Joshua 15 — Shan

1လိၼ်ဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈ ၵူၼ်းမဵဝ်း ယူႉတႃႉ တင်းလၢႆလႆႈၶၢမ်ႇၸွမ်းလူၺ်ႈ မဵဝ်းပီႈမဵဝ်းၼွင်ႉၶဝ်ႁင်းၽႂ်ႁင်းမၼ်းၼၼ်ႉၸမ်ႉ၊ ၸၢပ်ႈႁွတ်ႈလႅၼ်လိၼ်မိူင်း ဢေႇတုမ်ႇ တင်းထိူၼ်ႇ ၸီႉၼႃႉ ၵႃႈတီႈ ၽၢႆႇတင်းၸၢၼ်းသုတ်းသေပိူၼ်ႈၼၼ်ႉဢေႃႈ။-

2ၶွပ်ႇၼမ်ႉလႅၼ်လိၼ်ၶဝ်ၽၢႆႇတၢင်းၸၢၼ်းၼၼ်ႉ လုၵ်ႉသေၵႃႈတီႈပၢႆလႅမ်သုတ်း ၼွင်ၼမ်ႉၵိူဝ် ဢၼ်ဝႃႈၵႃႈတီႈၵူတ်ႉၼမ်ႉဢၼ်ဝၢႆႇၼႃႈတေႃႇၽၢႆႇတၢင်းၸၢၼ်းၼၼ်ႉလႄႈ၊-

3တႆႇၸွမ်းၵႃႈတီႈၼႃႈတၢင်းၸၢၼ်းၵုင်း ဢႃႇၵႃႇရပ်ႉပိမ်း ၵႂႃႇႁွတ်ႈထိုင်ၵႃႈတီႈထိူၼ်ႇ ၸီႉၼႃႉ သေယဝ်ႉ၊ သမ်ႉၶိုၼ်ႈၵႃႈတီႈၽၢႆႇတၢင်းၸၢၼ်းဝၢၼ်ႈ ၵႃႇတေႇသပႃႇၼႃႇ လႄႈ တႆႇၸွမ်းၵႂႃႇၸူးဝၢၼ်ႈ ႁေႇၸရုၼ်ႇ သေလႄႈ ၶိုၼ်းၸူးဝၢၼ်ႈ ဢႃႇတႃႇ လႄႈလဵပ်ႈၵႂႃႇၸူးၵႃႈတီႈဝၢၼ်ႈ ၵႃးၵႃႉ ယဝ်ႉ၊-

4ၸင်ႇတႆႇၸွမ်းၸူးၵႃႈတီႈဝၢၼ်ႈ ဢႃႇၸမုၼ်ႇ သေလႄႈ သမ်ႉလုၵ်ႉဢွၵ်ႇၵႂႃႇၸူးၵႃႈတီႈၼမ်ႉႁွင်ႈ ဢေႇၵိပ်ႉတူႉ လႄႈ တီႈသုတ်းတီႈတိူၵ်ႈၶွပ်ႇၼမ်ႉလႅၼ်လိၼ်ၶဝ်ၼၼ်ႉ မီးၵႃႈတီႈပၢင်ႇလၢႆႇဢေႃႈ။ ဢၼ်ၼႆႉၸမ်ႉ၊ တၵ်းလႆႈပဵၼ်ၶွပ်ႇၼမ်ႉလႅၼ်လိၼ်သူ ၼႃႈတၢင်းၸၢၼ်းဢေႃႈ။-

5ၶွပ်ႇၼမ်ႉလႅၼ်လိၼ် ၽၢႆႇတၢင်းဢွၵ်ႇၼၼ်ႉ ပဵၼ် ၼွင်ၼမ်ႉၵိူဝ် တေႃႇထိုင်ႁွတ်ႈသူပ်းၼမ်ႉႁွင်ႈ ယေႃးတၢၼ်ႇ ဢေႃႈ။ ၶွပ်ႇၼမ်ႉလႅၼ်လိၼ်ၽၢႆႇတၢင်းႁွင်ႇၼၼ်ႉ လုၵ်ႉသေၵႃႈတီႈၵူတ်ႉၼွင်ၼၼ်ႉ တီႈသူပ်းၼမ်ႉႁွင်ႈ ယေႃးတၢၼ်ႇ ၼၼ်ႉလႄႈ၊-

