bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Chronicles 29
2 Chronicles 29
Lugbara (E’yo Siza Alatararu Munguniri BIBLIA)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Hezekia e’do opi nyazu de isu eli erini eca kali iri drini towi, eri nya opi Yerusalemua eli kali iri drini oromi. Andri ma ru Abiya, Zekaria zi’i.
2
Eri ’ye e’yo onyiru Yehova ma milia, ekile e’yo dria ati Daudini ndra ’yelerile.
3
Eli oko erini e’dozu opi nyazuri ma mba okori ma alia, eri zi jotile jo Yehovania ’diyi mgboru, ede yi dika.
4
Eri eji ’ba edeta edepi ’diyi pi ’ba Levini ’diyi be, oku di yi tualu riidri walaru kala etuni efuzurialeruri ma alia,
5
nga ’yo ani yi tia kini, Emi eri ma, emi ’ba Levini ’diyi! Emi ’ba emi ngulupi alaru curu’do, emi ’ba jo Yehova Mungu emi a’bipiniri alaru indi, emi ofu afa ondiru ’diyi pari alatararuriasi amve.
6
Te ama a’bipi eza ’bo, yi ’ye e’yo onzikanyaru Yehova Mungu amani ma milia ’bo, yi ku eri ra, yi oja yi ma mile kalaa pari Yehovani ovuzuri luzu ku, oja di yi ma nguku eri vu’i.
7
Yi opi vini jotile jobileko etia ’diyi ci, yi inyu tala ra, yi eveni obiese ku, edeni edeta vezaru ’diyi pari alatararuria Mungu Israeliniri dri aluni ku indi.
8
E’yo ’disi adra Yehovaniri eca ani Yuda pi ma dria Yerusalemu be, eri fe ani yi ofuzu afa rua yaza fepiriru, yi ma ovu ani e’yo osutaru azini onzizaru beni, ekile emini ndrele emi milesirile.
9
Te emi ndre, ama atipi o’de sei ma sia ’bo, azini agupianzi amani piyi, ezoanzi amani pie, oku amani pie dria yi ati’baru pila e’yo’dirisi.
10
Curu’do ma ega ma asia aziza azizu Yehova Mungu Israeliniri be, adra erini okporuri ma, oja i ani ama vurisi ra beni.
11
Ma anzipi la, emi ma ovu adikuru ku, Yehovani emi opele pa sozu eri ma drilia, azi ngazu eri dri, emi ma ovu ’ba azi erini ngapi ’diyiru, obiese vezurisi.
12
’Ba Levini nga eli enga ra, Mahati Amasai mvi pi Yoeli Azaria mvi be, yi anzi Kohatini; Merari anzipi ma eselia Kisi Abidi mvi pi Azaria Yehaleleli mvi be; ’ba Gerisonini ma eselia Yoa Zima mvi pi Edeni Yoa mvi be;
13
Elizafani anzipi ma eselia Simiri pie Yeueli be; Asafu anzipi ma eselia Zekaria pi Matania be;
14
Hemani anzipi ma eselia Yehueli pi Simei be; Yedutuni ma anzipi ma eselia Semaya pi Uzieli be.
15
Yi oku yi adripi tualu, yi ’ba yi ma ngulupi alaru, yi fi di joa ekile opini azile e’yo Yehovanisirile, jo Yehovaniri ’bazu alaru.
16
’Ba edeta edepi ’eliyi fi jo Yehovani ma esele alialeruria eri ’bazu alaru, afa alata kokoru yini isule jo Yehovani ma aliari ofuzu dria amve, ejizu irii jo Yehovanirini ma dria; ’ba Levini nga di eri omvu ji amve kpere yi raza Kidronia.
17
Isu de yi e’do di eri ’bazu alaru mba okori ma o’du okori ma alia, te mba nderi ma o’du arorisi yi eca eli jobileko Yehovaniria; ’dini yi ’ba jo Yehovaniri ma ale alatararu o’du aro pi, yi de ’yezu mba okori ma o’duni caria di mudri drini aziarisi ra.
18
O’du ’dasi yi nga di fi opi Hezekia vu joa, nga ’yo ’dini, Ama de eli curu’do jo Yehovani edezu dria alaru ’bo, pari ’bani edeta vezaru ’eliyi edezuri pi, afazu erini ’diyi pie dria, mesa mikate ecetarurini pie, afazu erini ’diyi pie dria.
19
Drinisi afazu dria ndra opi Ahazini o’bele amve etu erini opi nyazurisi erini e’yo ezaria ’dayi dria, ama ede yi, ama ’ba yi alaru ’bo; mi ndre, yi ovu pari edeta edezu Yehovaniri ma drilia.
20
Vutinia opi Hezekia enga drio drio, oku ’ba ’wara akua ’diyi, tu yi be jo Yehovaniria.
