bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Ezekiel 39
Ezekiel 39
Kalenjin Bible (BUKUIT NE TILIL)
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
Ee, inye weritab chi, maoten agobo Gog, ak ilenji, Mwaei Kiptaiyat Jehovah ko u ni kole: Keero, aborienen inye, ee Gog, bounindetab Ros, Mesek, ak Tubal:
2
ak awelelin, ak areun, ak amutun itogosu eng’ tabanwek che looen che bo murot ne bo katam; ak amutun inyo tulonokab Israel:
3
ak akwer kwangeng’ung’ ne mi eung’ung’ ne bo katam, kobut, ak agochi kobutyo kipchaboniguk, eng’ eung’ung’ ne bo tai.
4
Ibutyini tulonokab Israel, inye ak lugosieguk tugul, koboto bororiosiek che mi koboten: ak agochin taritik alak tugul che amei banyek, koboto tiong’ikab timin, koamin.
5
Imeechini kewanin: amu kaamwa ng’olyondonito, mwaei Kiptaiyat Jehovah.
6
Ak ayokyi mat Magog, koboto icheget che meng’isiei eng’ chametab ge eng’ ngegusiek: si konai ichek kole a Jehovah.
7
Ak abarte kainennyu ne tilil eng’ bikyuk Israel; ama achamdoi kainennyu ne tilil king’wanit kogeny: si konai bororiosiek kole a Jehovah, Inendet ne Tilil eng’ Israel.
8
Keero, nyonei, ak kiyaei ko u noto, mwaei Kiptaiyat Jehovah; nito betut ne kiamwae.
9
Ak komanda ichek che menyei nganasokab Israel, ak kolaale mat karikab luget ak kobeel tuguchoto, long’onik, ak long’onik che eechen, kwangok, kipchabonik, ndirisiek, ak ng’otwek, ak kobeel karichato eng’ kenyisiek tisab;
10
kot ko ma kobutei ichek kwenik anan koluul ket age tugul eng’ osnosiek, amu tun ilaale mat karikab luget; ak koluul tugukab bik che kiga koluulei ichek, ak korebe tuguk bik che kiga korebe ichek, mwaei Kiptaiyat Jehovah.
11
Ak agochini eng’ betunoto Gog komosta ne kitupchin eng’ Israel, atebwetab ichek che bunei komostab kong’asis ne bo nyanjet: ak koger ichek che bunei yoto: ak kotupchi oloto Gog ak bikyik che chang’ tugul: ak koguure yoto atebwetab Hamon-gog.
12
Ak kotub gotab Israel ichek arawek tisab, si kobiit kotilil emet.
13
Ee, tubei bik tugul che bo emet ichek; ak koek kit ne toogunot eng’ ichek, eng’ betut ne tun kitorora, mwaei Kiptaiyat Jehovah.
14
Ak kotaban bik kobunot emet betusiek tugul, ak kotubot che kiga ng’et eng’ emet, si kotilil emet: cheng’oti ye kagogesgei arawechoto tisabu.
15
Ak ye bunoti icheget emet, ak kogeer chi age tugul kowa ne bo chi, konde anyun kaborunet yoto, agoi kotub bik che tubisiei eng’ atebwetab Hamon-gog.
16
Ak koek kogeny Hamona kainetab nganaset. Ianyinyi emet ko u noto.
17
Ee, weritab chi, mwaei Kiptaiyat Jehovah ko u ni kole: Mwachi taritik alak tugul, ak tiony age tugul ne bo timin, ilenji, Oyumge ak obwa; oyumge eng’ komosta age tugul si obwanji eng’sennyu ne aeng’wok, eng’set ne o eng’ tulonokab Israel, si kobiit oam banyek ak oee korotik.
18
Oam banyekab che kimen, ak oee korotikab bounikab ng’ony, che bo mengichik, ak che bo arekab kechir, ak che bo ng’ororek, ak che bo kirugik, tugul che akwaen che bo Basan.
19
Ak koam mwanik kot obiyong’se, ak oee korotik kot kobogitye, che bo eng’sennyu ne kaaeng’wok.
20
Ak obiyong’dosi eng’ mesennyu eng’ mbartanyisiek ak karisiek che bo luget, eng’ bik che nyigonen, koboto bik tugul che bo luget, mwaei Kiptaiyat Jehovah.
21
Ak ande torornatennyu kwenutab bororiosiek ak kogeer bororiosiek tugul kiruogennyu ne kaayai, ak eunnyu ne kiagonoor ichek.
22
Konai anyun gotab Israel kole a Jehovah Kamuktaindenywa, koboch betunoto ak kwo tai.
23
Ak konai bororiosiek kole kigiluul gotab Israel amu tengektanywa; amu kiingelelja, ak kiaung’e ichek togennyu: kiande anyun ichek eutab bunikwak, ak kobek ichek tugul eng’ rotwetab chok.
24
Kiayachi ichek ko u muruonindanywa ak ko u bistaosiekwak; ak kiaung’e ichek togennyu.
25
Mwaei anyun Kiptaiyat Jehovah ko u ni kole: Amutu kogeny che kigiluul che bo Jakobo, ak arire got komugul ne bo Israel; ak koama ng’etkong’ agobo kainennyu ne tilil.
26
Ak kogesen kalilanenywa, koboto bistaosiekwak tugul che kiyaiywa, ye tun meny emenywa eng’ chametab ge, ama biitu chi ne imui ichek;
27
ye tun kaamutu ichek kogeny komong’ eng’ bororiosiek, ak ayumu ichek komong’ eng’ emotinwekab bunikwak, ak kitabana eng’ taitab bororiosiek che chang’.
28
Ak konai ichek kole a Jehovah Kamuktaindenywa, amu kiagoite ichek keluul koba bororiosiek, ak koayumji ichek emenywa: ama abagakyini agot agenge oloto kogeny;
29
ama aung’e ichek togennyu kogeny; amu kaarong’ji tamirmiriennyu gotab Israel, mwaei Kiptaiyat Jehovah.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48