Joshua 19 — Shan

1ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းတူႉတီႉယႃႉသေလႄႈ သီႉမုၼ်ႇ ဢၼ်ဝႃႈၵူၼ်းမဵဝ်း သီႉမုၼ်ႇ တင်းလၢႆၼၼ်ႉ လႆႈၶၢမ်ႇဢဝ်ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်ႉ၊ လိၼ်ဢမူၺ်ႇၶဝ်ၼၼ်ႉ မီးယူႇၵႃႈၼႂ်းလိၼ်ဢမူၺ်ႇၵူၼ်းမဵဝ်း ယူႉတႃႉ ဢေႃႈ။-

8ဢိၵ်ႇတင်းဝၢၼ်ႈၵႃႈဢၼ်မီးႁိမ်းႁွမ်းလဵပ်ႈႁွပ်ႈဝဵင်းဢၼ်ဝႃႈမႃးယဝ်ႉၸိူဝ်းၼၼ်ႉ တေႃႇထိုင်ႁွတ်ႈဝဵင်း ပႃႇလတ်ႉပေႇရႃႉ ဢၼ်ဝႃႈ ဝဵင်း ရႃႇမတ်ႉ ၵႃႈတီႈပွတ်းတၢင်းၸၢၼ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်ဢမူၺ်ႇၵူၼ်းမဵဝ်း သီႉမုၼ်ႇ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။-

9လိၼ်ဢမူၺ်ႇ သီႉမုၼ်ႇ ၼၼ်ႉလႆႈၼုၵ်ႈဢဝ်ၵႃႈၼႂ်းပုၼ်ႈၼႂ်းတႃႇလိၼ်ဢမူၺ်ႇ ၵူၼ်းမဵဝ်း ယူႉတႃႉ ၼၼ်ႉဢေႃႈ။ ၵွပ်ႈပိူဝ်ႈဢၼ်ပုၼ်ႈတႃႇၵူၼ်းမဵဝ်း ယူႉတႃႉ ၼၼ်ႉ ယႂ်ႇၵႂၢင်ႈၼႃႇလႄႈ၊ ၵူၼ်းမဵဝ်း သီႉမုၼ်ႇ လႆႈၶၢမ်ႇဢဝ်လိၼ်ဢမူၺ်ႇၵႃႈၼႂ်းလိၼ်ဢမူၺ်ႇၶဝ်ၼၼ်ႉဢေႃႈ။

10ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းတႃႉတီႉယႃႉသေလႄႈ ၵူၼ်းမဵဝ်း ၸေႇပူႉလုၼ်ႇ တင်းလၢႆၼၼ်ႉ လႆႈၶၢမ်ႇဢဝ်ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်ႉ၊ ၶွပ်ႇၼမ်ႉလႅၼ်လိၼ်ဢမူၺ်ႇၶဝ်ၼၼ်ႉ ၵႂႃႇတေႃႇထိုင်ႁွတ်ႈဝဵင်း ၸႃႇရိတ်ႉ လႄႈ၊-

11လႅၼ်လိၼ်ၼၼ်ႉၶိုၼ်ႈၵႂႃႇတၢင်းဝၼ်းတူၵ်းၸူးၵႃႈတီႈ ဝဵင်း မရႃႇလႃႉ လႄႈ ၶိုတ်းထိုင်ၵႃႈတီႈဝဵင်း တပ်ႉပသိတ်ႉ ၊ သမ်ႉၶိုတ်းထိုင်ၵႃႈတီႈၼမ်ႉႁွင်ႈဢၼ်မီးၵႃႈတီႈၽၢႆႇၼႃႈဝဵင်း ယေႃးၵၼမ်ႇ ၼၼ်ႉဢေႃႈ။-

12လႆႈသမ်ႉ လုၵ်ႉသေၵႃႈတီႈဝဵင်း ၸႃႇရိတ်ႉ ၼၼ်ႉ ငႅၵ်းၵႂႃႇၽၢႆႇဝၼ်းဢွၵ်ႇတၢင်းဢၼ်ၵၢင်ဝၼ်းဢွၵ်ႇၼၼ်ႉ ၸူးၵႃႈတီႈဝဵင်း ၶီႉသလုတ်ႉတႃႇပေႃႇ သေလႄႈ သမ်ႉဢွၵ်ႇၸူးၵႃႈတီႈဝဵင်း တႃႇပရုတ်ႉ လႄႈ ၶိုၼ်ႈၸူးၵႃႈတီႈဝဵင်း ယႃႇၽျႃႉ ဢေႃႈ။-