21
Yi eji monio aziri, kabiloago aziri, kabiloanzi aziri, ndriago aziri edetaru e’yo onzi suru pini edezu, pari alatararuri pie, Yuda pie. Eri azi ’ba edeta edepi Aroni anzipiru ’eliyi yi fezu edetaru pari edeta edezu Yehova driri ma ’dria,
22
’Dini yi oso ti ranya teka ’diyi ra, ’ba atalauru ’diyi a’i ariniri, oya eri pari edeta edezuri ma dria; oli vini kabiloago ’diyi indi, oya vini ariniri pari edeta edezuri ma dria; oli kabiloanzi indi, oya yi ma arini pari edeta edezuri ma dria.
23
Yi etru ndriago edeta e’yo onziniru ’diyi ogogo opi pi ma drilia ’ba ongulumuru ’diyi be, yi oti di yi ma dri yi ma dria,
24
’ba edeta edepi ’diyi oli yi ra, ede yi ma arisi edeta e’yo onziniri pari edeta edezuri ma dria, ’ba Israelini ’diyi dria ma e’yo onzi edezu. A’disiku opi azi e’yo kini edeta vezaruri pi edeta e’yo onziniri be, ma ovu edezaru Israeli driasi.
25
Eri o’ba vini ’ba Levini jo Yehovani ma alia aya cole co ’diyi pi be, o’di zaburi ngozu ’diyi pie, o’di azini ’diyi pie, ekile azita ndra Daudi pini azile, Gadi ’ba opini e’yo ndreza ndrepiri pie, nabi Natani berile; a’disiku azita ’diri efu Yehova vu geri nabi erini ma tiarisi.
26
’Dini ’ba Levini oso di pa afa ongo ngozu ndra Daudini azile ’diyi be, ’ba edeta edepi ’diyi ovu di guka be.
27
Hezekia azi yi dri edeta vezaruri edezu pari edeta edezuri ma dria. Yi ka e’do edeta vezaruri edezu, yi e’do ongo Yehovani inzizuri ngozu indi, guka pie, afa ongo ngozu Daudi opi Israelinirini ’diyi be.
28
’Ba ongulumuru dria inzi ra, ’ba ongo ngopi ’diyi ngo di ongo ra, ’ba guka vupi ’diyi enga guka yini ma o’duko indi; ’di dria ’ye i kpere ’bani edeta vezaruri dezu ’boria,
29
Yi ka di edeta ede de dria ’bo, opi pi ’ba eri be ’diyi pie dria o’bu yi va inzizu ra.
30
Dika vini indi, opi Hezekia pi ’ba ’wara ’diyi be azi ’ba Levini ’diyi ma ngo ongo Yehova dri eri inzizu, ongo Daudi pini Asafu ’ba e’yo ndreza ndrepiri be ’diyisi. Yi ngo ongo inzitaru ayikosi, yi elu yi ma dri va inzizu.
31
Hezekia nga di e’yo omvi kini, Emi ’ba emi alatararu emi ngulupi fezu Yehova dri curu’do ’bo; emi etru di emi inyia, emi eji edera piyi afa feza awa’diforu ’diyi be jo Yehovaniri ma alia. ’Ba ongulumuru eji di edeta piyi afa feza awa’diforu ’diyi pie ani; azini ’ba ovupi asi avaru be ’diyi eji vini edeta vezaru indi.
32
Edeta vezaru ’ba ongulumuruni ejile ’diyi ma kalafe yi ’di: ti ranya kali aziri, kabiloagoru turu alu, kabiloanzi turu iri; afa ’diyi dria edeta evezu Yehova dri ’diyi.
33
Te afa feza ’bale ndu Mungu dri ’diyi, yi ti turu azia, kabilo alifu na.
34
Te o’du ’dasi ’ba atalauru ’diyi yi were, e’yo ’disi yi econi ani afa fele evezaru ’diyi ma enyiriko wu dria ku, e’yo ’disi yi adripi ’ba Levini ’diyi ko yi ma azani, kpere azini i deria, cazu ’ba atalauru azini ’diyini yi ma ngulupi ’baria alaru ’boria-a’disiku ’ba Levini ma asi ovu ndra kililiru lezu yi ’bazu alaru aga ’ba edeta edepi ’diyi ra.
35
Azini alu indi edeta vezaru ’diyi karakarau tu, oso edeta asi anzuruni ’diyini pie, edeta mvuzaru edeta vezaru ’diyi vusi ’diyi pie dria. ’Dini yi ede di azi jo Yehovaniriari kililiru.
36
Hezekia ovu ani ayikosi tu, ’ba nde ’diyi be dria, afa Munguni edele ’ba nde ’diyi dririsi; a’disiku e’yo nde ’diri ’ye ndra i mbeleru.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36