bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Ezekiel 48
Ezekiel 48
Kalenjin Bible (BUKUIT NE TILIL)
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
Chu anyun kainaikab ortinwek: koboch tabandab murot ne bo katam, ole negite oret ne wendi Hetlon agoi ole kibunei kebendi Hamat, Hasar-enon ne mi kiwotetab Damasko, ne tokyingei murot ne bo katam, ne negite Hamat; nyoru kiwotosiekwak eng’ kong’asis ak cherongo; kebeberta agenge ne bo Dan.
2
Ak koboch kiwotetab Dan kong’eete komostab kong’asis agoi komostab cherongo; koegu kebeberta agenge ne bo Aser.
3
Ak koboch kiwotetab Aser, kong’eete komostab kong’asis agoi komostab cherongo; koegu kebeberta agenge ne bo Naptali.
4
Ak koboch kiwotetab Naptali, kong’eete komostab kong’asis agoi komostab cherongo; koegu kebeberta agenge ne bo Manase.
5
Ak koboch kiwotetab Manase kong’eete komostab kong’asis agoi komostab cherongo; koegu kebeberta agenge ne bo Epraim.
6
Ak koboch kiwotetab Epraim kong’eete komostab kong’asis agoi komostab cherongo; koegu kebeberta agenge ne bo Reuben.
7
Ak koboch kiwotetab Reuben, kong’eete komostab kong’asis agoi komostab cherongo; koegu kebeberta agenge ne bo Juda.
8
Ak koboch kiwotetab Juda, kong’eete komostab kong’asis agoi komostab cherongo, koegu kagochinet ne ogoitoi, tebeesindanyi ko tegat elfusiek tiptem ak mut, ak kotenitu koindanyi agenge eng’ kebeberwechoto, koboch komostab kong’asis agoi komostab cherongo: ak komi ole tilil kwenunnyi.
9
Egu koindab kagochinet ne ogochini Jehovah, tegat elfusiek tiptem ak mut, ak koek tebeesindo elfusiek taman.
10
Ak bunjin ichek, choto ko tisiik, kagochinet ne tilil; egu koindo ne tokyingei murot ne bo katam, elfusiek tiptem ak mut, ak koek tebeesindo, ne tokyingei cherongo, elfusiek taman, ak koek tebeesindo ne tokyingei kong’asis, elfusiek taman, ak koek koindo ne tokyingei murot ne bo tai, elfusiek tiptem ak mut: ak komi ole tilil ne bo Jehovah kwenunywa.
11
Bunjin noto tisiik che kigitaban eng’ werikab Sadok, che kirib ng’atutikyuk; che ma bo kometa ye kingometa lagokab Israel ko u ye kiba Lawik kometa;
12
ak koek noto eng’ ichek kagochinet ne bunu kagochinetab emet, kit ne tilil mising’, eng’ ole negite kiwotetab Lawik.
13
Ak nyoru Lawik kiwotet ne koindo ko elfusiek tiptem ak mut, ak tebeesindo elfusiek taman, kotorjin ak kiwotetab tisiik: egu koindo tugul elfusiek tiptem ak mut, ak tebeesindo elfusiek taman.
14
Ama aldoi emonoto, anan kowale age, anan kogochi toek tongoanikab emet, amu itabanat emonoto eng’ Jehovah.
15
Ak koboisie bik tugul emet ne kang’et, ne bo kakwautik elfusiek mut eng’ tebeesindo, ak elfusiek tiptem ak mut eng’ koindo, kobunji emonoto nganaset, ak ole kimenyei, ak ole kiyagisie: ak komi nganaset kwenunnyi.
16
Ak chu ko kakwautikyik; egu komostab murot ne bo katam elfusiek ang’wan ak bogol mut, ak egu komostab murot ne bo tai elfusiek ang’wan ak bogol mut, ak egu komostab kong’asis, elfusiek ang’wan ak bogol mut, ak egu komostab cherongo elfusiek ang’wan ak bogol mut.
17
Ak tinyei nganaset ole kiyagisie; egu ole tokyingei murot ne bo katam bogol aeng’ ak konom, ak egu ole tokyingei murot ne bo tai bogol aeng’ ak konom, ak egu ole tokyingei kong’asis bogol aeng’ ak konom, ak egu ole tokyingei cherongo bogol aeng’ ak konom.