13သမ်ႉလုၵ်ႉသေၵႃႈတီႈၼၼ်ႈ တႆႇၸွမ်းၽၢႆႇဝၼ်းဢွၵ်ႇၸူးၵႃႈတီႈဝဵင်း ၵိတ်ႉတႁေႇၽႃႉ ဢိၵ်ႇတင်းဝဵင်း ဢိတ်ႇတၵႃႇၸိၼ်း လႄႈ သုတ်းတိူၵ်ႈၵႃႈတီႈဝဵင်း ရိမ်ႇမုၼ်ႇ ဢၼ်ၸၢပ်ႈသႅင်ႇၵၼ်တင်းဝဵင်း ၼေႇဢႃႇ ၼၼ်ႉဢေႃႈ။-

14လႅၼ်လိၼ်ၼၼ်ႉငႅၵ်းၵႂႃႇၵႃႈတီႈၽၢႆႇတၢင်းႁွင်ႇၸူးၵႃႈတီႈဝဵင်း ႁၼ်ႇၼသုၼ်ႇ လႄႈ တီႈသုတ်းတီႈတိူၵ်ႈမၼ်းမီးၵႃႈတီႈၶူင်ႈႁူၺ်ႈ ယီႉၽႃႉထေးလႃႉ ဢေႃႈ။-

15ၼွၵ်ႈသေၼၼ်ႉ ပႃးဝဵင်း ၵတ်ႉတတ်ႉ ၊ ဝဵင်း ၼႁႃႇလႃႇလႃႉ ၊ ဝဵင်း သီႉမရုၼ်ႇ ၊ ဝဵင်း ဢီႇတလႃႉ ၊ ဝဵင်း ပႅတ်ႉလႁႅမ်ႇ ဢၼ်ဝႃႈ ဝဵင်းသိပ်းသွင်ဝဵင်း ဢိၵ်ႇတင်းဝၢၼ်ႈမၼ်းတင်းလၢႆၼၼ်ႉဢေႃႈ။-

16ဢၼ်ၼႆႉၸမ်ႉ၊ ပႃးဝၢၼ်ႈမၼ်းဝဵင်းမၼ်းယူႇသေလႄႈ ပဵၼ်ဢမူၺ်ႇၵူၼ်းမဵဝ်း ၸေႇပူႉလုၼ်ႇ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။

17ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းၸတုၵ်ႉထႃႉသေလႄႈ ဢီႉသၶႃႇ ဢၼ်ဝႃႈ ၵူၼ်းမဵဝ်း ဢီႉသၶႃႇ တင်းလၢႆၼၼ်ႉ လႆႈၶၢမ်ႇဢဝ်ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်ႉ၊-

18ၶွပ်ႇၼမ်ႉလႅၼ်လိၼ်ၶဝ်ၼၼ်ႉ ပႃးဝဵင်း ယေႇၸရေႇလႃႉ ၊ ဝဵင်း ၶေႇသူႉလုတ်ႉ ၊ ဝဵင်း သူႉၼိမ်ႇ ၊-

19ဝဵင်း ႁႃႇၽရိမ်ႇ ၊ ဝဵင်း သီႉႁုၼ်ႇ ၊ ဝဵင်း ဢႃႇၼႁႃႇရတ်ႉ ၊-

20ဝဵင်း ရပ်ႉပိတ်ႉ ၊ ဝဵင်း ၵီႉသုၼ်ႇ ၊ ဝဵင်း ဢႃႇပႅတ်ႉ ၊-

21ဝဵင်း ရေႇမိတ်ႉ ၊ ဝဵင်း ဢိၼ်ႇၵၼ်ႇၼိမ်ႇ ၊ ဝဵင်း ဢိၼ်ႇႁတ်ႉတႃႇ ၊ ဝဵင်း ပႅတ်ႉပတ်ႉၸိတ်ႉ ယူႇသေလႄႈ၊-

