bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Chronicles 33
2 Chronicles 33
Lugbara (E’yo Siza Alatararu Munguniri BIBLIA)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Manase ma eli ovu ndra mudri drini iri erini e’dozu opi nyazurisi; eri nya opi eli kali towi drini towi Yerusalemua.
2
Eri ’ye e’yo ovupi onzi Yehova ma miliari, ekile e’yo onzikanyaru ngule onzi suru Yehovani odrole anzi Israelini ma driliasi ’diyini adrile ’yelerile.
3
Te eri si pari uruleru i ati Hezekiani onyole ’diyi dika, eri o’ba vini pari edeta edezu Baali dri ’diyi, eri ede vini wura Aseriru ’diyi, eri inzi ongulumu ’bua ’diyi dria, ’ye azi yini ’indi
4
Eri si vini pari edeta edezu ’diyi jo Yehovaniri ma alia, ndra Yehovani ’yozu kini, Ma nga ma ru ’ba Yerusalemu ma alia ’dani ’daniri.
5
Si vini pari nde edeta edezu ’diyi ongulumu ’bua ’diyi dri dria, jo Yehovani ma iriidri iri ’diyi ma alia.
6
Eri ve i anzipi edetaru fezu yini agazu aci eseliasi e’bu Hinomu mviniria, eri ndri andri, eri ro olesi, eri ena ’ba enatasi, eri osa i e’yo ’yezu ’ba orindi onzini ’diyi be, azini ’ba ojouru ’diyi be. Eri ’ye e’yo kakau ovupi onzi tu Yehova ma milia ’diyi, adra erini engazu.
7
Eri ’ba wura inzile inzi, erini opaleri, Mungu vile joa, Munguni e’yoni ’yole Daudi pi ma tia mvi Sulemani beri, kini, Jo ’dori ma alia azini Yerusalemu mani pele suruti Israelini dria ma eseliari ma alia, ma nga ma ru ’ba ovuzu ’dani ’dani;
8
te ma ngani vini ’ba Israelini ’diyi ma pa ’du angu mani ndra pele yi ma a’bipi driri ma aliasi dika ku, yi ka nga asisile yini ’ba e’yo dria mani azile yi driri ’yezu’i, adani azita pi, aziza pie, e’yo mani azile geri Musa vurisi ’diyi pie dria.
9
Manase fe Yuda pi ’ba ovupi Yerusalemua ’diyi be dria ma eza e’yo, ’dini yi ’ye onzi aga suru ndra Yehovani dri jale anzi Israelini ma drilia ’diyini ’yeleri ra.
10
Yehova ’yo e’yo Manase pi ma tia ’ba erini ’diyi be, te ti, yi asini e’yonderisiku.
11
E’yo ’disi Yehova nga ambo asikari ongulumuru opi Asuriaarini ’diyi ma dri cepi ’diyi eji yi ma dria, bi Manaseni, ’i eri anzirikusi, eci eri emvesi, ji ani eri Babulonia.
12
Te erini ovuria candi beria, eri nga matu ’ba Yehova Mungu iniri vu, do i ma ngulupi e’yere tu Mungu i a’bipini ma drilia.
13
Eri zi e’yo tinia; eri a’i zita nde ra, eri matu ’baza eriniri, nga eri eji ani dika Yerusalemua, opi eriniri ma alia. Manase nga di ni ani kini Yehovani de Munguni.
14
’Di ma votiarisi si abi azini amveleru dika aku Daudiniri ma ageia e’bua, Gihoni ma kala etuni ’derialeruria, kpere pari fizu kalitile e’biniria, ace Ofelini abisi kuru, si eri uru tu; o’ba ’ba omba dri cepi asi teza be ’diyi ci aku acele abi kaliru be Yudaa ’diyi ma agei tezu dria.
15
Eri wu mungua juruni ’diyi pi dria, wura inzile inziri be Yehova vile joasi ra, azini pari edeta edezu ndra erini sile ani jo Yehovanirini ma dria azini Yerusalemua ’diyi, o’be afa ’diyi aku ma aliarisi amve ra.
16
Eri si di ani pari edeta edezu Yehovaniri’i, ede drinia edeta asi anzuruni ’diyi pi, edeta awa’difoni ’diyi be; eri azi Yudani azi ngazu Yehova Mungu Israeliniri inzizu.
17
Ka tro ngoni ti ’ba ri ce edeta ede pari uruleru ’diyia ’dani, te lu Yehova Mungu yiniri dri a’dule.
18
Te e’yo Manaseni ’yele ’diyi ma joloko, zita erini zile Mungu erini tiari pie, e’yo ’ba e’yo ndreza ndrepi ’diyini ’yole eri tia Yehova Mungu Israeliniri ma rusi ’diyi pie, mi ndre, yi ovu sizaru ’yeta opi Israelia ’diyini ma alia.
19
Zita erini zileri pi, e’yo Munguni matu erini ’baleri erizuri pie, e’yo onzi emu ’yeleri pie, ezata erini ezaleri pie dria, pari ndu ndu erini pari uruleru osizu ’diyi pie, pari nde erini wura Aseriru pi o’bazu wura opale ’diyi pie, de nga doni i ku, mi ndre, yi ovu sizaru adi Hozaini nzeleri ma alia.
20
’Dini Manase la i a’bipi be, yi sa eri ma avu eri vile joa; mvi Amoni nya opi eri ma pariani.
21
Amonini de ndra eli be kali iri drini iri erini e’dozu opi nyazurisi, eri nya opi Yerusalemua eli iri.
22
Eri ’ye e’yo ovupi onzi Yehova ma miliari, ekile ati Manaseni ’yelerile. Amoni ede edeta wura inzile inzi eri ma ati Manaseni ndra opale ’diyi vu dria, eri nga azi yi inzizu indi.
23
Te eri doni i e’yere Yehova ma milia, ekile i ati Manaseni dolerile ku, te Amoni nde ’diri dro e’yo eza drile drile.
24
Ati’ba erini ’diyi eci yi ti e’yo otuzu ruania, nga eri fu eri ma ngulupi ma joa.
25
Te ’ba ovupi angu ndea ’diyi ofu ’ba ndra e’yo otupi opi Amoni ma ruaa ’diyi dria ra; ’ba ovupi angu ndea ’diyi nga eri ma mvi Yosiani ’ba ovuzu opiru eri ma paria’i.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36