bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Ezekiel 33
Ezekiel 33
Kalenjin Bible (BUKUIT NE TILIL)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
Kinyonja ng’olyotab Jehovah, kolenja,
2
Ee, weritab chi, ng’alalji lagokab biguk, ilenji, Ye aipchi emet rotwetab chok, ngot kolewen bikab emonoto chito eng’ kwenunywa, ak konde koek ribindenywa:
3
ak ngo keer inendet rotwetab chok konyonjin emonoto, koguut iriaget ak koteechi bik;
4
age tugul anyun ne kasei iriaget, ama iit kateunet, ngot konyo rotwetab chok ak kobar inendet, kotebe korotikyik metinnyi.
5
Kigas inendet iriaget, ama iit kateunet, tebe anyun korotikyik inendet: amu nda kiga iit kateunet, ta kiga kosor sobondanyi.
6
Ago ngot kogeer ribindet konyonei rotwetab chok, ama kuut iriaget, ama kiteechi bik, ak konyo rotwetab chok, ak kobar chi age tugul eng’ kwenunywa; kebare amu tengektanyi, ago amage korotikyik eutab ribindet.
7
Ee anyun, inye, weritab chi, kaandein iegu ribindet eng’ gotab Israel; kas anyun ng’olyot ne amwae, ak iipchi ichek kateunennyu.
8
Ye alenji kiptengekyot, Ee, kiptengekyondoni, imee iman, ameteechi kiptengekyondonoto kometo orennyi; komeei kiptengekyondonoto amu tengektanyi, ago amage korotikyik eung’ung’.
9
Ago, ngot iteechi kiptengekyot agobo orennyi, si koweek kometo oranato, ama meto orennyi, komeei inendet amu tengektanyi, ago kaisoru sobondang’ung’.
10
Ee inye, weritab chi, mwachi gotab Israel, ilenji, Omwae ko u ni ole, Kanamech bistaosiekyok ak tengekwogikyok, ak kichuchuitosi amu choto; kimuktoi ano anyun kesopche?
11
Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?
12
Ee, inye weritab chi, mwachi lagokab biguk, ilenji, Masoru chito ne bo iman imanda eng’ betutab bistoennyi; ago manamei kiptengekyot tengekto eng’ betut ne kaweek kometo tengektanyi: ama imuchi kosob inendet ne bo iman eng’ imandanyi eng’ betut ne yaei tengekto.
13
Ye alenji ne bo iman, isobe iman; ngot komang’ imandanyi, yeityo koyai tengekto, ko magibwati agot agenge eng’ boisionikyik che bo imanda; ago meei amu tengektanyi ne kiyai.
14
Kogeny, ye alenji kiptengekyot, Imee iman; ngot koweek kometo tengektanyi; ak koyai kit ne bo iman ak ko litit;
15
ngot koweekta kiptengekyot kit ne kiname besendo, ak koweekta kogeny kit ne kirebei, ak kowendote ng’atutikab sobondo, amata koyai tengekto; kosobei iman inendet, mameei.
16
Magiityin inendet agot agenge eng’ tengekwogikyik che kigoyai: kigoyai inendet kit ne bo iman ak ko litit; sobei iman.
17
Ago mwaei lagokab biguk kole, Ma bo iman oretab Kiptaiyat: ago eng’ ichek ko ma bo iman orenywa.
18
Ye week ne bo iman kometo imandanyi, ak koyai tengekto, komeei eng’ tengegoto.
19
Ak ye week kiptengekyot kometo tengektanyi, ak koyai kit ne bo iman ak ko litit, kosobei inendet eng’ noto.
20
Ago omwae ole, Ma bo iman oretab Kiptaiyat. Ee gotab Israel, aruokyini age tugul eng’ okwek ko u ortinwekyik.
21
Kinyonja chito age ne kiga chilil komong’ eng’ Jerusalem, kinyo eng’ kenyit ne bo taman ak aeng’, koboch ngab keluulech, eng’ arawetab taman, eng’ betut ne bo mut ne bo arawanato, kolenja, Kagebar nganaset.
22
Kimi anyun eutab Jehovah baragunnyu koskoleny, kotomo koit inendet ne kichilili; ak kiga kogona Jehovah ang’alal, ye kingoitu chichoto karon ole kiami, ak kiang’alal, kimata konamaga kut.
23
Ak kinyonja ng’olyotab Jehovah, kolenja,
24
Ee, weritab chi, mwaei ichek che menyei komoswek che karatwek eng’ emetab Israel, kole, Ki chichak Abraham, ak kibunji emet: ago ki chang’ achek; kigigonech emet kobunjech.
25
Mwachi anyun ichek ilenji, Mwaei Kiptaiyat Jehovah ko u ni kole: Oame banyek koboto korotik, ak otokyini konyekwok kanamonikwok, ak otumdoi korotik: tos oname emet kobunjok?
26
Otiiege rotokwok bo chok, oyae kit ne kiwechei, ak ing’waniti age tugul eng’ okwek osotiotab chitab kokwennyi: tos oname emet kobunjok?
27
Mwachi anyun bichoto ko u ni ilenji, Mwaei Kiptaiyat Jehovah ko u ni kole: Ko u ye asobe, kibare iman rotwetab chok ichek che mi komoswek che karatwek, ak agochini koam tiong’ik inendet ne mi kewanin, ak kobar koroito ichek che mi irimoik ak che mi kebenonik.
28
Ak ayae emet koguber ak koek ne kikwong’e, ak kogesgei menotetab kimnatennyi; ak koek surkwen tulonokab Israel, kot ko ma kobunei chi.
29
Yeityo konai ichek kole a Jehovah, ye kaayai emet koguber ak koek ne kikwong’e, amu tugukwak tugul che kiwechei che kigoyai.
30
Ee, inye weritab chi, ng’alali agobo inye lagokab biguk eng’ ole negite irimoik, ak eng’ kurgotikab gorik, ak kong’alaljin age age, ng’alaljin chi tugul tupchennyi, kolenjin, Asomin ale, nyo kebe kegas ng’olyot ne bunu Jehovah.
31
Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.
32
Keer anyun-o, i u eng’ ichek tiendo ne kararan mising’, ne tinyei cheet ne anyiny, ne butindet: amu kasei ichek ng’aleguk, ago mayaei.
33
Ak ye biit kioto, (keero, nyonei,) konai anyun kole kimi maotiot kwenunywa.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48