6လႅၼ်လိၼ်ၼၼ်ႉၶိုၼ်ႈၸူးဝၢၼ်ႈ ပေႇသေႃႇၵလႃႉ သေယဝ်ႉ၊ တႆႇလဵပ်ႈၸွမ်းႁိမ်းၽၢႆႇတၢင်းႁွင်ႇ ဝၢၼ်ႈ ပေႇသရႃႇပႃႉ လႄႈ လႅၼ်လိၼ်ၼၼ်ႉၶိုၼ်ႈၸူးၵႃႈတီႈမၢၵ်ႇႁိၼ် ပေႃႇႁၼ်ႇ လုၵ်ႈၸၢႆး ရူႉပိၼ်ႇ သေလႄႈ၊-

7လႅၼ်လိၼ်ၼၼ်ႉသမ်ႉဢွၵ်ႇသေၵႃႈတီႈၶူင်ႈႁူၺ်ႈ ဢႃႇၶေႃႇ လႄႈ ၶိုၼ်ႈၸူးၵႃႈတီႈဝၢၼ်ႈ တေႇပီႉရႃႉ သေယဝ်ႉ၊ ငႅၵ်းၵႂႃႇၽၢႆႇတၢင်းႁွင်ႇၸူးၵႃႈတီႈ ၵီႉလႃႉၵႃႇလႃႉ ဢၼ်မီးသိုဝ်ႈၵုင်း ဢတုမ်ႇမိမ်း ဢၼ်မီးၵႃႈတီႈၽၢႆႇတၢင်းၸၢၼ်း ၼမ်ႉႁွင်ႈလႄႈ လႅၼ်လိၼ်ၼၼ်ႉ တႆႇၸွမ်းၸူး ၵႃႈတီႈၼွင် ဢႅၼ်ႇသေႇမိတ်ႉ သေယဝ်ႉ၊ တီႈသုတ်းတီႈတိူၵ်ႈမၼ်း မီးၵႃႈတီႈၼမ်ႉဢွၵ်ႇႁူး ဢႅၼ်ႇရေႃႇၵေးလႃႉ ၼၼ်ႉဢေႃႈ။-

8လႅၼ်လိၼ်ၼၼ်ႉသမ်ႉ တႆႇၶိုၼ်ႈၸွမ်းၵႃႈႁိမ်းၶူင်ႈႁူၺ်ႈလုၵ်ႈၸၢႆး ႁိၼ်ႇၼုမ်ႇ ၸူးၵႃႈတီႈၽၢႆႇတၢင်းၸၢၼ်း တီႈ ယေႇပူႉသီႉ ဢၼ်ပဵၼ်ဝဵင်း ယေႇရူႉသလႅမ်ႇ ၼၼ်ႉလႄႈ လႅၼ်လိၼ်ၼၼ်ႉသမ်ႉ ၶိုၼ်ႈၵႃႈၼိူဝ်ပၢႆၸိၵ်းလွႆ ဢၼ်မီးၵႃႈတီႈသိုဝ်ႈၶူင်ႈႁူၺ်ႈ ႁိၼ်ႇၼုမ်ႇ ၼႃႈဝၼ်းတူၵ်း ဢၼ်ပဵၼ်တီႈသုတ်းၶူင်ႈႁူၺ်ႈ ရေႇၽဵမ်ႇ ၼႃႈတၢင်းႁွင်ႇၼၼ်ႉဢေႃႈ။-

9လႅၼ်လိၼ်ၼၼ်ႉသမ်ႉလုၵ်ႉသေၵႃႈတီႈၼိူဝ်ပၢႆၸိၵ်းလွႆၼၼ်ႉ လူင်းၵႂႃႇၸူးၵႃႈတီႈ ၼမ်ႉဢွၵ်ႇႁူး ၼေႇၽတေႃႇ လႄႈ သုတ်းတိူၵ်ႈၵႃႈတီႈဝဵင်းဢၼ်ၸၢပ်ႈသႅင်ႇၵၼ်တင်းလွႆ ဢေႇၽရိမ်ႇ ၼၼ်ႉ ၸိူဝ်းၼၼ်ႉသေယဝ်ႉ၊ လႅၼ်လိၼ်ၼၼ်ႉသမ်ႉ တႆႇၸွမ်းၸူးၵႃႈတီႈဝဵင်း ပႃႇလႃႉ ဢၼ်ပဵၼ် ၵီႉရယတ်ႉယႃႇရိမ်ႇ ၼၼ်ႉလႄႈ၊-

