bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 23
Leviticus 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 24 →
1
Mastam Moisésta Tayta Dios nirqan:
2
«Israel runakunata niy: «Kanan tantiyatsiyäshayki Tayta Diosta adorar imay qorikäyänaykipä kanqantapis. Tsay qorikäyanqayki junaqkunaqa sagrädum kanqa.
3
«Joqta junaqlla aruyanki. Qanchis kaq junaqchöqa Tayta Diosta adorayänaykipä qorikäyanki. Tsay junaq ama aruyankitsu, sinöqa maychö tarpis Tayta Diosta adorar jamayanki.
4
«Wakin diyawardakunapis kanmi Tayta Diosta adorar qorikäyänaykipä.
5
Cada wata punta kaq killachö chunka chusku kaq junaq tardi Tayta Diosta adorar Pascua fiestata rurayanki.
6
«Tsaypita waraynin junaqmi Levadüraynaq Tanta Mikuna fiesta qallaykunqa. Tsay fiestachöqa Tayta Diosta adorar levadüraynaq tantata qanchis junaq mikuyanki.
7
Fiesta qallanqan junaq ima aruytapis ama aruyankitsu, sinöqa Tayta Diosta adorayänaykipä qorikäyanki.
8
Tsaypita qoyay qoyay fiesta ushanqanyaq sacrificiukunata altarchö Tayta Diospä rupatsiyanki. Qanchis kaq junaqchöqa ima aruychöpis ama aruyankitsu, sinöqa tsay junaq yapay qorikäyanki».
9
Mastam Moisésta Tayta Dios nirqan:
10
«Israel runakunata niy: «Entreganäpä kaykaq nacionman chaykur muruyanqaykita cosechar punta poquqpita juk manöjuta sacerdötiman apayämunki. Tsay apayämunqaykim primicia kanqa.
11
Tayta Dios chaskinanpämi jamay junaqpita waraynin junaq sacerdötiqa Tayta Diospa puntanchö joqarkur wakman kayman kuyutsinqa.
12
«Tsay junaqmi juk watayuq sänu carnishtapis apayämunki sacrificiuta rupatsir Tayta Diosta adorayänaykipä.
13
Tsaynölla chusku kïlu pullan jarinatapis aceitiwan pichuskir apayämunki. Tsayqa altarchö rupatsinanpä tsaki mikuy ofrendam kanqa. Tsay rupatsinqanpa mushkuyninmi Tayta Diospa shonqunpänö kanqa. Juk litru vïnutapis apayämunki altarman wiñananpä.
14
Tayta Diosnintsikpä manarä apamurqa ni ankaypa ni chawanpa ni masaraypapis trïguta ama mikuyankitsu. Maychö täyaptikipis tsay ninqäkunaqa imayyaqpis leymi qamkunapä y qamkunapita miraqkunapäpis kanqa.
15
«Punta poquqta apaskamur jamay junaq warayninpita qanchis semänata yupayanki.
16
Qanchis semäna cumpliskiptin juk junaq masta yupayaptikim pitsqa chunka (50) junaqna kanqa. Tsay junaqmi cosechayanqayki trïgupita Tayta Diospä ofrendata apayämunki.
17
Tsaynölla wayikikunapita ishkay tantata apayämunki. Tsay tantakunaqa cada ünunmi chusku kïlu allinnin jarinapita levadürawan rurashqa kanqa. Cada watachö puntata cosechayanqaykipita wakman kayman kuyutsinqan ofrenda karmi tsay tantakuna Tayta Diospä primicia kanqa.
18
Tantata apamurmi rupatsina sacrificiupä apayämunki juk watayuq qanchis sänu carnishkunata, juk torïtuta y ishkay carnërukunata. Tsay apayämunqayki ashmakunata, tsaki mikuy ofrendata y vïnuta altarchö sacerdöti rupatsiptinmi mushkuynin Tayta Diospa shonqunpänö kanqa.
19
«Tsaynölla juk chïvuta apayämunki purificatsina sacrificiupä y juk watayuq ishkay carnishkunata alli päsakuy sacrificiupä.
20
Tsay ashmakunatam punta poquq trïgupita rurayanqayki tantakunatawan Tayta Diospa puntanchö sacerdöti wakman kayman kuyutsinqa. Tsaykuna Tayta Diospä sagrädu kaptinmi sacerdöti mikunanpä kanqa.
21
«Tsay junaqqa ima aruytapis jaqiskir Tayta Diosta adorayänaykipä llapayki qorikäyanki. Maychö täyaptikipis tsay ninqäkunaqa imayyaqpis leymi qamkunapä y qamkunapita miraqkunapäpis kanqa.