22လႅၼ်လိၼ်ၼၼ်ႉႁွတ်ႈထိုင်ၵႃႈတီႈဝဵင်း တႃႇပေႃႇ ၊ ဝဵင်း သႃႇႁႃႇၸီႉမႃႉ ၊ ဝဵင်း ပႅတ်ႉသေးမိတ်ႉ လႄႈ တီႈသုတ်းတီႈတိူၵ်ႈမၼ်း မီးၵႃႈတီႈၼမ်ႉႁွင်ႈ ယေႃးတၢၼ်ႇ ဢေႃႈ။ မီးဝဵင်းသိပ်းႁူၵ်းဝဵင်းဢိၵ်ႇတင်းဝၢၼ်ႈမၼ်းတင်းလၢႆၼၼ်ႉဢေႃႈ။-

23ဢၼ်ၼႆႉၸမ်ႉ၊ ပႃးဝၢၼ်ႈမၼ်းဝဵင်းမၼ်းယူႇသေလႄႈ ပဵၼ်ဢမူၺ်ႇၵူၼ်းမဵဝ်း ဢီႉသၶႃႇ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။

24ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းပိၼ်ႇၸမႃႉသေလႄႈ၊ ၵူၼ်းမဵဝ်း ဢႃႇသႃႇ တင်းလၢႆၼၼ်ႉ လႆႈၶၢမ်ႇဢဝ် ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်ႉ၊-

25ၶွပ်ႇၼမ်ႉလႅၼ်လိၼ်ၶဝ်ၼၼ်ႉ ပႃးဝဵင်း ႁေႇလၵတ်ႉ ၊ ဝဵင်း ႁႃႇလီႉ ၊ ဝဵင်း ပေႇတိၼ်ႇ ၊ ဝဵင်း ဢႃႇၶသပ်ႉ ၊-

26ဝဵင်း ဢႃႇလမ်ႇမေးလႅၵ်ႉ ၊ ဝဵင်း ဢႃႇမတ်ႉ ၊ ဝဵင်း မီႉသလႃႇ ယူႇသေလႄႈ ႁွတ်ႈထိုင်ၵႃႈတီႈဝဵင်း ၵရမေႇလႃႉ ၊ ၵႃႈတီႈၽၢႆႇဝၼ်းတူၵ်း ဢိၵ်ႇတင်း ဝဵင်း သီႉႁေႃႇရႃႉလီႉပၼတ်ႉ ဢေႃႈ။-

27လႆႈသမ်ႉ ငႅၵ်းၸူးၵႃႈတီႈၽၢႆႇၵၢင်ဝၼ်းဢွၵ်ႇလႄႈ ၵႂႃႇၵႃႈတီႈ ဝဵင်း ပႅတ်ႉတႃႇၵုၼ်ႇ သေယဝ်ႉ၊ တႆႇၸွမ်းၸူး ၵႃႈတီႈမိူင်း ၸေႇပူႉလုၼ်ႇ ဢိၵ်ႇတင်းၶူင်ႈႁူၺ်ႈ ယီႉၽႃႉထေးလႃႉ ၵႃႈတီႈၽၢႆႇတၢင်းႁွင်ႇဝဵင်း ပေႉသမိၵ်ႇ တင်းဝဵင်း ၼယေးလႃႉ လႄႈ သုတ်းတိူၵ်ႈၵႃႈတီႈဝဵင်း ၵႃႇပူႉလႃႉ ၽၢႆႇတၢင်းသၢႆႉမၼ်း၊-

28ဝဵင်း ႁေႇပြုၼ်ႇ ၊ ဝဵင်း ရႃႇႁေႃႇၽႃႉ ၊ ဝဵင်း ႁမ်ႇမုၼ်ႇ ၊ ဝဵင်း ၵႃႇၼႃႉ တေႃႇထိုင်ႁွတ်ႈဝဵင်းလူင် ၸီႉတုၼ်ႇ သေယဝ်ႉ၊-

29လႅၼ်လိၼ်ၼၼ်ႉ ငႅၵ်းၸူးၵႃႈတီႈဝဵင်း ရႃႇမႃႉ တင်းဝဵင်း တူႉရူႉ ဢၼ်မၼ်ႈၶိူင်ႇၼၼ်ႉလႄႈ လႅၼ်လိၼ်ၼၼ်ႉ သမ်ႉငႅၵ်းၸူးဝဵင်း ႁေႃႇသႃႉ သေလႄႈ၊ တီႈသုတ်းတီႈတိူၵ်ႈမၼ်းမီးၵႃႈတီႈပၢင်ႇလၢႆႇ ၵႃႈတီႈႁိမ်းဢိူင်ႇ ဢႃႇၶၸိပ်ႉ ၼၼ်ႉဢေႃႈ။-

