bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Deuteronomy 2
Deuteronomy 2
Lugbara (E’yo Siza Alatararu Munguniri BIBLIA)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
1
Vutinia ama oja ama aci bizu muzu angu roko driaria, geri Miri Ekaru vualerurisi, ekile Yehovani ’yole ma tiarile; ama aci oni Seiri ma kalaasi kuru kuru o’du kakau.
2
Te Yehova ’yo ma tia kini,
3
Emi aci di oni ’dori ma kalaasi kuru kuru o’du fudri ’bo; emi oja emi angu andraleruri vualeru.
4
Mi ma azi ’ba tia kini, Emi ’ye aga adripi emini Esau anziyi ovupi Seiria ’diyi ma lokiriasi; yi nga ’ye urisi emisi. E’yo ’disi emi ma mba di emi ma ta onyiru;
5
emi awa emi yi be ku; te ma ngani angu yini ma esele aluni fe emi dri ku, yo, ka pari ’bani i mapa agele ’bazuri’i ti, a’disiku mani oni Seiri fele Esau dri ovuzu afa eriniru ’borisi.
6
Emi ma je nyaka yi vu silingisi, emi ma nya ani; emi ma je vini yi mvuza yi vu, emi ma mvu ani.
7
A’disiku Yehova Mungu minirini asi ndriza fele mi dri azi mi drini ’yele ’diyi ma alia driarisi; eri ni acita mini acizu roko amboru ’dori ma alesiri ra; Yehova Mungu mini ovu mi be eli kali su ’diyi ma alia dria; mi eceni afa alunisi ku.
8
’Dini ama aga ama adripi Esau anziyi ovupi Seiria ’diyi ma ageisi, ama ku geri Arabaari pi, Elati pie, Ezioni-geberi pie dria. Ama nga di ama oja muzu geri angu roko Moabuniri vualeruria.
9
Te Yehova ’yo ma tia, Emi ecandi Moabuni ku, emi awa emi yi be a’di ’dizu ku indi, a’disiku ma ngani angu yini ma esele aluni fe emi dri ovuzu eminiru ku, mani Arini fele Loti anziyi dri ovuzu yiniru ’borisi.
10
(’Ba Emuni ’diyi ovu ndra ’dale oko, yi suru amboru karakarau, izutili ekile ’ba Anakini ’diyile;
11
la yi ma suruti ’ba Refaini ekile ’ba Anakinile, te ’ba Moabuni omve yi ’ba Emuni.
12
’Ba Horini ovu ndra Seiria indi, te Esau anziyi fi yi ma pariani, dro ndra ’ba Horini yi ma drilia yi ma drilia, ja yi ma dri ra angu nyazu yi ma paria beni; ekile Israelini ’yele angu yiniru Yehovani fele yi driri ma aliarile.)
13
Te curu’do emi nga di, emi zo yi raza Zeredini. Ama zo di yi raza Zeredini ra.
14
Engazu amani dri kozu ndra Kadesibarineaa cazu amani yi raza Zeredini zozuria, o’du ma kalafe ovu eli kali na drini aro, cazu ’ba ombani ’diyini odrazu yi ma anziazi be pari ’bani hema asozuri ma eseliasi driaria, ekile Yehovani oyo sole yi tia ’borile.
15
Ada Yehova ma dri ri ndra yi dri aru, yi dri jazu pari ’bani hema asozuriasi, cazu kpere yini yi deria.
16
Eri nga eca ’dini, ’ba ombani ’diyi ka dri ja, ka odra de ’ba eseliasi dria ’bo,
17
Yehova nga ’yo ma tia kini,
18
O’du andru ’dorisi mi nga Ari asala Moabuniri aga;
19
te mi ka nga ca Amoni anziyi vualeru ogogo, mi ma ecandi yi ku, mi awa mi yi be ku indi; a’disiku ma ngani angu Amoni anziyini ma esele fe mi dri ovuzu mini aluni ku, mani eri fele Loti anziyi dri yi ma afaru ’borisi.