10လႅၼ်လိၼ်ၼၼ်ႉသမ်ႉလုၵ်ႉသေၵႃႈတီႈဝဵင်း ပႃႇလႃႉ ၼၼ်ႉ လဵပ်ႈၵႂႃႇၽၢႆႇတၢင်းတူၵ်း တေႃႇထိုင်ႁွတ်ႈလွႆ ၸီႉရႃႉ ယဝ်ႉ၊ ၸင်ႇသမ်ႉတႆႇၸွမ်းၵႃႈတီႈၽၢႆႇတၢင်းႁွင်ႇလွႆ ယႃႇရိမ်း ဢၼ်ဝႃႈလွႆ ၶေႇသလုၼ်ႇ ၼၼ်ႉလႄႈ လူင်းၵႂႃႇၸူးၵႃႈတီႈဝဵင်း ပႅတ်ႉသေးမိတ်ႉ သေယဝ်ႉ၊ တႆႇၸွမ်းၸူးၵႃႈတီႈဝဵင်း တီႉမၼႃႉ ဢေႃႈ။-

11လႅၼ်လိၼ်ၼၼ်ႉသမ်ႉဢွၵ်ႇၵႂႃႇၽၢႆႇတၢင်းႁွင်ႇၸူး ၵႃႈတီႈဝဵင်း ဢေႇၵြုၼ်ႇ လႄႈ လႅၼ်လိၼ်ၼၼ်ႉ ငႅၵ်းၵႂႃႇၸူးၵႃႈတီႈဝၢၼ်ႈ သီႉၵြုၼ်ႇ သေယဝ်ႉ၊ တႆႇၸွမ်းၵႂႃႇၸူး ၵႃႈတီႈလွႆ ပႃႇလႃႉ လႄႈ ဢွၵ်ႇၵႂႃႇၸူးၵႃႈတီႈဝၢၼ်ႈ ယႃႇပၼေးလႃႉ သေယဝ်ႉ၊ တီႈသုတ်းတီႈတိူၵ်ႈ မၼ်းမီးၵႃႈတီႈပၢင်ႇလၢႆႇဢေႃႈ။-

12ၶွပ်ႇၼမ်ႉလႅၼ်လိၼ်ၼႃႈဝၼ်းတူၵ်းၼၼ်ႉ ပဵၼ်ပၢင်ႇလၢႆႇလူင် ဢိၵ်ႇတင်းၽင်ႇမၼ်းႁိမ်းမၼ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်ၶွပ်ႇၼမ်ႉလႅၼ်လိၼ်တီႈယူႇ ၵူၼ်းမဵဝ်း ယူႉတႃႉ တင်းလၢႆ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ် ႁင်းၽႂ်ႁင်းမၼ်းဢေႃႈ။

13တီႈ ၵႃႇလႅပ်ႉ လုၵ်ႈၸၢႆး ယေႇၽုၼ်ႇၼႃႉ ၵေႃႈ ယေႃးသူႉ ပၼ်ပုၼ်ႈပၼ်တႃႇ ပႃးၵႃႈၼႂ်းၵူၼ်းမဵဝ်း ယူႉတႃႉ တင်းလၢႆ ဢၼ်ဝႃႈဝဵင်း ဢႃႇၽႃႉ ဢၼ်ပဵၼ်ပေႃႈ ဢႃႇၼၵႃႉ ဢၼ်ဝႃႈဝဵင်း ႁေႇပြုၼ်ႇ ၼၼ်ႉ ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈ ယေႃးသူႉ ၼၼ်ႉဢေႃႈ။-

14ၵႃႇလႅပ်ႉ ၼၼ်ႉ ႁေႃႈၵူၼ်း ဢႃႇၼၵႃႉ သၢမ်ၵေႃႉဢၼ်ဝႃႈ သေးသႆး၊ ဢႁီႉမၼ်ႇ၊ တႃႇလမေး ၸိူဝ်းၼၼ်ႉ ဢွၵ်ႇပႅတ်ႈသေၵႃႈၼႂ်းဝဵင်းၼၼ်ႉသေယဝ်ႉ၊-

