bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 26
Leviticus 26
Quechuan QXO (Biblia en Quechua del sur de Conchucos)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 27 →
1
«Noqam Tayta Diosniki kä. Tsaynö kaykaptinqa ima ïdulutapis ruraykur ama adorayankitsu. Juytu rumikunatapis ni dibujashqa rumikunatapis adorayänaykipä ama ichïtsiyankitsu.
2
Jamay junaqqa respitamar jamayanki. Tsaynölla Sagrädu Toldutapis respitayanki. Noqaqa Tayta Diosmi kä.
3
«Leynïkunata y mandamientükunata cumpliyaptikiqa
4
tamyatapis tiempullanchömi tamyatsimushä. Chakrakunachö mikuykunapis y jachakunapis allim wayunqa.
5
Trïgupis üva poqumunqanyaqmi aypanqa. Üvapis trïguta murunqaykiyaqmi aypanqa. Pacha junta mikurmi nacionnikichöpis alli kawayanki.
6
«Nacionnikichö alli kawarmi tranquïlu punuyanki. Noqam chucaru munti ashmakunapita y guërrapitapis tsapäshayki.
7
Guërrata rurar contrayki runakuna shayämuptinpis vincirmi qatikachäyanki. Paykunataqa llapantam espädaykikunawan wanutsiyanki.
8
Pitsqa runakunallam pachak (100) runakunata qatikachäyanki. Pachak runakunallam chunka waranqa (10,000) runakunata qatikachäyanki. Contraykikunataqa espädaykikunawanmi wanutsiyanki.
9
«Pactuta rurar awninqänöllam atskaman mirayänaykipä bendicionnïta churamushä.
10
Atska wata mikuyänaykipämi maran trïguykipis aypanqa. Tsayrä cosechayanqaykitapis tröjata jäkatsirrämi churayanki.
11
«Qamkunawanmi imaypis täshä. Manam imaypis dëjayäshaykitsu.
12
Maypa aywayaptikipis qamkunawanmi kaykäshä. Noqam qamkunapa Diosniki imaypis kashä. Qamkunam kuyanqä runakuna kayanki.
13
Noqam Tayta Diosniki kä. Egiptuchö esclävu kayanqaykipitam jipimurqü. Pitapis mana mantsaypa kawayänaykipämi yanaparqü.
14
«Noqa ninqäkunata mana cäsuyämaptikiqa, mandamientükunata mana cumpliyaptiki,
15
leynïkunata mana cäsur mana respitayämaptiki y pactu ruranqäta manakaqman churayaptikiqa
16
mantsariypämi castigayäshayki. Tsaymi qamkunaman mandamushä fiebrita, ñawi nanayta, uyuyayta y wanutsikuq qeshyata. Contraykikuna shamur cosëchaykita apayaptinmi muruyanqaykipis wallälla kanqa.
17
Tsaynöllam qamkunapa contrayki kaptï chikiyäshuqnikikuna vinciskir poderninchö katsiyäshunki. Pipis mana qatikachaykäyäshuptikim qeshpir aywakuyanki.
18
«Tsaynö ruraykaptïpis mana cäsuyämaptikiqa qanchis kuti masmi castigayäshayki.
19
Mana cäsukuq orgullösu kayaptikim tamyatapis tamyatsimushätsu y murukuyanqaykipis manam wayunqatsu.
20
Chakraykikuna mana wayuptinmi wallälla aruyankipis. Tsaynöllam plantayanqayki jachakunapis wayunqatsu.
21
«Mana cäsumar ninqäkunata manakaqman churayaptikiqa jutsata rurayanqaykimanmi qanchis kuti mas castigayäshayki.
22
Munti ashmakunatam mandamushä tsurikikunata y ashmaykikunata ushayänanpä. Tsaymi ni nänipa puriyänallanpäpis kanqatsu.
23
«Tsaynö castigaykaptïpis mana cäsumar ninqäkunata manakaqman churayaptikiqa
24
noqapis qamkunapa contrayki shärirmi jutsata rurayanqaykipita qanchis kuti mas castigayäshayki.
25
Mana cäsuyämaptikiqa pactuta rurar ninqänöllam wanutsikuq runakunata mandamushä. Markaykikunaman pakakur qeshpiyaptikipis mantsariypä qeshyatam mandamushä. Tsayman contraykikuna yaykamurmi ushakätsiyäshunki.
