Isaiah 13

Romani Ursari 2018 (Biblia Ande Chib Romani)

← Chapter 12 Jump to: Chapter 14 →

1E poroka katar e Babilonia, sikadi e Isaiseke chavo katar o Amoz.

2Vazden iek baro bariako upral pe iek baro burdo, urkisaren pe lende, vazden tumare va te sai den katar e udara katar e charura.

3Me bichaldem me llenen kai si mange chinade, ta ikhardem e llenen e tromane kana sem joliariko gola kai veselinpe ande mi zor.

4Asundon but llene pe burdura, sargo iek baro foro, but zurale asundon asundol sargo but phuvia chidine, o Del kai si le sa e zor llinel pe llenen kai si te llan te marenpe.

5Aven but duratar katar iek phuv, aven katar o than mai dur katar o miloso, o Del ta gola kai ka cheren prema leki joli, aven te zatrin sa e phuv.

6Auchin tumen soke pase si o llive e Devleko, ka avel sargo e zatrania katar o Del kai si le sa e zor.

7Goleke suako va ka jasarel po zor, ta ka jasarel e vlaga suako manus.

8Ta ka pherdon dar, a e nuzda ta e duk ni ka mukel len ka dukhal len sar dukhal iekhe diskinia kana maladol lake, iek averetar ka chudinpe, lenge muia ka phabon sargo iag.

9O llive e Devleko avel, glamno llive, llive katar e bari joli, kai ka pharrudol gaia phuv ta ka cherdol pusti ta ka ikanel latar lake bilache llenen.

10Ta e cheraia kai si ando miloso ta leke villelura ni ka klichin, ta o kham ka cherdol truniariko kana ka likel ta o chon ni ka kletosarel.

11Ta ka dukhavav e sueto pala po bilachipe ta e bilachen pala lengo bilachipe ta ka cherav te achavav o baripe katar e llene kai istardon, ta ka zatriv o baripe katar e zurale.

12Ni ka malave ni iekhe muruse, e manusa ka aven sargo o mai lacho sunakai, sargo o sunakai katar o Ofir.

13Soke ka cherav te dermolpe o miloso ta ka miskolpe e phuv katar po than, ande joli katar o Del kai si le sa e zor ta ando llive katar leki bari joli.

14Ta sargo iek gasela kai llan pala late ta sargo iek bakro kai inai le chobano, suako lleno ka dikhen karing po foro ta suako lleno ka nasel kai pi phuv.

15Kogo ka avel malado, ka avel jirado pe lansa ta kogo ka llal phanglo ka merel po jarni.

16Isto angla lende ka chalaven lenge minonen ande phuv, ka choren so si len ande lenge chera ta ka den ando lallao lenge diskinien.

17Me ka vazdav pe lende e llenen katar e Media kai ni ka thoven sama po rup ta ni po sunakai.

18Ka chuden e arkoia ande minone, ni ka avel lenge zao katar lenge minone ta ni ka chitilpe lenge katar lenge chaurre.

19Ta e Babilonia, e mai sukar katar e phuvia ta o sukaripe ta o baripe katar e Kadeura, ka avel sargo e Sodoma ta e Gomorra, gola forura kai o Del zatrisarda.

20Nikada ios ni ka zivin kote ni chave, ni unukura, ta ni ka inzarel pi chara kote o arabe, ta ni o chobano ni ka aven le kote rindo,

21kote ka zivin e zivirinie katar o pusto ta lenge chera ka pherdon llukela dive, kote ka zivin e avestrus ta ka juten e busne dive.

22Ande lenge bare chera ka auchinpe e iene ta ande chera kai llana te veselinpe ka aven e llukela dive, pase si lengo vreme ta lenge llivesa si llinde.

← Chapter 12 Jump to: Chapter 14 →