bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 2
Leviticus 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 3 →
1
«Pipis Tayta Diospä tsaki mikuy ofrendata apamurqa allinnin kaq jarinata apamunqa. Tsay jarinaman wiñananpämi aceitita y inciensiutapis apamunqa.
2
Tsay apamunqantam Aarónpita miraq sacerdötikunata entreganqa. Tayta Dios imaypis yarpänanpämi aceitiwan pichushqa juk aptay jarinata inciensiuntawan altarchö sacerdöti rupatsinqa. Rupatsinqanpa mushkuyninpitam Tayta Dios kushikunqa.
3
Rupatsinqanpita sobraq kaqmi sagrädu kar Aarónpä y paypita miraq sacerdötikunapä kanqa.
4
«Jornuchö kuwaskir tsaki mikuy ofrendata apamurqa allinnin kaq jarinapita aceitiwan masaraskir levadüraynaqllata apamunki. Tsayta mana apamurqa levadüraynaq llapsha tantata ruraskir aceitiwan llushiparkur apamunki.
5
«Sartinchö ankaskir tsaki mikuy ofrendata apamurqa allinnin kaq jarinapita rurashqa tantata apamunki. Peru levadüraynaqllata aceitiwan pichunki.
6
Tsay ofrendata atskaman pakiskir aceitita jananman wiñanki. Tsayqa tsaki mikuy ofrendam kanqa.
7
«Caswilachö ankaskir tsaki mikuy ofrendata apamurqa allinnin kaq jarinapita aceitiwan rurashqa tantata apamunki.
8
«Tsay ofrendakunata alistaskir Tayta Diospä apamurmi sacerdötita entreganki. Paynam altarman apanqa.
9
Tayta Dios imaypis yarpänanpämi tsaypita wallkallata rakiskir altar jananchö rupatsinqa. Rupatsinqanpa mushkuyninpitam Tayta Dios kushikunqa.
10
Rupatsinqanpita sobraq kaqmi llapan apamunqan ofrendapitapis mas sagrädu kanqa. Tsaypita sobraq kaqmi Aarónpä y paypita miraq sacerdötikunapä kanqa.
11
«Tsaki mikuy ofrendata altarchö Tayta Diospä rupatsir levadürawan takunqanta ama rupatsinkitsu. Levadürata ni abëjapa mishkintapis Tayta Diospä imaypis ama rupatsinkitsu.
12
Primicia kaptinmi sïqa levadürawan y abëjapa mishkinwan takushqatapis Tayta Diospä apamunki. Peru apamuptikipis altarchö ama rupatsiyätsuntsu.
13
«Tsaki mikuypita ofrendata kachiyuqta ruranki. Kachiynaqllataqa imatapis ama rurankitsu. Kachiqa qamkunawan Tayta Dios pactu ruranqantam yarpätsishunki. Tsaymi ima ofrendamanpis kachita wiñanki.
14
«Tsaki mikuykunapita primiciata Tayta Diospä apamurqa ankaskir aqashqata apamunki.
15
Tsayman aceitita y inciensiuta wiñanki. Tsayqa tsaki mikuy ofrendam kanqa.
16
Tayta Dios imaypis yarpänanpämi tsay apamunqan tsaki mikuyta y aceitita wallkallata rakiskir sacerdöti rupatsinqa. Tsaynöllam llapan apamunqan inciensiutapis rupatsinqa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27