Numbers 7 — Kirundi (Bibliya Yera 1951, 1967 (Burundi))

1Mose arangije gushinga rya hema, no kurirobanuza amavuta no kuryeza, bo n’ibintu vyaryo vyose, n’igicaniro n’ibintu vyaco vyose;

2kur’ uwo musi abakuru b’Abisirayeli, ari bo bakuru bo mu mazu ya ba sekuruza, bazana amashikanwa; ni bo ba bakuru b’imiryango bājējwe ivyo guharūra abantu.

3Bazana amashikanwa yabo imbere y’Uhoraho, imikogote itandatu isakaye hejuru, n’inka cumi na zibiri zo kuyikwega: abo bakuru bose, babiri‐babiri bāsangira gushikana umukogote, umwe‐umwe akīsangiza inka; babizana imbere y’iryo hema.

4Uhoraho abarira Mose,

5ati Ni wākīre ivyo bazanye, bibe ivyo gukoreshwa ibikorwa vy’ihema ry’ ibonaniro; ubihe Abalewi babikoreshe, umuntu wese nk’ukw igikorwa ciwe kiri.

6Nuko Mose yākīra iyo mikogote n’izo nka, abiha Abalewi.

7Imikogote ibiri n’inka zine abiha Abagerushoni, ngo babikoreshe nk’ukw ibikorwa vyabo biri;

8iyindi mikogote ine n’inka munani abiha Abamerari, ngo babikoreshe nk’ukw ibikorwa vyabo biri; Itamari mwene Aroni umuherezi akaba ari we abagaba.

9Arikw Abakohati ntiyagira ico abaha, kuko bo, igikorwa cabo bājējwe car’ ico mu bintu vyēra, bakaba bari bakwiye kubirerura ku bitugu vyabo.

10Abo bakuru bazana amashikanwa yo gushikiriza Imana igicaniro ku musi carobanujwe amavuta, bayashikanirira imbere yaco.

11Uhoraho abarira Mose, ati Baze bashikane amashikanwa yabo yo kunshikiriza igicaniro, umukuru wese ku musi wiwe.

12Ku musi w’intangamarāra uwashikanye ni Nahashoni mwene Aminadabu, wo mu muryango wa Yuda:

13ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakūre imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

14n’agakombe kamwe k’izahabu, kuriba kwako ni shekeli cumi; kari kuzuye imibavu;

15n’imasa y’ umukangara imwe, n’impfizi y’ intama imwe, n’isuguru y’intama imwe itarengeje umwaka, vyo kuba ikimazi co kwoswa;

16n’isuguru y’impene imwe kw ikimazi co gutangirwa ivyaha;

17n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Nahashoni mwene Aminadabu.

18Ku musi ugira kabiri, hāshikanye Netaneli mwene Suwari, umukuru w’Abisakari.

19Ishikanwa ryiwe yashikanye n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

20n’agakombe kamwe k’izahabu, kuriba kwako ni shekeli cumi; kari kuzuye imibavu;

21n’imasa y’umukangara imwe, n’impfizi y’intama imwe, n’isuguru y’intama imwe itarengeje umwaka, vyo kuba ikimazi co kwoswa;

22n’isuguru y’impene imwe kw ikimazi co gutangirwa ivyaha;

23n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Netaneli mwene Suwari.

24Ku musi ugira gatatu, hāri haramukiwe Eliyabu mwene Heloni, umukuru w’Abazebuloni.

25Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

26n’agakombe kamwe k’izahabu, kuriba kwako ni shekeli cumi; kari kuzuye imibavu;

27n’imasa y’ umukangara imwe, n’impfizi y’ intama imwe, n’isuguru y’intama imwe itarengeje umwaka, vyo kuba ikimazi co kwoswa;

28n’isuguru y’impene imwe kw ikimazi co gutangirwa ivyaha;

29n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Eliyabu mwene Heloni.

30Ku musi ugira kane, hāri haramukiwe Elisuri mwene Shedeyuri, umukuru w’Abareyubeni.

31Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

32n’agakombe kamwe k’izahabu, kuriba kwako ni shekeli cumi; kari kuzuye imibavu;

33n’ imasa y’umukangara imwe, n’ impfizi y’intama imwe, n’isuguru y’intama imwe itarengeje umwaka, vyo kuba ikimazi co kwoswa;

34n’isuguru y’impene imwe kw ikimazi co gutangirwa ivyaha;

35n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Elisuri mwene Shedeyuri.

36Ku musi ugira gatanu, hāri haramukiwe Shelumiyeli mwene Surishadayi, umukuru w’Abasimeyoni.

37Ishikanwa ryiwe n’ isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

38n’agakombe kamwe k’izahabu, kuriba kwako ni shekeli cumi; kari kuzuye imibavu;

39n’imasa y’ umukangara imwe, n’impfizi y’ intama imwe, n’isuguru y’intama imwe itarengeje umwaka, vyo kuba ikimazi co kwoswa;

40n’ isuguru y’impene imwe kw ikimazi co gutangirwa ivyaha;

41n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Shelumiyeli mwene Surishadayi.

42Ku musi ugira gatandatu, hāri haramukiwe Eliyasafu mwene Duweli, umukuru w’Abagadi.

43Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

44n’agakombe kamwe k’izahabu, kuriba kwako ni shekeli cumi; kari kuzuye imibavu;

45n’ imasa y’umukangara imwe, n’impfizi y’intama imwe, n’isuguru y’intama imwe itarengeje umwaka, vyo kuba ikimazi co kwoswa;

46n’isuguru y’impene imwe kw ikimazi co gutangirwa ivyaha;

47n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Eliyasafu mwene Duweli.

48Ku musi ugira indwi, hāri haramukiwe Elishama mwene Amihudi, umukuru w’Abefurayimu.

49Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

50n’agakombe kamwe k’izahabu, kuriba kwako ni shekeli cumi; kari kuzuye imibavu;

51n’imasa y’umukangara imwe, n’impfizi y’ intama imwe, n’isuguru y’intama imwe itarengeje umwaka, vyo kuba ikimazi co kwoswa;

52n’isuguru y’impene imwe kw ikimazi co gutangirwa ivyaha;

53n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Elishama mwene Amihudi.

54Ku musi ugira umunani, hāri haramukiwe Gamaliyeli mwene Pedasuri, umukuru w’ Abamanase.

55Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

56n’ agakombe kamwe k’izahabu, kuriba kwako ni shekeli cumi; kari kuzuye imibavu;

57n’imasa y’umukangara imwe, n’impfizi y’intama imwe, n’isuguru y’intama imwe itarengeje umwaka, vyo kuba ikimazi co kwoswa;

58n’isuguru y’impene imwe kw ikimazi co gutangirwa ivyaha;

59n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Gamaliyeli mwene Pedasuri.

60Ku musi ugira icenda, hāri haramukiwe Abidani mwene Gideyoni, umukuru w’Ababenyamini.

61Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

62n’agakombe kamwe k’izahabu, kuriba kwako ni shekeli cumi; kari kuzuye imibavu;

63n’ imasa y’umukangara imwe, n’impfizi y’intama imwe, n’isuguru y’intama imwe itarengeje umwaka, vyo kuba ikimazi co kwoswa;

64n’isuguru y’impene imwe kw ikimazi co gutangirwa ivyaha;

65n’amapfizi abiri y’inka, n’ amapfizi atanu y’intama, n’ay’ impene atanu, n’amasuguru y’ intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Abidani mwene Gideyoni.

66Ku musi ugira icumi, hāri haramukiwe Ahiyezeri mwene Amishadayi, umukuru w’Abadani.

67Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

68n’agakombe kamwe k’izahabu, kuriba kwako ni shekeli cumi; kari kuzuye imibavu;

69n’ imasa y’umukangara imwe, n’ impfizi y’intama imwe, n’isuguru y’intama imwe itarengeje umwaka, vyo kuba ikimazi co kwoswa;

70n’isuguru y’impene imwe kw ikimazi co gutangirwa ivyaha;

71n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Ahiyezeri mwene Amishadayi.

