bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Deuteronomy 16
Deuteronomy 16
Lugbara (E’yo Siza Alatararu Munguniri BIBLIA)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
1
Mi ma mba mba Abibuni ma ta, mi mba agaza ’ba drilesiri ma ta Yehova Mungu miniridri; a’disiku Yehova Mungu miniri ofu ndra emi Misiriasi inisi mba Abibusi.
2
Mi ma ede edeta agaza ’ba drilesirini engazu ti ma eselia kani kabilo ma eselia, Yehova Mungu miniri dri, pari Yehovani ngale pele fezu i ma runi adrizu ’daaria.
3
Mi ma nya eri mikate akufi berisi aluni ku; mi ma nya eri mikate akufi kokorurisi o’du pi pi aziri, ada mikate inzataniri’i-a’disiku mi efu ndra angu Misiriariasi mbele-mi ma ega ani o’du ndra mini efuzu angu Misiriariasiri ewu mini ovuzu idrirurisi dria.
4
’Ba ma ndre akufi mi vu angu mini ma eselia dria o’du aziri ku; azini edeta mini edele o’du okori ma ondresiri ma za ma joloko ma la rra cazu o’bitisi ku.
5
Mi ma ede edeta agaza ’ba drilesirini aku mini Yehova Mungu minirini fele mi driri ma alia dria ku;
6
te kiri pari: Yehova Mungu minirini ngale pele, fezu i ma runi adrizu ’daaria a’dule, mi nga edeta agaza ’ba drilesiriniri ede pari ndea ondresi, etuni ’deria, ewu mini ndra efuzu Misiriasiri vusi.
7
Te mi ma ozo eri acisi, ma nya eri pari Yehova Mungu minirini ngale peleria; o’bitisi mi nga dri da mvizu hema mini ma alia.
8
Mi ma nya mikate akufi kokoruri o’du pi pi azia; o’du aziriri ma ovu okuza inzitaruri Yehova Mungu miniri dri; mi ma nga azi o’du ndesi aluani ku.
9
Mi ma la mi dri sabato aziri; mi ma e’do sabato aziri ’diyi lazu engazu o’du oko mini e’dozu eli ’duzu anya urulesiri lozurisi.
10
Mi ma mba omu sabato ’diyiniri ma ta Yehova Mungu miniri dri, afa feza fele ceniri be mi dria, mi nga eri fe Yehova Mungu minirini asi ndriza ’bale mi vu ’borile;
11
mi nga ayiko ’ba Yehova Mungu miniri ma drilia, pari Yehova Mungu minirini ngale pele fezu i runi adrizu ’daari ma alia, emi’i, mi mvi pie, mi zi pie, ati’bo mini agupiruri pie, ati’bo mini zamvaruri pie, ’ba Levini ovupi aku mini ma aliari pie, ani’bo pie, imvoa pie, awuziou pie, ’ba ovupi mi ma eselia ’diyi.
12
Mi ma ega ’dani e’yo mini ovuzu ndra ati’boru Misiriari; mi ma mba azita ’diyi ma ta yi ’yezu indi.
13
Mi ma mba omu nyale borokoari ma ta o’du pi pi aziri, mini afa omvuria jiria akua akuma driasi, azini pari zabibuefi ma su nzizuriasi ’boria;
14
mi ma ovu ayikosi omu miniri ma alia, emi’i, mi mvi pie, mi zi pie, ati’bo mini agupiruri pie, ati’bo mini zamvaruri pie, ’ba Levini pie, ani’bo pie, imvoa pie, awuziou pie, ovupi aku mini ma alia ’diyi.
15
Mi ma ’ba omu Yehova Mungu miniri dri o’du aziri pari Yehovani ngale peleria; a’disiku Yehova Mungu miniri nga asi ndriza ’ba mi vu afa kaza mini ma dria dria, azi mini ’yele drisiri ma alia dria indi, e’yo mini dria nga ovu ayikoru tu.
16
Pale na eli vusi eli vusi ’ba mini agupiru ’diyi dria nga yi e’da Yehova Mungu miniri ma drilia, pari erini ngale peleria: omu nyale mikate akufi kokoruri pi ma alia, omu sabato ’diyiniri pie, omu nyale borokoari pie dria. Yi ma e’da Yehova ma drilia dri be pirini ku;
17
’ba dria ma fe ekile erini ecolerile, asi ndriza Yehova Mungu minirini fele mi driri vusi.
18
Mi ma pe ’ba e’yo lipi ’diyi pi ’ba amboru ’diyi be suruti mini vusi, aku mini Yehova Mungu minirini fele mi dri ’diyi ma kalitilea dria; yi ma li ’ba ma e’yo, e’yo liza kililirurisi.
19
Mi ma eza e’yo liza kililiruri ku; mi ma ope ’ba ku; mi ma a’i afa fele ’ba ti razuri ku, a’disiku afa fele ’ba ti razuri ’ba onduaruri ma mile obi ci, azini eri ’ba kililiruri ma e’yo ’yoza oja inzoru.
20
Mi ma bi e’yo ovupi kililiru adadari ma vuti, mi ma ovu ani idriru, ma a’i angu Yehova Mungu minirini fele mi driri awurusoru beni.
21
Mi ma isi pati inzile inzi Aseraruri pari edeta edezu Yehova Mungu minirini mini ngale edele mi driri ma ageia aluani ku, ka pati suruti ngoni ngori ti.
22
Mi ma edre afa inzile inzi pa sopi piriru, Yehova Mungu minirini ngule onziri aluni ku.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34