bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Leviticus 16
Leviticus 16
Quechuan QXO (Biblia en Quechua del sur de Conchucos)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 17 →
1
Tayta Diospa puntanman llutalla yaykur Aarónpa ishkan tsurinkuna wanuyanqanpitam Moisésta Tayta Dios nirqan:
2
«Wawqiki Aarónta willay cortïnata päsar Lugar Santïsimuman llutalla mana yaykunanpä. Tsaychö babulpa tsapanan jananmanmi pukutaychö yurimushä. Tsaymi tsayman llutalla yaykurqa wanunqa.
3
Juk torïtuta purificatsina sacrificiupä y juk carnëruta rupatsina sacrificiupä altarchö rupaskatsirrämi Lugar Santïsimuman Aarón yaykunqa.
4
Tsaynöllam jatikunqa lïnupita awashqa sagrädu tünicata y lïnupita awashqa calzoncïlluta. Tsaypitam lïnu wachukuwan wachakakurkur umanmanpis lïnu görrata jatikunqa. Tsay röpakuna sagrädu kaptinmi manarä jatikur bäñakunqa.
5
Israel runakuna apayämunqanpitam purificatsina sacrificiupä ishkay chïvukunata y rupatsina sacrificiupä juk carnëruta Aarón apamunqa.
6
«Tsaypitanam purificatsina sacrificiupä Tinkuna Toldupa patiunman torïtuta Aarón apamunqa. Tsay torïtum kanqa Aarón y paypita miraq sacerdötikuna purificashqa kayänanpä.
7
Tsaypitanam ishkan chïvukunata Tinkuna Toldupa patiunman apaykur Tayta Diospa puntanman churanqa.
8
Tsaychömi suertiyanqa mayqan chïvu Tayta Diospä kananpä y mayqan chïvu Azazelpä kananpäpis.
9
Tayta Diospä kaq chïvutaqa purificatsina sacrificiupämi altarchö Aarón rupatsinqa.
10
Peru Azazelpä kaq chïvutam sïqa kawaykaqllata Tayta Diospa puntanman apamunqa. Tsaypitanam desiertuman apaykur Azazel kaykanqan kaqman qarqunqa. Qarquptinmi Israel runakuna jutsata rurayanqanpita perdonashqa kar purificashqa kayanqa.
11
«Tsaypitanam Tinkuna Tolduman apamunqan torïtuta altarchö Aarón rupatsinqa kikin y paypita miraq sacerdötikuna purificashqa kayänanpä.
12
Tsaymi Tayta Diospa puntanchö kaykaq altarpita shanshaykaq carbonta inciensiu qoshnitsikuna juntata Tinkuna Toldu rurinman apanqa. Tsaynöllam ishkay aptay ñuchqu aqashqa mushkuq inciensiuta apanqa. Tinkuna Toldu rurinchö kaykaq cortïnata päsarmi Lugar Santïsimuman tsaykunata apanqa.
13
Tsaychömi Tayta Diospa puntanchö shansha apanqanman inciensiuta wiñanqa. Tsaymi inciensiupa qoshnin tsapaskinqa Pactu Babulpa tsapananta. Tsaynö tsapaptinmi Aarón wanunqatsu.
14
Tsaynöllam torïtupa yawarninman dëdunta jatiykur babulpa tsapananta punku lädupita tsaqtsunqa. Tsaypitanam kikin babultapis dëdunwan qanchis kuti tsaqtsunqa.
15
«Lugar Santïsimupita yarquskirnam Israel runakuna jutsata rurayanqanpita purificashqa kayänanpä chïvuta pishtanqa. Tsay yawartapis torïtupa yawarninwan ruranqannöllam cortïna rurinman apaykur tsapananta y babulpa ñöpanta tsaqtsunqa.
16
Tsaynöpam Israel runakuna impüru kayanqanpita, mana cäsuyanqanpita y jutsata rurayanqanpita Lugar Santïsimuta y llapan Tinkuna Tolduta purificanqa.
