Joshua 21

Sotho 1951 (BIBELE)

← Chapter 20 Jump to: Chapter 22 →

1Gwa batamela bagolo ba Balefi, ba tla go Eleasara moperisita le go Joshua morwa wa Nuni le go bagolo ba meloko ya Baisiraele.

2Ba bolela le bona ba le Silo nageng ya Kanana ba re: Morena o laetše Moshe a re, rena re fiwe metse ya go dula, le mafulo a yona a diruiwa tša rena.

3Gomme Baisiraele ba nea Balefi metse le mafulo a yona mo nageng tša bona, ba dira ka mo Morena a laetšego ka gona.

4Tengwa la Bakahathe la tšwa le metse e lesome le metšo e meraro ya Balefi ba leloko la Arone mo nageng ya Juda le ya Benyamini.

5Ba bangwe ba leloko la Kahathe ba newa metse e lesome ka tengwa mo nageng ya Baefuraimi le ya Badani le ya Bamanase.

6Ba leloko la Gerisone ba newa metse e lesome le metšo e meraro mo nageng ya Baisashara le ya Baasere le ya Banafutali le ya Bamanase ba seripa sa kwa Basani.

7Ba leloko la Merari ka dilete tša bona ba newa metse e lesome le metšo e mebedi mo nageng ya Barubeni le ya Bagada le ya Basebulone.

8Metse yeo le mafulo a yona Baisiraele ba a neile Balefi ka go dira matengwa, ka mo Morena a bego a laetše Moshe.

9Mo go leloko la Juda le la Simeone ba ntšhitše metse, ba e botša ka maina a yona,

10Ya ba ya Baarone ba leloko la Kahathe ba Balefi, ka gobane tengwa la pele e be e le la bona.

11Ba ba nea motse wa Araba tatago Enaki, e lego wa Heburone, dithabeng tša Juda le mafulo a a o dikologago.

12Ga e le mašemo a motse woo le metsana ya gona e be e neilwe Kalebe morwa wa Jefune ya ba magae a gagwe.

13Barwa ba Arone moperisita ba neilwe motse wa Heburone, ya ba wa setšhabelo sa babolai, le wa Libina le mafulo a wona,

14le wa Jathiri le mafulo a wona, le wa Esithemoa le mafulo a wona,

15le wa Holoni le mafulo a wona, le wa Debiri le mafulo a wona,

16le wa Ajima le mafulo a wona, le wa Juta le mafulo a wona, le wa Bethe-Semese le mafulo a wona. Ke metse e senyane ya meloko e mebedi yeo.

17Mo go ya leloko la Benyamini ba ntšha motse wa Gibeoni le mafulo a wona, le wa Geba le mafulo a wona,

18le wa Anathothe le mafulo a wona, le wa Alamone le mafulo a wona. Ke metse e mene.

19Metse ya ba leloko la Arone, baperisita, ya ba e lesome le metšo e meraro yeo, metse le mafulo a yona.

20Ba meloko ya Bakahathe ba Balefi, e lego ya barwa ba bangwe ba Kahathe, bona ba newa ya bona ka tengwa mo go Baefuraimi.

21Ba newa motse wa Sikeme, ya ba motse wa setšhabelo sa babolai, le mafulo a wona mo dithabeng tša Efuraimi, le wa Jasere le mafulo a wona,

22le wa Kibitsaima le mafulo a wona, le wa Bethe-Horoni le mafulo a wona; ya ba metse e mene.

23Mo go Badani ba newa wa Eletheke le mafulo a wona, le wa Gibethoni le mafulo a wona,

24le wa Ajaloni le mafulo a wona, le wa Gathi-Rimoni le mafulo a wona; ya ba metse e mene.

25Mo go seripa sa Bamanase ba newa wa Thaanake le mafulo a wona, le wa Gathi-Rimoni le mafulo a wona; ya ba metse e mebedi.

26Metse ka moka ya ba bangwe bao ba moloko wa Kahathe ke e lesome le mafulo a yona.

27Mo go seripa se sengwe sa Bamanase gwa newa Bagerisoni ba Balefi; ba newa motse wa Golane wa kua Basani, ya ba setšhabelo sa babolai, le mafulo a wona, le wa Besethera le mafulo a wona; ya ba metse e mebedi.

28Mo go Baisashara ba newa wa Kisijoni le mafulo a wona, le wa Dabarathe le mafulo a wona,

29le wa Jaramuthe le mafulo a wona, le wa Enganima le mafulo a wona; ya ba metse e mene.

30Mo go Baasere ba newa wa Misaele le mafulo a wona, le wa Abadoni le mafulo a wona,

31le wa Helekathe le mafulo a wona, le wa Rehobo le mafulo a wona; ya ba metse e mene.

32Mo go Banafutali ba newa motse wa setšhabelo sa babolai, wa Kedese mo go la Galilea le mafulo a wona, le wa Hamothe-Doro le mafulo a wona, le wa Karethane le mafulo a wona; ya ba metse e meraro.

33Metse ka moka ya Bagerisone ka dilete tša bona ya ba e lesome le metšo e meraro le mafulo a yona.

34Ba bangwe ba leloko la Bamerari ba Balefi ba neilwe metse mo go leloko la Basebulone, wa Jokoneama le mafulo a wona, le wa. Karetha le mafulo a wona,

35le wa Dimina le mafulo a wona, le wa Nahalale le mafulo a wona; ya ba metse e mene.

36Mo go Barubeni ba newa wa Betsere le mafulo a wona, le wa Jatsa le mafulo a wona,

37le wa Kedemothe le mafulo a wona, le wa Mefaathe le mafulo a wona; ya ba metse e mene.

38Mo go Bagada ba newa wa Ramothe-Gileada, motse wa setšhabelo sa babolai, le mafulo a wona, le wa Mahanaima le mafulo a wona,

39le wa Hesiboni le mafulo a wona, le wa Jaesere le mafulo a wona; ka moka ya ba metse e mene.

40Metse ka moka ya Bamerari ka dilete tša bona, ya ba ba šetšego ba leloko la Lefi, ye ba e neilwego ka go direlwa matengwa, e be e le e lesome le metšo e mebedi.

41Metse ka moka ya Balefi ya mo dinageng tša Baisiraele e be e le metse e masome a mane a metšo e seswai le mafulo a yona.

42O mongwe le o mongwe wa metse yeo o na le mafulo a wona a o dikologago. Go metse yeo ka moka go be go le bjalo.

43Morena o neile Baisiraele naga ka moka ye a kilego a ena a rera botatabo a re o tlo ba fa yona; ba e tšea ba dula mo go yona.

44Morena a ba khutšiša ka thoko tše go fela, a dira tšohle tše a di enetšego botatabo. Ge ba fihla go be go sa eme le o tee wa manaba a bona. Manaba a bona ka moka Morena o a gafetše diatleng tša bona.

45Ga go a hlaela le setee sa tše botse ka moka tše Morena a di boditšego ba setšhaba sa Isiraele; ka moka di be di tšweletše.

← Chapter 20 Jump to: Chapter 22 →