bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 4
Leviticus 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
1
Tsaypitanam Moisésta Tayta Dios nirqan:
2
«Israel runakunata niy: «Pipis mana musyayninpa Tayta Dios ninqankunata mana cumpliptinqa imata rurananpäpis kanan niyäshayki.
3
«Tayta Dios ninqankunata mandaq sacerdöti mana cumpliptinqa llapan Israel runakunapis jutsayuqmi kayanqa. Tsaymi jutsayuq kanqanpita purificashqa kayänanpä sänu torïtuta apamunqa.
4
Tsaytam Tinkuna Toldupa patiunman apamunqa. Tsaypitanam torïtupa umanman makinta churaykur Tayta Diospa puntanchö pishtanqa.
5
Mandaq sacerdötinam torïtupa yawarninta wallkallata Tinkuna Toldu rurinman apanqa.
6
Tsaychömi dëdunta yawarman jatiykur Tayta Diospa puntanchö Lugar Santïsimu tsaparaq cortïnata qanchis kuti tsaqtsunqa.
7
Tsaynöllam inciensiuta qoshnitsikuna altarpa waqranta yawarwan llushinqa. Tinkuna Toldupa patiunman yarquskirnam sobraq kaq yawarta sacrificiuta rupatsina altar chakinman tallinqa.
8
«Tsaypitanam pishtanqan torïtupa pacha wiranta,
9
ishkan rurunninkunata wirantinta, lömunchö wiranta y ñatinninchö wirantapis jipinqa.
10
Alli päsakuy sacrificiuta rupatsinanpä jipinqannöllam wiranta jipinqa. Tsaykunatam sacrificiuta rupatsina altarchö sacerdöti rupatsinqa.
11
Torïtupa qaranta, aytsanta, umanta, chakinta, pachanta y panzantanam
12
campamentupita püru sitiuman apanqa. Tsayqa uchpata jitanaykipä akranqayki sitium kanqa. Uchpa jitaraykaqman yantata pelarkur rupatsinqa.
13
«Llapan Israel runakuna mana musyayninpa Tayta Dios ninqankunata mana cumplirqa jutsayuqmi kayanqa.
14
Mana cumpliyanqanta tantiyarqa jutsayuq kayanqanpita purificashqa kayänanpämi juk torïtuta Tinkuna Toldupa patiunman apayämunqa.
15
Tsay torïtupa umanman makinkunata churaskirmi mayor runakuna Tayta Diospa puntanchö pishtayanqa.
16
Mandaq sacerdötinam torïtupa yawarninta wallkallata tsariskir Tinkuna Toldu rurinman apamunqa.
17
Tsaychömi dëdunta yawarman jatiykur Tayta Diospa puntanchö Lugar Santïsimu tsaparaq cortïnata qanchis kuti tsaqtsunqa.
18
Tsaynöllam Tayta Diospa puntanchö kaykaq altarpa waqrantapis yawarwan llushinqa. Tinkuna Toldupa patiunman yarquskirnam sobraq kaq yawarta sacrificiuta rupatsina altar chakinman tallinqa.
19
«Tsaypitanam torïtupa llapan wiranta jipiskir altarchö rupatsinqa.
20
Tsaynö rupatsinqa mandaq sacerdöti jutsayuq kanqanpita torïtupa wiranta altarchö rupatsinqannölla. Tsaynö rupatsiptinmi Israel runakuna jutsayuq kayanqanpita purificashqa kar perdonashqana kayanqa.
21
Tsaymi campamentupita jukläman jipiskir jukaq torïtuta rupatsinqannö rupatsinqa. Tsay torïtuqa Israel runakuna jutsayuq kayanqanpita purificashqa kayänanpä sacrificium kanqa.
22
«Juk autoridä mana musyayninpa Tayta Dios ninqankunata mana cumplirqa jutsayuqmi kanqa.
23
Mana cumplinqanta tantiyakurqa sänu chïvuta sacrificiupä apamunqa.
24
Tsay chïvupa umanman makinta churaykur rupatsina sacrificiupä ashmata imaypis pishtanan kaqchö pishtanqa. Tayta Diospa puntanchömi tsaynö ruranqa. Tsay ashmaqa purificatsina sacrificium kanqa.
25
Sacerdötinam pishtanqan ashmapa yawarninman dëdunta jatiykur sacrificiuta rupatsina altarpa waqrankunata llushinqa. Sobraq kaq yawartanam altar chakinman tallinqa.
26
Alli päsakuy sacrificiuta rupatsir ashmapa wiranta rupatsinqannöllam llapan wiranta altarchö rupatsinqa. Sacerdöti tsaynö ruraptinmi tsay autoridä jutsayuq kanqanpita purificashqa kar perdonashqana kanqa.
27
«Mayqan runapis mana musyayninpa Tayta Dios ninqankunata mana cumplirqa jutsayuqmi kanqa.
28
Mana cumplinqanta tantiyarmi sänu cabrata sacrificiupä apamunqa.
29
Tsaychömi cabrapa umanman makinta churaykur rupatsina sacrificiupä ashmata imaypis pishtanan kaqchö pishtanqa.
30
Sacerdötinam cabrapa yawarninman dëdunta jatiykur sacrificiuta rupatsina altarpa waqrankunata llushinqa. Sobraq kaq yawartanam altar chakinman tallinqa.
31
Tsaypitam alli päsakuy sacrificiuta rupatsinanpä ashmata pishtar wiranta jipinqannölla cabrapa llapan wiranta jipinqa. Tsayta altarchö sacerdöti rupatsiptinmi mushkuyninpita Tayta Dios kushikunqa. Tsaynöpam tsay runa jutsayuq kanqanpita purificashqa kar perdonashqana kanqa.
32
«Purificatsina sacrificiupä üshata apamurqa sänu china üshata apamunqa.
33
Tsay üshapa umanman makinta churaykurmi rupatsina sacrificiupä ashmata imaypis pishtanqan kaqchö purificashqa kananpä pishtanqa.
34
Sacerdötinam pishtanqan ashmapa yawarninman dëdunta jatiykur sacrificiuta rupatsina altarpa waqrankunata llushinqa. Sobraq kaq yawartanam altar chakinman tallinqa.
35
Alli päsakuy sacrificiuta rupatsir üshapa wiranta rupatsinqannöllam llapan wiranta altarchö rupatsinqa. Tsaynö rupatsinqa Tayta Diosta adorar wakin sacrificiukunata rupatsinqan jananchömi. Sacerdöti tsaynö ruraptinrämi ashmata apamuq runa jutsayuq kanqanpita purificashqa kar perdonashqa kanqa.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27