17
«Lugar Santïsimuchö Aarón kaykaptinqa manam pipis Tinkuna Tolduman yaykunmantsu. Tsaychömi Aarónqa yawarta tsaqtsunqa kikinpis, castankunapis y llapan Israel runakunapis purificashqa kayänanpä.
18
Tsaypita yarqurnam Tayta Diospa puntanchö kaykaq altarta purificanqa. Tsaychömi torïtupa y chïvupa yawarninwan altarpa waqrankunata llushinqa.
19
Tsaypitanam altarpa jananman qanchis kuti dëdunwan yawarta tsaqtsunqa. Tsaynöpam Israel runakuna jutsata rurar impüruyätsiyanqanpita altarta purificanqa sagrädu kananpä.
20
«Lugar Santïsimuta, Tinkuna Tolduta y altarta purificatsiyta ushaskirnam kawaykaq chïvuta Aarón apatsimunqa.
21
Chïvupa umanman makinta churaykurmi Tayta Diosta willanqa Israel runakuna llutankunata rurayanqanta, contran kayanqanta y jutsata rurayanqanta. Tsaynö willarmi Israel runakunapa llapan jutsankunata apananpä chïvuman churanqa. Tsaypitanam juk runa desiertuman apaykur chïvuta jaqirinqa aywakunanpä.
22
Tsaynöpam Israel runakunapa llapan jutsankunata tsay chïvu apanqa pipis mana täranqan kaqman.
23
«Tsaypitanam Tinkuna Toldu rurinman Aarón aywar Lugar Santïsimuman yaykunanpä jatikunqan lïnu röpata lloqtiskir churaykunqa.
24
Bäñakuskirnam röpanta jatikurkur yarqunqa kikinpa jutsanpita y Israel runakunapa jutsanpita sacrificiuta rupatsinanpä. Tsaynö rupatsiptinmi kikinpa y Israel runakunapa jutsankuna perdonashqa kanqa.
25
Tsaypitanam purificatsina sacrificiupä pishtanqan ashmapa wiranta altarchö rupatsinqa.
26
«Desiertuman Azazelpä chïvuta apaq runapis röpanta taqshakuskir y bäñakuskirrämi campamentuman kutimunqa.
27
«Purificatsina sacrificiupä pishtanqan torïtupa y chïvupa qaratsanta, aytsanta y pachankunatana campamentupita jukläman apaykurmi rupatsinqa. Tsay ashmakunapa yawarnintam Lugar Santïsimuta purificananpä apashqana karqan.
28
Tsaykunata rupatsiq runaqa röpanta taqshakuskir y bäñakuskirrämi campamentuman kutimunqa.
29
«Cada watam llapan tsaykunata rurayanki qanchis kaq killa chunka junaqchö. Tsay junaq ayunar ima aruychöpis ama aruyankitsu. Qamkunachö täraq jäpa runakunapis tsaynö rurayätsun. Kay ninqäkunaqa imayyaqpis leymi qamkunapä kanqa.
30
Tsay junaqmi llapaykita purificar Tayta Dios perdonayäshunki. Tsaymi Tayta Diospa puntanchö llapan jutsaykipita mayllashqa kayanki.
31
Tsay junaqmi qamkunapä jamay junaq kanqa. Tsaymi ayunar ima aruytapis rurayankitsu. Tsay ninqäkunaqa imayyaqpis leymi qamkunapä kanqa.
32
«Mayqanpis mandaq sacerdöti kananpä churanqan sacerdötim tsaykunata ruranqa llapanpis purificashqa kananpä. Paymi lïnupita rurashqa sagrädu röpata jatikurkur
33
Lugar Santïsimuta, Tinkuna Tolduta y altarta purificanqa. Tsaynöpam sacerdötikunapis y llapan Israel runakunapis purificashqa kar perdonashqa kayanqa.
34
Jutsankunapita perdonashqa kayänanpämi cada watachö juk kuti tsay ninqäkunata Israel runakuna rurayanqa. Tsay ninqäkunaqa imayyaqpis leymi qamkunapä kanqa». Moisésta Tayta Dios ninqannöllam llapantapis rurayarqan.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27