Joshua 12

Sotho 1951 (BIBELE)

← Chapter 11 Jump to: Chapter 13 →

1Šedi dikgoši tša naga yeo, tše Baisiraele ba di fentšego ba tšea naga ya tšona mošola wa Jorodane thoko ya bohlabela, go tloga ka noka ya Arinoni go fihla thabeng ya Herimone, le molala ka moka wa thoko yeo ya bohlabela.

2Ke Sihoni kgoši ya Baamoro, e a bego a dutše Hesiboni a buša go tloga ka Aroere nokeng ya Arinoni, go tloga ka mo gare ga moela, le seripa sa naga ya Gileada, go fihla nokeng ya Jaboko e lego mollwane wa Baamoni.

3A buša le molala o kgotlago Lewatleng la Genetsareta ka thoko ya Bohlabela, go goma ka lewatle la molala, e lego lewatle la letswai, tseleng ye e lebago Bethe-Jesimothe, le patoga ya thaba ya Pisiga ka thoko ya borwa.

4Le naga ya Ogo kgoši ya Basani, e lego e mongwe wa mašalela a ba megwanggwang, a dutše Asitharothe le Ederei.

5A buša thabeng ya Herimone, a buša la Salika le la Basani ka moka go goma ka mollwane wa Bagesuri le Bamaakati, le seripa sa la Gileada, a neana mellwane le Sihoni kgoši ya Hesiboni.

6Ke bona ba go fenywa ke Moshe mohlanka wa Morena a na le Baisiraele; gomme naga tšeo Moshe mohlanka wa Morena o di neile Barubeni le Bagada le seripa sa Bamanase gore e be magae a bona.

7Šedi dikgoši le dinaga tše Joshua a di fentšego ka mošono wa noka ya Jorodane ka thoko ya bodikela, go tloga ka Baali-Gada moeding wa Libanoni, go fihla dithabeng tša magwete tše di rotogelago Seire, tše Joshua a di neilego meloko ya Isiraele ya ba magae a bona ka dilete tša bona.

8Dithabeng le melaleng, le magoleng, le dipatogeng tša dithaba, le lešokeng la thoko ya borwa, la Bahethe le la Baamoro, le la Bakanana, le la Bapheresi, le la Bahefi, le la Bajebusi,

9kgoši ya Jeriko e tee, le kgoši e tee ya Ai motse wola o bego o batagane le Bethele,

10kgoši ya Jerusalema e tee, le kgoši ya Heburone e tee,

11kgoši ya Jaramuthe e tee, le kgoši ya Lakisi e tee,

12kgoši ya Egilone e tee, le kgoši ya Gesere e tee,

13kgoši ya Debiri e tee, le kgoši ya Gedere e tee,

14kgoši ya Horama e tee, le kgoši ya Aradi e tee,

15kgoši ya Libina e tee, le kgoši ya Adulama e tee,

16kgoši ya Makeda e tee, le kgoši ya Bethele e tee,

17kgoši ya Thapua e tee, le kgoši ya Hefere e tee,

18kgoši ya Afeke e tee, le kgoši ya Sarona e tee,

19kgoši ya Madoni e tee, le kgoši ya Hatsora e tee,

20kgoši ya Simirone-Merone e tee, le kgoši ya Akisafa e tee,

21kgoši ya Thaanake e tee, le kgoši ya Megido e tee,

22kgoši ya Kedese e tee, le kgoši e tee ya Jokoneama thabeng ya Karamele,

23kgoši e tee ya Doro mabaleng a Doro, le kgoši e tee ya dithaba tša Giligala,

24kgoši ya Thiritsa e tee. Ka moka ke dikgoši tše masome a mararo a motšo o tee.

← Chapter 11 Jump to: Chapter 13 →