Isaiah 17

Romani Ursari 2018 (Biblia Ande Chib Romani)

← Chapter 16 Jump to: Chapter 18 →

1E poroka katar o Damasko. O Damasko ni ka avel ios iek foro, ta ka cherdo iek umpa phagipe.

2E forura katar o Aroer inai le ko te pomozil len, ka achen ande rindura ta ka soven kote, ta ni ka avel ko te daravel len.

3Ta ni ka pomozil len ios o Efrain, ni e charoina katar o Damasko ta so ka achel katar e Siria ka avel sargo o barvalipe katar Israellitura. Gia phenel o Del kai si le sa e zor.

4Ande gua vreme e zor katar o Jakob ka cherdol mai minoni ta ka sukol leko mas.

5Ka avel sargo kana gua kai chinel o lliu chidel so dia e phuv ta pe vastea chinel o lliu, ka avel sargo kana chiden o lliu ande umal katar o Refallin.

6Ta ka achen rispime sargo kana chinon o kas e maslinkengo ta achen dui o trin maslinke pe iek krango ta star o panch po krango mai zeleno, Gia phenel o Gazda o Del katar o Israel.

7Ande gua vreme o manus ka dikhel po del ta leke akha ka dikhen po Santo katar o Israel.

8Ta ni ka dikhel pe thana e kurbanoke kai cherda pe vastenchar, ni pe slike katar Asera ta katar o kham.

9Ande gua llive e forura zidome ka aven sargo e septelie kai ka achen pe krangura zelene, kai mukle len pala e chave katar o Israel, ta ka avel but zalba.

10Soke bristrailan katar o Del kai braduil tut, ta ni dian tut golli katar o barr kai gurudoia, goleke ka thove te barion sukar patra ta ka thove te barion krangura kai ni pinllare.

11O llive kai ka thove len ende phuv ka barion, ta thiarinako ka chere te bariol e simicha, a ka avel chindo so ka del e phuv ando llive katar e nuzda ta katar e duk.

12¡Tesko! bute llenenge katar but phuvia kai ka basen sargo e mora, ta avazura e phuvienge kai ka cheren burkania sargo kana basen but paia.

13E forura ka basen sargo e paia dive, a o Del ka del pe lende ta ka llantar dur, ka aven tradine sargo o prajo angla e balav sargo o prajo po burdo kana phurdel zurale e balav.

14Ando vreme pasa e riat, ka avel e dar, a mai anglal te llivosaol o dusmano ka merel. Gua si so ka avelpe golenchar kai ustaven amen, ta golenchar kai choren amen.

← Chapter 16 Jump to: Chapter 18 →