bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Chronicles 23
2 Chronicles 23
Lugbara (E’yo Siza Alatararu Munguniri BIBLIA)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Eli aziririsi Yehoyada imba i ma ngulupi okporu, nga ti efi ambo asikari turu alu ma dri cepi ’diyi be, yi Azaria Yerohamu mvi pi, Isimaeli Yehohanani mvi pi, Azaria Obedi mvi pi, Maaseya Adaya mvi pi, Elisafati Zikiri mvi pie dria,
2
Yi nga aci angu Yudani ma alesi, nga ’ba Levini oku aku Yudani ma aliasi dria, ’ba Israelini ori’ba yi ma a’bipini ma dri cepi ’diyi be dria, yi nga di emu Yerusalemua.
3
’Ba ongulumuru ’diyi dria yi nga e’ye aziza ede opi be jo Munguniri ma alia. Eri ’yo ani yi tia, Emi ndre opi mvini! Eri nga opi nyani, ekile Yehovani ’yole agupianzi Daudini ma e’yosirile.
4
’Diri e’yo emini ngale ’yeleri: emi ’ba na ma esele aluri efipi etu sabatonisi, ’ba atalauru azini ’ba Leviniru ’diyi, emi nga ovu ’ba azi ngapi jotilea ’diyiru;
5
emi ’ba na ma esele aluri ma azini nga ovu opi vile akua; emi ’ba na ma esele aluri nga ovu jotile jo ma eti e’dozuria; te ’ba nde dria ’diyi nga ovu irii Yehova vile joari ma alia.
6
Te ’ba aluni ma fi jo Yehovaniri ma alia ku, pe lu atalau yi a’dule, azini ’ba Levini azi ngapi ’diyi ma azi be; yi nga fi aleniani yini ovule alarurisi, te ’ba dria yi nga e’yo Yehovaniri ma mile ga.
7
’Ba Levini ’diyi nga opini ace kuru, ’ba dria alu alu afa ombani be i ma dria; te ’ba dria fipi joari, ma ofu yi ra. Te emi ma ovu opi be ’dani erini firia azini furia indi.
8
’Dini ’ba Levini piyi Yudani be dria, yi ’ye di ekile atalau Yehoyadani azile yi tiarile. Yi dria alu alu eji ’ba yini fipi sabatosi ’diyi pi ’ba fupi sabatosi ’diyi be; a’disiku atalau Yehoyada peni esele yini awale amutisi ’diyi ma ti mvizu ku.
9
Atalau Yehoyada fe ambo asikari turu alu ma drilia ’diyi dri aju piyi, gombere nyiri ’diyi pie, ’wara ’diyi pie, ndra ovupi opi Daudini, ovupi jo Munguniri ma alia ’diyi.
10
Eri oti ’ba dria, ’ba dria alu alu afa ombani be yi ma dria, engazu jo kala dri ndiaria cazu jo ma kala dri ejiaria, pari edeta edezuri pi ma ageia jo be, opi ma ageiasi kuru.
11
’Di ma vutia yi eji opimvini amve, ’ba ekilaza opiniri eri ma dria, fe eri dri afa e’yo eti nzezaniri; yi ’ba eri opiru, Yehoyada anzipi be osu di odu eri ma dria; yi ’yo ra kini, Opi ma rua ma adri alaru ’dani.
12
Te Atalia ka otrena ’ba ndeni eri ra, yini onzuria azini yini opini inziria, eri emu ’ba vu jo Yehovaniria;
13
te eri lu, azini mi ne, opi so pa pati idiza piriri vu pari fizurialeru, ambo asikarini ’diyi pi oso pa opi ageia ’ba guka vupi ’diyi be, ’ba dria angu ndea ’diyi yi ovu ayikosi tu, yi vu guka, ’ba ongo ngopi ’diyi co vini o’di ongo ngozu ’diyi indi, yi ce ani ’ba dri ongosi inzita fezu. Atalia nga di bongo ini asi ra, nga otre kini, ’Di ti eciza e’yo otuzuri! ’Di ti eciza e’yo otuzuri!
14
Atalau Yehoyada nga di ambo asikari turu alu ma drilia ovupi asikari ongulumuru ma drilia ’diyi eji, nga ’yo ani yi tia kini, Emi ma ofu eri asikari ma eseliasi; te emi ma fu ’ba eri ma vuti bipiri seisi ra. A’disiku atalau ’yo kini, Emi ma fu eri jo Yehovaniri ma alia ku.
15
Yi adi eri dri geri, eri nga mu pari fizu kalitile akanyaniria fizu opi vile joa ani, yi fu di eri ’daa.
16
Yehoyada azi e’yo aziza i ma ngulupi pi ma eselia ’ba dria pie, opi pie, kini yi ma ovu ’ba Yehovaniru.
17
Azini ’ba dria nga mu jo Baaliniria, nga eri asu va; pari edeta edezu erini ’diyi yi onyo nyingiriki wura erini ’diyi be, yi fu Matani atalau Baaliniri pari edeta edezu ’diyi ma drilia.
18
Yehoyada ope ’ba azi ngazu Yehova vile joa ’diyi, ’ba edeta edepi ’ba Levini ’diyi ma palaa; te Daudi awa ndra yi azi ngazu jo Yehovani ma alia, ngazu edeta vezaru edezu Yehova dri, ekile sile azita Musani ma aliarile, ovuzu ayikosi ongo ngozu ekile inzita Daudini azileriie.
19
Eri oti vini ’ba kalitile agei tepi ’diyi jo Yehovaniri ma kalitilia, ’dini ’ba ovupi alaru ku e’yo azinisi ’diyi ma fi alenia aluni ku.
20
Eci nga ani ambo asikari turu aluni ’diyi pi oku, ’ba ’wara ’diyi pie, ’ba opiru ’ba nde ma drilia ’diyi pie, ’ba dria angu ndea ’diyi pie dria, nga opini eji engazu Yehova vile joarisi, yi efu kalitile urulerurisi kpere fizu opi vile joa. Yi ’ba opini oguna opiniri ma dria.
21
’Dini ’ba dria ovupi angu ndea ’diyi ove ayikosi; aku nde ovu ndi; yi fu di Ataliani seisi ra,
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36