15သမ်ႉၶီႇၵႂႃႇၸူးၵႃႈတီႈၵူၼ်းဝဵင်း တေႇပီႉရႃႉ ၼၼ်ႉဢေႃႈ။ ဝဵင်း တေႇပီႉရႃႉ ၼၼ်ႉ မိူဝ်ႈဢွၼ်တၢင်းၼၼ်ႉ မီးၸိုဝ်ႈ ၵီႉရယႃႉသေႃႇၽႃႉ ဢေႃႈ။-

16မိူဝ်ႈၼၼ်ႉ ၵႃႇလႅပ်ႉ လၢတ်ႈလႄႈဝႃႈ၊ ၵဝ်တၵ်းဢဝ်လုၵ်ႈယိင်းၵဝ် ဢႃႇၶသႃႉ ပၼ်ၵၼ်တင်းၵေႃႉဢၼ်တိုၵ်းတေႃးယႃႉပႅတ်ႈ ဝဵင်း ၵီႉရယႃႉသေႃႇၽႃႉ ၼၼ်ႉဢေႃႈ၊ ဝႃႈၼင်ႇၼႆလႄႈ၊-

17ဢေႃးထၼ်ႇယေႇလႃႉ လုၵ်ႈၸၢႆး ၵေးၼတ်ႉ ဢၼ်ပဵၼ်ၼွင်ႉၸၢႆး ၵႃႇလႅပ်ႉ ၼၼ်ႉ တိုၵ်းဢဝ်ဝဵင်းၼၼ်ႉလႄႈ၊ မၼ်းဢဝ်လုၵ်ႈယိင်းမၼ်း ဢႃႇၶသႃႉ ပၼ်ၵၼ်တင်းမၼ်းၼၼ်ႉဢေႃႈ။-

18မိူဝ်ႈဢၼ်မႄႈယိင်းၼၼ်ႉမႃးၸူးတီႈၽူဝ်မၼ်းၼၼ်ႉၸိုင် မၼ်းတိုၵ်းယူင်းၸူဝ်းဢဝ်ၽူဝ်မၼ်း ႁႂ်ႈလႆႈယွၼ်းဢဝ်ၵႂၢၵ်ႈလိၼ်သေၵႂၢၵ်ႈၼိုင်ႈတီႈပေႃႈမၼ်းသေယဝ်ႉ၊ လူင်းသေၵႃႈၼိူဝ်လီႈမၼ်းလႄႈ၊ ၵႃႇလႅပ်ႉ ထၢမ်တီႈမၼ်းလႄႈဝႃႈ၊ မႂ်းၶႂ်ႈလႆႈၵႃႈသင်၊ ဝႃႈၼင်ႇၼႆလႄႈ၊-

19မၼ်းၶိုၼ်းလၢတ်ႈလႄႈဝႃႈ၊ ပၼ်တၢင်းလီတီႈၵဝ်ၶႃႈသေၵမ်းၶႃႈ။ လွင်ႈမၼ်းၸမ်ႉ ၸဝ်ႈႁဝ်းပၼ်လိၼ်ၼႃႈတၢင်းၸၢၼ်းၼၼ်ႉ တီႈၵဝ်ၶႃႈယဝ်ႉလႄႈ၊ ၼမ်ႉဢွၵ်ႇႁူးၵေႃႈပၼ်လူးၵွၼ်ႇသေၵမ်းၶႃႈ၊ ဝႃႈၼင်ႇၼႆသေယဝ်ႉ၊ မၼ်းၼၼ်ႉပၼ်ၼမ်ႉဢွၵ်ႇႁူးဢၼ်ၵႃႈၼိူဝ်ဢိၵ်ႇတင်း ၼမ်ႉဢွၵ်ႇႁူးဢၼ်ၵႃႈတႂ်ႈၸိူဝ်းၼၼ်ႉတီႈမၼ်းဢေႃႈ။

20ဢၼ်ၼႆႉၸမ်ႉ၊ ပဵၼ်လိၼ်ဢမူၺ်ႇၵူၼ်းမဵဝ်း ယူႉတႃႉ တင်းလၢႆ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ႁင်းၽႂ်ႁင်းမၼ်းၼၼ်ႉဢေႃႈ။-

