bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 25
Leviticus 25
Quechuan QXO (Biblia en Quechua del sur de Conchucos)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 26 →
1
Sinaí jirkachömi Moisésta Tayta Dios nirqan:
2
«Israel runakunata niy: «Entregashunaykipä kaq nacionman charqa Tayta Diosta cäsur chakrata jamatsiyanki.
3
Joqta watallam chakrakunata muruyanki. Üva plantakunatapis joqta watallam podapar wayuyninta pallayanki.
4
Peru qanchis kaq watachöqa Tayta Diosta cäsur chakrata jamatsiyanki. Tsay wataqa ama imatapis muruyankitsu ni üva plantakunatapis podapäyankitsu.
5
Chakrachö kikillan wiñamuq trïgutapis ama qoriyankitsu. Podanni üva wayunqantapis ama qoriyankitsu. Tsay wataqa chakrata jamatsiyanki.
6
Mana churakuyaptikipis kikillan wiñamuqkuna y podanni üvapis wayurmi mikuyänaykipä aypanqa. Tsaynöllam sirvishuqniki warmipis ollqupis, arupäshuqnikikuna y qamkunachö täraq jäpa runakuna mikuyänanpä aypanqa.
7
Ashmaykikunawan jirka ashmakuna mikuyänanpäpis aypanqam.
8
«Chusku chunka isqun (49) watata yupayanki.
9
Tsay watakuna päsaskiptinmi qanchis kaq killa chunka junaqchö cornëtata entëru nacionchö tukatsiyanki. Tsay junaqmi Israel runakuna purificashqa kayänanpä junaq kanqa.
10
Tsay junaqmi qallaykunqa sagrädu Jubileo wata. Jubileo wata kaptinmi llapanpis sirviq kayanqanpita castankunaman librina kutikuyanqa. Pï runapis chakranta rantikushqa karqa tsay watam chakranta qorikunqa. Cada pitsqa chunka (50) watam tsaynö kanqa.
11
«Tsay wata qamkunapä Jubileo wata kaykaptinqa chakraykikunata ama muruyankitsu. Shiwachö wiñamuq trïgutapis ama qoriyankitsu. Podanni üva wayunqantapis ama qoriyankitsu.
12
Tsay wata sagrädu karmi qamkunapä Jubileo wata kanqa. Mikuytapis mikuyanki shiwachö wayunqallanta y podapanni üvakuna wayunqallantam.
13
«Tsay Jubileo watam rantikuyanqan chakrankunatapis llapan qorikuyanqa.
14
Tsaynö kaykaptinqa manarä Jubileo wata chämuptin pipis chakrata rantir o rantikurqa aykachö rantikunanpäpis shumaq yarpachakutsun. Cuidädutä runa mayinta pipis engañanman.
15
Jubileo watachö chakrata kutitsinanpä ayka wata faltanqantapis yupaskir rantiq runaqa preciunta päganqa. Rantikuq kaqpis preciunta churanqa ayka kuti chakrachö murunanpä kanqanta yupaskir.
16
Chakrachö atska wata murunanpä kaptinqa preciun masmi kanqa. Wallka watalla murunanpä kaptinqa preciun wallkallam kanqa. Ayka wata murunanpä kanqantapis yupaskirmi chakrata rantikunqa.
17
«Tayta Diosta mantsapakur runa mayikita ama engañayankitsu. Noqam Tayta Diosniki kä.
18
Leynïkunata cumplir ninqäkunata cumpliyanki. Cumplirqa nacionnikichö allim kawayanki.
19
Chakraykikunapis alli wayuptinmi pacha junta mikur tranquïlu kawayanki.
20
«Qamkuna yarpachakur capazmi niyanki: «Qanchis kaq watachö mana mururqa y mikuyta mana qorirqa ¿imatarä mikushun?»
21
Tsaypita ama yarpachakuyankitsu. Joqta kaq watachömi bendicionnïta churamushä chakrayki alli wayunanpä. Tsaymi cosëchatapis qoriyanki kimsa wata cosechar qoriyanqaykitanö.
22
Tsaymi joqta kaq watachö churayanqayki puwaq kaq watachö mikuyänaykipäpis aypanqa. Tsaynöllam muruyanqayki poqunqanyaq isqun kaq watachö mikuyänaykipäpis maran kaqlla aypanqa».
23
«Chakraqa noqapam kaykan. Qamkunaqa qorpanöllam taykäyanki. Tsaymi rantikuyanqayki chakraqa yupashqa watalla rantiqpa makinchö kanqa.
24
Rantiyanqayki chakrata rantikuyta munarqa punta kaq duëñunta munatsiyanki.
25
«Punta kaq duëñun pasaypa pobri kar rantikunqan chakrata qoriyta mana puëdiptinqa legïtimu kaq castan rantitsun.
26
Mayqan legïtimu castanpis chakranta rantiyta mana puëdiptinqa qorikunanpä punta kaq duëñunmi qellayta alistanqa.
27
Tsay rantikuyta munaq runatam qellayninta kutitsinqa Jubileo watapa ayka wata faltanqantapis cuentata jipiskir. Tsaynöpam chakranta qorikunqa.
