Joshua 19

Sotho 1951 (BIBELE)

← Chapter 18 Jump to: Chapter 20 →

1Gwa tšwa tengwa la Simeone, la ba leloko la Basimeone ka dilete tša bona. Naga ya bona ya ba gare ga naga ya Bajuda.

2Ba newa motse wa Bereseba, le wa Seba, le wa Molada, ya ba magae a bona.

3Le wa Hasara-Suali, le wa Bala, le wa Atsema,

4le wa Elitholadi, le wa Bethuli, le wa Horoma,

5le wa Tsikilaka, le wa Bethe Marakabothe, le wa Hasara-Susa,

6le wa Bethe-Lebaothe, le wa Saruhene. Ke metse e lesome le metšo e meraro le metsana ya yona.

7Le wa Aine le wa Rimoni, le wa Ashani, Ke metse e mene le metsana ya yona.

8Le metsana ka moka e dikologilego metse yeo go goma ka Balathe-Bere, e lego wona wa Rama wa thoko ya borwa. Ke yona naga ya ba leloko la Simeone ka dilete tša bona.

9Naga ya Basimeone e mo gare ga naga ya Bajuda, ka gobane ye e aroletšwego Bajuda e be e le e kgolo e ba feta; ya ba gona Basimeone ba neilwego magae gare ga bona.

10Tengwa la boraro la tšwela Basebulone ka dilete tša bona. Mollwane wa bona o tla Sarida.

11O rotoga o leba bodikela wa tla Mareala, o kgotla Dabasethe, o fihla nokeng ya Jokoneama ka thoko ya bohlabela.

12Ge o leba bohlabela o tloga Sarida wa yo fihla mollwaneng wa Kisilothe-Thabora, wa fetela Daberathe, wa rotogela Jafia.

13O tšwa moo o leba bohlabela wa tla Gathi-Hefere le Etha-Katsini, wa tšwela Rimoni o leba Nea.

14Wa o potologa ka thoko ya leboa wa tla Hanathone, wa kgotla ka moedi wa Jifithaele.

15Le Kathate, le Nahalale, le Simirone, le Jedeala, le Betlehema. Ke metse e lesome le metšo e mebedi le metsana ya yona.

16Ke yona naga ya Basebulone ka dilete tša bona, le metse yeo le metsana ya yona.

17Tengwa la bone la tšwela Isashara, ba leloko la Isashara ka dilete tša bona.

18Mollwane wa bona ke Jeseriele, le Kesulothe, le Sunema,

19le Hafaraima, le Sioni, le Anaharathe,

20le Rabithi, le Kisioni, le Ebetse,

21le Remetha, le Enganima, le Ene-Hada, le Bethe-Patsetse.

22Gomme mollwane o kgotla ka Thabora, le Sahatsima, le Bethe-Semese, wa yo fetela nokeng ya Jorodane.

23Ke yona naga ya ba leloko la Isashara ka dilete tša bona, metse le metsana ya bona.

24Tengwa la bohlano la tšwela ba leloko la Baasere ka dilete tša bona.

25Mollwane wa bona o tla Helekathe, le Hali, le Betene, le Akisafa,

26le Amaleke, le Ameada, le Misaele, o kgotla ka thaba ya Karamele ka thoko ya bodikela, le Sihoro-Libinathe;

27O buša o leba Bohlabela wa ya Bethe-Dagona, o kgotla Sebulone le moedi wa Jithaele ka thoko ya leboa ya Bethe-Emeke le Negiele, o tšwela Kabulu ka thoko ya la ntšogošo,

28le Eburone, le Rehobo, le Hamona, le Kana, go fihla motseng o mogolo wa Sidoni.

29O fapogela Rama wa tla Tiro motseng wa sebo, wa boa wa leba Hosa wa yo kgotla ka lewatle o tlogetše la Akasiba.

30Le wa Uma, le wa Afeke, le wa Rehobo, e lego metse e masome a mabedi le metšo e mebedi, metse le metsana ya yona.

31Ke yona naga ya ba leloko la ba Asere ka dilete tša bona, metse le metsana ya yona.

32Ba leloko la Nafutali ba tšwelwa ke tengwa la go selela ka dilete tša bona.

33Mollwane wa bona o tla Helefe, le Elone, o fihla Tsaanaima, le Adami Nekebe, le Jabiniele, le Lakuma, wa felela nokeng ya Jorodane.

34O leba bodikela kwa Asinothe-Thabora, o tloga ntshe o leba Hukoka, o kgotla ka la Sebulone thoko ya borwa, le ka la Asere ka thoko ya bodikela, le ka la Juda le ka noka ya Jorodane ka thoko ya bohlabela.

35Metse ya dibo ke Tsidima, le Tsere, le Hamathi, le Rakathe, le Kinarethe,

36le Adama, le Rama, le Hatsora,

37le Kedese, le Ederei, le Ene-Hatsora,

38le Jireoni, le Migidalaele, le Horema, le Bethe-Anathe, le Bethe-Semese. Ke metse e lesome le metšo e senyane le metsana ya yona.

39Ke yona naga ya ba leloko la Nafutali ka dilete tša bona, metse le metsana ya bona.

40Tengwa la go šupa la tšwela ba leloko la Dani, ka dilete tša bona.

41Mollwane wa naga ya bona o tla Tsarea, le Esithaolo, le Iri-Semese,

42le Saalabini, le Ajaloni, le Jitila,

43le Elone, le Thiminatha, le Ekironi,

44le Etheke, le Gibethone, le Baalathe,

45le Jehudi, le Bene-Baraka, le Gathi-Rimoni,

46le Majarakoni, le Rakoni, le khonu e lebago Jafo.

47Naga ya Badani e be e pitlagane, ka gona Badani ba rotoga ba lwa le Lesema, ba o thopa, ba o fenya ka bogale bja marumo, ba o tšea ba dula go wona, ba o rea leina la Lesemadani ka la Dani tatabo.

48Ke ona magae a ba leloko la Dani ka dilete tša bona, ke yona metse le metsana ya gona.

49Ya re ge ba feditše go abaganya naga ka mellwane ya yona, Baisiraele ba nea Joshua morwa wa Nuni kabelo ya gagwe.

50Ka taelo ya Morena ba mo nea motse wo a o kgopelago, e lego wa Thiminathe-Sera dithabeng tša Efuraimi. A aga motse a dula gona.

51Ke ona magae ao Eleasara moperisita le Joshua morwa wa Nuni le bagolo ba meloko ya Baisiraele ba a aroletšego Baisiraele ka matengwa ba le kua Silo pele ga Morena mojako wa Ngwako wa Kgwerano. Ke mo ba feditšego go arolelana naga.

← Chapter 18 Jump to: Chapter 20 →