21ဝဵင်းၵူၼ်းမဵဝ်း ယူႉတႃႉ တင်းလၢႆ ဢၼ်မီးၽၢႆႇတၢင်းတႂ်ႈသုတ်းသေပိူၼ်ႈ ဢၼ်ၸမ်ၵၼ်တၢမ်းၵၼ်တင်းလႅၼ်လိၼ်မိူင်း ဢေႇတုမ်ႇ ၵႃႈၼႂ်းပွတ်းတၢင်းၸၢၼ်းၼၼ်ႉၸိူဝ်းၼၼ်ႉၸမ်ႉ၊ မီးဝဵင်း ၵပ်ႉၸေးလႃႉ ၊ ဝဵင်း ဢေးတေႇရႃႉ ၊ ဝဵင်း ယႃႇၵူႉရႃႉ ၊-

22ဝဵင်း ၵီႉၼႃႉ ၊ ဝဵင်း တီႉမေႃးၼႃႉ ၊ ဝဵင်း ဢႃႇတတႃႇ ၊-

23ဝဵင်း ၵႃႇတေးသႃႉ ၊ ဝဵင်း ႁႃႇၸေႃႇ ၊ ဝဵင်း ဢီႉသၼၼ်ႇ ၊-

24ဝဵင်း ၸီႉၽႃႉ ၊ ဝဵင်း တေႇလိမ်ႇ ၊ ဝဵင်း ပေႇလုတ်ႉ ၊-

25ဝဵင်း ႁႃႇၸေႃႇႁတတ်ႉတႃႇ ၊ ဝဵင်း ၵီႉရဢုတ်ႉႁေႇၸရုၼ်ႇ ဢၼ်ဝႃႈ ဝဵင်း ႁႃႇၸေႃႇ ၊-

26ဝဵင်း ဢႃႇမၼ်ႇ ၊ ဝဵင်း သေႇမႃႉ ၊ ဝဵင်း မေႃႇလတႃႉ ၊-

27ဝဵင်း ႁႃႇၸႃႇၵတ်ႉတႃႉ ၊ ဝဵင်း ႁေႇၸမုၼ်ႇ ၊ ဝဵင်း ပႅတ်ႉပႃႇလိတ်ႉ ၊-

28ဝဵင်း ႁႃႇၸႃႇသုၺ်ႇလႃႉ ၊ ဝဵင်း ပေႇရသေႇၽႃႉ ၊ ဝဵင်း ပႅတ်ႉၸႃႇသယႃႇ ၊-

29ဝဵင်း ပႃႇလႃႉ ၊ ဝဵင်း ဢီႉဢိမ်ႇ ၊ ဝဵင်း ဢႃႇၸိမ်ႇ ၊-

30ဝဵင်း ဢေႇလႃႉတေႃႇလတ်ႉ ၊ ဝဵင်း ၶေႇသီႉလႃႉ ၊ ဝဵင်း ႁေႃႇမႃႇ ၊-

31ဝဵင်း ၸီႉၵလတ်ႉ ၊ ဝဵင်း မႃႇတမၼ်းၼႃႉ ၊ ဝဵင်း သၼ်ႇသၼ်ႇၼႃႉ ၊-

32ဝဵင်း လေႇပွတ်ႉ ၊ ဝဵင်း သီႉလႁိမ်ႇ ၊ ဝဵင်း ဢႃႇဢိၼ်ႇ ၊ ဝဵင်း ရိမ်ႇမုၼ်ႇ ၸိူဝ်းၼၼ်ႉလႄႈ၊ ဝဵင်းဢၼ်မီးဢိၵ်ႇလူၺ်ႈၵၼ်တင်းဝၢၼ်ႈမၼ်းၸိူဝ်းၼၼ်ႉ ပွင်းၵၼ်ပဵၼ်သၢဝ်းပၢႆၵဝ်ႈဝဵင်းဢေႃႈ။-

33ၵႃႈတႂ်ႈတီႈပၢင်ႇတီႈပဵင်းၵေႃႈ၊ မီးဝဵင်း ဢေးသတေႃးလႃႉ ၊ ဝဵင်း ၸေႃးရႃႉ ၊ ဝဵင်း ဢႃႇသၼႃႇ ။-