30သမ်ႉပႃးဝဵင်း ဢုမ်းမႃႉ ၊ ဝဵင်း ဢႃႇၽႅၵ်ႉ ၊ ဝဵင်း ရႃႇႁေႃႇၽႃႉ ၊ မီးဝဵင်းသၢဝ်းပၢႆသွင်ဝဵင်း ဢိၵ်ႇတင်းဝၢၼ်ႈမၼ်းတင်းလၢႆၼၼ်ႉဢေႃႈ။-

31ဢၼ်ၼႆႉၸမ်ႉ၊ ပႃးဝၢၼ်ႈမၼ်းဝဵင်းမၼ်းယူႇသေလႄႈ ပဵၼ်ဢမူၺ်ႇၵူၼ်းမဵဝ်း ဢႃႇသႃႇ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ် ၼၼ်ႉဢေႃႈ။

32ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းသႃႉထမႃႉသေလႄႈ ၼပ်ႉထလီႉ ဢၼ်ဝႃႈ ၵူၼ်းမဵဝ်း ၼပ်ႉထလီႉ တင်းလၢႆၼၼ်ႉ လႆႈၶၢမ်ႇဢဝ်ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်ႉ၊-

33ၶွပ်ႇၼမ်ႉလႅၼ်လိၼ်ၶဝ်ၼၼ်ႉ လုၵ်ႉသေၵႃႈတီႈဝဵင်း ႁေးလပ်ႉ ၊ ပႃႇမႆႉၼိမ်ၵႃႈတီႈဝဵင်း ၸႃႇၼၼ်ႇၼိမ်ႇ ၊ ဝဵင်း ဢႃႇတမီႉၼေးၵႅပ်ႉ ၊ ဝဵင်း ယႃႇပၼေးလႃႉ ၸိူဝ်းၼၼ်ႉ ၵႂႃႇၵႃႈတီႈဝဵင်း လႃႇၵုမ်း လႄႈ တီႈသုတ်းတီႈတိူၵ်ႈမၼ်း မီးၵႃႈတီႈၼမ်ႉႁွင်ႈ ယေႃးတၢၼ်ႇ ဢေႃႈ။-

34လႅၼ်လိၼ်ၼၼ်ႉသမ်ႉ ငႅၵ်းၵႂႃႇၽၢႆႇတၢင်းဝၼ်းတူၵ်း ၸူးၵႃႈတီႈဝဵင်း ဢႃႇၸၼုတ်ႉတႃႇပေႃႇ လႄႈ သမ်ႉလုၵ်ႉသေၵႃႈတီႈၼၼ်ႈ ႁွတ်ႈထိုင်ၵႃႈတီႈဝဵင်း ႁူႉၵုၵ်ႉ သေယဝ်ႉ၊ ၽၢႆႇၼႃႈတၢင်းၸၢၼ်း ၶိုတ်းထိုင်မိူင်း ၸေႇပူႉလုၼ်ႇ ၊ ၽၢႆႇၼႃႈတင်းတူၵ်းၶိုတ်းထိုင်မိူင်း ဢႃႇသႃႇ ၊ ၽၢႆႇၼႃႈတၢင်းဢွၵ်ႇ ၶိုတ်းထိုင်မိူင်း ယူႉတႃႉ ႁိမ်းၼမ်ႉႁွင်ႈ ယေႃးတၢၼ်ႇ ဢေႃႈ။-

35ဝဵင်းဢၼ်မၼ်ႈၶိူင်ႇၸမ်ႉ၊ ပဵၼ်ဝဵင်း ၸိတ်ႉတိမ်ႇ ၊ ဝဵင်း ၸေးရႃႉ ၊ ဝဵင်း ႁႃႇမတ်ႉ ၊ ဝဵင်း ရၵ်ႉၵတ်ႉ ၊ ဝဵင်း ၵိၼ်ႇၼီႇသရႅတ်ႉ ၊-