22
«Cosëcha witsan ama llapantaqa qoriyankitsu ni espigakuna shushuqtapis ama pallapäyankitsu. Tsaykunata jaqiykuyanki pobrikuna y jäpa runakuna qorikuyänanpä». Noqam Tayta Diosniki kä».
23
Mastam Moisésta Tayta Dios nirqan:
24
«Israel runakunata niy: «Qanchis kaq killa qallanan junaqchö llapayki jamar Tayta Diosta adorayänaykipä qorikäyanki. Cornëtata tukar fiestata rurayanki.
25
Tsay junaqqa ima aruytapis jaqiykur Tayta Diosta adorar sacrificiukunata rupatsiyanki».
26
Mastam Moisésta Tayta Dios nirqan:
27
«Qanchis killa chunka junaqchömi jutsata rurayanqaykipita purificashqa kayänaykipä kaykan. Tsay junaq ayunar Tayta Diosta adorayänaykipä llapayki qorikäyanki. Tsaynölla Tayta Diosta adorar sacrificiuta rupatsiyanki.
28
Tsay junaqqa ama ima aruytapis aruyankitsu. Purificashqa kayänaykipä kaq junaq kaptinmi llapan jutsaykikunapita Tayta Diosnintsik perdonayäshunki.
29
Tsay junaq mana ayunaq kaqtaqa pï kaptinpis Israel runakunapita qarquyanki.
30
Ayunananpa rantin tsay junaq pipis aruptinqa kikïmi ushakätsishä.
31
Tsaynö kaykaptinqa tsay junaq ama aruyankitsu. Maychö täyaptikipis tsay ninqäkunaqa imayyaqpis leymi qamkunapä y qamkunapita miraqkunapäpis kanqa.
32
Tsay junaqqa ayunar jamayanki. Tsaynö ayunayanki isqun junaq tardipita waraynin tardiyaq».
33
Mastam Moisésta Tayta Dios nirqan:
34
«Israel runakunata niy: «Qanchis killachö chunka pitsqa kaq junaqchö Ramäda fiestata rurar qallaykuyanki. Tayta Diosta adorarmi tsay fiestata qanchis junaq rurayanki.
35
Qallaykunan junaq ima aruytapis jaqiykur Tayta Diosta adorayänaykipä llapayki qorikäyanki.
36
Qanchis junaqyaqmi Tayta Diosta adorar sacrificiukunata rupatsiyanki. Tsaynölla puwaq kaq junaqchöpis llapayki qorikaykur Tayta Diosta adorar sacrificiuta rupatsiyanki. Tsay junaqqa ima aruytapis ama aruyankitsu.
37
«Tsay fiestakunata rurar qorikäyänaykipämi Tayta Dios nishqa. Pay ninqannö altarchö rupatsiyänaykipämi ashmakunata y tsaki mikuy ofrendakunatapis apayämunki. Tsaynölla vïnutapis altarman wiñananpä apayämunki. Llapantapis diyanchö rurayanki.
38
Tsay fiestakunataqa Tayta Diosta adorar jamay junaqkunapita shuyni rurayanki. Tsaynölla fiestakunapä apayämunqayki sacrificiukuna y ofrendakuna shuyni kanqa jamay junaqpä apayämunqayki sacrificiukunapita y ofrendakunapita. Tsaynö shuyni kanqa awniyanqaykita cumplir apayämunqaykipitapis y kikikikunapa voluntänikikunapita apayämunqaykipitapis.
39
«Cosëchata qoriyta ushaskir qanchis junaqyaq Tayta Diosta adorar fiestata rurayanki. Tsay fiestata rurar qallaykuyanki qanchis kaq killa chunka pitsqa junaqchö. Fiesta qallaykunan junaq y ushanan junaqpis jamayanki.
40
Fiesta qallaykunan junaq palmakunapa rämankunata, rämasapa jachakunapa rämankunata y mayu kuchunchö saucikunapa rämankunatapis pakiskir qanchis junaq kushikur Tayta Diosnintsikpa puntanchö fiestata rurayanki.
41
Cada wata qanchis kaq killachö Tayta Diosta adorar tsay fiestata qanchis junaq rurayanki. Tsay ninqäkunaqa imayyaqpis leymi qamkunapä y qamkunapita miraqkunapäpis kanqa.
42
Tsay fiestata rurarqa qanchis junaq ramädakunallachö llapayki punuyanki.
43
Fiestata mana qonqaypa tsaynö rurayaptikim qampita miraqkunapis musyayanqa Egiptupita jipimuptï Israel runakuna ramädallachö täyanqanta. Noqam Tayta Diosniki kä».
44
Tsaynömi Moisésqa Israel runakunata tantiyatsirqan Tayta Diosta adorar fiestakunata imay rurayänanpä kanqantapis.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27