34ဝဵင်း ၸႃႇၼေႃႇ ၊ ဝဵင်း ဢိၼ်ႇၵၼ်ႇၼိမ်ႇ ၊ ဝဵင်း တႃႇပႂႃႇ ၊ ဝဵင်း ဢေႇၼမ်ႇ ၊-

35ဝဵင်း ယႃႇမုတ်ႉ ၊ ဝဵင်း ဢတူႉလမ်ႇ ၊ ဝဵင်း သေႃႇၶေႃႇ ၊ ဝဵင်း ဢၸေႇၵႃႇ ၊-

36ဝဵင်း သႃႇရိမ်း ၊ ဝဵင်း ဢတီႉသိမ်ႇ ၊ ဝဵင်း ၵတေးရႃႉ ၊ ဝဵင်း ၵတေႇရေႃႇသိမ်း ၸိူဝ်းၼၼ်ႉလႄႈ၊ ဝဵင်းဢၼ်မီး ဢိၵ်ႇလူၺ်ႈၵၼ်တင်းဝၢၼ်ႈမၼ်းၸိူဝ်းၼၼ်ႉ ပွင်းၵၼ်ပဵၼ်သိပ်းသီႇဝဵင်းဢေႃႈ။-

37ၼွၵ်ႈသေၼၼ်ႉ မီးဝဵင်း ၸေႇၼၼ်ႇ ၊ ဝဵင်း ႁတႃႇသႃႉ ၊ ဝဵင်း မီႉၵႃႇတလႃႉၵတ်ႉ ၊-

38ဝဵင်း တီႉလၼ်ႇ ၊ ဝဵင်း မီႉၸပႃႇ ၊ ဝဵင်း ယေႃးၵသေႇလႃႉ ၊-

39ဝဵင်း လႃႇၶီႉသႃႉ ၊ ဝဵင်း ပေႃႇၸၵတ်ႉ ၊ ဝဵင်း ဢေႇၵလုၼ်ႇ ၊-

40ဝဵင်း ၵပ်ႉပုၼ်ႇ ၊ ဝဵင်း လႃႇမၼ်ႇ ၊ ဝဵင်း ၵီႉသလိတ်ႉ ၊-

41ဝဵင်း ၵႃႇတေႉရုတ်ႉ ၊ ဝဵင်း ပႅတ်ႉတႃႇၵုၼ်ႇ ၊ ဝဵင်း ၼေႇမႃႉ ၊ ဝဵင်း မိၵ်ႉၵတႃႇ ၸိူဝ်းၼၼ်ႉလႄႈ၊ ဝဵင်းဢၼ်မီး ဢိၵ်ႇလူၺ်ႈၵၼ်တင်းဝၢၼ်ႈမၼ်းၸိူဝ်းၼၼ်ႉ ပွင်းၵၼ်ပဵၼ်သိပ်းႁူၵ်းဝဵင်းဢေႃႈ။-

42ၼွၵ်ႈသေၼၼ်ႉ မီးဝဵင်း လီႉပၼႃႉ ၊ ဝဵင်း ဢေႇသႃႇ ၊ ဝဵင်း ဢႃႇသၼ်ႇ ၊-

43ဝဵင်း ယီႉၽတႃႉ ၊ ဝဵင်း ဢႃႇသၼႃႇ ၊ ဝဵင်း ၼေႇၸိပ်ႉ ၊-

44ဝဵင်း ၵီႉလႃႉ ၊ ဝဵင်း ဢၵ်ႇၸိပ်ႉ ၊ ဝဵင်း မရေးသႃႉ ၸိူဝ်းၼၼ်ႉလႄႈ၊ ဝဵင်းဢၼ်မီး ဢိၵ်ႇလူၺ်ႈၵၼ် တင်းဝၢၼ်ႈမၼ်းၸိူဝ်းၼၼ်ႉ ပွင်းၵၼ်ပဵၼ်ၵဝ်ႈဝဵင်းဢေႃႈ။-