36ဝဵင်း ဢႃႇတမႃႇ ၊ ဝဵင်း ရႃႇမႃႉ ၊ ဝဵင်း ႁႃႇၸေႃႇ ၊-

37ဝဵင်း ၵေႇတေႇသႃႉ ၊ ဝဵင်း ဢေႇတြီႉ ၊ ဝဵင်း ဢိၼ်ႇႁႃႇၸေႃႇ ၊-

38ဝဵင်း ဢီႉရုၼ်ႇ ၊ ဝဵင်း မီႉၵတလေးလႃႉ ၊ ဝဵင်း ႁေႃႇရဵမ်ႇ ၊ ဝဵင်း ပေႉသၼတ်ႉ ၊ ဝဵင်း ပႅတ်ႉသေးမိတ်ႉ ဢၼ်ဝႃႈ ဝဵင်းသိပ်းၵဝ်ႈဝဵင်း ဢိၵ်ႇတင်းဝၢၼ်ႈမၼ်းတင်းလၢႆဢေႃႈ။-

39ဢၼ်ၼႆႉၸမ်ႉ၊ ပႃးဝၢၼ်ႈမၼ်းဝဵင်းမၼ်းသေလႄႈ ပဵၼ်ဢမူၺ်ႇၵူၼ်းမဵဝ်း ၼပ်ႉထလီႉ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။

40ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းသတ်ႉတမႃႉသေလႄႈ၊ ၵူၼ်းမဵဝ်း တၢၼ်ႇ တင်းလၢႆၼၼ်ႉ လႆႈၶၢမ်ႇဢဝ်ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉၸမ်ႉ၊-

41ၶွပ်ႇၼမ်ႉလႅၼ်လိၼ်ဢမူၺ်ႇၶဝ်ၼၼ်ႉပႃးဝဵင်း ၸေႃးရႃႉ ၊ ဝဵင်း ဢေးသတေႃးလႃႉ ၊ ဝဵင်း ဢီႉရသေးမႅတ်ႉ ၊-

42ဝဵင်း သႃႇလပ်ပိၼ်ႇ ၊ ဝဵင်း ဢႃႇၸလုၼ်ႇ ၊ ဝဵင်း ယေႇသလႃႉ ၊-

43ဝဵင်း ဢေႇလုၼ်ႇ ၊ ဝဵင်း တီႉမၼႃႇတႃႉ ၊ ဝဵင်း ဢေႇၵြုၼ်ႇ ၊-

44ဝဵင်း ဢေးလတေးၵႃႉ ၊ ဝဵင်း ၵီႉပေႉသုၼ်ႇ ၊ ဝဵင်း ပႃႇလတ်ႉ ၊-

45ဝဵင်း ယေႇႁုတ်ႉ ၊ ဝဵင်း ပေႇၼပႄးရၵ်ႉ ၊ ဝဵင်း ၵႃႇသႃႇရိမ်ႇမုၼ်ႇ ၊-

46ဝဵင်း မေႇယႃႇၵုၼ်ႇ ၊ ဝဵင်း ရၵ်ႉၵုၼ်ႉ ဢိၵ်ႇတင်းလိၼ်ဢၼ်မီးၵႃႈတီႈၽၢႆႇၼႃႈဝဵင်း ယႃႇၽေႃႇ ဢေႃႈ။-

47ၶွပ်ႇၼမ်ႉလႅၼ်လိၼ်ၵူၼ်းမဵဝ်း တၢၼ်ႇ ယင်းပူၼ်ႉသေၸိူဝ်းၼႆႉၵႂႃႇလူးၵွၼ်ႇဢေႃႈ။ လွင်ႈမၼ်းၸမ်ႉ ၵူၼ်းမဵဝ်း တၢၼ်ႇ ၼၼ်ႉ ၶီႇသိုၵ်းတိုၵ်းတေႃးဝဵင်း လေႇသႃႉ သေလႄႈ ဢဝ်လႄႈတိုၵ်းတေႃးယႃႉပႅတ်ႈသေယဝ်ႉ သိမ်းဢဝ်လႄႈၶျႃးတီႈယူႇ ယူႇၵႃႈၼႂ်းမၼ်းသေလႄႈ ႁွင်ႉႁဵၵ်ႈဝဵင်း လေႇသႃႉ ၼၼ်ႉ ၸိုဝ်ႈဝဵင်း တၢၼ်ႇ ၸွမ်းလူၺ်ႈၸိုဝ်ႈသဵင်ပေႃႈမဵဝ်းၶဝ် တၢၼ်ႇ ၼၼ်ႉဢေႃႈ။-

