bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Chronicles 9
2 Chronicles 9
Lugbara (E’yo Siza Alatararu Munguniri BIBLIA)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 10 →
1
Te opi okuru Sebaari ka e’yo kuza Sulemaniniri eri ra, eri emu Yerusalemua Sulemanini o’bizu zita ewarusi. Emu ’ba kakau be, yi cii afa eri ma vutisi, ngamia afa aji be arikariru ejipi ’diyi pie, mele pie karakarauru tu, oni ajeambosi ’diyi pie. Te eri ka eca Sulemani vu eri nze eri tia e’yo ovupi eri ma asiari dria.
2
Te Sulemani ece e’yo erini zile ’diyi dria ra; e’yo aluni Sulemanini ndepi ra, erini ecole ecele eri dri kuni yo.
3
Opi okoru Sebaari ka ondua Sulemanini pi ndre, jo erini sileri pie,
4
nyaka mesa erini ma driari pie, riza ati’ba erinini pie, azi agei teza ’ba azi ngapi eri dri ’diyini pie, bongo yini pie, ati’ba kopo erini fepi mesaa ’diyi pie, bongo yini pie, geri erini tuzu fizu jo Yehovani ma aliari pie dria, ava erini oti ani ra.
5
Te eri ’yo opi ma tia, E’yo mani erile angu ma ngulupini ma alia ’yeta mini pisi ondua mini beri, yi ovu e’yo kuza adaruri;
6
te ti, ma a’ini ndra e’yo yini ’yole ’diyi ku, de nga ma emuni nezu ma milesi ku; te mi ndre, yi eceni ma dri ondua mini amboruri ma e’yo ma aliniri nga ku; mi aga e’yo kuza mani erile ndrari ra.
7
Ayiko ’ba mini ’diyi dri! Ayiko ati’ba mini pa sopi mi drilia ’dani ondua mini eripi ’diyi dri!
8
Inzita ma ovu Yehova Mungu miniri vu, mi avani eri valerisi, erini mi ’bazu oguna ini ma dria ovuzu opiru Yehova Mungu mini ma ’baru! Mungu minirini Israelini lelerisi, fezu suru yiniri ma so pa okporu ’dani, e’yo ’disi ’ba mi ovuzu opiru yi ma drilia driani, e’yo liza kililiru pi ’yezu e’yo onyiru be.
9
Te eri fe opi dri mele onziru turu alu drini kali iri, afa arikariru tu ’diyi pie kakau, oni aje ambosi ’diyi pie; afa arikariru azini i sipi afa arikariru opi okuru Sebaarini fele opi Sulemani dririleri okuni yo.
10
Te ati’ba Huramuni ’diyi ati’ba Sulemanini ’diyi be, mele ejipi Ofiriasi ’diyi, eji vini sandali pati azini oni aje ambosi ’diyi be indi.
11
Te opi ede jo Yehovani ma otufe ’bani tuzuri sandali pati nde ’diyisi, azini jo opiniri ma otufe indi, ede vini eri o’diru azini o’di zaburi ngozuriru ’ba ongo ngopi ’diyi dri; afa azini ndra ’bani ndrele ’dinile angu Yudania oku nga drioni yo.
12
Te opi Sulemani fe opi okuru Sebaari dri afa dria erini lele ’diyi, afa dria erini a’ile ’diyi, ka ovu ngoni ti, aga afa erini ejile opi driri ma drilesi tu. ’Dini eri oja i mvi i vile angua, eri’i ati’ba erini be.
13
Te mele ecapi Sulemani vu eli alu alusiri ma nziza ovu mele onzi turu azia kali azia drini azia,
14
azini drinia orodri azini ’ba afa ozipi ’diyi pini ejileri ’ba afa jepi ’diyi be; azini opi dria angu Arabuari ma drilia ’diyi pi ’ba angu nde ma dri cepi ’diyi be, yi eji mele pi dahabu be Sulemani dri.
15
Opi Sulemani ede gombere turu iri mele dile dirisi; mele dile di ovupi gombere alu alu ma aliari ovu sekeli turu azia.
16
Ede vini gombere turu na mele dile dirisi; mele ovupi gombere ’diyi ma alu alu aliari ovu sekeli turu na; te opi o’ba di yi jo oce Lebanoniarini ma alia.
17
Azini opi ede vini oguna amboru ewasisi indi, eri a’bu ruani mele alatararurisi.
18
Pari otiza mileko azia tuzu uru oguna dria ovu eri drilia, afa meleru pa ’bazu drinia ovupi ecizaru oguna nde ma ruaari be, dri opirikala ovu pari rizuri ma kala ’doria ’daria indi, azini wura kami irini yi so pa dri opirikala nde ’diyi ma kalaa;
19
wura kamini mudri drini iri ovu pari otiza alu alu mileko aziari ma dria kala ’dasi, kala ’disi. Oguna ’dileni suruti opi nyaza azinia aluni yo.
20
Okelea dria Sulemanini ovu meleni, azini vini imvu dria ovupi jo oce Lebanoniarini ma alia ’diyi yi ovu mele alatararuni; ’ba asini dahabu ma e’yosi ewu Sulemani ngarerisi ku.
21
A’disiku opi ovu ndra oguru be acizu Tarisisia ati’ba Huramuni ’diyi be; pale alu eli na vusi oguru emupi Tarisisia ’diyi adri eca mele ejizu dahabu pie, ewasi pie, emgbeleke pie, aria sobi be taya ndrizaru ’diyi pie.
22
’Dini opi Sulemani aga opi nyakua ’diyi dria lonyisi azini onduasi ra.
23
Te opi dria wudrikurua ’diyi nda ovuzu Sulemani ma milia ondua Munguni ’bale eri ma asiari erizu.
24
Yi dria alu alu eji feta yini, imvu dahaburu piyi, imvu meleru be, bongo pie, afa suza ombani pie, afa aji be arikariruri pie, akanya pie, akanya farasiru ’diyi pie, eli vusi eli vusi yi eji afa yini ma kalafe ’dipi.
25
Sulemani ovu ndra jo akanyani be alifu su, gari ombani ’diyi be, azini asikari nzupi akanya dria ’diyi ovu alifu mudri drini iri, erini o’bale aku gari ombani vile ’diyia, azini Yerusalemua indi opi vu ’diyi.
26
Eri nya opi etu ’dasi opi ’dria ma drilia engazu Yi Ara tia ecazu angu ’ba Filisitiaa ’diyiniria, azini kpere angu Misirini ma tia indi.
27
Opi fe dahabuni ecazu Yerusalemua onile, mario patini kakau ekile pati elioru zopi angu ’dalaria ’diyile.
28
’Ba eji akanya Sulemani dri engazu Misiria, azini engazu angu dria ma aliasi indio
29
Te e’yo azini Sulemanini ’yele, oko ’diyi azini vile ’diyi, ’ba sini yi adi nzeza nabi Natanini ma alia ku ya? azini e’yo ondriza nabi Ahiya ’ba Siloariniri ma alia, azini afa ndreza Ido ’ba afa ndrepiri erini ndrele Yeroboamu Nebati mvi ma e’yosiri ma alia ku ya?
30
Sulemani nya ndra opi Yerusalemua Israeli dria ma drilia eli kali su.
31
Te Sulemani la i a’bipi be, yi sa eri ati Daudi ma akua; te Rehoboamu eri ma mvi nya opi eri ma pariani.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36