Joshua 21 — Shan

1ၶဝ်ၸိူဝ်းဢၼ်ပဵၼ်ၶုၼ်ၵႃႈၼႂ်းမဵဝ်းပူႇမဵဝ်းပေႃႈ ၵႃႈၼႂ်းမဵဝ်းၵူၼ်း လေႇဝီႉ ၼၼ်ႉ ဢွၼ်ၵၼ်သုတ်ႉၸပ်းသုတ်ႉၸူးတီႈ ယိတ်ႈပရေႃးႁဵၵ်ႈ ဢေးလႃႇၸႃႇ ဢိၵ်ႇတင်း ယေႃးသူႉ လုၵ်ႈၸၢႆး ၼုၼ်ႇ တင်းၶဝ်ၸိူဝ်းဢၼ်ပဵၼ်ၶုၼ်ၵႃႈၼႂ်းမဵဝ်းပူႇမဵဝ်းပေႃႈ ၵႃႈၼႂ်းမဵဝ်းၵူၼ်း ဢီႉသရေႇလႃႉ ၸိူဝ်းၼၼ်ႉသေလႄႈ၊-

2လဝ်ႊလၢတ်ႈတီႈၶဝ်ၵႃႈၼႂ်းဝဵင်း သီႉလေႃႇ မိူင်း ၶႃႇၼၢၼ်ႇ ၼၼ်ႉလႄႈဝႃႈ၊ ထႃႇဝရႃႉၽြႃးဢဝ် မူဝ်းသေႇ သင်ႇလၢတ်ႈ ႁႂ်ႈဢဝ်ဝဵင်းပုၼ်ႈဢၼ်ႁဝ်းၶႃႈတၵ်းယူႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈဝဵင်းၸိူဝ်းၼၼ်ႉ ပုၼ်ႈတရိၵ်ႈသၢၼ်ႇႁဝ်းၶႃႈၼၼ်ႉပၼ်တီႈႁဝ်းၶႃႈၼၼ်ႉဝႆႉယဝ်ႉ၊ ဝႃႈၼင်ႇၼႆသေယဝ်ႉ၊-

3ၵူၼ်းမဵဝ်း ဢီႉသရေႇလႃႉ တင်းလၢႆ ဢဝ်ဝဵင်းဢိၵ်ႇတင်းလိၼ်တီႈဢၼ်လဵပ်ႈႁွပ်ႈဝဵင်းၼၼ်ႉ ၵႃႈၼႂ်းလိၼ်ဢမူၺ်ႇၶဝ်ၼၼ်ႉ ပၼ်ၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉဢေႃႈ။-

4တူၵ်းၸႃႇၵွၵ်ႈသေလႄႈ မဵဝ်းပီႈမဵဝ်းၼွင်ႉၵႃႈၼႂ်းၵူၼ်းမဵဝ်း ၵေႃႇႁတ်ႉ ၼၼ်ႉလႆႈၶၢမ်ႇဢဝ်ၼၼ်ႉၸမ်ႉ၊ လုၵ်ႈလၢၼ်ယိတ်ႈပရေႃးႁဵၵ်ႈ ဢႃႇရုၼ်ႇ ဢၼ်ၶဝ်ႈပႃးၵႃႈၼႂ်းၵူၼ်းမဵဝ်း လေႇဝီႉ ၼၼ်ႉၸိူဝ်းၼၼ်ႉ လႆႈဝဵင်းၵႃႈၼႂ်းဢိူင်ႇ ယူႉတႃႉ ၊ ဢိူင်ႇ သီႉမုၼ်ႇ တင်းဢိူင်ႇ ပိၼ်ႇယႃႇမိၼ်ႇ ၼၼ်ႉ သိပ်းပၢႆသၢမ်ဝဵင်း ၵွပ်ႈပိူဝ်ႈတၢင်းဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈၼၼ်ႉဢေႃႈ။-