72Ku musi ugira icumi na rimwe, hāri haramukiwe Pagiyeli mwene Okirani, umukuru w’Abasheri.

73Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

74n’agakombe kamwe k’izahabu, kuriba kwako ni shekeli cumi; kari kuzuye imibavu;

75n’imasa y’ umukangara imwe, n’impfizi y’ intama imwe, n’isuguru y’intama imwe itarengeje umwaka, vyo kuba ikimazi co kwoswa;

76n’ isuguru y’impene imwe kw ikimazi co gutangirwa ivyaha;

77n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Pagiyeli mwene Okirani.

78Ku musi ugira icumi na kabiri, hāri haramukiwe Ahira mwene Enani, umukuru w’Abanafutali.

79Ishikanwa ryiwe n’isahani imwe y’ifeza, kuriba kwayo ni shekeli ijana na mirongwitatu, n’ibakure imwe y’ifeza, kuriba kwayo ni shekeli mirongwirindwi zagezwe kuri shekeli ir’ Ahēra; vyompi vyari vyuzuye ifu igogōretse ivanze n’amavuta ya elayo, kw ishikanwa ry’ifu;

80n’agakombe kamwe k’izahabu, kuriba kwako ni shekeli cumi; kari kuzuye imibavu;

81n’imasa y’ umukangara imwe, n’impfizi y’ intama imwe, n’isuguru y’intama imwe itarengeje umwaka, vyo kuba ikimazi co kwoswa;

82n’ isuguru y’impene imwe kw ikimazi co gutangirwa ivyaha;

83n’amapfizi abiri y’inka, n’amapfizi atanu y’intama, n’ay’ impene atanu, n’amasuguru y’intama atanu atarengeje umwaka, vyo kuba ikimazi c’ishimwe; iryo ni ryo shikanwa rya Ahira mwene Enani.

84Ivyo ni vyo abakuru b’Abisirayeli bāshikanye mu gushikiriza Imana igicaniro, ku musi carobanujwe amavuta; vyose na vyose vyar’ ibi: amasahani y’ifeza cumi n’abiri, n’amabakure y’ifeza cumi n’abiri, n’udukombe tw’izahabu cumi na tubiri;

85ayo masahani y’ifeza, kuriba kwayo imwe‐imwe ni shekeli ijana na mirongwitatu; kuriba kw’ayo mabakure imwe‐imwe ni shekeli mirongwirindwi; ifeza zose na zose ivyo bintu vyavuyemwo, kuriba kwazo ni shekeli ibihumbi bibiri n’amajana ane, zagezwe kuri shekeli ir’ Ahēra;

86kand’ utwo dukombe tw’izahabu twari twuzuye imibavu, ukw ari cumi na tubiri, kuriba kwatwo kamwe‐kamwe ni shekeli cumi, zagezwe kuri shekeli ir’ Ahēra; amazahabu yose na yose utwo dukombe twavuyemwo, kuriba kwayo ni shekeli ijana na mirongwibiri.

87Ivyatanzwe kw ibimazi vyo kwoswa vyose na vyose n’ amamasa cumi n’abiri, n’amapfizi y’intama cumi n’abiri, n’amasuguru y’intama atarengeje umwaka cumi n’abiri nyene; bo n’ amashikanwa y’amafu bigendanye; ivy’ ibimazi vyo gutangirwa ivyaha n’amasuguru y’impene cumi n’abiri;

88ivyatanzwe kw ibimazi vy’ishimwe vyose na vyose n’amapfizi y’inka mirongwibiri n’ane, n’amapfizi y’intama mirongwitandatu, n’ay’ impene mirongwitandatu, n’amasuguru y’intama atarengeje umwaka mirongwitandatu nyene. Ivyo ni vyo bāshikanye mu gushikiriza Imana igicaniro, kimaze kurobanuzwa amavuta.

89Maze Mose yinjiye mw ihema ry’ibonaniro kubonana n’Uhoraho, yumva ijwi rimubarira, rivugiye ahahera hejuru ya wa mutemere wo guhongerako, uri kw isandugu y’Ibishinga intahe, hagati ya ba bakerubi bompi; aho ni ho babonaniye.