bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Deuteronomy 5
Deuteronomy 5
Lugbara (E’yo Siza Alatararu Munguniri BIBLIA)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
1
Musa nga Israeli omve i vu dria, nga ’yo yi tia, Israeli la! emi eri e’yo aziza piyi e’yo liza be mani yi olule o’du andru ’dorisi emi bilia ’diyi, emi ma ni yi ani, ma ovu mile be yi ’yezu indio
2
Yehova Mungu amani azi ndra aziza ama be Horebua.
3
Yehova azi mira aziza ’dori ama a’bipi be ku, te ama be, ama’i ovupi dria idriru o’du andru ’dorisi ’doyi.
4
Yehova ’yo ndra emi be milia milia oni nderia, engazu aci ma aliarisi,
5
de mani pa soria Yehova pi ma eselia emi be eru ’darisi, e’yo Yehovani ecezu emi dri; a’disiku emi ovu ndra urisi aci ma e’yosi, emi tuni ndra oni dria ku. Eri ’yo ndra kini:
6
Ma Yehova Mungu mini, mi ofupi angu Misiriniasi, jo ati’baniasiri’i,
7
Mi ma ovu Mungu azini be ku, kiri ma’i.
8
Mi ma ede mi dri wura inzile inziri ku, kani wura i sipi afa ’bua ururi berile, kani afa nyakua, kani afa yi nyaku etiari ma aliari’i ti;
9
mi ma osi mi kumuti yi drilia ku, mi nga azi yini ku, a’disiku ma Yehova Mungu miniri, ma Mungu a’yaruri, ma atapi ma e’yo onzi ofe yi ma anzi ma ruaa ’ba ma ngupi onzi ’diyi dri kpere a’bianzi nari kani suri vu,
10
te ma asi ndriza ece ’ba ma lepi azita mani ma ta mbapi ’diyi dri kpere cazu alifu alifu.
11
Mi co Yehova Mungu mini ma ru toko toko ku; a’disiku Yehova ngani ’ba eri ru copi toko okori ku pirini e’yo kokoru ku.
12
Mi inzi o’du sabatoni, tani mbazu alaru ekile Yehova Mungu minirini azile mi tiarile.
13
Mi ma nga azi o’du azia, mi ma ’ye azi mini dria;
14
te o’du aziriri ovu sabato Yehova Mungu minirini; o’du nderisi mi ma nga azi aluni ku, mi’i, mi mvi pie, mi zi pie, ati’bo mini agupiruri pie, ati’bo mini zanaruri pie, ti mini pie, akanya mini pie, anyapa mini pie, ani’bo ovupi aku miniari pie dria; ’dini ati’bo mini agupiruri pi ma li ava ati’bo mini zanarori be tro tro mile.
15
Mi ma ega ’dani e’yo mini ndra ovuzu ati’boru angu Misiria, Yehova Mungu minirini mi ofuzu angu nderiasi dri okporuri pisi wu ejuzaruri beri; e’yo ’disi Yehova Mungu mini azi ndra ani mi ma mba o’du sabatoni ma ta,
16
Mi inzi mi ati pi mi andri be, ekile Yehova Mungu minirini azile mi tiarile; o’du mini ma ovu ani kakau, e’yo mini ma ovu ani drilebaru angu Yehova Mungu minirini fele mi driri ma alia.
17
Mi ’di ’ba ku.
18
Mi ’ba vini ali ku.
19
Mi ogu afa ku.
20
Mi eza vini ’ba azini ma ru inzosi ku.
21
Mi ’ba viru li ’ba azini ma okusi ku; ’ba azini ma jo ma ava ma va mi ku, amvu erini pie, ati’bo erini agupiruri pie, ati’bo erini zanaruri pie, ti erini pie, akanya erini pie, kani afa ngoni ’ba azinini ovuzu yi be ’diyi ti.
22
Yehova ’yo ndra e’yo ’diyi o’duko urusi oni nderi ma dria, ’ba emini ongulumuru ’diyi ma tia dria, aci pi ma aliasi, iriti pie, angu asepi iniciciruri pie; te eri ereni ndra azini drinia ku. Eri si ndra e’yo nde ’diyi oni ’bararu iri ’diyi ma ruaa, nga yi fe ma dri.
23
Te eri nga eca ’dini, emi ka ndra o’duko engapi angu biza ma aliasiri eri, de onini nga veria acisiria, emi esi ma vu ogogo, emi ’ba dria suruti emini ma drileru ’diyi pi ’ba ’wara emini ’diyi be;
24
emi ’yo ndra kini, Mi ne, Yehova Mungu amaniri ece diza erini pi ama dri amboni be ’bo, ama eri vini o’duko erini engapi aci aliasiri ’bo; ama ndre vini o’du andru ’dorisi Munguni e’yo ’yoria ’ba be ra, te ti ’ba ovu ’dani idriru.
25
Te di ama ma odra curu’do ra a’di e’yosi ya? A’disiku aci ambo ’dori nga ama ve ra; ama ka o’duko Yehova Mungu amanirini eri dika, ama nga odra ani.
26
Te ’ba dria rua ari be ’diyi ma azi, Mungu idriruri ma o’duko eripi ra erini e’yo ’yoria aci aliasi, ekile amani erilerile, ovupi ’dani idriruri a’di’i ya?
27
Mi si ogogo mi’i, mi eri e’yo dria Yehova Mungu amanirini ngale ’yole ’diyi; mi olu ama tia e’yo dria Yehova Mungu amanirini ngale ’yole mi tia ’diyi; ama nga e’yo ’diyi eri ra, yi ’ye ra indi.
28
Yehova eri ndra e’yo emini ma o’duko, emini e’yo ’yoria ma be; te Yehova nga di ’yo ma tia kini, Ma eri e’yo suru ’dorini, yini ’yole mi tia ’diyi ma o’duko ’bo; yi ’yo e’yo dria ’yini ’yole ’diyi ’yeke.
29
Yi ka te ovu asi ’dinileri be ma ruzu azini azita mani ’diyi ma ta mbazu dria ’dani, ’yeke fo, ’dini e’yo yini ma ovu yi ma anzipi be drilebaru ’dani ’dani!
30
Mi mu ’yo yi tia, Emi mvi hema emmia,
31
Te mi’ini, mi so nga pa ma ageia ’dia, ma nga ani azita dria mini ngale imbale yi dri ’diyi pi ma e’yo ’yo mi tia e’yo aziza pie, e’yo liza pie dria, yi ma ’ye yi ani angu: mani fele yi dri ovuzu yi ma afarori ma alia beni,
32
E’yo ’disi emi ma ’ba emi asi e’yo ’yezu ekile Yehova Mungu eminirini azile emi tiarile; emi ma oja emi kalaa dri ndia kani dri ejia ku.
33
Emi ma aci geri dria Yehova Mungu eminirini azile emi driri ma alia, emi ma ovu ani idriru, e’yo emini ma ovu drilebaru, emi ma fe o’du emini ovuzu angu emini ngale ’dule eminiruri ma alia ’diyini idrizu drile kakau.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34