Isaiah 46

Romani Ursari 2018 (Biblia Ande Chib Romani)

← Chapter 45 Jump to: Chapter 47 →

1O Bel chudiape pe phuv, pelotar o Nebo, thode lenge slike upral pe zivirinie, pe zivirinie kai inllaren pharipe, gola ezgode kai tumen inllarena si thode pe zivirinie chinie.

2Gola slike avile thode ando lallao, peletar ta nasti nasle katar po pharipe ta isto von llan ando phandipe.

3Asunen man tumen kai sen katar o porodo e Jakoboko ta sa o porodo katar o Israel kai zivisarde, tumen kai sena inllarde sar kana sena ando lli, me inllardem tumen ande me va.

4Llik kana ka aven phure, llik kana ka parrnion tumare bal ka terpiu tumen, me cherdem, me ka inllarav, me ka terpiu tumen ta ka arakhav tumen.

5¿Pe ka phenen kai sem chuto, te phenen kai sam isto sargo tumen?

6Ikanen sunakai katar tumare ambave, ta phariaven o rup, chinaven iekhe llene kai radil o rup te cherel tumenge letar iek del, den changenchar ta blagosin le.

7Thoven le pe po dumo, inllaren le, thoven le pe po than, kote achel ta ni miskolpe kotar. Urkin pe lete, ta ni del anglal, ta ni braduil nika katar e nuzda.

8Den tumen golli katar gaia ezgoda, lallan ta mislin tumen orta.

9Den tumen golli katar e ezgode kai nakhle sar kana saia o vreme o purano, soke me sem o Del, ta inai aver Del ta niso inai sargo me,

10kai phenav so si te avelpe sar kana saia mai anglal, ta mai anglal te cherdon e ezgode purane, kai phenav: Mo sikadipe ni ka merel, ta ka cherav sogo mangav,

11kai ikharav e chiriklien katar likel o kham, ta duratar ikharav e manuse kai misliva. Me diem orba ta ka cherav te avel, Mislisailem ande lete ta ka cherav le.

12Asunen man zurale lieke, tumen kai sen dur katar o chachipe:

13Ka chereu te avel pase o chachipe, ni ka duriol ta mo braduipe ni ka achel. Ta ka thovav mo braduipe ando Sion, ta mo liubao ando Israel.

← Chapter 45 Jump to: Chapter 47 →