5ၵူၼ်းမဵဝ်း ၵေႃႇႁတ်ႉ ဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉ လႆႈဝဵင်းၵႃႈၼႂ်းဢိူင်ႇ ဢေႇၽရိမ်ႇ ၊ ဢိူင်ႇ တၢၼ်ႇ တင်းဢိူင်ႇ မၼႃႇသေႇ ၶိုင်ႈၼိုင်ႈၼၼ်ႉ သိပ်းဝဵင်းၵွပ်ႈပိူဝ်ႈတၢင်းဢၼ် ႁဵတ်းတၢင်းဢၼ်တူၵ်းၸႃႇၵွၵ်ႈၼၼ်ႉဢေႃႈ။-

6ၵူၼ်းမဵဝ်း ၵေႇရသုၼ်ႇ တင်းလၢႆ လႆႈဝဵင်းၵႃႈၼႂ်းဢိူင်ႇ ဢီႉသၶႃႇ ၊ ဢိူင်ႇ ဢႃႇသႃႇ ၊ ဢိူင်ႇ ၼပ်ႉထလီႉ တင်း မၼႃႇသေႇ ၶိုင်ႈၼိုင်ႈ ၵႃႈတီႈမိူင်း ပႃႇသၢၼ်ႇ ၼၼ်ႉ သိပ်းပၢႆသၢမ်ဝဵင်း ၵွပ်ႈပိူဝ်ႈတၢင်းဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈၼၼ်ႉဢေႃႈ။-

7ၵူၼ်းမဵဝ်း မေႇရႃႇရီႉ တင်းလၢႆၼၼ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်သေလႄႈ လႆႈဝဵင်းၵႃႈၼႂ်းဢိူင်ႇ ရူႉပိၼ်ႇ ၊ ဢိူင်ႇ ၵၢတ်ႉ တင်းဢိူင်ႇ ၸေႇပူႉလုၼ်ႇ ၼၼ်ႉ သိပ်းပၢႆသွင်ဝဵင်းဢေႃႈ။-

8ၵူၼ်းမဵဝ်း ဢီႉသရေႇလႃႉ တင်းလၢႆ ႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈ ပၼ်ဝဵင်းၸိူဝ်းၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉ တီႈၵူၼ်းမဵဝ်း လေႇဝီႉ တင်းလၢႆ ၸွမ်းၵႃႈၼင်ႇဢၼ်ထႃႇဝရႃႉၽြႃး ဢဝ်တင်း မူဝ်းသေႇ သင်ႇလၢတ်ႈဝႆႉၼၼ်ႉဢေႃႈ။

9ၶဝ်ဢဝ်ဝဵင်းဢၼ် တၵ်းဢဝ်ၸိုဝ်ႈဢဝ်သဵင်သေလႄႈ ဝႃႈဝႆႉၵႃႈတီႈၼႆႈၸိူဝ်းၼၼ်ႉ ၵႃႈၼႂ်းဢိူင်ႇၵူၼ်းမဵဝ်း ယူႉတႃႉ ၊ ဢိူင်ႇၵူၼ်းမဵဝ်း သီႉမုၼ်ႇ ၼၼ်ႉပၼ်ဢေႃႈ။-

10ဝဵင်းၸိူဝ်းၼႆႉ ပဵၼ်ပုၼ်ႈလုၵ်ႈလၢၼ် ဢႃႇရုၼ်ႇ ၊ ဢၼ်ၶဝ်ႈပႃးၼႂ်းမဵဝ်းပီႈမဵဝ်းၼွင်ႉၵူၼ်းမဵဝ်း ၵေႃႇႁတ်ႉ ဢၼ်ၶဝ်ႈပႃးၼႂ်း ၵူၼ်းမဵဝ်း လေႇဝီႉ ၸိူဝ်းၼၼ်ႉ ၵွပ်ႈပိူဝ်ႈတၢင်းဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈၵမ်းပထမႃႉၼၼ်ႉ ၸၢပ်ႈသႅင်ႇၵၼ်တင်းၶဝ်ၼၼ်ႉဢေႃႈ။-

