bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Ezekiel 16
Ezekiel 16
Kalenjin Bible (BUKUIT NE TILIL)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
1
Kinyonja kogeny ng’olyotab Jehovah, kolenja,
2
Ee weritab chi, iborji Jerusalem konai tugukyik che kiwechei,
3
ak ilenji, Mwachin Kiptaiyat Jehovah Jerusalem ko u ni kole: Sigeng’ung’, ak ole kigisikyinin ko bo emetab Kananindet: ki kwandang’ung’ Amorindet, ak ki kameng’ung’ Hitindet.
4
Kima kotil mugeng’ung’ eng’ ole kigisikyinin, eng’ betut ne kigisichin, ama kiunin si itililitu; ma kiilenen munyuk, ama kinamden ngor.
5
Ma rirenen chi, koyaun kiy age tugul eng’ tuguchuto, korir mo; ago kigiwirjin timin, amu kigiwechin, eng’ betut ne kigisichin.
6
Ak kingasiir ye kiimi, ageerin ikwarkwarane korotiguk, alenjin, Agot nganda imi korotiguk, isob inye; ee, kialenjin, Agot nganda imi korotiguk, isob inye.
7
Kiagonin itesage ko u ye ing’atos tugukab mbar, ak kiitesage ieetu, ak kiigararanitu mising’; kigogun kinaiguk, ak kigogoeegitu sumeeguk; ago kiimi buch ach ngor.
8
Ak kingabun ye imi, ageerin, keero, betusieguk ko ki bo betusiekab chamnyet; ak kiatugunen ngoriennyu ak atuch ach ngorieng’ung’: ee, kiayosieun, ak kigoyomisge ak inye, mwaei Kiptaiyat Jehovah, ak kiibunja.
9
Kiaunin anyun; ee, kiaunde mising’ korotiguk, ak kiaiilin.
10
Kialaagun ngoroik che kiginde lelesta, ak kialaagun kweonikab mengichikab beek, ak kiauenen katanit ne kararan, ak atugenen aririt.
11
Kialelesanunenen kogeny tuguk che bo lelesta, ak kialaagun karikab eunek ak sirimdo ne bo kaating’ung’.
12
Ak kiande peteit serung’ung’, ak kiande munaok itiguk, ak alaagun nariet ne kararan.
13
Kigilelesonun anyun eng’ tahabu ak feda; ak ki bo katanit ne kararan ngoroiguk, ak aririt, ak ngoroik che kiginde lelesta; kiiam busiek che tambulul, ak kumik, ak mwanik: ak kiigararanitu kot, ak kigiberurin kot inyoru atebetab laitornatet.
14
Ak kiyom bororiosiek kalosunetab kororonindang’ung’; amu ki igesunotgei kororoninoto, amu eetunatennyu ne kiga alaagun, mwaei Kiptaiyat Jehovah.
15
Ago kiitiiege kororonindang’ung’, ak iyai kugoinatet amu kalosuneng’ung’, ak kioipge ak age tugul ne siirtoi; kibunji inendet.
16
Ak kiib ngoroiguk ak iyachige komoswek che tororen che kiilelesane saleiywek che terotin, ak iyae choto kugoinatet: ma kobiitu tuguk che u choto, ama ko yaoksei ko u noto.
17
Kiib kogeny sonoeguk che kororon che bo tahabusiekyuk ak fedaisiekyuk, che kiga agonin ak iyachinege itonwekab murenik, ak oyai kugoinatet ak tuguchoto;
18
ak kiib ngoroiguk che kiginde lelesta, ak ituge tuguchoto, ak kiinde tainywa mwanikyuk ak nyamdutikyuk che kibeelei.
19
Kiinde tainywa kogeny amitwogikyuk che kiagonin, busiek che tambulbul, ak mwanik, ak kumik, che kiabaenen, kiinde tainywa koek nyamdutiet, ak kitebi ko u noto; mwaei Kiptaiyat Jehovah.
20
Kiinam kogeny weriguk ak tibiguk, che kiisikwa, ak ieng’ji ichek si kobiit koam. Tos ki kit ne ming’in kugoinatosieguk,
21
kot ibar lagokyuk ak igoite kobun mat igochini ichek?
