtanu ĩtunĩ nũndũ wa ũmwe mwathe akĩalyũla ngoo, kwĩ ala alũngalu mĩongo kenda na kenda, ala mate vata wa kũalyũla ngoo.
8
Kana mũndũ mũka nĩ wĩva ũla wĩ na silingi ĩkũmi, akyasya ĩmwe, ũtakwatya taa, na kũtuta nyũmba, akĩmantha na kĩthing’ĩĩsyo mũvaka amyona?
9
Na amyona, aimeta anyanyae na atũi make, akyasya, Tanai vamwe nakwa, nĩkwĩthĩwa nĩnoona ĩla silingi nĩnaaĩtye.
10
O ta ũu, nĩngũmwĩa, ve ũtanu kwa alaĩka ma Ngai ũndũ wa ũmwe mwathe akĩalyũla ngoo.
11
Nake asya, Mũndũ ũmwe aĩ na ana elĩ:
12
na ĩlumaita yamwĩa ĩthe, Asa, nenga kĩlungu kya ũthwii kĩla kĩkethĩwa kĩ kyakwa. Na amaan’ya syĩndũ syake.
13
Na matũkũ manini mavĩta, ĩlumaita yoomban’ya mĩio yayo yonthe yathi nthĩ ĩngĩ yĩ kũasa; na nĩkw’o yaanangĩe syĩndũ syayo na mothũku onthe.
14
Na yamina kwananga syonthe, nĩw’o kwookie yũa ĩnene nthĩ ĩsu; nayo yambĩlĩlya kũthĩna.
15
Na yathi kwĩkala kwa mũndũ ũmwe wa nthĩ ĩsu; nake ayĩnenga wĩa wa kũĩthya ngũlũe isesinĩ syake.
16
Na kweethĩwa nĩyendaa kũvũnw’a nĩ mosyao ma mũtĩ wa mũkalavi ala ngũlũe syaĩsaa: ĩndĩ vaiaĩ mũndũ waayĩnenga.
17
Na yĩla yavindũkie yasya, Nĩ athũkũmi meana ata ma asa wakwa ala me na lĩu ũla matatonya ũmina, nakwa nĩngũkw’ĩa kũũ nĩ nzaa!
18
Nĩngũkĩla nĩthi kwa asa wakwa, na ngĩmwĩa, Asa, nĩnĩvĩtĩtye ĩtunĩ, na mbee waku:
19
na yu ndyaĩlĩtwe nĩ kwĩtwa mwana waku: mbĩkalya ta ũmwe wa athũkũmi maku.
20
Na yookĩla yathi kwa ĩthe. Ĩndĩ yĩ kũasa, ĩthe wayo ayona, na eew’a ĩnee, asemba, ayĩkwatĩla ngingonĩ, ayĩmumunya.
21
Na ũla mwana amwĩa, Asa, nĩnĩvĩtĩtye ĩtunĩ, na mbee waku: na ndyaĩlĩtwe nĩ kwĩtwa mwana waku ĩngĩ.
22
Ĩndĩ ĩthe asyĩa ngombo syake, Latyai mĩtũkĩ ngũa ĩla nzeo, mũmwĩkĩe; na mwĩkĩei ngome kyaa, na iatũ maũũ:
23
na etei kasalũ kala kanou, mũae, tũye, tũtane:
24
nĩkwĩthĩwa mwana ũũ wakwa aĩ mũkw’ũ, na nĩwathayũũka; aĩ mwau, na nĩwaumbũka. Na mambĩlĩlya kũtana.
25
Ĩndĩ mwana wake ũla mũkũũ aĩ mũũndanĩ: nake athengeea nyũmba, eew’a wathi ũkinwa.
26
Na amwĩta ũmwe wa athũkũmi, amũkũlya kĩtumi kya maũndũ asu.
27
Nake amwĩa, Mũinau nĩwoka; na au ooaa kasalũ kala kanou, nũndũ nĩwamwona e mũima.
28
Ĩndĩ athata, na alea kũvota: na ĩthe wake aumaala amwĩsũva.
29
Ĩndĩ amũsũngĩa, amwĩa ĩthe, Sisya, myaka ĩsu mingĩ nĩngũthũkũmaa, na ndyaavĩtan’ya mwĩao ũmwe waku; ĩndĩ ndwaanenga katena ka mbũi, ngatana vamwe na anyanyawa:
30
ĩndĩ yĩla mwana ũũ waku woka, ũla, wanangie syĩndũ syaku syonthe na malwaya, nĩwamũaĩa kasalũ kala kanou.
31
Nake amwĩa, Mwana wakwa, matukũ onthe wĩ nakwa, na ila nĩ nasyo syonthe nĩ syaku.
32
Ĩndĩ nĩtwaĩlĩtwe nĩ kũtana na kwĩw’a mũyo: nũndũ mũinau ũũ aĩ mũkw’ũ, na nĩwathayũũka: aĩ mwau, na nĩwaumbũka.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24