26
«Mikuynikikunata ushakätsiptïmi chunka warmikuna juk tullpallachöna kusinakuyanqa. Tsaymi ichik ichiklla qarayäshuptiki pachaykikunapis juntanqatsu.
27
«Tsaynö castigaykaptïpis mana cäsumar ninqäkunata manakaqman churayaptikiqa
28
rabyarmi jutsata ruranqaykipita qanchis kuti mas castigayäshayki.
29
Pasaypa mallaqarmi tsurikikunata warmitapis ollqutapis mikuyanki.
30
Ïdulukunata adorayänaykipä shäritsiyanqayki altarkunatapis juchutsirmi ushashä. Inciensiu qoshnitsikuyänayki altarkunatapis pakirmi ushashä. Qamkunata wanuskatsirmi ïduluykikuna jananman ayaykikunata jitarishä. Pasaypa rabyatsiyämanqaykipitam tsaynö ushakätsiyäshayki.
31
Markaykikunatapis raqällatana dëjarmi altarnikikunatapis juchutsir ushakätsishä. Sacrificiuta rupatsiyaptikipis manam chaskiyäshaykinatsu.
32
«Kikïmi markaykikunata chipyaq ushakätsishä. Ushakätsinqäta rikarmi contraykikunapis markaykikunaman tänanpä shamur pasaypa mantsakashqa kayanqa.
33
Wakikitaqa espädawanmi wanutsiyäshayki y wakikitanam juklä nacionkunaman qarquyäshayki. Tsaynö ushakätsiptïmi nacionnikikunapis pasaypa tsunyaqllana kanqa. Markaykikunapis mantsariypa raqällam quëdanqa.
34
Chakraykikunata jamatsiyänaykipä nikaptïpis mana jamatsiypa muruyanqaykipitam contraykikunapa nacionninchö kayanqaykiyaq chakraykikuna jamanqa.
35
Tsaynö mana jamatsiypa muruyanqaykipitam chakraykikuna jamanqa.
36
«Kawaykar quëdaqkunapis contraykikunapa nacionninchö karmi pasaypa mantsa mantsalla kawayanqa. Tsaymi ima qashraraptillanpis espädawan runa qatikachaykäshunqaykita yarpar qeshpiyanki. Tsaynö qeshpiykarmi mantsariywan wakiki wanuyanki.
37
Pipis mana qatikachaykäshuptikim guërrapita qeshpiykaqnö takanakurrä qeshpiyanki. Manam mayqaykipis contraykikunawan pelyayta puëdiyankitsu.
38
Juklä nacionkunachömi wanuyanki. Tsaynöllam contraykikunapa nacionninchö ushakäyanki.
39
Mana cäsuyämanqaykipitam contraykikunapa nacionninchö kawaykar quëdaq tsurikikunapis wanuyanqa.
40
«Contraykikunapa nacionninman qarquptïmi tantiyakuyanki kikikikuna y papänikikuna conträ shärir jutsayuq kayanqaykita. Tsaynö tantiyakur perdonta mañakayämaptikiqa
42
Jacobwan, Isaacwan, Abrahamwan pactu ruranqätam yarpäshä. Tsaynöllam chakraykikunapäpis yarpäshä.
43
Chakraykikunata mana jamatsiypa muruyanqaykipitam juklä nacionchö täyanqaykiyaq chakraykikuna jamanqa. Mana cäsumar jutsata rurayanqaykipita y leynïkunata mana cumpliyanqaykipitam pasaypa ñakayanki.
44
«Tsaynö kaptinpis unay castaykikunawan pactu ruranqäta manam qonqashätsu. Noqa Tayta Diosniki karmi llapaykikunata ushakätsiyäshunaykita dëjashätsu.
45
Tsaypa rantinqa unay castaykikunawan pactu ruranqäta yarparmi qamkunata yanapayäshayki. Tsay pactuta rurarmi unay castaykikunapa Diosnin kanäpä wakin nación runakuna rikaykaptin Egiptupita jipimurqä. Noqaqa Tayta Diosmi kä».
46
Tsaynö nirmi leyninkunata, mandamientunkunata y yachatsikuyninkunata Israel runakunata Moiséswan Sinaí jirkachö Tayta Dios willakatsirqan.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27