11ၶဝ်ဢဝ်ဝဵင်း ဢႃႇၽႃႉ ဢၼ်ပဵၼ်ပေႃႈ ဢႃႇၼၵႃႉ ဢၼ်ဝႃႈဝဵင်း ႁေႇပြုၼ်ႇ ၵႃႈၼိူဝ်ႁၢၼ်ႉလွႆ ယူႉတႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းၼၼ်ႉပၼ်တီႈၶဝ်ၼၼ်ႉဢေႃႈ။-

12ၵူၺ်းၵႃႈ ႁႆႊၼႃးမၼ်းလႂ်၊ ဝၢၼ်ႈမၼ်းလႂ်ၼၼ်ႉၸိုင်၊ ၶဝ်ပၼ်တီႈ ၵႃႇလႅပ်ႉ လုၵ်ႈၸၢႆး ယေႇၽုၼ်ႇၼႃႉ ၼၼ်ႉ ႁႂ်ႈမၼ်းပိူင်ႇဢေႃႈ။-

13ၶဝ်ဢဝ်ဝဵင်း ႁေႇပြုၼ်ႇ ဢၼ်ပဵၼ်ဝဵင်းတီႈဢၼ် ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းပၢႆႈၸူးလႄႈသွၼ်ႈပိုင်ႈၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း လီႉပၼႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

14ဝဵင်း ယတ်ႉတီႉရႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ဢေးသတေႇမေႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

15ဝဵင်း ႁေႃးလုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း တေႇပီႉရႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

16ဝဵင်း ဢႃႇဢီႉၼႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ယုတ်ႉတႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ပႅတ်ႉသေးမိတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းၵဝ်ႈဝဵင်းၵႃႈၼႂ်းဢိူင်ႇသွင်ဢိူင်ႇၼၼ်ႉ ပၼ်တီႈလုၵ်ႈလၢၼ်ယိတ်ႈပရေႃးႁဵၵ်ႈ ဢႃႇရုၼ်ႇ ၸိူဝ်းၼၼ်ႉဢေႃႈ။-

17ၵႃႈၼႂ်းဢိူင်ႇ ပိၼ်ႇယႃႇမိၼ်ႇ ၵေႃႈ ၶဝ်ဢဝ်ဝဵင်း ၵီႉပွင်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ၵေႇပႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

18ဝဵင်း ဢႃႇၼသုတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ဢႃႇလမုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသီႇဝဵင်းၼၼ်ႉပၼ်ဢေႃႈ။-

19ဝဵင်းၵႃႈဢၼ်ယိတ်ႈပရေႃးႁဵၵ်ႈ လုၵ်ႈလၢၼ် ဢႃႇရုၼ်ႇ ၸိူဝ်းၼၼ်ႉလႆႈတင်းသဵင်ႈတင်းလူင်ၼၼ်ႉၸမ်ႉ၊ မီးသိပ်းပၢႆသၢမ်ဝဵင်း ဢိၵ်ႇလူၺ်ႈၵၼ်တင်းလိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။-

20မဵဝ်းပီႈမဵဝ်းၼွင်ႉၵူၼ်းမဵဝ်း ၵေႃႇႁတ်ႉ ဢၼ်ၶဝ်ႈပႃးၵႃႈၼႂ်းၵူၼ်းမဵဝ်း လေႇဝီႉ လႄႈ ယင်းၵိုတ်းယင်းၵျၢၼ်ႇယူႇၸိူဝ်းၼၼ်ႉ လႆႈဝဵင်းဢၼ်ၸၢပ်ႈသႅင်ႇၵၼ်တင်း တၢင်းဢၼ်တူၵ်းၸႃႇၵွၵ်ႈၶဝ်ၼၼ်ႉ ၵႃႈၼႂ်းဢိူင်ႇ ဢေႇၽရိမ်ႇ ဢေႃႈ။-

