bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Chronicles 26
2 Chronicles 26
Lugbara (E’yo Siza Alatararu Munguniri BIBLIA)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
’Ba Yudaa ’diyi dria nga Uzia, ovupi eli be mudri drini aziari, ’du ’ba opiru ati Amazia ma paria.
2
Eri nga Elotini si ra, eri omvizu Yudaa vu, opini lazu i a’bipi beri ma vutia.
3
Uziani ndra de eli be mudri drini azia erini e’dozu opi nyazurisi, nya opi eli kali towi drini Yerusalemua. Andri ma ru Yekolia, Yerusalemuari’i.
4
Eri ’ye e’yo Yehova ma milia onyiru, ekile e’yo dria i ma ati Amaziani ndra ’yelerile.
5
Eri ’ba i asi Munguni ndazu ewu Zekaria ’ba e’yo ndreza Munguniri ma e’yo vapirinisi; te o’du dria erini i fezu Mungu ndazurisi Mungu fe ani eri ma ovu drilebaru.
6
Eri nga fu mu a’di ’dizu ’ba Filisitiaa ’diyi be, eri nga ani abi aku Gatuniri pi nye ra abi Yabineni pie, abi Asidodini pie; eri nga vini aku o’ba angu Asidodini ma alia, azini ’ba Filisitiaa ’diyi ma eselea.
7
Mungu ko eri ma aza a’di ’dizu ’ba Filisitiaa ’diyi pi be, ’ba Arabua ovupi Guri-baalia ’diyi pie, ’ba Meunini ’diyi pie dria.
8
’Ba Amonini ’diyi fe afa feza Uzia dri indi; eri ma ru ku wakaka kpere kalati ’bani fizu Misiriaria, erini ecale okporu turisi.
9
Azini vini indi Uzia o’ba jo izu izu ’diyi Yerusalemua kalitile kalaari pia, kalitile a’buniri pie, pari abini i agozuri pie dria, eri ’ba yi okporu tu.
10
Eri si vini jo izu izu ’diyi tre angu roko dria, eri ga pari yi ta mbazu ’diyi kakau, erini ovule ti be karakaraurisi; ga pari nde angu eleria azini angu senderua indi; eri ovu ’ba amvu ma azi ngapi ’diyi pi be, ’ba zabibu pati ma agei tepi ’diyi pie, oni dria uru azini amvu afa kapi tu ’diyi ma alia, erini amvu lele turisi.
11
Azini vini indi Uzia ovu ndra asikari omba ’dipi ’diyi be kakau, ’ba ’diyi adri mu ombaa esele tindi vusi tindi vusi ekile yi ma kalafeni ovule sizaru Yeyeli ’ba waraga sipiri pi dri Maaseya ambo yi driliari berile, Hanania ambo opini asikari ma drilia ’diyi ma azi alu ce yi drini.
12
Kalafe ’ba lori’ba yi ma a’bipini ma dri cepi ’diyini, ada ’ba ombani asi teza be ’diyi dria, eci i alifu iri drini turu azia.
13
’Ba nde ’diyi ovu asikari imbale a’di ’diza ma e’yosi ’bo ’diyi ma drilia, kalafeni alifu turu na drini turu aziri drini turu towi, yi ’ba a’di ’dipi okporu tu opi ma aza kozu ari’ba ma ruaa ’diyi.
14
Uzia ede yi dri, ada asikari ongulumuru ’diyi dri dria, gombere piyi aju pie, mbiri pie, bongo ayaru ombaniri pie, osu pie, oni ’bani ’bele bakasi ’diyi pie dria.
15
O’ba vini Yerusalemua aya azini ’ba onduaru ’diyini edele ’diyi, ovuzu jo izu izu ’diyi pi ma dria, pari ’ba ombani tezu abi ma ’driari be, ngazu ’ye gbizu, oni ambo ambo o’bezu indio Eri ma ru ku ani wakaka, erini aza koza isule tu, kpere erini ovuria okporu ’borisi.
16
Te etu erini ecazu okporu ’borisi, afu enga asinia, ’dini eri ’ye onzikanyaru; eri eza e’yo Yehova Mungu eriniri vu, fi hekalu Yehovani ma alia obiese evezu pari obiese vezuri ma dria.
17
Te atalau Azaria fi joa vutinisi, eri be ’ba edeta i edepi Yehova dri kali aro, ’ba asi teza be ’diyi;
18
yi oga opi Uziani ra, ’yo tinia ’dini, ’Diri azi mini yo, Uzia la, obiese evezu Yehova dri, te eri ’ba edeta edepi Aroni anzipiru ’bani ’bale ndu alaru obiese evezu ’diyi ma azi a’dule. Mi ma fu di pari alatararuriasi amve, mini e’yo ezale ’borisi; e’yo ’diri ngani vini ovu mi ma inzitaru Yehova Mungu ma milia ku.
19
Te Uzia ofu di ani adraru tu. Isu de otekua obiese vezuri drinia ci; te de erini ovuria adraru ’ba edeta edepi ’diyi berisi, ofu enga andretinia coti, ’ba edeta edepi ’diyi ma milia jo Yehovaniria ’daa, pari obiese vezuri ma, ageia
20
Azaria atalau amboruri pi lu eri vu, ’ba edeta edepi ’diyi be dria, te mi ne, ofu nya andretini ra! ’Dini yi e’di eri ma ti amve ’dele ngu ngu ngu mbele, ada eri ma ngulupiri ari di i fuzu amve ceni indi, Yehovani eri cole ’borisi.
21
Opi Uzia ovu di ofu be ’dani kpere o’du erini drazuria, eri ovu jo nduri ma alia a’dule, erini ovule ofu berisi; a’disiku ’ba oga eri dri fizu Yehova vile joriasi. Te eri ma mvi Yotamu ovu di opi vile jori ma drilia, ’ba angu ndea ’diyi ma e’yo lizu.
22
Te e’yo azini Uziani ’yele, oko ’diyi pi vile ’diyi be, nabi Isaya Amozi mvi sini.
23
’Dini Uzia la i a’bipi be, yi sa eri ma avu atipi be tualu pari ’bani adrizu opiyi sazuri ima alia, a’disiku yi ’yo, Eri ofu’bani. Erima mvi Yotamu nya opi eri ma pariani.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36