1 Corinthians 6

Oromo Bible (WAADAA LAMMATAA) 2013

← Chapter 5 Jump to: Chapter 7 →

1Isin keessaa tokko goshoo ufii woliin mormii yoo qabaate, woyyoota afo'otti wolitti murteessuu irra, hammeyyii afo'otti wolitti murtessuu uggaa?

2Woyyoonni adunyaa irratti akka murteessan hin bettanii? Adunyaa irratti uduu murteessitanii waa maraa caalaa diqqoo waan ta'uutti murteessuu hin dandeettanii?

3Waan fuudhaa fi herrumaa dhiisa'aatii, Maleekkootattuu akka murteessinu hin beettanii?

4Eeganaa waan fuudhaa fi heerumaa manni murti'ii yoo isin barbaachise, worra woldaa Kiristaanaa keessatti tuffataman worra murte'ee gootanii keettanii?

5Isin saalffachiisu'uuf kana jedha. Akkanumaa? Obboloota jiddu'uu manguddoo ta'uu ka danda'u namni hayyuun tokko isin birratti hin argamuu?

6Haata'uu ammoo, obboleessi obboleessa himata; kanallee worra hin amanne afo'otti godhaa?

7Eegasuu sirimaa wol mormiin isin keessa jiru hanqinna keessaniin. Uduu ufii yakkamtanii isinii hin woyuu? Yoo sobamtan isinii hin woyyuu?

8Haata'uu ammoo, isinuu hin yakkitan hin sobdanille'e sanuu obboleeyyan keessan.

9Moo hammeeyyiin jeennata Rabbii akka hin dhaalle hin beettanii? Hin dogoggorinaa'a. Seebartoota yoo ta'an yookiin worra waaqa tolfamaa kaddaaman yookiin worra seebaran yookiin dhiira dhiira bira geettu,

10Yookiin hattoonni yookiin worri horii dharra'an yookiin worri machaayan yookiin worri nama arrabsan yookiin saamtoonni jeennata Rabbii hin galan.

11Isin keessallee gariin akka kanniinii turtan. Haata'uu ammoo Maqaa Gooftaa Yesuus Kiristoosiitiin Ayyaana Rabbii keennaatiin dhiqattaniirtu woyyoomtaniirtan qajeellota taataniirtan.

12«Maruu naa eeyyamameera» maruu ammoo hin fayyadu. Maruu naa eeyyamameera; tokkollee narratti hin mooyu. «Nyaanni gara'aaf, garaanillee nyaataaf»

13Rabbi ammo kanallee sanillee hin balleessa. Nafti keenna Gooftaa tajaajilu'uuf Gooftaanillee nafa kunuunsu'uuf malee, ittiin seebaruu hin barbaachisu.

14Rabbiin Gooftaa kaase nullee hunna ufiitiin nu kaasa.

15Nafti keessan qaama Kiristoosii akka ta'e hin beettanii? eegasuu qaama Kiristoosii fuudhee qaama seebartootaa godhuu barbaachisaa? hin ta'u.

16Moo ka seebartootaan wol ta'u foon tokko akka ta'u hin beettanii? «Lachuu foon tokko ta'an» waan jedhameeruuf.

17Ka Goofta'aan wol ta'u Ayyaana Goofta'aatiin tokko.

18Seebaruu irraa dheessaa'a. Namni cubbuu hojjatu maruu fooniin ala. Ka seebaru ammoo foon ufii irratti cubbuu hojjata.

19Moo nafa keessan ka Rabbiin irraa fudhattan ka isin irra jiru mana woyyuu Ayyaana Woyyu'uu akka ta'e hin beettanii? Gati'iin waan bitamtaniirtaniif isin ufiifii miti. Kanaafuu nafa keessaniin Rabbiin kabajjaa'a.

← Chapter 5 Jump to: Chapter 7 →