20
(La vini angu nderi angu Refainiru; ’ba Refaini nde ’diyi ovu ndra ’dale, te ’ba Amonini ’diyi ’da yi ma ru ’ba Zamizumini,
21
Yi ndra ’ba amboru karakarau, izutili ekile Anakini ’diyile; te Yehova ja yi dri yi ma drilia; yi fi yi ma vutia angu nyazu yi ma paria;
22
ekile erini ’yele mira Esau anziyi ovupi Seiria ’diyi dri erini ’ba Horini ma dri jazu yi ma driliasirile, yi fi ndra yi ma vutia angu nyazu yi ma paria cazu kpere o’du andro ’dorisi.
23
Te ’ba Avini nde ovupi aku were ma alia cazu kpere Gazaa ’diyi, ’ba Kafitorini efupi Kafitoria ’diyi ja ndra yi dri indi, angu nyazu yi ma paria.)
24
Emi nga, emi bi ad emini, emi aga e’bu Arinoniari ra; mi ne, ma fe Sihoni ’ba Amorini opi Hesiboniari pi mi dri ’bo, angu erini be; emi ma e’do eri ’duzu errururu, emi ’di a’di eri be.
25
O’du andru ’dorisi ma nga e’do uri miniri mi ’ba suru ’bu dria ma etia ’diyi ma asia, ruta yini mi ruzuri fezu yi dri; yi nga e’yo kuza mini eri ra, yi ruani nga ya ya ani, yi ma asini nga oti tu mi ma e’yosi.
26
Ma nga di ojiou ma ti pe angu rokoru Kedemotiasi muzu Sihoni opi Hesiboniari vu, e’yo asi anzuruni ’yozu kini,
27
Mi fe ma ma aga angu mini ma alesi fo; ma nga mu gbokoasi ’dani, ma ngani ma oja dri ndiria kani dri ejiria ku.
28
Mi ma fe nyaka je ma dri silingisi, ma ma nya ani, mi ma fe vini yi mvuza je ma dri silingisi, ma ma mvu; te kirikiri mi fe mani agazu aleniasi pasi fo,
29
ekile Esau anzi ovupi Seiria ’diyi pini ’yele ma vu ’ba Moabuni ovupi Aria ’diyi berile; cazu mani zozu Yoridani ria ’aa’dasi, fizu angu Yehova Mungu amanirini fele ama driri ma aliaria.
30
Te Sihoni opi Hesiboniari kuni amani agazu eri ma ageiasi ku; a’disiku Yehova Mungu mini fe asisile erini mba mba, asini ’bazu kongolokoru, eri ma fe eri ani mi dria ekile o’du andrurisirile.
31
Te Yehova nga ’yo ma tia kini, Mi ne, ma e’do Sihoni pi fezu mi dri angu erini be oko ’bo; mi ma e’do di eri ’duzu miniru, angu eriniri nyazu ani beni,
32
Sihoni nga di efu ama vu, eri’i ’ba erini ’diyi be dria, omba ’bazu Yahazia.
33
Te Yehova Mungu amaniri fe eri ama dri ama drilia; ama nga ani yi ofu, anzipi be, ’ba erini ’diyi pie dria.
34
Ama opa vini aku erini ambo ambo ’diyi dria ewu nderisi, ama eza aku ambo ambo; ovupi ’ba be ’diyi dria teketeke; okuyi pie, anzi nyiri pie dria; ama kuru ’ba aluni acepi cini ku;
35
ama opa kiri anyapa piyi ama dri amaniru, afa opale aku ambo ambo amani ezale ’diyi ma alia ’diyi be.
36
Engazu Aroeri e’bu Arinoni ma tiaria, azini engazu aku amboru e’bu ma aliaria cazu kpere Gileadia, aku azini ovupi kali be izuru ama ndepini yo; Yehova Mungu amani fe yi dria ama dri ama drilia.
37
Angu ndra mini cazu yi vu ogogo ku ’diyi yi kiri ’di: angu Amoni anziyini pi, angu dria yi ara Yaboki ma tia ’diyi pie, aku ambo ambo angu oniruria ’diyi pie, pari dria Yehova Mungu amanini ogale ama dri ’diyi pie dria.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34