22
Ama ibwat eng’ tuguguk tugul che kiwechei, ak eng’ kugoinatosieguk, betusiekab ming’inateng’ung’, ye kiimi buch ach ngor, ak kiikwarkwarane korotiguk.
23
Ak kingobata yaitwogiguk tugul, (bwa, bwa inye! Mwaei Kiptaiyat Jehovah,)
24
iteekyigei ole toogunot ak iyachige ole kitororit eng’ oret age tugul.
25
Kiiteech oldang’ung’ ole kitororit eng’ tabandab oret age tugul, ak iyai kororonindang’ung’ koek kit ne kiwechei, ak oipge ak age tugul ne siirtoi, ak ites kugoinateng’ung’.
26
Kiiyai kogeny kugoinatet koboto Misrik, bikab kokweng’ung’, bikab borto; ak kiites kugoinateng’ung’, itacha.
27
Keer anyun, kaachuul eunnyu atokyin, ak atil amitwogiguk che bo kotugul, ak agoiten koyaun kiy age tugul ichek che wechin, tibikab Pilistik, che ililandos amu ortinweguk che yaach.
28
Kiiyai kogeny kugoinatet koboto Asurik, amu kima koyamin kiy; ee kiiyai kugoinatet koboto ichek, ago ma yamin kora.
29
Kiites kugoinateng’ung’ eng’ emetab Kanan, agoi Kaldea; ago ma yamin kora.
30
Nyalulat ne tia muguleldang’ung’, mwaei Kiptaiyat Jehovah, amu iyae tuguchuto tugul, boisietab chepkugoniot ne bou bik;
31
amu iteeche oldang’ung’ ole toogunot, ak iyachige oldang’ung’ ole kitororit eng’ oret age tugul; ama iige chepkugoniot, amu isase alisiet.
32
Osotiot ne yaei ibetab ge! Ne ibegei ak toek kometo manong’otiondennyi!
33
Igochin bichoto chepkugonik tugul tugukab kagaigaet: ago igochini inyendet tuguguk che bo kagaigaet chamaniguk tugul, ak igaigae ichek tuguchoto, si kobiit kobwanjin eng’ komosta age tugul agobo kugoinatosieguk.
34
Ak oterjine ak kwonyik alak eng’ kugoinatosieguk, amu mami chi ne suubin oipge: ialisiei, ak amu magialin, i ter amu noto.
35
Kas anyun, ee chepkugoniondoni, ng’olyotab Jehovah:
36
Mwaei Kiptaiyat Jehovah ko u ni kole, Amu kigirong’ simdang’ung’, ak keng’anyin kegeerin imi ach ngor eng’ kugoinatosieguk che kiiyai ak chamaniguk; ak amu kanamonik tugul che bo tuguguk che kiwechei, ak agobo korotikab lagoguk che kiigochi ichek;
37
noto anyun, keero, ayumi chamaniguk tugul, che kiobaibaige, koboto ichek tugul che koicham, ak koboto ichek tugul che koiwech; ayumjinin ichek kobun komosta age tugul, ak ang’ang’ji ichek kogeerin imi ach ngor, si kobiit kogeer ach ngorieng’ung’ tugul.
38
Ak aruogun, ko u ye kiruokyin kwonyik che butei kayosietab katunisiet, ak che tumdoi korotik; ak aibun korotikab neregek che ng’wonen ak ng’etkonda.
39
Ak andein eunekwak, ak kobut oldang’ung’ ne toogunot, ak kobut oldinweguk che kitororitu; ak koreegunenen ngoroiguk, ak koib sonoeguk che kororon: ak kobagachin imi buch ach ngor.
40
Ak komutun kogeny tuiyet kobokyin, ak kolagenen koik, ak kotoorin eng’ rotokwak bo chok.
41
Ak kobeel goriguk, ak koyaun kiruogutik eng’ taitab kwonyik che chang’; ak aetenen kugoinatet, ama ialisiei kogeny.
42
Agesu anyun neregekyuk che ng’wonen eng’ inye, ak koistoenengei ng’etkondanyu, ak asis, ma anerechi kogeny.
43
Amu ma ibwat betusiekab ming’inateng’ung’, ago kiitaacha eng’ tuguchuto tugul; keer anyun, andoi agane ortinweguk baragung’ung’, mwaei Kiptaiyat Jehovah: si ma iyai yaitioni itesyini tuguguk tugul che kiwechei.