45ၼွၵ်ႈသေၼၼ်ႉ မီးဝဵင်း ဢေႇၵြုၼ်ႇ ဢိၵ်ႇတင်းဝၢၼ်ႈမၼ်းဝဵင်းမၼ်းၸိူဝ်းၼၼ်ႉ၊-

46ဢဝ်ၵႃႈတီႈဝဵင်း ဢေႇၵြုၼ်ႇ တေႃႇထိုင်ႁွတ်ႈပၢင်ႇလၢႆႇ ၵႃႈပဵၼ်ဝဵင်းဢိၵ်ႇတင်းဝၢၼ်ႈမၼ်းတင်းလၢႆ ဢၼ်ၸမ်ၵၼ်တၢမ်းၵၼ်တင်း ဢႃႇၸုတ်ႉ ၼၼ်ႉၸိူဝ်းၼၼ်ႉ၊-

47ဝဵင်း ဢႃႇၸုတ်ႉ ဢိၵ်ႇတင်းဝၢၼ်ႈမၼ်းဝဵင်းမၼ်းတင်းလၢႆ၊ ဝဵင်း ၵႃႇၸႃႉ ဢိၵ်ႇတင်းဝၢၼ်ႈမၼ်းဝဵင်းမၼ်းတင်းလၢႆ တေႃႇထိုင်ႁွတ်ႈၼမ်ႉႁွင်ႈ ဢေႇၵိပ်ႉတူႉ ၊ ဢိၵ်ႇတင်းပၢင်ႇလၢႆႇလူင် တင်းၽင်ႇမၼ်းႁိမ်းမၼ်းၼၼ်ႉၸိူဝ်းၼၼ်ႉဢေႃႈ။-

48ၵႃႈၼိူဝ်ႁၢၼ်ႉလွႆၵေႃႈ မီးဝဵင်း သမီႉရႃႉ ၊ ဝဵင်း ယတ်ႉတီႉရႃႉ ၊ ဝဵင်း ၸေႃႇၶေႃႇ ၊-

49ဝဵင်း တၼ်ႇၼႃႉ ၊ ဝဵင်း ၵီႉရယတ်ႉသၼ်ႇၼႃႉ ဢၼ်ဝႃႈဝဵင်း တေႇပီႉရႃႉ ၊-

50ဝဵင်း ဢႃႇၼပ်ႉ ၊ ဝဵင်း ဢေးသတမေႃႇ ၊ ဝဵင်း ဢႃႇၼိမ်ႇ ၊-

51ဝဵင်း ၵေႃးသိၼ်ႇ ၊ ဝဵင်း ႁေႃးလုၼ်ႇ ၊ ဝဵင်း ၵီႉလေႃႇ ၸိူဝ်းၼၼ်ႉလႄႈ၊ ဝဵင်းဢၼ်မီးဢိၵ်ႇလူၺ်ႈၵၼ်တင်းဝၢၼ်ႈမၼ်းၼၼ်ႉၸိူဝ်းၼၼ်ႉ ပွင်းၵၼ်ပဵၼ်သိပ်းပၢႆဢဵတ်းဝဵင်းဢေႃႈ။-

52ၼွၵ်ႈသေၼၼ်ႉ မီးဝဵင်း ဢႃႇရပ်ႉ ၊ ဝဵင်း တူႉမႃႇ ၊ ဝဵင်း ဢေႇသၼ်ႇ ၊-

53ဝဵင်း ယႃႇၼုမ်ႇ ၊ ဝဵင်း ပႅတ်ႉတႃႇပႂႃႇ ၊ ဝဵင်း ဢႃႇၽႅတ်ႉ ၊-

54ဝဵင်း ႁူမ်ႇတႃႉ ၊ ဝဵင်း ၵီႉရယႃႉသႃႇၽႃႇ ဢၼ်ဝႃႈဝဵင်း ႁေႇပြုၼ်ႇ ၊ ဝဵင်း ၸီႉဢေႃႇရႃႉ ၸိူဝ်းၼၼ်ႉလႄႈ၊ ဝဵင်းဢၼ်မီးဢိၵ်ႇလူၺ်ႈၵၼ်တင်းဝၢၼ်ႈမၼ်းၼၼ်ႉၸိူဝ်းၼၼ်ႉ ပွင်းၵၼ်ပဵၼ်ၵဝ်ႈဝဵင်းဢေႃႈ။-

55ၼွၵ်ႈသေၼၼ်ႉ မီးဝဵင်း မဢုၼ်ႇ ၊ ဝဵင်း ၵရမေႇလႃႉ ၊ ဝဵင်း ၸီႉၽႃႉ ၊ ဝဵင်း ယုတ်ႉတႃႉ ၊-