18
Ak aechin koindab ne ng’etu, ak kagochinet ne tilil, egu elfusiek taman kotokyingei kong’asis, ak egu elfusiek taman kotokyigei cherongo: ak koaechin ak kagochinet ne tilil; ak koek ruratennyi amitwogikab ichek che boisiei eng’ nganaset.
19
Ak kobat emonoto ichek che boisiei eng’ nganaset che bunu ortinwek tugul che bo Israel.
20
Egu kagochinet komugul elfusiek tiptem ak mut eng’ koindo ak elfusiek tiptem ak mut eng’ tebeesindo: ogoitoi kagochinet ne tilil ne aechin komoswek tugul ko ang’wan, koboto emet ne bunjin nganaset.
21
Ak kobunji bounindet ne ng’etu, eng’ komosi ak komosin ne bo kagochinet ne tilil, ak ne bo emet ne bunjin nganaset, eng’ taitab elfusiek tiptem ak mut ne bo kagochinet ne tokyingei kiwotetab kong’asis, ak ole tokyingei cherongo eng’ taitab elfusiek tiptem ak mut ne tokyingei kiwotetab cherongo, koaechin ak kebeberwechoto, bunjin emonoto bounindet: ak komi kwenunnyi kagochinet ne tilil ak ole tilil ne bo got.
22
Bunjin kogeny bounindet koboch emetab lawik, ak koboch emet ne bunjin nganaset, ne mi kwenutab emet ne bo bounindet, eng’ kwenutab kiwotetab Juda ak kiwotetab Benjamin.
23
Ak eng’ ortinwek che ng’etunotin: koboch komostab kong’asis agoi komostab cherongo; koegu kebeberta agenge ne bo Benjamin.
24
Ak koboch kiwotetab Benjamin, kong’eete komostab kong’asis agoi komostab cherongo; koegu kebeberta agenge ne bo Simeon.
25
Ak koboch kiwotetab Simeon, kong’eete komostab kong’asis agoi komostab cherongo; koegu kebeberta agenge ne bo Isakar.
26
Ak koboch kiwotetab Isakar kong’eete komostab kong’asis agoi komostab cherongo; koegu kebeberta agenge ne bo Sebulun.
27
Ak koboch kebeberta ne bo Sebulun, kong’eete komostab kong’asis agoi komostab cherongo; koegu kebeberta agenge ne bo Gad.
28
Ak koboch kiwotetab Gad, eng’ komosta ne tokyingei murot ne bo tai, koitei kiwotet Tamar agoi beekab Meribat-Kades, agoi kererutab Misri, agoi nyanjet ne o.
29
Nito emet ne opchechini ortinwekab Israel eng’ seretab barbarek koek borotenywa, ak chuto ko kebeberwekwak che terjin, mwaei Kiptaiyat Jehovah.
30
Ak chu ko ole kimandoe eng’ nganaset; eng’ komostab murot ne bo katam, koegu tegat elfusiek ang’wan ak bogol mut ngikwa:
31
Ak kimwaitoe ormarichokab nganaset kainaikab ortinwekab Israel; tokyingei murot ne bo katam ormarichok somogu: ormarichetab Reuben, ko agenge, ormarichetab Juda, ko agenge, ormarichetab Lawi, ko agenge;
32
ak eng’ komostab kong’asis koegu tegat elfusiek ang’wan ak bogol mut; ak ormarichok somok: choto ko ormarichetab Josep, ko agenge, ormarichetab Benjamin, ko agenge, ormarichetab Dan, ko agenge.
33
Ak eng’ komostab murot ne bo tai koegu tegat elfusiek ang’wan ak bogol mut; ak ormarichok somok: ormarichetab Simeon, ko agenge, ormarichetab Isakar, ko agenge, ormarichetab Sebulun, ko agenge;
34
eng’ komostab cherongo, koegu tegat elfusiek ang’wan ak bogol mut, koboto ormarichokwak somok; ormarichetab Gad, ko agenge, ormarichetab Aser, ko agenge, ormarichetab Naptali, ko agenge.
35
Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48