bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 18
Leviticus 18
Quechuan QXO (Biblia en Quechua del sur de Conchucos)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 19 →
1
Mastam Moisésta Tayta Dios nirqan:
2
«Israel runakunata niy: «Noqam qamkunapa Tayta Diosniki kä.
3
Egiptuchö tar rikayanqayki costumbrikunataqa ama rurayankitsu. Pushaykanqä Canaánman charpis tsaychö täraq runakunapa costumbrinkunata ama rurayankitsu. Paykuna kawayanqannöqa ama kawayankitsu.
4
Noqa ninqäkunata cäsukurnin leynïkunata cumplir kawayay. Noqam Tayta Diosniki kä.
5
Leynïkunata y ninqäkunatapis cumpliyay. Leynïkunata cumpliq kaq runaqa llapantam cumplinman. Noqaqa Tayta Diosmi kä.
6
«Ama mayqaykipis castaykikunawanqa kakunkitsu. Noqaqa Tayta Diosmi kä.
7
«Ama mamaykiwan kakunkitsu. Mamaykiwan kakurqa papänikitam respitankitsu. Tsaytaqa ama rurankitsu.
8
«Ama mädistaykiwan kakunkitsu. Tsayta rurarqa papänikitam respitankitsu.
9
«Ama panikiwan kakunkitsu. Mamallapita o papällapita karpis paniki juklächö o wayikichö yurishqa kaptinpis paywanqa ama kakunkitsu.
10
«Ama willkaykiwanpis kakunkitsu. Ollqu tsurikipita o warmi tsurikipita karpis willkaykiqa yawarnikim.
11
«Ama papänikipa tsuripakuyninwanpis kakunkitsu. Payqa paniki karmi yawarniki.
12
«Ama papänikipa paninwanpis kakunkitsu. Payqa tiyayki karmi yawarniki.
13
«Ama mamaykipa ñañanwanpis kakunkitsu. Payqa tiyayki karmi yawarniki.
14
«Ama papänikipa wawqinpa warminwanpis kakunkitsu. Payqa tiyaykim.
15
«Ama tsurikipa warminwanpis kakunkitsu. Payqa llumtsuynikim.
16
«Ama wawqikipa warminwanpis kakunkitsu. Payqa llumtsuynikim.
17
«Mamanwan kaykarqa entenädaykiwan ama kakunkitsu. Entenädaykipa wawanwanpis y entenäduykipa tsurinwanpis ama kakunkitsu. Paykunaqa warmikipa yawarninmi kaykan. Tsayqa pasaypa penqakuypämi.
18
«Ama warmikipa ñañanwan kakunkitsu. Warmiki kawaykaptin ñañanwan kakuptikiqa kikinpuram chikinakuyanqa.
19
«Ama killa qeshyanwan kaykaq warmiwan kakunkitsu.
20
«Ama jukpa warminwan kakunkitsu. Tsaynö kakurqa pasaypa jutsayuqmi kanki.
21
«Ama Moloc diospä tsurikitapis rupatsinkitsu. Tsaynö rurarqa manam respitamankitsu. Noqaqa Tayta Diosmi kä.
22
«Ama ollqupura kakunkitsu. Tsaynö kakurqa penqakuypä jutsatam ruraykanki.
23
«Ama ima ashmawanpis kakunkitsu. Ama warmipis ashmakunawan kakutsuntsu. Tsaynö kakurqa pasaypa penqakuypä jutsatam rurayanki.
24
«Mayqaykipis tsaykunata rurarqa impürum kayanki. Yaykuyänaykipä kaq markakunachö täraq runakunatapis tsaynö impüru kayanqanpitam puntaykikunapita qarqushä.
25
Tsaynö jutsata rurar impüru kayaptinmi nacionninpis impüru kaykan. Tsaymi tsay runakunata castigar markankunapita qarqushä.
26
Ninqäkunata y leynïkunata cumplir tsay penqakuypä jutsakunata ama rurayankitsu. Tsaynölla qamkunachö täraq jäpa runakunapis cumpliyätsun.
27
«Canaánman manarä chäyaptikim tsaychö täraq runakuna penqakuypä jutsata ruraykäyan. Tsaymi nacionninpis impüru kaykan.
28
Qamkunapis nacionnikita impüruyätsiptikiqa tsay runakunata qarqunqänömi qamkunatapis qarquyäshayki.
29
Pipis tsay penqakuypä jutsakunata ruraptinqa Israel runakunapita qarquyanki.
30
Tsaynö kaykaptinqa ninqäkunata cäsukuyay. Täyänaykipä kaq nacionman chaykur tsaychö täraq runakuna jutsata rurayanqankunata ama rurayankitsu. Tsaynö rurarqa impürum kayanki. Noqam Tayta Diosniki kä».
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27