21ၶဝ်ဢဝ်ဝဵင်း သေႇၶိမ်ႇ ၵႃႈၼိူဝ်ႁၢၼ်ႉလွႆ ဢေႇၽရိမ်ႇ ဢၼ်ပဵၼ်ဝဵင်းတီႈဢၼ်ၵေႃႉဢၼ် ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းပၢႆႈၸူးလႄႈသွၼ်ႈပိုင်ႈၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ၵေႇၸႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

22ဝဵင်း ၵီႉပၸိမ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ပေႇသေႃႇရုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသီႇဝဵင်းၼၼ်ႉ ပၼ်တီႈၶဝ်ၼၼ်ႉဢေႃႈ။-

23ၵႃႈၼႂ်းဢိူင်ႇ တၢၼ်ႇ ၵေႃႈ ၶဝ်ဢဝ်ဝဵင်း ဢေးလတေးၵႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ၵိပ်ႉပသုၼ်ႇ ဢိၵ်ႇတင်း လိၼ်တီႈဢၼ်လဵပ်ႈႁွပ်ႈမၼ်း၊-

24ဝဵင်း ဢႃႇၸလုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ တင်းဝဵင်း ၵႃႇသႃႇရိမ်ႇမုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇဝဵင်းၼၼ်ႉပၼ်တီႈၶဝ်ၼၼ်ႉဢေႃႈ။-

25ၵႃႈၼႂ်းဢိူင်ႇ မၼႃႇသေႇ ၶိုင်ႈၼိုင်ႈၵေႃႈ ၶဝ်ဢဝ်ဝဵင်း တႃႇၼၵ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ တင်းဝဵင်း ၵႃႇသႃႇရိမ်ႇမုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသွင်ဝဵင်းၼၼ်ႉပၼ်တီႈၶဝ်ၼၼ်ႉဢေႃႈ။-

26ဝဵင်းၵႃႈဢၼ်မဵဝ်းပီႈမဵဝ်းၼွင်ႉ ၵူၼ်းမဵဝ်း ၵေႃႇႁတ်ႉ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉ လႆႈတင်းသဵင်ႈတင်းလူင်ၼၼ်ႉၸမ်ႉ၊ မီးသိပ်းဝဵင်းဢိၵ်ႇလူၺ်ႈၵၼ်တင်းလိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။-

27တီႈၵူၼ်းမဵဝ်း ၵေႇရသုၼ်ႇ ဢၼ်ၶဝ်ႈပႃးၵႃႈၼႂ်းမဵဝ်းပီႈမဵဝ်းၼွင်ႉၵူၼ်းမဵဝ်း လေႇဝီႉ ၸိူဝ်းၼၼ်ႉၵေႃႈ ၶဝ်ဢဝ်ဝဵင်း ၵေႃႇလၼ်ႇ ၵႃႈၼႂ်းမိူင်း ပႃႇသၢၼ်ႇ ဢၼ်ပဵၼ်ဝဵင်းတီႈဢၼ် ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းလႆႈပၢႆႈၸူးလႄႈသွၼ်ႈပိုင်ႈၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း တင်းဝဵင်း ပေႇသႃႉတေႇရႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသွင်ဝဵင်းၵႃႈၼႂ်းဢိူင်ႇ မၼႃႇသေႇ ၶိုင်ႈၼိုင်ႈၼၼ်ႉပၼ်ဢေႃႈ။-

28ၵႃႈၼႂ်းဢိူင်ႇ ဢီႉသၶႃႇ ၵေႃႈ ၶဝ်ဢဝ်ဝဵင်း ၵီႉသုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း တႃႇပရေႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

29ဝဵင်း ယႃႇမုတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ဢိၼ်ႇၵၼ်ႇၼိမ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇဝဵင်းၼၼ်ႉပၼ်ဢေႃႈ။-

30ၵႃႈၼႂ်းဢိူင်ႇ ဢႃႇသႃႇ ၵေႃႈ ၶဝ်ဢဝ်ဝဵင်း မီႉသလႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ဢႃႇပတုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

31ဝဵင်း ႁေႇလၵတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ရႃႇႁေႃႇၽႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇဝဵင်းၼၼ်ႉပၼ်ဢေႃႈ။-