56ဝဵင်း ယေႇၸရေႇလႃႉ ၊ ဝဵင်း ယေႃႇၵတမ်ႇ ၊ ဝဵင်း ၸႃႇၼေႃႇ ၊-

57ဝဵင်း ၵဢီၼႃႉ ၊ ဝဵင်း ၵီႉၽႃႉ ၊ ဝဵင်း တီႉမၼႃႉ ၸိူဝ်းၼၼ်ႉလႄႈ၊ ဝဵင်းဢၼ်မီးဢိၵ်ႇလူၺ်ႈၵၼ်တင်းဝၢၼ်ႈမၼ်းၼၼ်ႉၸိူဝ်းၼၼ်ႉ ပွင်းၵၼ်ပဵၼ်သိပ်းဝဵင်းဢေႃႈ။-

58ၼွၵ်ႈသေၼၼ်ႉ မီးဝဵင်း ႁႃႇလႁူႉ ၊ ဝဵင်း ပႅတ်ႉၸူႉရႃႉ ၊ ဝဵင်း ၵေးတေႃး ၊-

59ဝဵင်း မႃႇရုတ်ႉ ၊ ဝဵင်း ပေႇသၼုတ်ႉ ၊ ဝဵင်း ဢေးလႃႉတေႇၵုၼ်ႇ ၸိူဝ်းၼၼ်ႉလႄႈ၊ ဝဵင်းဢၼ်မီးဢိၵ်ႇလူၺ်ႈၵၼ်တင်းဝၢၼ်ႈမၼ်းၼၼ်ႉၸိူဝ်းၼၼ်ႉ ပွင်းၵၼ်ပဵၼ်ႁူၵ်းဝဵင်းဢေႃႈ။-

60ၼွၵ်ႈသေၼၼ်ႉ မီးဝဵင်း ၵီႉရယတ်ႉပႃႇလႃႉ ဢၼ်ဝႃႈ ၵီႉရယတ်ႉယႃႇရိမ်ႇ ၊ ဝဵင်း ရပ်ႉပႃႇ ၸိူဝ်းၼၼ်ႉလႄႈ၊ ဝဵင်းဢၼ်မီး ဢိၵ်ႇလူၺ်ႈၵၼ်တင်းဝၢၼ်ႈမၼ်းၼၼ်ႉ ၸိူဝ်းၼၼ်ႉ ပွင်းၵၼ်ပဵၼ် သွင်ဝဵင်းဢေႃႈ။-

61ၵႃႈတီႈထိူၼ်ႇၵေႃႈ မီးဝဵင်း ပေႇသရႃႇပႃႉ ၊ ဝဵင်း မိတ်ႉတိၼ်း ၊ ဝဵင်း သေႇၵႃႇၵႃႉ ၊-

62ဝဵင်း ၼီႉပသၼ်ႇ ၊ ဝဵင်း ၵိူဝ် ၊ ဝဵင်း ဢႅၼ်ႇၵေးတီႉ ၸိူဝ်းၼၼ်ႉလႄႈ၊ ဝဵင်းဢၼ်မီးလူၺ်ႈၵၼ်တင်းဝၢၼ်ႈမၼ်းၼၼ်ႉၸိူဝ်းၼၼ်ႉ ပွင်းၵၼ်ပဵၼ်ႁူၵ်းဝဵင်းဢေႃႈ။-

63ၵူၼ်း ယေႇပူႉသီႉ ဢၼ်ယူႇၵႃႈၼႂ်းဝဵင်း ယေႇရူႉသလႅမ်ႇ ၸိူဝ်းၼၼ်ႉၸမ်ႉ၊ ၵူၼ်းမဵဝ်း ယူႉတႃႉ တင်းလၢႆၼၼ်ႉ ယင်းဢမ်ႇႁေႃႈၶဝ်ဢွၵ်ႇပႅတ်ႈလႆႈလႄႈ၊ ၵူၼ်း ယေႇပူႉသီႉ ၸိူဝ်းၼၼ်ႉ ယူႇလူၺ်ႈၵၼ်တင်းၵူၼ်းမဵဝ်း ယူႉတႃႉ တင်းလၢႆ ၵႃႈၼႂ်းဝဵင်း ယေႇရူႉသလႅမ်ႇ ယူႇ တေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။