48ဢၼ်ၼႆႉၸမ်ႉ၊ ပႃးဝၢၼ်ႈမၼ်းဝဵင်းမၼ်းသေလႄႈ ပဵၼ်ဢမူၺ်ႇၵူၼ်းမဵဝ်း တၢၼ်ႇ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။

49ၼင်ႇၼၼ်လႄႈ ၶဝ်ႁဵတ်းတၢင်းဢၼ်ၽႄၼႃႈလိၼ်မႅင်ႇပၼ်ပုၼ်ႈဢၼ် တၵ်းပဵၼ်ဢမူၺ်ႇၼၼ်ႉ ၸွမ်းလူၺ်ႈၶွပ်ႇၼမ်ႉလႅၼ်လိၼ်မၼ်း ႁင်းၽႂ်ႁင်းမၼ်းၼၼ်ႉယဝ်ႉတူဝ်ႈယဝ်ႉ။ ၵူၼ်းမဵဝ်း ဢီႉသရေႇလႃႉ တင်းလၢႆ ၸင်ႇဢွၼ်ၵၼ်ပၼ်ဢမူၺ်ႇ တီႈ ယေႃးသူႉ လုၵ်ႈၸၢႆး ၼုၼ်ႇ ၼၼ်ႉ ၵႃႈၼႂ်းၶဝ်ဢေႃႈ။-

50ၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉဝႆႉၼၼ်ႉသေလႄႈ ၶဝ်ပၼ်ဝဵင်းဢၼ် မၼ်းယွၼ်းဢဝ်ဢၼ်ဝႃႈ ဝဵင်း တီႉမၼႃႇသေႃႇရႃႉ ၵႃႈၼိူဝ်ႁၢၼ်ႉလွႆ ဢေႇၽရိမ်ႇ ၼၼ်ႉ တီႈမၼ်းသေယဝ်ႉ၊ မၼ်းတႄႇႁဵတ်းဝဵင်းသေလႄႈယူႇဢေႃႈ။-

51ဢၼ်ၼႆႉၸမ်ႉ၊ ပဵၼ်လိၼ်တီႈဢၼ်ၶၢမ်ႇဢဝ်ဢမူၺ်ႇ ႁင်းၽႂ်ႁင်းမၼ်း ဢၼ်ယိတ်ႈပရေႃးႁဵၵ်ႈ ဢေးလႃႇၸႃႇ၊ ယေႃးသူႉ လုၵ်ႈၸၢႆး ၼုၼ်ႇ ဢိၵ်ႇတင်းၶဝ်ၸိူဝ်းဢၼ်ပဵၼ်ၶုၼ်ၵႃႈၼႂ်း မဵဝ်းပူႇမဵဝ်းပေႃႈၶဝ်ၵႃႈၼႂ်းမဵဝ်းၵူၼ်း ဢီႉသရေႇလႃႉ တင်းလၢႆၼၼ်ႉ တူၵ်းၸႃႇၵွၵ်ႈသေလႄႈ ၽႄမႅင်ႇပၼ်ပုၼ်ႈဢၼ်တၵ်းပဵၼ်ဢမူၺ်ႇၼၼ်ႉ ၵႃႈၼႂ်းဝဵင်း သီႉလေႃႇ ၵႃႈတီႈၽၢႆႇၼႃႈထႃႇဝရႃႉၽြႃး ၵႃႈတီႈႁိမ်းၽၵ်းတူမူဝ်းၵႃႇၸဝ်ႈ တီႈၸူႉတီႈတုမ်ပရဵၵ်ႈသၢတ်ႈၼၼ်ႉဢေႃႈ။ ၼင်ႇၼၼ်လႄႈ ၶဝ်ႁဵတ်းတၢင်းဢၼ်ၽႄလိၼ်ၼၼ်ႉမႅင်ႇပၼ်လႄႈ ယဝ်ႉတူဝ်ႈသေဢေႃႈ။