32ၵႃႈၼႂ်းဢိူင်ႇ ၼပ်ႉထလီႉ ၵေႃႈ ၶဝ်ဢဝ်ဝဵင်း ၵေႇတေႇသႃႉ ၵႃႈၼႂ်းမိူင်း ၵႃႇလီႉလႄး ဢၼ်ပဵၼ်ဝဵင်းတီႈဢၼ် ၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းလႆႈပၢႆႈၸူးလႄႈသွၼ်ႈပိုင်ႈၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ႁမ်ႇမုတ်ႉတေႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း တင်းဝဵင်း ၵႃႇတၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသၢမ်ဝဵင်းၼၼ်ႉပၼ်ဢေႃႈ။-

33ဝဵင်းၵႃႈဢၼ်ၵူၼ်းမဵဝ်း ၵေႇရသုၼ်ႇ ၸိူဝ်းၼၼ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်သေလႄႈ လႆႈတင်းသဵင်ႈတင်းလူင်ၼၼ်ႉၸမ်ႉ၊ မီးသိပ်းပၢႆသၢမ်ဝဵင်း ဢိၵ်ႇလူၺ်ႈၵၼ်တင်းလိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။

34တီႈမဵဝ်းပီႈမဵဝ်းၼွင်ႉၵူၼ်းမဵဝ်း မေႇရႃႇရီႉ ဢၼ်ယင်းၵိုတ်းယင်းၵျၢၼ်ႇယူႇၵႃႈၼႂ်းၵူၼ်းမဵဝ်း လေႇဝီႉ ၼၼ်ႉၵေႃႈ၊ ၶဝ်ဢဝ်ဝဵင်း ယေႃးၵၼမ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ၵႃႇတႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

35ဝဵင်း တီႉမၼႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း တင်းဝဵင်း ၼႁႃႇလႃႇလႃႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း ဢၼ်ဝႃႈဝဵင်းသီႇဝဵင်းၵႃႈၼႂ်းဢိူင်ႇ ၸေႇပူႉလုၼ်ႇ ၼၼ်ႉပၼ်ဢေႃႈ။-

36ၵႃႈၼႂ်းဢိူင်ႇ ရူႉပိၼ်ႇ ၵေႃႈ ၶဝ်ဢဝ်ဝဵင်း ပေႇၸႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ယႃႇႁႃႉၸႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

37ဝဵင်း ၵေႇတမုတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း တင်းဝဵင်း မေႇၽတ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇဝဵင်းၼၼ်ႉပၼ်ဢေႃႈ။-

38ၵႃႈၼႂ်းဢိူင်ႇ ၵၢတ်ႉ ၵေႃႈ ၶဝ်ဢဝ်ဝဵင်း ရႃႇမုတ်ႉ ၵႃႈၼႂ်းမိူင်း ၵီႉလတ်ႉ ဢၼ်ပဵၼ်ဝဵင်းတီႈဢၼ်ၵေႃႉဢၼ် ဢဝ်ဢသၢၵ်ႈၵူၼ်းတၢႆမႅၼ်ႈ တၵ်းလႆႈပၢႆႈၸူးလႄႈသွၼ်ႈပိုင်ႈၼၼ်ႉ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း မႁႃႇၼိမ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊-

39ဝဵင်း ႁေႇသၽုၼ်ႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်း၊ ဝဵင်း ယႃႇၸႃႇ ဢိၵ်ႇတင်းလိၼ်တီႈဢၼ်လဵပ်ႈႁွပ်ႈမၼ်းဢၼ်ဝႃႈ ဝဵင်းသီႇဝဵင်းၼၼ်ႉပၼ်ဢေႃႈ။-