28
Peru chakranta qorinanpä qellaynin mana aypaptinmi sïqa Jubileo wata chämunqanyaq rantiqpa makillanchö kanqa. Tsay wata chämuptinrämi punta kaq duëñun qorinqa.
29
«Pipis murallashqa markachö wayinta rantikuskir qorikuyta munarqa juk watallachömi qorikunqa.
30
Juk watayaq wayinta mana qoriptinqa rantiqpä y paypita miraqkunapänam kanqa. Jubileo wata chämuptinpis manam qorinqanatsu.
31
Peru murallanni markakunachö wayikunatam sïqa chakrata qorinqannölla Jubileo wata chämuptin punta kaq duëñun qorikunqa.
32
«Levitakunaqa markankunachö rantikuyanqan wayinkunata imaypis qorikuyanqa.
33
Qorikuyta munaptinqa wayinta rantiq runa Jubileo wata chämuptin kutitsitsun. Levitakunapaqa wayillanmi markanchö herencian kaykan. Israel nacionchö paykunapäqa manam mas ima herencianpis kantsu.
34
Levitakunapa markankunachö üsha mitsikuyänankunataqa ama rantikuyätsuntsu. Tsayqa paykunapam imaypis kanqa.
35
«Mayqan Israel mayikikuna pobriyar yanapanaykipä rugakushuptiki yanapayanki. Jäpa runata patsatsiyanqaykinö wayikiman patsatsiyanki.
36
Imata rantikurpis alläpa chaninchöqa ama rantikuyankitsu. Qellayta prestarpis wachayninta ama cobrayankitsu. Tsaypa rantinqa mantsapakamar markaykikunachö tranquïlu täyänanpä Israel mayikita yanapayanki.
37
Yapaymi nï: Qellayta prestarqa wachayninta ama cobrayankitsu. Mikuyta rantikurpis alläpa chanintaqa ama cobrayankitsu.
38
Egiptupita jipimuq Tayta Diosnikim kä. Qamkunatam jipimurqü Canaánta entreganäpä y Diosniki kanäpä.
39
«Israel mayiki pobriyar sirvishuqniki kananpä yaykamuptin esclävutanöqa ama arutsiyankitsu.
40
Tsaypa rantinqa arupakuqtanölla arutsir qorpatanölla alli rikayanki. Jubileo watayaqllam arupäyäshunki.
41
Tsaypitaqa librinam tsurinkunawan juntu castankunaman y chakrankunaman kutikunqa.
42
Israel runakunaqa sirvimaqnïmi kaykäyan. Noqata sirviyämänanpämi Egiptupita jipimurqü. Tsaymi Israel mayikikunata sirviq kayänanpä rantikuyankitsu.
43
Tayta Diosniki kaykaptïqa mantsapakamar Israel mayikikunata ama ñakatsiyankitsu.
44
«Warmipis o ollqupis sirviqniki kananta munarqa cercaykichö kaykaq nacionkunapita rantiyanki.
45
Tsaynölla sirviqnikikuna kayänanpä rantiyanki qamkunachö täraq jäpa runakunata y nacionnikikunachö yuriq tsurinkunata.
46
Wanukurqa tsurikikunata sirvinanpä jaqipaykuyanki. Paykunam imaypis sirviqninkuna kayanqa. Peru Israel mayikikunatam sïqa ñakatsiyankitsu ni sirviqnikikunapä tsararäyankitsu.
47
«Qamkunachö kaykaq jäpa runa rïcuyaptin y Israel mayiki pobriyar tsay rïcu runapa sirviqnin kananpä rantikuptinqa
48
Israel mayikipa derëchun kaykanmi castankuna pägakur jipinanpä. Tsaynö jipinqa wawqin,
49
tiyun, prïmun o mayqan legïtimu castan karpis. Qellaynin kaptinqa kikin sirviqpis pägakur libri yarqukutsun.
50
Libri kananpä yarqukuyta munarqa patronninwan cuentata jipinqa Jubileo watapä ayka wata faltaykanqantapis. Tsay faltaykaq watakunapitam patronninta päganqa jornal ayka kanqantapis cuentata jipiskir.
51
Jubileo wata chämunanpä ayka wata faltanqanpitam patronninta päganqa. Atska watarä faltaptinqa mastam päganqa.
52
Wallka watallana faltaptinqa wallkallatanam päganqa. Tsaynöpam mana arupanqan kaq watakunapita päganqa.
53
Patronqa tsay sirviqninta arupakuqtanöllam mana ñakatsir arutsinqa.
54
«Patronninta sirviqnin imanöpapis pägayta mana puëdirqa Jubileo wata chämunqanyaqmi shuyanqa. Tsay wata chämuptinnam tsurinkunawan juntu mana pägaypa libri yarqukunqa.
55
Manam pipapis sirviqnin kayänanpätsu Israel runakunata Egiptupita jipimurqü, sinöqa noqata sirviyämänanpämi. Noqam Tayta Diosniki kä.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27