bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 7
Leviticus 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
1
«Consagratsina sacrificiuqa sagrädum kaykan. Tsay sacrificiuta apamurmi kaynö ruranqa:
2
Consagratsina sacrificiupä apamunqan ashmata pishtarqa rupatsina sacrificiupä pishtanqan kaqllachö pishtanqa. Yawarninwanna altarpa kuchunkunata tsaqtsunqa.
3
Chupanchö wiranta y pacha wirantaqa llapantam altarchö rupatsinqa.
4
Tsaynöllam rupatsinqa rurunkunata wirantinta, lömunchö wirankunata y ñatinchö kaykaq wirankunata. Ñatinchö kaykaq wirankunataqa ruruntawanmi jipinqa.
5
Tayta Diosta adorarmi llapan tsaykunata altarchö sacerdöti rupatsinqa. Tsayqa consagratsina sacrificium kanqa.
6
Tsay ashmapa aytsan sagrädu kaptinmi Tinkuna Toldupa patiunchö sacerdötikuna mikuyanqa.
7
«Purificatsina sacrificiupä o consagratsina sacrificiupä apamushqa kaptinpis ashmapa aytsanqa sacrificiuta rupatsiq sacerdötipämi kanqa.
8
Rupatsina sacrificiupä apamushqa kaptinqa ashmapa qarallanmi rupatsiq sacerdötipä kanqa.
9
Tsaynöllam jornuchö kuwashqa o sartinchö ankashqa o mankachö kusinashqa karpis ofrendapä llapan apayämunqan tsaki mikuykuna altarchö rupatsiq sacerdötipä kanqa.
10
Tsaynöllam ofrendapä apayämunqan aceitiwan pichushqa jarina y aceitiynaq jarinapis Aarónpita miraq sacerdötikunapä iwal iwal kanqa.
11
«Pipis alli päsakuy sacrificiuta Tayta Diospä apamurqa kaynömi ruranqa:
12
Agradëcikur apamurqa ashma jananman aceitiwan masarashqa levadüraynaq tantata, aceitiwan llushipashqa levadüraynaq llapsha tantata y allin kaq jarinapita aceitiwan masarashqa levadüraynaq tantatam apamunqa.
13
Tsay ofrendakunatawan juntum levadürayuq tantatapis apamunqa.
14
Llapan apamunqan tantapitam Tayta Diospä rakinqa. Tsay rakinqan tantakunaqa ashmapa yawarninta tsaqtsuq sacerdötipämi kanqa.
15
«Tayta Diosta agradëcikur alli päsakuy sacrificiupä pishtanqan ashmapa aytsantaqa tsay junaqllam ushaypa mikuyanqa. Waraynin junaqpäqa manam ni juk pedäzullatapis sobratsinqatsu.
16
Peru Tayta Diosta awninqanta cumplir alli päsakuy sacrificiupä pishtanqan ashmapa aytsantam sïqa waraynin junaqpis mikunqa. Tsaynöllam kikinpa voluntäninpita alli päsakuy sacrificiupä pishtanqan ashmapa aytsantapis waraynin junaq mikunqa.
17
Tsay aytsata ishkay junaqchö mana usharqa kimsa kaq junaqchöqa rupatsinqa.
18
Kimsa kaq junaqchö alli päsakuy sacrificiupä pishtanqan aytsata mikuptinqa tsay sacrificiuta Tayta Dios manam chaskinqanatsu. Tsaynöllam aytsapis melanaypä kanqa. Tsay aytsata mikuq kaqpis jutsayuqmi kanqa.
19
«Püru kaq runakunallam alli päsakuy sacrificiupä pishtayanqan ashmapa aytsanta mikuyanqa. Imamanpis impüru kaqman töpanqan aytsataqa mikuyänanpa rantinmi rupatsiyanqa.
20
Impüru kaq runakunaqa alli päsakuy sacrificiupä pishtanqan ashmapa aytsanta manam mikuyanqatsu. Tayta Diospä kaptinmi impüru kaq runakuna tsay aytsata mikuyanqatsu. Mikuq kaqtaqa Israel runakunapita qarquyanki.
21
Pï runapis impüru kaqkunata töpashqa kaykar Tayta Diospä apamunqan alli päsakuy sacrificiuta mikuptinqa Israel runakunapita qarquyanki. Tsaynömi kanqa impüru kaq runata o impüru kaq warmita töparpis, impüru kaq ashmata töparpis o ima impüru kaqta töparpis».
22
Mastam Moisésta Tayta Dios nirqan:
23
«Israel runakunata tantiyatsir ninki wäkapa, üshapa o cabrapa wiranta mana mikuyänanpä.
24
Wanushqa ashmakunapa wiranta o jirka ashmakuna katuyanqan ashmapa wirantaqa ama mikuyanqatsu. Mikuyänanpa rantinqa imallachöpis manijayanqa.
25
Tayta Diospä ofrenda apamunqan ashmapa wiranta mikuq kaqtaqa Israel runakunapita qarquyanki.
26
«Maychö tarpis ama mikuyankitsu päriqkunapa yawarninta ni ashmakunapa yawarninta.
27
Yawarta mikuq kaqtaqa Israel runakunapita qarquyanki».
28
Mastam Moisésta Tayta Dios nirqan:
29
«Israel runakunata niy: «Alli päsakuy sacrificiuta apamurqa rupatsinanpä kaqkunata Tayta Diospa puntanman apamunqa.
30
Ashmata apamuq runam Tayta Diospa puntanchö ashmapa pëchunta y pëchunchö wiranta joqarkur wakman kayman kuyutsinqa.
31
Kuyurkatsir makyaptinmi sacerdötina wiran kaqta altarchö rupatsinqa. Peru ashmapa pëchunmi sïqa Aarón y paypita miraq sacerdötikuna mikuyänanpä kanqa.
32
Tsaynöllam alli päsakuy sacrificiupä apamunqan ashmapa derëcha kaq chankanpis sacerdötipä kanqa.
33
Derëcha kaq chankanqa yawarta tsaqtsuq y wirata rupatsiq sacerdötipa derëchunmi kanqa.
34
Israel runakuna ashmakunata alli päsakuy sacrificiupä apayämunqanpita kuyutsinqan pëchunta y derëcha kaq chankantam Aarónpä y paypita miraq sacerdötikunapä rakirqü. Tsay ninqäkunaqa imayyaqpis leymi qamkunapä kanqa.
35
«Tsaymi Tayta Diosta adorar sacrificiuta rupatsiyänanpä apayämunqanpita Aarónpä y paypita miraqkunapä kanqa. Sacerdöti kayänanpä Tayta Dios churanqanpitam paykuna tsaynö chaskiyanqa.
36
Israel runakuna imaypis tsaynö entregayänanpämi Aarónta y tsurinkunata sacerdöti kayänanpä churanqan junaq Tayta Dios nirqan. Tsay ninqankunaqa imayyaqpis leymi qamkunapä kanqa».
37
Tsaynömi Tayta Dios tantiyatsirqan rupatsina sacrificiuta rupatsiyänanpä, tsaki mikuy ofrendata rupatsiyänanpä, purificatsina sacrificiuta rupatsiyänanpä, consagratsina sacrificiuta rupatsiyänanpä, sacerdöti kananpä churanqanpita ofrendata rupatsiyänanpä y alli päsakuy sacrificiuta rupatsiyänanpä.
38
Sinaí jirkachömi Moisésta Tayta Dios tantiyatsirqan Israel runakuna sacrificiukunata apayänanpä.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27