40ဝဵင်းၵႃႈမီးၸိူဝ်းၼႆႉၸမ်ႉ၊ ပဵၼ်ဝဵင်းဢၼ်ၵူၼ်း မေႇရႃႇရီႉ ဢၼ်ယင်းၵိုတ်းယင်းၵျၢၼ်ႇ ၵႃႈတီႈၵူၼ်းမဵဝ်း လေႇဝီႉ ၸိူဝ်းၼၼ်ႉ လႆႈၶၢမ်ႇဢဝ် ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ၼၼ်ႉဢေႃႈ။ ႁဵတ်းတၢင်းဢၼ်တူၵ်းၸႃႇၵွၵ်ႈလႄႈ ၶဝ်လႆႈဝဵင်းသိပ်းပၢႆသွင်ဝဵင်းဢေႃႈ။-

41ဝဵင်းဢၼ်ၵူၼ်းမဵဝ်း လေႇဝီႉ လႆႈၵႃႈၼႂ်းမိူင်းတီႈယူႇၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉ တင်းသဵင်ႈတင်းလူင်ၸမ်ႉ၊ မီးဝဵင်းသီႇသိပ်းပၢႆပႅတ်ႇဝဵင်း ဢိၵ်ႇလူၺ်ႈၵၼ်တင်းလိၼ်တီႈဢၼ်လဵပ်ႈႁွပ်ႈမၼ်းၸိူဝ်းၼၼ်ႉဢေႃႈ။-

42ဝဵင်းၵႃႈမီးၸိူဝ်းၼႆႉၼၼ်ႉ ပႃးလိၼ်တီႈဢၼ်လဵပ်ႈႁွပ်ႈၸွမ်းႁိမ်းမၼ်းဝႆႉယူႇဢေႃႈ။ ဝဵင်းၵႃႈမီးတင်းသဵင်ႈတင်းလူင် ပဵၼ်မိူၼ်ၸိူဝ်ႉၼင်ႇၼၼ်ဢေႃႈ။

43ၼင်ႇၼၼ်လႄႈ ထႃႇဝရႃႉၽြႃးဢဝ်မိူင်းၵႃႈဢၼ်မၼ်းၸဝ်ႈ တိူင်ႇဝႃႈဝႆႉတီႈပူႇမွၼ်ႇၵူၼ်းမဵဝ်း ဢီႉသရေႇလႃႉ တင်းလၢႆၸိူဝ်းၼၼ်ႉလႄႈဝႃႈ၊ တၵ်းပၼ် ဝႃႈၼင်ႇၼႆဝႆႉၼၼ်ႉ ပၼ်တီႈၵူၼ်းမဵဝ်း ဢီႉသရေႇလႃႉ တင်းလၢႆလႄႈ ၶဝ်ၼၼ်ႉသိမ်းဢဝ်သေလႄႈယူႇၵႃႈၼႂ်းမၼ်းဢေႃႈ။-

44ထႃႇဝရႃႉၽြႃးပၼ်ဢၶႂၢင်ႉဢၼ်ၵႃႈတီႈႁိမ်းႁွမ်းလဵပ်ႈႁွပ်ႈၶဝ်ၼၼ်ႉ ၼိမ်လီယဵၼ်လီၸွမ်းၵႃႈၼင်ႇဢၼ် မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇၶဝ်ၼၼ်ႉလႄႈ ရၢၼ်ႇသူႇဢမ်ႇၸုၵ်းၶၢမ်ႇယူႇၵႃႈတီႈၽၢႆႇၼႃႈၶဝ်လႆႈ သေၵေႃႉသေၵူၼ်း။ ထႃႇဝရႃႉၽြႃး ဢဝ်ရၢၼ်ႇသူႇၶဝ်တင်းသဵင်ႈတင်းလူင် ဢၢပ်ႈပၼ်ၵႃႈၼႂ်းမိုဝ်းၶဝ်ဢေႃႈ။-

45တၢင်းလီဢၼ်ထႃႇဝရႃႉၽြႃး မီးဢမိင်ႉဝႆႉတီႈၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉ ဢမ်ႇလုတ်ႈဢမ်ႇယွမ်းသေၸိူဝ်ႉသေဢၼ်၊ ၵႃႈမီးၼၼ်ႉပဵၼ်တင်းသဵင်ႈတင်းလူင်ဢေႃႈ။