44
Keero, age tugul ne boisie kalewenaik, koboisie kalewenoni agobo inye, kolen, Kit ne u kamet, ko u noto chepto.
45
I cheptab kamet, ne wechei manong’otiondennyi ak lagokyik; ak i chepto ne otupche ak chepkametwogiguk, che kiweche manong’otaikwak ak lagokwak: ki bo komet Hitik, ko bo kwandang’ung’ Amorik.
46
Chepkameng’ung’ ne o ko Samaria, ne menyei komostab eungung’ ne bo katam, inendet ak tibikyik; ak chepkameng’ung’ ne ming’in, ne menyei komostab eung’ung’ ne bo tai, ko Sodom ak tibikyik.
47
Ago ma isub ortinwekwak, anan isub iyai tugukwak che kiwechei; ago, nda ki kit ne ming’in noto, ko kiiyaitu inye kosiir ichek eng’ ortinweguk tugul.
48
Mwaei Kiptaiyat Jehovah kole, Ko u ye asobe, tom koyai Sodom chepkameng’ung’, inendet anan ko tibikyik, ko u ye kiiyai inye koboto tibiguk.
49
Keero, ki mi tengektab chepkameng’ung’ Sodom; kitinyei inendet ak tibikyik menotet, biyendo, ak borotetab talbisto; ama igimit eunekab kibananok ak che matinyei kiy.
50
Ak kimendos ichek, ak koyaei kit ne kiwechei eng’ tainnyu: kiaiste anyun ichek ko u ye kiageer ale nyolu.
51
Ama yai Samaria tengekwogik che siirei kebebertab tengekwogiguk; ago koites tuguguk che kiwechei, kosiir ichek, ak koiityi imanda chepkametwogiguk eng’ tuguk tugul che kiwechei che koiyai.
52
Ib inye kobunjin kalilaneng’ung’ amu koiruokyi chepkametwogiguk; bo imanda icheget kosiirin amu tengekwogiguk che koiyai che kiwechei kosiir choto koyai icheget: ee, i teweroksei aginye, ak iib kalilaneng’ung’, amu koiityi imanda chepkametwogiguk.
53
Ak aweech kogeny ichek che kigeluul, che kigeluul che bo Sodom koboto tibikyik, ak che kigeluul che bo Samaria, koboto tibikyik, ak che kigeluul che bo luuleniguk che mi kwenunywa;
54
si kobiit iipchige kalilaneng’ung’, ak ililan amu tugul che koiyai, amu i kagaigaindenywa.
55
Ak koweekyigei chepkametiniguk, Sodom ak tibikyik, atebwenywa ne ki bo tai, ak koweekyigei Samaria ak tibikyik atebenywa ne ki bo tai, ak iweekyige inye ak tibiguk, atebeng’wong’ ne ki bo tai.
56
Amu kima imwa kiy agobo chepkameng’ung’ Sodom eng’ betusiekab menoteng’ung’;
57
ye kitom keng’any yaitieng’ung’, ko u eng’ betusiekab chotisietab tibikab Suria, ak ne bo tugul che mi komoswekyik, tibikab Pilistik, che sasin eng’ komoswek tugul.
58
Koiib yaitieng’ung’ ak tuguguk che kiwechei, mwaei Jehovah.
59
Amu mwaei Kiptaiyat Jehovah ko u ni kole: Ayaun ko u ye koiyai, ne koisas kayosiet ibut kayomiset.
60
Nganda u noto, abwati kayomiset ne kigiyomisge ak inye eng’ betusiekab ming’inateng’ung’, ak agimitun kayomiset ne bo koigeny.
61
Ibwat anyun ortinweguk, ak ililan, ye itaache chepkametwogiguk, che eechen ak che mengechen: ak agonin ichek koek tibiguk, ago ma eng’ kayomisutieng’ung’.
62
Ak agimit kayomisennyu koboten; si inai ile a Jehovah:
63
si kobiit ibwat, ak itoptoben, ametwegu kogeny, amu kalilaneng’ung’; ye kanyoun kaat tuguk tugul che kiiyai, mwaei Kiptaiyat Jehovah.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48