bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 15
Leviticus 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 16 →
1
Moisésta y Aaróntam Tayta Dios nirqan:
2
«Israel runakunata niyay: «Pï runatapis purgación tsariptin impürum kanqa.
3
Tsaynö impüru kanqa purgación aywaptinpis o penqaynin tsapakaptinpis. Tsaynö karqa impürum kanqa.
4
Tsay runa maychö pununqan y maychö jamanqanpis impürum kanqa.
5
«Tsay runa pununqanta pipis yatarqa röpanta taqshakuskirmi bäñakunqa. Bäñakurpis patsa tsakanqanyaqmi impüru kanqa.
6
Tsaynöllam tsay runa jamanqanman pipis jamarqa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
7
Purgacionwan kaykaq runata pipis yatarqa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
8
Purgacionwan kaykaq runa sänu runata toqapaykuptin toqapanqan runa röpanta taqshakuskir bäñakutsun. Bäñakurpis patsa tsakanqanyaqmi impüru kanqa.
9
Purgacionwan kaykaq runa muntakunqan sillapis impürum kanqa.
10
Purgacionwan kaykaq runa imamanpis jamanqanta pipis yatarqa patsa tsakanqanyaqmi impüru kanqa. Impüru runa yatanqan kaqta imatapis aparqa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
11
Purgacionwan kaykaq runa makinta mana awikuypa juk runata yataptinqa yatanqan runa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
12
Purgacionwan kaykaq runa mitu mankata yataptinqa tsay mankata pakiskiyanki. Peru imatapis qerupita rurashqa kaqkunatam sïqa mayllayanki.
13
«Purgacionwan kaykaq runa allinqanpita qanchis junaqtarämi püru kanqa. Tsaypitarämi pukyuchö röpanta taqshakuskir bäñakunqa. Tsaynö rurarrämi purificashqa kanqa.
14
Puwaq kaq junaqchönam Tinkuna Toldupa patiunman ishkay kullkushta o ishkay pushapa palumata karpis apamunqa. Tsaykunatam Tayta Diospa puntanchö sacerdötita entreganqa.
15
Jukaqtam purificatsina sacrificiupä sacerdöti pishtanqa. Jukaqtanam pishtaskir rupatsina sacrificiupä rupatsinqa. Tsaynömi Tayta Diospa puntanchö ruranqa purgacionwan qeshyaq runa purificashqa kananpä.
16
«Ollqupa lëchin kikillan yarquptinqa bäñakunqa. Bäñakurpis patsa tsakanqanyaqmi impüru kanqa.
17
Tsaynölla lëchin töpanqan röpatapis taqshakunqa y qarapita rurashqakunatapis mayllanqa. Tsaynö rurarpis patsa tsakanqanyaqmi impüru kanqa.
18
Warmiwan runa punur lëchinta jututsiptinqa ishkanmi bäñakuyanqa. Bäñakurpis patsa tsakanqanyaqmi impüru kayanqa.
19
«Killa qeshyan aywaptinqa qanchis junaqyaqmi warmi impüru kanqa. Pipis killa qeshyanwan kaykaq warmita yatarqa patsa tsakanqanyaqmi impüru kanqa.
20
Killa qeshyanwan kaykar qopikunqanqa imapis impürum kanqa. Tsay warmi ima jananman jamaptinpis jamanqan kaqqa impürum kanqa.
21
Killa qeshyanwan kaykaq warmi pitukunqan cämata pipis yatarqa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
22
Killa qeshyanwan kaykaq warmi imamanpis jamanqanta pipis yatarqa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
23
Qopikunqanta yatarpis o jamanqan kaqta yatarpis patsa tsakanqanyaqmi impüru kanqa.
24
Killa qeshyanwan kaykaq warmiwan pï runapis kakurqa qanchis junaqyaqmi impüru kanqa. Runa pununqan cämapis impürunam kanqa.
25
«Pï warmipis killa qeshyanwan qeshyanqanpita mas atska junaqna qeshyarqa yawarnin päranqanyaqmi impüru kanqa.
26
Tsay warmi pununqanpis jamanqanpis impürum kanqa.
27
Warmi töpanqankunata pipis yatarqa impürum kanqa. Tsaypita purificashqa kananpäqa röpanta taqshakuskir bäñakunqa. Bäñakurpis patsa tsakanqanyaqmi impüru kanqa.
28
«Killa qeshyanwan kanqanpita püru kananpäqa yawarnin päranqanpita qanchis junaqyaqmi shuyanqa.
29
Puwaq kaq junaqchöqa ishkay kullkushta o ishkay pushapa palumata karpis apamunqa. Tsaykunatam Tinkuna Toldupa patiunman apaykur sacerdötita entreganqa.
30
Sacerdötinam jukaqta pishtanqa purificatsina sacrificiupä y jukaqtana pishtanqa rupatsina sacrificiupä. Tayta Diospa puntanchö sacerdöti tsaynö ruraptinmi yawarnin päranqanpita tsay warmi purificashqana kanqa.
31
«Tsaynöpam Israel runakuna impüru mana kayänanpä tantiyatsiyanki. Impüru kayaptinqa paykunachö kaykaq Sagrädu Toldupis impürum kanqa. Sagrädu Toldupis impüru kaykaptinqa wanuyanqam».
32
Tsaynömi leykuna kaykan pï runapis purgacionwan impüru kaptin o lëchin yarqunqanpita impüru kaptin.
33
Tsaynöllam leykuna kaykan killa qeshyanwan warmi kaykaqpä, killa qeshyanwan kaykaq warmiwan kakuq runapä y purgacionwan kaykaq runapäpis. Tsay leykunam kaykan warmipäpis ollqupäpis.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27